વિષ્ણુધર્મોત્તરપુરાણમ્ · અધ્યાય 1.161

વજ્ર ઉવાચ ॥
ઉપવાસાસમર્થાનાં શુક્લપક્ષે દ્વિજોત્તમ ॥
એકા યા દ્વાદશી પુણ્યા તાં વદસ્વ મમાનઘ

માર્કણ્ડેય ઉવાચ ॥
માસિ ભાદ્રપદે શુક્લા દ્વાદશી શ્રવણાન્વિતા॥
મહતી દ્વાદશી જ્ઞેયા ઉપવાસે મહાફલા

સઙ્ગમે સરિતોઃ પુણ્યે દ્વાદશીં તામુપોષિતઃ ॥
અયત્નાદેવમાપ્નોતિ દ્વાદશદ્વાદશીફલમ્

બુધશ્રવણસંયુક્તા સૈવ ચેદ્દ્વાદશી ભવેત્ ॥
અત્યન્તમહતી યસ્યાં સર્વં કૃતમથાક્ષયમ્

દ્વાદશી શ્રવણોપેતા યદા ભવતિ પાર્થિવ ॥।
સઙ્ગમે તુ તદા સ્નાત્વા સત્તીર્થસ્નાનજં ફલમ્

સોપવાસઃ સમાપ્નોતિ નાત્ર કાર્યા વિચારણા ॥
વારિધાનીં તદા દત્ત્વા જલપૂર્ણાં દ્વિજાતયે

છન્નાં વસ્ત્રયુતાં રાજઞ્છત્રોપાનહસંયુતામ્ ॥
સ્વર્ગલોકમવાપ્નોતિ કુલમુદ્ધરતિ સ્વકમ્

સ્વર્ગં સમાસાદ્ય ચિરં ચ ભોગાન્ભુક્ત્વા મહેન્દ્રોપમ દેવતુલ્યાન્ ॥
માનુષ્યમાસાદ્ય ભવત્યરોગો ધનાન્વિતો ધર્મપરો મનસ્વી

ઇતિ શ્રીવિષ્ણુધર્મોત્તરે પ્રથમખણ્ડે માર્કણ્ડેયવજ્રસંવાદે શ્રાવણાદ્વાદશીપ્રશંસાવર્ણનં નામૈકષષ્ટ્યધિકશતતમોઽધ્યાયઃ