વિષ્ણુ પુરાણ · અધ્યાય 4.14

ઇતિ શ્રીવિષ્ણુમહાપુરાણે ચતુર્થાંશે ત્રયોદશો ઽધ્યાયઃ (13)
શ્રીપરાશર ઉવાચ
અનમિત્રસ્ય પુત્રઃ શિનિર્નામાભવત્

તસ્યાપિ સત્યકઃ સત્યકાત્સાત્યકિર્યુયુધાનાપરનામા

તસ્માદપિ સંજયઃ તત્પુત્રશ્ ચ કુણિઃ કુણેર્યુગન્ધરઃ

ઇત્યેતે શૈનેયાઃ

અનમિત્રસ્યાન્વયે વૃષ્ણિઃ તસ્માત્ શ્ચફલ્કઃ તત્પ્રભાવઃ કાથેન એવ

શ્વફલ્કસ્યાન્યઃ કનીયાંશ્ચિત્રકોનામ ભ્રાતા

શ્વફલ્કાદક્રૂરો ગાન્દિન્યામભવત્

તથોપમદ્ગઃ

ઉપમદ્ગોર્મૃદામૃદવિશ્વારિમેજયગિરિક્ષત્રોપક્ષત્રશતઘ્નારિમર્દનધર્મદૃગ્દૃષ્ટધર્મગન્ધમોજવાહપ્રતિવાહાખ્યાઃ પુત્રાઃસુતારાખ્યા કન્યા ચ

દેવવાનુપદેવશ્ચાક્રૂરપુત્રૌ

પૃથુવિવૃથુપ્રમુખાશ્ચિત્રકસ્ય પુત્રા બહવો બભૂવુઃ

કુકુરભજમાનશુચિકંબલબર્હિષાખ્યાસ્તથાન્ધકસ્ય ચત્વારઃ પુત્રાઃ

કુકુરાદ્ધૃષ્ટઃ તસ્માચ્ચ કપોતરોમા તતશ્ ચ વિલોમા તસ્માદપિ તુંબુરસખો ઽભવદનુસંજ્ઞશ્ ચ

અનોરાનકદુન્દભિઃ તતશ્ચા ભિજિત્ અભિજિતઃ પુનર્વસુઃ

તસ્યાપ્યાહુકઃ આહુકી ચ કન્યા

આહુકસ્ય દેવકોગ્રસેનૌ દ્વૌ પુત્રૌ

દેવવાનુપદેવઃ સહદેવો દેવરક્ષિતા ચ દેવકસ્ય ચત્વારઃ પુત્રાઃ

તેષાં વૃકદેવોપદેવા દેવરક્ષિતા શ્રીદેવા શાન્તિદેવા સહદેવા દેવકી ચ સપ્તભગિન્યઃ

તાશ્ ચ સર્વા વસુદેવ ઉપયેમે

ઉગ્રસેનસ્યાપિ કંસન્યગ્રોધસુનામાનકાહ્વશઙ્કુસુભૂમિરાષ્ટ્રપાલયુદ્ધતુષ્ટિસુતુષ્ટિંમત્સંજ્ઞાઃ પુત્રા બભૂવુઃ

કંસાકંસવતીસુતનૂરાષ્ટ્રપલિકાહ્વાશ્ચોગ્રસેનસ્ય તનૂજાઃ કન્યાઃ

ભજમાનાચ્ચ વિદૂરથઃ પુત્રો ઽભવત્

વિદૂરથાચ્છૂરઃ શુરાચ્છમી શમિનઃ પ્રતિક્ષત્રઃ તસ્માત્સ્વયંભોજઃ તતશ્ ચ હૃદિકઃ

તસ્યાપિ કૃતવર્મશતધનુર્દવાર્હદેવગર્ભાદ્યાઃ પુત્રા બભૂવુઃ

દેવગર્ભસ્યાપિ શુરઃ

શુરસ્યાપિ મારીષા નામ પત્ન્યભવત્

તસ્યાં ચાસૌ દશપુત્રાનજનયદ્વસુદેવરૂર્વાન્

વસુદેવસ્ય જાતમાત્રસ્યૈવ તદ્ગૃહે ભગવદંશાવતારમવ્યાહતદૃષ્ટ્યા પશ્યદ્ભિર્ દેવૈર્ દિવ્યાનકદુન્દુભયો વાદિતાઃ

તતશ્ચસાવાનકદુન્દુભિસંજ્ઞામવાપ

તસ્ય ચ દેવભાગદેવશ્રવાષ્ટકકકુચ્ચક્રવત્સધારકસૃંજયશ્યામશમિકગઞ્જૂષસંજ્ઞા નવ ભ્રતરો ઽભવન્

પૃથા શ્રુતદેવા શ્રુત કીર્તિઃ શ્રુતશ્રવા રાજાધિદેવી ચ વસુદેદાદીનાં પઞ્ચ ભગિન્યો ઽભવન્

શુરસ્ય કુન્તિર્નામ સખાભવત્

તસ્મૈ ચાપુત્રાય પૃથામાત્મજાં વિધિના શુરો દત્તવાન્

તાં ચ પાણ્ડુરુવાહ

તસ્યાં ચ ધર્માનિલેન્દ્રૈર્ યુધિષ્ઠરભીમસેનાર્જુનાખ્યાસ્ત્રયઃ પુત્રાઃસમુત્પાદિતાઃ

પૂર્વમેવાનૂઢાયાશ્ ચ ભગવતા ભાસ્વતા કાનીનઃ કર્ણો નામ પુત્રો ઽજન્યત

તસ્યાશ્ ચ સપત્ની માદ્રી નામાભૂત્

તસ્યાં ચ નાસત્યદસ્ત્રાભ્યાં નકુલસહદેવૌ પાણ્ડોઃ પુત્રૌ જનિતૌ

શ્રુતદેવાં તુ વૃદ્ધધર્મા નામ કારૂશ ઉવયેમે

તસ્યાઞ્ચ ચ દન્તવક્રો નામ મહાસુરો જજ્ઞે

શ્રુતકીર્તિમપિ કેકયરાજા ઉપયેમે

તસ્યાં ચ સંતર્દનાદયઃ કૈકેયાઃ પઞ્ચ પુત્રા બભૂવુઃ

રાજાધિદેવ્યમાવન્ત્યૌ વિન્દાનુવિન્દૌ જજ્ઞાતે

શ્રુતશ્રવસમપિ ચેદિરાજો દમઘોષનામોપયેમે

તસ્યાં ચ શિશુપાલમુત્પાદયામાસ

સ વા પૂર્વમપ્યુદારવિક્રમો દૈત્યાનામાદિપુરુષો હિરણ્યકશિપુરભવત્

યશ્ ચ ભગવતા સકલલોકગુરુણા નારસિંહેન ઘાતિતઃ

પુનરપિ અક્ષયવીર્યશૌર્યસંપત્પરાક્રમગુણઃસમાક્રાન્તસકલત્રૈલોકેશ્વરપ્રભાવો દશાનનો નામાભૂત્

બહુકાલોપભુક્તભગવત્સકાશાવાપ્તશરીરપાતોદ્ભવપુણ્યફલો ભગવતા રાઘવરૂપિણા સો ઽપિ નિધનમુપપાદિતઃ

પુનશ્ચેદિરાજસ્ય દમઘોષસ્યાત્મજઃ શિશુ પાલનામાભવત્

શિશુપાલત્વેપિ ભગવતો ભૂભારાવતારણાયાવતીર્ણાંશસ્ય પુણ્ડરીકનયનાખ્યસ્યોપરિ દ્વેષાનુબન્ધમતિતરાઞ્ચકાર

ભગવતા ચ સ નિધનમુપાનીતસ્તત્રૈવ પરમાત્મભૂતે મનસ એકાગ્રતયા સાયુજ્યમવાપ

ભગવાન્ યદિ પ્રસન્નો યથાભિલષિતં દદાતિ તથા અગ્રસન્નોપિ નિઘ્નન્ દિવ્યમનુપમં સ્થાનં પ્રયચ્છતિ