વિષ્ણુધર્મોત્તરપુરાણમ્ · અધ્યાય 1.14

॥ માર્કણ્ડેય ઉવાચ ॥
વૈવસ્વતેન મનુના યેન સા નિર્મિતા પુરી ॥
સ તુ કૃત્વા ચિરં રાજ્યમિક્ષ્વાકુમભિષિચ્ય ચ

પુત્ત્રે ભારં સમાવેશ્ય સશરીરો દિવં ગતઃ ॥
તત્રસ્થઃ પાલયન્નાસ્તે ત્રૈલોક્યં સચરાચરમ્

તેન મન્વન્તરં સર્વં પાલનીયમિદં જગત્ ॥
ઇક્ષ્વાકુસ્તસ્ય તનયઃ પાલયામાસ મેદિનીમ્

ધર્મજ્ઞશ્ચ કૃતજ્ઞશ્ચ સત્યવાદી જિતેન્દ્રિયઃ ॥
સુદર્શઃ સર્વભૂતાનાં નયાપનયકોવિદઃ

બ્રહ્મણ્યશ્ચ શરણ્યશ્ચ દીનાનાથાનુકમ્પકઃ ॥
દૈવમન્ત્રપ્રભૂત્સાહ શક્તિભિશ્ચ સમન્વિતઃ

ષાડ્ગુણ્યવિન્મહોત્સાહઃ સ્મિતપૂર્વાભિભાષણઃ ॥
યુક્તદંડો ન નિર્દંડો ન ચ દણ્ડરતિસ્તથા

વેદવેદાઙ્ગતત્ત્વજ્ઞો યજ્ઞયાજી તપોરતિઃ ॥
અક્ષુદ્રલીલોઽભિમતઃ સર્વસત્ત્વો ન હિંસકઃ

માન્યો માનયતાં શક્યઃ સુખઃ પૂજ્યપ્રપૂજકઃ ॥
કામઃ ક્રોધો મદો માનો લોભો હર્ષસ્તથૈવ ચ

નિત્યં શરીરપ્રભવા રિપવસ્તેન ષડ્ જિતાઃ ॥
સર્વત્ર વિધિના દૃશ્યઃ સુભગઃ પ્રિયદર્શનઃ

બહુધાન્યો બહુધનો બહુનાગાશ્વપૂરુષઃ ॥
અયોધ્યાનિલયો નિત્યં દેવારિગણદર્પહા ॥1.14.૧ ૦॥
સ તદા પાલયામાસ પુત્રવત્સકલાઃ પ્રજાઃ ॥
નાધર્મઃ કશ્ચિદપ્યાસીત્તસ્મિન્રાજનિ માનવઃ

દીનો વા વ્યાધિતો વાપિ સ્વલ્પાયુર્વા ચ દુઃખિતઃ ॥
મૂર્ખો વા મન્દરૂપો વા દુર્ભગો વા નિરાકૃતિઃ

એકત્ર દેહે સકલં ગુણૌઘં દ્રષ્ટાહમિત્યેવ વિશિષ્ટબુદ્ધિઃ ॥
સસર્જ યં રાજવરં મહાત્મા પ્રજાપતિઃ સર્વજગત્પ્રધાનઃ

ઇતિ શ્રીવિષ્ણુધર્મોત્તરે પ્રથમખણ્ડે માર્કણ્ડેયવજ્રસંવાદે ઇક્ષ્વાકુકુલવર્ણનંનામ ચતુર્દશોઽધ્યાયઃ॥ ।