વિષ્ણુ પુરાણ · અધ્યાય 4.9

ઇતિ શ્રીવિષ્ણુમાહાપુરાણે ચતુર્થાંશે ઽષ્ટમો ઽધ્યાય (8)
શ્રીપરાશર ઉવાચ
રજોસ્તુ પઞ્ચ પુત્રશતાન્યતુલબલપરાક્રમસારામાયસન્

દેવાસુરસંગ્રામારંભે ચ પરસ્પરવધેપ્સવો દેવાશ્ચાસુરાશ્ ચ બ્રહ્મણામુપેત્ય પપ્રચ્છુઃ

ભગવન્નસ્માકમત્ર વિરોધે કતમઃ પક્ષો જેતા ભવિષ્યતીતિ

અથાહ ભગવાન્

યેષામર્થે રજિરાત્માત્તાયુધો યોત્સ્યતિ તત્પક્ષોજેતેતિ

અથ દૈત્યૈર્ ઉપેત્ય રજિરાત્મસાહાય્યદાનાયાભ્યર્થિતઃ પ્રાહ

યોત્સ્યો ઽહં ભવતામર્થે યદ્યહમમરજયાદ્ભવતામિન્દ્રો ભવિષ્યામીત્યાકર્ણ્યૈતત્તૈર્ અભિહિતમ્

ન વયમન્યથા વદિષ્યામો ઽન્યથા કરિષ્યામો ઽસ્માકમિન્દ્રઃ પ્રહ્લાદસ્તદર્થમેવાયમુદ્યમ ઇત્યુક્ત્વા ગતેષ્વસુરેષુ દેવૈર્ અપ્યસાવવનિપતિરેવમેવોક્તસ્તેનાપિ ચ તથૈવોક્તે દેવૈર્ ઇન્દ્રસ્ત્વં ભવિષ્યસીતિ સમન્વિચ્છિતમ્

રજિનાપિ દેવસૈન્યસહાયેનાનેકૈર્ મહાસ્ત્રૈસ્ તદશેષમહાસુરબલં નિષૂદિતમ્

અથ જિતારિપક્ષશ્ ચ દેવેન્દ્રો રજિચરમયુગલમાત્મનઃ શિરસા નિપીડ્યાહ

ભયત્રાણાદન્નદાનાદ્ભવાનસ્મત્પિતાસેષલોકાનામુત્તમોત્તમો ભવાન્ યસ્યાહં પુત્રસ્ત્રિલોકેન્દ્રઃ

સ ચાપિ રાજા પ્રહસ્યાહ

એવમસ્ત્વેવમસ્ત્વનતિક્રમણીયાહિ વૈરિક્ષાદપ્યનેકવિધચાટુવાક્યગાર્ભા પ્રણતિરિત્યુક્ત્વા સ્વપુરં જગામ

શતક્રતુરપીન્દ્રત્વં ચકાર

સ્વર્યાતે તુ રજૌ નારદર્ષિચોદિતા રજિપુત્રાઃ શતક્રતુમાત્મપિતૃપુત્રં સમાચારાદ્રાજ્યં યાચિતવન્તઃ

અપ્રદાનેન ચ વિજિત્યેન્દ્રમતિબલિનઃ સ્વયમિન્દ્રત્વં ચક્રુઃ

તતશ્ ચ બહુતિથે કાલે હ્યતીતે બૃહસ્પતિમેકાન્તે દૃષ્ટ્વા અપહૃતત્રૈલોક્યયજ્ઞભાગઃ શતક્રતુરુવાચ

બદરીફલમાત્રમપ્યર્હસિ મમાપ્યાયનાય પુરોડાશખણ્ડં દાતુમિત્યુક્તો બૃહસ્પતિરુવાચ

યદ્યેવન્ત્વયાહં પૂર્વમેવ ચોદિતઃસ્યાં તન્મયા ત્વદર્થં કિમકર્તવ્યમત્યિલ્પૈર્ એવાહોભિસ્ત્વાં નિજં પદં પ્રપયિષ્યામીત્યભિધાય તેષામનુદિનમાભિચારકં બુદ્ધિમોહાય શક્રસ્ય તેજોભિવૃદ્ધયે જુહાવ

તે ચાપિ તેન બુદ્ધિમોહેનાભિભૂયમાના બ્રહ્મદ્વિષો ધર્મત્યાગિનો વેદવાદપરાઙ્મુખાબભુવૂઃ

તતસ્તાનપેતધર્માચારનિન્દ્રો જઘાન

પુરોહિતાપ્યાયિતતેજાશ્ ચ શક્રો દિવમાક્રમત્

એતદિન્દ્રસ્ય સ્વપદચ્યવનાદારોહણં શ્રુત્વા પુરુષઃ સ્વપદભ્રંશં દૌરાત્મયં ચ નાપ્નોતિ

રંભસ્ત્વપત્ત્યો ઽભવત્

ક્ષત્રવૃદ્ધસુતઃ પ્રતિક્ષત્રો ઽભવત્

તત્પુત્રઃ સંજયઃ તસ્યાપિ જયઃ તસ્યાપિ વિજયઃ તસ્માચ્ચ જજ્ઞે કૃતઃ

તસ્ય ચ હર્યધનઃ હર્યધનસુતઃસહદેવઃ તસ્માદદીનસ્તસ્ય જયત્સેય જયત્સેનઃ તતશ્ ચ સંકૃતિઃ તત્પુત્રઃ ક્ષત્રધર્મા ઇત્યેતે ક્ષત્રવૃદ્ધસ્ય વંશ્યાઃ

તતો નહુષવંશં પ્રવક્ષ્યામિ