વિષ્ણુધર્મોત્તરપુરાણમ્ · અધ્યાય 1.105

॥ માર્કણ્ડેય ઉવાચ ॥ ॥
હવિષ્યાશી તતસ્તિષ્ઠેદ્બ્રહ્મચારી ચ તાં નિશામ્ ॥
ગ્રહશાન્તિરિયં પ્રોક્તા મયા કલ્મષનાશિની

અનાવૃષ્ટ્યાં પ્રયોક્તવ્યા વૃષ્ટિકામેન ભૂભુજા ॥
અતિવૃષ્ટ્યાં પ્રયોક્તવ્યા વૃષ્ટિં શમયતા તથા

યાત્રાકાલે તથા કાર્ય્યા રિપૂણાં ક્ષયમિચ્છતા ॥
રણકાલે તથા કાર્ય્યા સંગ્રામે જયમિચ્છતા

કર્તવ્યા ચાભિચારાર્થં શત્રૂણાં મનુજેશ્વર ॥
પુષ્ટિકામૈર્નરૈઃ કાર્ય્યા વિદ્યાકામૈસ્તથૈવ ચ

લાભાર્થં ચ તથા વૈશ્યૈઃ શૂદ્રૈર્ધર્મ્મફલેપ્સુભિઃ ॥
રાજ્યકામેન કર્તવ્યા રાજપુત્રેણ પાર્થિવ

તથા વન્ધનમોક્ષાર્થં બદ્ધેન ચ મહીપતે ॥
સ્થાનચ્યુતેન કર્તવ્યા સ્થાનલબ્ધિમથેચ્છતા

વ્યાધિતેન ચ કર્તવ્યા વ્યાધેઃ પ્રશમમિચ્છતા ॥
મારકે ચ તથા કાર્યા મારકક્ષયમિચ્છતા

પરાભિચારશઙ્કાયાં ગ્રહશાન્તિં પ્રયોજયેત્ ॥
દિવ્યાન્તરિક્ષભૌમાનામુત્પાતાનાં તથોદ્ભવે

ગ્રહાધીનાં નરેન્દ્રાણામુચ્છ્રાયાઃ પતનાનિ ચ ॥
ભાવાભાવૌ ચ જગતાં ગ્રહાયત્તૌ નરાધિપ

બ્રહ્મણૈષાં વરો દત્તઃ પૂજિતાઃ પૂજયિષ્યથ ॥
તસ્માત્સર્વપ્રયત્નેન નૃણાં પૂજ્યતમા ગ્રહાઃ

ગુરુભક્તસ્ય દાન્તસ્ય ધર્માર્જિતધનસ્ય ચ ॥
પૂજકસ્ય ગ્રહેન્દ્રાણાં સદા સાનુગ્રહા ગ્રહાઃ

માનવસ્યાસ્વતન્ત્રસ્ય ગોબ્રાહ્મણહિતસ્ય ચ ॥
માંસભક્ષણહીનસ્ય સદા સાનુગ્રહા ગ્રહાઃ

યે ભક્તાઃ પુણ્ડરીકાક્ષં દેવદેવં જનાર્દનમ્ ॥
નાસ્તિ તેષાં જગત્યસ્મિન્દોષો ગ્રહકૃતો નૃણામ્

યથા બાણપ્રહારાણાં કવચં વારણં ભવેત ॥
તથા દૈવોપઘાતાનાં શાન્તિર્ભવતિ વારણમ્

ગ્રહયાગવિધિં સમ્યગ્યશ્ચાધીતે નરાધિપ ॥
ગ્રહપાકિતં ચૈવ તસ્યાપિ ન ભવિષ્યતિ

અતીવ વિસ્તરેણેયં ગ્રહશાંતિરુદાહૃતા ॥
ધન્યા યશસ્યા ચાયુષ્યા સર્વકિલ્બિષનાશિની

પ્રયુઞ્જતઃ સમ્યગિમાં નરેન્દ્ર ન જાતુ લોકે ભયમસ્તિ કિઞ્ચિત્ ॥
આરોગ્યમાસાદ્ય ચિરં ચ જીવેત્પ્રાપ્નોતિ લક્ષ્મીં સકલાઁશ્ચ ભોગાન્

ઇતિ શ્રીવિષ્ણુધર્મ્મોત્તરે પ્રથમખણ્ડે માર્કણ્ડેયવજ્રસંવાદે ગ્રહશાન્તિફલવર્ણનો નામ પઞ્ચાધિક શતતમોઽધ્યાયઃ