વિષ્ણુધર્મોત્તરપુરાણમ્ · અધ્યાય 1.37

॥ માર્કણ્ડેય ઉવાચ ॥ ॥
એતસ્મિન્નેવ કાલે તુ કાષ્ઠોદર્કાઃ સુદારુણાઃ ॥
બભૂવુઃ સુમહોત્પાતાઃ સૈંહિકેયનિવેશને

ચચાલ શબ્દં કુર્વાણા મહી સવનકાનના ॥
પપાત મહતી ચોલ્કા મધ્યેનાઽઽદિત્યમણ્ડલાત્

અપર્વણિ શશાઙ્કાર્કૌ સંછન્નૌ તમસા તથા ॥
પ્રવૃષ્ટાશ્ચ તથા રક્તં ભૂરિ મેઘા ભયાવહમ્

શસ્ત્રાણિ મુમુચુર્ધૂમમસકૃદશ્રુવાહનાઃ ॥
ઇન્દ્રચાપસવર્ણેન પરિવેશેન ભાસ્કરઃ

પરિવિષ્ટ ઉભે સન્ધ્યે ચન્દ્રશ્ચ સકલાં નિશમ્ ॥
સૈંહિકેયો વિપત્ન્યોપિ સાલ્વસ્ય સુમહાત્મનઃ

આક્રમ્યજન્મન ક્ષત્રં કેતુસ્તસ્થૌ મહાગ્રહઃ ॥
વવુસ્તીક્ષ્ણા મહાવાતાઃ ક્ષોભયન્તો દિશો દશ

ભાનુશ્ચાઽઽસીત્કબન્ધાઙ્ગો મૃગાશ્ચાસન્નસસ્વનાઃ ॥
ન્યલીયન્ત ધ્વજાગ્રેષુ દાનવાનાં દુરાત્મનામ્

ક્રવ્યાદપક્ષિસંઘાતા હ્યપસવ્યં ભયાનકાઃ ॥
શુષ્કેન્ધનસમૃદ્ધોઽપિ ન જજ્વાલ હુતાશનઃ

વપૂંષિ દાનવેન્દ્રાણાં ન પ્રાકાશંત યાદવ ॥
ઉષ્ણશીતવિપર્યાસ ઋતૂનામપ્યદૃશ્યત

પ્રસુસ્રવુર્દ્રુમા રક્તં વ્યશીર્યન્ત ચ ભૂષણાઃ ॥
ખરા ગોષુ વ્યજાયન્ત માર્જારા મૂષિકાસુ ચ

અકાલે પુષ્પિતા વૃક્ષા અકાલે ફલિતા દ્રુમાઃ ॥
વિના વર્ષં મહાનદ્યઃ પ્રતીપં જગ્મુરોજસા

ભયાનકાઞ્જાતભયઃ સુઘોરાનુત્પાતસંઘાન્પ્રસમીક્ષ્ય રાજા ॥
સાલ્વઃ સમાહૂય ભૃગોસ્તસ્તનૂજં દૈત્યૈઃ સમેતોઽથ ચકાર મન્ત્રમ્

ઇતિ શ્રીવિષ્ણુધર્મોત્તરે પ્રથમખણ્ડે માર્કણ્ડેયવજ્રસંવાદ ઔત્પાતિકં નામ સપ્તત્રિંશત્તમોઽધ્યાયઃ