Vishnu Purana · Chapter 2.10

iti śrīviṣṇumahāpurāṇe dvitīye 'ṃśe navamo 'dhyāyaḥ (9)
śrīparāśara uvāca
tryaśītimaṇḍalaśataṃ kāṣṭhayorantaraṃ dvayoḥ /
ārohaṇāvarohābhyāṃ bhānorabdena yā gatiḥ

sa rathodhiṣṭhito devair ādityai ṛṣibhis tathā /
gandharvair apsarobhiś ca grāmaṇīsarparākṣasaiḥ

dhātā kratusthalā caiva pulastyo bāsukis tathā /
rathabhṛdgrāmaṇīrhetistumburuścaiva saptamaḥ

ete vasanti vai caitre madhumāse sadaiva hi /
maitreya syandane bhānoḥ saptamāsādhikāriṇaḥ

aryamā pulahaścaiva rathaujāḥ puñcikasthalā /
prahetiḥ kacchavīraśva nāradaś ca rathe raveḥ

mādhave nivasantyete śucisaṃjñe nibodha me

mitrotristakṣako rakṣaḥ pauruṣeyotha menakā /
hāhā rathasvanaścaiva maitreyaite vasanti vai

varuṇo vasiṣṭho rambhā ca sahajanyā huhūrathaḥ /
rathacitras tathā śukre vasantyāṣāḍhasaṃjñake

indro viśvāvasuḥ srotā elāputrastathāṅgirāḥ /
pramlocā ca na bhasyete saptiścārke vasanti vai

vivasvānugrasenaś ca bhṛgurāpūraṇas tathā /
anumlocā śaṅkhapālo vyāghro bhādrapade tathā

pūṣā ca surucirvāto gautamotha dhanañjayaḥ /
suṣeṇo 'nyo ghṛtācī ca vasantyāśvayuje ravau

viśvāvasurbharadvājaḥ parjanyair āvatau tathā /
viśvācī senajiccāpi kārttike ca vasanti vai

aṃśaḥ kāśyapatārkṣyāstu mahāpadmastathorvaśī /
citrasenas tathā vidyunmārgaśīrṣedhikāriṇaḥ

kraturbhagastatorṇāyuḥ sphūrjaḥ kārkoṭakas tathā /
ariṣṭanemiścaivānyā pūrvācittirvarāpsarāḥ

pauṣamāse vasantyete saptabhāskaramaṇāle /
lokaprakāśanārthāya vigravaryādhikāriṇaḥ

tvaṣṭātha jamadagniś ca kambalobha tilottamā /
brahmopetotha ṛtajiddhṛtarāṣṭrotha saptamaḥ

māghamāse vasanttyete sapta maitreya bhāskare /
śrūyatāṃ cāpare sūrye phālgunenivasanti yo

viṣṇuraśvataro rambhā sūryavarcāś ca satyajit /
viśvāmitras tathā rakṣo yajñopeto mahāmune

māseṣveteṣu maitreya vasantyete tu saptakāḥ /
saviturmaṇḍale brahmanviṣṇusaktyupabṛṃhitāḥ

stuvanti munayaḥ sūryaṃ gandharvair gīyate puraḥ /
nṛtyantyapsaraso yānti sūryasyānuniśācarāḥ

vahanti pannagā yakṣaiḥ kriyate 'bhīṣusaṃgrahaḥ

vālakhityāstathaivainaṃ parivārya samāsate

soyaṃ saptagaṇaḥ sūryamaṇḍale munisattama /
himoṣṇavārivṛṣṭīnāṃ hetuḥ svasamayaṃ gataḥ