વિષ્ણુ પુરાણ · અધ્યાય 5.19

ઇતિ શ્રીવિષ્ણુમહાપુરાણે પઞ્ચમાંશે ઽષ્ટાશો ઽધ્યાયઃ (18)
શ્રીપરાશર ઉવાચ
એવમન્તર્જલે વિષ્ણુમભિષ્ટૂય સ યાદવઃ ।
અર્ચયામાસ સર્વેશં ધૂપપુષ્પૈર્ મનોમયૈઃ

પરિત્યક્તાન્યવિષયો મનસ્તત્ર નિવેશ્ય સઃ ।
બ્રહ્મભૂતે ચિરં સ્થિત્વા વિરરામ સમાધિનઃ

કૃતકૃત્યમિવાત્માનં મન્યમામૌ મહામતિઃ ।
આજગામ રથં ભૂયો નિર્ગમ્ય યમુનાંભસઃ

દદર્શ રામકૃષ્ણૌ ચ યથાપુર્વમવસ્થિતૌ ।
વિસ્મિતાક્ષસ્તદાક્રૂરસ્તં ચ કૃષ્ણો ઽભ્યભાષત

શ્રીકૃષ્ણ ઉવાચ
નૂનં તે દૃષ્ટમાશ્ચર્યમક્રૂર યમુનાજલે ।
વિસ્મયોત્ફુલ્લનયનો ભવાન્સંલક્ષ્યતે યતઃ

અક્રૂર ઉવાચ
અન્તર્જલે યદાશ્ચર્યં દૃષ્ટં તત્ર મયાચ્યુત ।
તદત્રાપિ હિ પશ્યામિ મૂર્તિમત્પુરતઃ સ્થિતમ્

જગદેતન્મહાશ્ચર્યરૂપં યસ્ય મહાત્મનઃ ।
તેનાશ્ચર્યપરેણાહં ભવતા કૃષ્ણ સંગતઃ

તત્કિમેતેન મથુરાં યાસ્યામો મધુસૂદન ।
બિભેમિ કંસાદ્ધિગ્જન્મ પરિપિણ્ડોપજીવિનામ્

ઇત્યુક્ત્વા ચોદયામાસ સ હયાન્ વાતરંહસઃ ।
સંપ્રાપ્તશ્ચાપિ સાયાહ્ને સો ઽક્રૂરો મથુરાં પુરીમ્

વિલોક્ય મથુરાં કૃષ્ણં રામં ચાહ સ યાદવઃ ।
પદ્ય્ભાં યાતં મહાવીરૌ રથેનૈકો વિશામ્યહમ્

ગન્તવ્યં વસુદેવસ્ય નો ભવદ્ય્ભાં તથા ગૃહમ્ ।
યુવયોર્હિ કૃતે વૃદ્ધઃસ કંસેન નિરસ્યતે

શ્રીપરાશર ઉવાચ
ઇત્યુક્ત્વા પ્રવિવેશાથ સો ઽક્રૂરો મથુરાં પુરીમ્ ।
પ્રવિષ્ટૌ રામકૃષ્ણૌ ચ રાજમાર્ગમુપાગતૌ

સ્ત્રીભિર્ નરૈશ્ ચ સાનન્દં લોતનૈર્ અભિવીક્ષિતૌ ।
જગ્મતુર્લીલયા વીરૌ મત્તૌ બાલગજાવિવ

ભ્રમમાણૌ તતો દૃષ્ટ્વા રજકં રઙ્ગકારકમ્ ।
અયોચેતાં સૂરૂપાણિ વાસાંસિ રુચિરાણિ તૌ

કંસસ્ય રજકઃ સો ઽથ પ્રસાદારૂઢવિસ્મયઃ ।
બહૂન્યાક્ષેપવાક્યાનિ પ્રાહોચ્ચૈ રામકેશવૌ

તતસ્તલપ્રહારેણ કૃષ્ણસ્તસ્ય દુરાત્મનઃ ।
પાતયામાસ રોષેણ રજકસ્ય શિરો ભુવિ

હત્વાઽદાય ચ વસ્ત્રાણિ પીતનીલાંબરૌ તતઃ ।
કૃષ્ણરામૌ મુદા યુક્તૌ માલાકારગૃહં ગતૌ

વિકાસિનેત્રયુગલો માલાકારોતિવિસ્મિતઃ ।
એતૌ કસ્ય સુતૌ યાતૌ મૈત્રેયાચિન્તયત્તદા

પીતનીલાંબરધરૌ તૌ દૃષ્ટ્વાતિમનોહરૌ ।
સ તર્કયામાસ તદા ભુવં દેવાવુપાગતૌ

વિકાસિમુખપદ્માભ્યાં તાભ્યાં પુષ્પાણિ યાચિતઃ ।
ભિવં વિષ્ટભ્ય હસ્તાભ્યાં પસ્પર્શ શિરસા મહીમ્

પ્રસાદપરમૌ નાથૌ મમ ગેહમુપાગતૌ ।
ધન્યો ઽહમર્ચયિષ્યામીત્યાહ તૌ માલ્યજીવનઃ

તતઃ પ્રહૃષ્ટવદનસ્તયોઃ પુષ્પણિ કામતઃ ।
ચારૂણ્યેતાન્યથૈતાનિ પ્રદદૌ સ પ્રલોભયન્

પુનઃપુનઃ પ્રણમ્યોભૌ માલાકારો નરોત્તમૌ ।
દદૌ પુષ્પાણિ ચારૂણિ ગન્ધવન્ત્યમલાનિ ચ

માલાકારાય કૃષ્ણો પિ પ્રસન્નઃ પ્રદદૌ વરાન્ ।
શ્રીસ્ત્વાં મત્સંશ્રયા ભદ્ર ન કદાચિત્ત્યજિષ્યતિ

બલહાનિર્ન તે સૌમ્ય ધનહાનિરથાપિ વા ।
યાવદ્દિનાનિ તાવચ્ચ ન નશિષ્યતિ સંતતિઃ

ભુક્ત્વા ચ વિપુલાન્ભોગાંસ્ત્વમન્તે મત્પ્રસાદતઃ ।
મમાનુસ્મરણં પ્રાપ્યદિવ્યં લોકમવાપ્સ્યસિ

ધર્મે મનશ્ ચ તે ભદ્ર સાર્વકાલં ભવિષ્યતિ ।
યુષ્મત્સંતતિજાતાનાં ધીર્ઘમાયુર્ભવિષ્યતિ

નોપસર્ગાદિકં દોષં યુષ્મત્સંતતિસંભવઃ ।
અવાપ્સ્યતિ મહાભાગા યાવત્સૂર્યો ભવિષ્યતિ

શ્રીપરાશર ઉવાચ
અત્યુક્ત્વા તદ્ગૃહાત્કૃષ્ણો બલદેવસહાયવાન્ ।
નિર્જગામ મુનિશ્રેષ્ઠ માલાકારેણ પૂજિતઃ