વિષ્ણુધર્મોત્તરપુરાણમ્ · અધ્યાય 1.10

વજ્ર ઉવાચ ॥
નિવિષ્ટાન્સાગરે દ્વીપે સપ્તાહં કુલપર્વતાન્ ॥
નામતઃ શ્રોતુમિચ્છામિ તત્પ્રસૂતાશ્ચ નિમ્નગાઃ

માર્કણ્ડેય ઉવાચ ॥
મહેન્દ્રો મલયઃ સહ્યઃ શુક્તિમાનૃક્ષપર્વતઃ ॥
વિન્ધ્યશ્ચ પારિયાત્રશ્ચ સપ્તાસ્મિન્કુલપર્વતાઃ

ત્રિસામા ઋષિકુલ્યાશ્ચ ઇક્ષુગા ત્રિદિવાલયા ॥
લાંગૂલિની વંશધરા નદ્યસ્ત્વેતા મહેન્દ્રજાઃ

કૃતમાલા તામ્રપર્ણી પુષ્પજા ચોત્પલાવતી ॥
શીતોદકા ગિરિવહા નદ્યો મલયસમ્ભવાઃ

તુઙ્ગભદ્રા સુપ્રકારા વાહ્યા કાવેરિકા તથા ॥
દક્ષિણાપથમધ્યસ્થા સહ્યપાદવિનિસ્સૃતાઃ

ઋષિકા સુકુમારી ચ મન્દગા મન્દવાસિની ॥
નૃપમાલા શિરી ચૈવ શુક્તિમત્પાદનિસ્સૃતાઃ

મન્દાકિની દશાર્ણા ચ શોણો દેવી ચ નર્મદા ॥
તમસા પિપ્પલા ચેતિ ઋક્ષવત્પાદનિઃસૃતાઃ

વેણા વૈતરણી ચૈવ નર્મદા ચ કુમુદ્વતી ॥
તોયા સેતુશિલા ચૈવ વિન્ધ્યપાદવિનિસ્સૃતાઃ

પારા ચર્મણ્વતી પાદા વિદિશા વેણુવત્યપિ ॥
સિપ્રા હ્યવન્તી કુન્તી ચ પારિયાત્રવિનિઃસૃતાઃ

નદ્યઃ પ્રધાનાઃ કથિતાસ્તવૈતાઃ પુણ્યાઃ પવિત્રા ઋષિસેવિતાશ્ચ ॥
સન્તીહ નદ્યશ્ચ સહસ્રશોઽન્યા વક્તું ન શક્યા યદુવૃન્દનાથ ।

ઇતિ શ્રીવિષ્ણુધર્મોત્તરે પ્રથમખણ્ડે માર્કણ્ડેયવજ્રસંવાદે સપ્તગિર્યુદ્ભવનદીવર્ણનો નામ દશમોઽધ્યાયઃ ॥૧ ૦ ॥