વિષ્ણુધર્મોત્તરપુરાણમ્ · અધ્યાય 1.59

શ્રીરામ ઉવાચ॥
ઉપોષિતેન યેનેહ યંયં કામં પ્રયચ્છતિ ॥
તદહં શ્રોતુમિચ્છામિ ગદતસ્તે વૃષધ્વજ

શંકર ઉવાચ॥
પૂજિતઃ પ્રયતૈઃ સ્નાનૈઃ સોપવાસૈર્દિને રવેઃ॥
સંવત્સરં મહાભાગ દીર્ઘમાયુઃ પ્રયચ્છતિ

સોમવારે મહાભાગ ચારોગ્યં સંપ્રયચ્છતિ ॥
તથા ભૌમદિને રામ વૈશ્વર્યં સંપ્રયચ્છતિ

વાસરે સોમપુત્રસ્ય સર્વાન્કામાન્પ્રયચ્છતિ ॥
અભીષ્ટાઞ્ચ તથા વિદ્યામાખણ્ડલગુરોર્દિને

સૌભાગ્યમતુલં લોકે ભાર્ગવાહ્નિ પ્રયચ્છતિ ॥
તથા શનૈશ્ચરસ્યાહ્નિ રિપૂન્સર્વાન્વ્યપોહતિ

કૃત્તિકાસુ તથાઽભ્યર્ચ્ય યજ્ઞાન્પ્રાપ્નોત્યનુત્તમાન્ ॥
પ્રાજાપત્યે તથાઽભ્યર્ચ્ય પ્રજાં પ્રાપ્નોતિ શોભનામ્

વિન્દતે બ્રહ્મવર્ચસ્યં મૃગશીર્ષેઽર્ચયન્હરિમ્ ॥
રૌદ્રકર્મત્વમાપ્નોતિ સિદ્ધિં રૌદ્રે સમર્ચયન્

ચ્યુતઃ સ્થાનમવાપ્નોતિ પૂજયાનઃ પુનર્વસૌ ॥
પુષ્યે સંપૂજિતો દેવઃ પુષ્ટિમગ્ર્યાં પ્રયચ્છતિ

અશ્લેષાયાં તથાઽભ્યર્ચ્ય શ્રિયં વિન્દતિ માનવઃ ॥
પિતૃપ્રસાદમાપ્નોતિ પિત્ર્યે સંપૂજન્હરિમ્

સૌભાગ્યં મહદાપ્નોતિ ફાલ્ગુનીષ્વર્ચયંસ્તથા ॥
તથૈવ ચોત્તરાયોગે ગતિં વિન્દતિ શોભનામ્

હસ્તે સંપૂજયન્દેવં ગજાન્પ્રાપ્નોત્યનુત્તમાન્ ॥
ચિત્રાસુ ચ તથાઽભ્યર્ચ્ય વસ્ત્રાણ્યાપ્નોતિ માનવઃ

આપ્યે સમર્ચયન્દેવં રત્નભાગી ભવેન્નરઃ ॥
તથોત્તરાસ્વાષાઢાસુ કીર્તિં પ્રાપ્નોતિ શાશ્વતીમ્

સર્વાન્કામાનવાપ્નોતિ શ્રવણેઽભ્યર્ચયન્હરિમ્ ॥
ધનિષ્ઠાસુ તથા વિત્તમારોગ્યં વારુણે તથા

આજે પશૂનવાપ્નોતિ ગાવશ્ચ તદનન્તરમ્ ॥
પૌષ્ણે શીલમવાપ્નોતિ ચાશ્વાન્પ્રાપ્નોતિ ચાઽશ્વિને

દીર્ઘજીવિતમાપ્નોતિ ભરણીષુ મહાભુજ ॥
પ્રતિપદ્યર્થમાપ્નોતિ કુપ્યં પ્રાપ્નોત્યનુત્તમમ

સર્વાન્કામાનવાપ્નોનિ તૃતીયાયાં સમર્ચયન્ ॥
પશૂઁશ્ચતુર્થ્યામાપ્નોતિ પઞ્ચમ્યાં શ્રિયમુત્તમામ્

ષષ્ઠયાં પ્રાપ્નોત્યથાઽઽરોગ્યં સપ્તમ્યાં સુહૃદસ્તથા ॥
અષ્ટમ્યાં ચ તથા ભૃત્યાન્નવમ્યાં ચ તથા યશઃ

કર્મસિદ્ધિમવાપ્નોતિ દશમ્યાં પૂજયન્હરિમ્ ॥
એકાદશ્યાં પૂજયાનઃ શ્રીભાગી સ સદા ભવેત

અભીષ્ટાં ગતિમાપ્નોતિ દ્વાદશ્યાં પૂજયન્હરિમ્ ॥
ત્રયોદશ્યાં પૂજયાનો રૂપં પ્રાપ્નોત્યનુત્તમમ્

ન દુર્ગતિમવાપ્નોતિ પૂજયાનશ્ચતુર્દશીમ ॥
સર્વાન્કામાનવાપ્નોતિ પઞ્ચદશ્યાં મહામુને

ઇત્યેતદુક્તં તવ માનવાનાં કામ્યં ફલં સમ્યગુપોષિતાનામ્ ॥
દેવેશ્વરં પૂજયતાં યથાવત્પરં પુરાણં પુરુષં વરેણ્યમ્

ઇતિ શ્રીવિષ્ણુધર્મોત્તરે પ્રથમખણ્ડે માર્કણ્ડેયવજ્રસંવાદે શ્રીશંકરગીતાસૂપવાસફલો નામૈકોનષષ્ટિતમોઽધ્યાયઃ