વિષ્ણુધર્મોત્તરપુરાણમ્ · અધ્યાય 1.100

માર્કણ્ડેય ઉવાચ ॥
ધ્રુવસ્થાનનિવિષ્ટાનાં દેવતાનાં પૃથક્પૃથક્ ॥
પાનાય દાપયેત્ક્ષીરં પ્રીતયે વાન્તરાત્મનઃ॥
ગન્ધોદકં તથાર્કાય પયઃ સોમાય કીર્તિતમ્

ભૂમિપુત્રાય ખર્જૂરં માર્દ્વીકં શશિજાય ચ॥
જીવાય ચ તથા તક્રં શુક્રાયેક્ષુરસં તથા

માંસપાનં તુ સૌરાય રાહોર્મીનરસં તથા ॥
છાગં પયઃ પ્રદાતવ્યં કેતવે મનુજેશ્વર

ગન્ધોદકં ચ કૃત્તિકાનાં રોહિણીનાં સુવીરકમ્ ॥
ઇલ્વલાનાં પયઃ પ્રોક્તં રૌદ્રેઃ ખાર્જૂરમાસવમ્ ॥ ૪
આદિત્યાય તથા ગૌડં ક્ષીરં તિષ્યાય દાપયેત્॥
ક્ષીરમેવ ચ સાર્પાય તથા પિત્ર્યાય યાદવ

ગન્ધોદકં ચ ભાગ્યાય તથાર્યમ્ણાય કીર્તિતમ્॥
સાવિત્રાય તથાયસ્તુ ત્વાષ્ટ્રાય ચ તથા પયઃ

વાયવ્યાય ચ માર્દ્વીકમૈન્દ્રાગ્ન્યાય ચ કાઞ્જિકમ્ ॥
મિત્રાય તક્રં દેયં ચ શાક્રાય દધિ દાપયેત્

નારિકેલામ્બુ મૂલાય તથાપ્યાય મધૂદકમ્ ॥
ખાર્જૂરં વૈશ્વદેવાય બ્રાહ્માય સલિલં હિતમ્

આમ્રૈઃ પાનં વૈષ્ણવાય જમ્બુભિર્વાસવાય ચ ॥
વારુણાય મધૂકૈશ્ચ રસમાજસ્ય પાર્થિવ

આહિર્બુધ્ન્યસ્ય ચ તથા રસમેવ ભવેન્નૃપ ॥
પૌષ્ણાય ચ ભવેચ્છાગં ચાશ્વિનાય ચ માહિષમ્ ॥
યામ્યાય ચ તથા દેયં સ્વચ્છં માંસરસં તથા

સમાનદેવનક્ષત્રં કથિતં ચ તથા દિશામ્ ॥
ઉત્તરાયૈ પ્રદાતવ્યં તથા ક્ષીરં નરાધિપ

સાગરાણાં ચ સર્વેષાં સતતં ભૂતિમિચ્છતા

યદ્યદ્ગ્રહસ્યાભિહિતં મયાત્ર ઋક્ષસ્ય વા ભૂમિપતિપ્રધાન ॥
તદ્દેવતાયાશ્ચ તથૈવ દેયં દિશસ્તથા નાત્ર વિચારણાસ્તિ

ઇતિ શ્રીવિષ્ણુધર્મોત્તરે પ્રથમખણ્ડે માર્કણ્ડેયવજ્રસંવાદે પ્રતિગ્રહર્ક્ષદેયાદેયપાનો નામ શતતમોઽધ્યાયઃ