વિષ્ણુ પુરાણ · અધ્યાય 2.10

ઇતિ શ્રીવિષ્ણુમહાપુરાણે દ્વિતીયે ઽંશે નવમો ઽધ્યાયઃ (9)
શ્રીપરાશર ઉવાચ
ત્ર્યશીતિમણ્ડલશતં કાષ્ઠયોરન્તરં દ્વયોઃ ।
આરોહણાવરોહાભ્યાં ભાનોરબ્દેન યા ગતિઃ

સ રથોધિષ્ઠિતો દેવૈર્ આદિત્યૈ ઋષિભિસ્ તથા ।
ગન્ધર્વૈર્ અપ્સરોભિશ્ ચ ગ્રામણીસર્પરાક્ષસૈઃ

ધાતા ક્રતુસ્થલા ચૈવ પુલસ્ત્યો બાસુકિસ્ તથા ।
રથભૃદ્ગ્રામણીર્હેતિસ્તુમ્બુરુશ્ચૈવ સપ્તમઃ

એતે વસન્તિ વૈ ચૈત્રે મધુમાસે સદૈવ હિ ।
મૈત્રેય સ્યન્દને ભાનોઃ સપ્તમાસાધિકારિણઃ

અર્યમા પુલહશ્ચૈવ રથૌજાઃ પુઞ્ચિકસ્થલા ।
પ્રહેતિઃ કચ્છવીરશ્વ નારદશ્ ચ રથે રવેઃ

માધવે નિવસન્ત્યેતે શુચિસંજ્ઞે નિબોધ મે

મિત્રોત્રિસ્તક્ષકો રક્ષઃ પૌરુષેયોથ મેનકા ।
હાહા રથસ્વનશ્ચૈવ મૈત્રેયૈતે વસન્તિ વૈ

વરુણો વસિષ્ઠો રમ્ભા ચ સહજન્યા હુહૂરથઃ ।
રથચિત્રસ્ તથા શુક્રે વસન્ત્યાષાઢસંજ્ઞકે

ઇન્દ્રો વિશ્વાવસુઃ સ્રોતા એલાપુત્રસ્તથાઙ્ગિરાઃ ।
પ્રમ્લોચા ચ ન ભસ્યેતે સપ્તિશ્ચાર્કે વસન્તિ વૈ

વિવસ્વાનુગ્રસેનશ્ ચ ભૃગુરાપૂરણસ્ તથા ।
અનુમ્લોચા શઙ્ખપાલો વ્યાઘ્રો ભાદ્રપદે તથા

પૂષા ચ સુરુચિર્વાતો ગૌતમોથ ધનઞ્જયઃ ।
સુષેણો ઽન્યો ઘૃતાચી ચ વસન્ત્યાશ્વયુજે રવૌ

વિશ્વાવસુર્ભરદ્વાજઃ પર્જન્યૈર્ આવતૌ તથા ।
વિશ્વાચી સેનજિચ્ચાપિ કાર્ત્તિકે ચ વસન્તિ વૈ

અંશઃ કાશ્યપતાર્ક્ષ્યાસ્તુ મહાપદ્મસ્તથોર્વશી ।
ચિત્રસેનસ્ તથા વિદ્યુન્માર્ગશીર્ષેધિકારિણઃ

ક્રતુર્ભગસ્તતોર્ણાયુઃ સ્ફૂર્જઃ કાર્કોટકસ્ તથા ।
અરિષ્ટનેમિશ્ચૈવાન્યા પૂર્વાચિત્તિર્વરાપ્સરાઃ

પૌષમાસે વસન્ત્યેતે સપ્તભાસ્કરમણાલે ।
લોકપ્રકાશનાર્થાય વિગ્રવર્યાધિકારિણઃ

ત્વષ્ટાથ જમદગ્નિશ્ ચ કમ્બલોભ તિલોત્તમા ।
બ્રહ્મોપેતોથ ઋતજિદ્ધૃતરાષ્ટ્રોથ સપ્તમઃ

માઘમાસે વસન્ત્ત્યેતે સપ્ત મૈત્રેય ભાસ્કરે ।
શ્રૂયતાં ચાપરે સૂર્યે ફાલ્ગુનેનિવસન્તિ યો

વિષ્ણુરશ્વતરો રમ્ભા સૂર્યવર્ચાશ્ ચ સત્યજિત્ ।
વિશ્વામિત્રસ્ તથા રક્ષો યજ્ઞોપેતો મહામુને

માસેષ્વેતેષુ મૈત્રેય વસન્ત્યેતે તુ સપ્તકાઃ ।
સવિતુર્મણ્ડલે બ્રહ્મન્વિષ્ણુસક્ત્યુપબૃંહિતાઃ

સ્તુવન્તિ મુનયઃ સૂર્યં ગન્ધર્વૈર્ ગીયતે પુરઃ ।
નૃત્યન્ત્યપ્સરસો યાન્તિ સૂર્યસ્યાનુનિશાચરાઃ

વહન્તિ પન્નગા યક્ષૈઃ ક્રિયતે ઽભીષુસંગ્રહઃ

વાલખિત્યાસ્તથૈવૈનં પરિવાર્ય સમાસતે

સોયં સપ્તગણઃ સૂર્યમણ્ડલે મુનિસત્તમ ।
હિમોષ્ણવારિવૃષ્ટીનાં હેતુઃ સ્વસમયં ગતઃ