વરાહ પુરાણ · અધ્યાય 103

ત્ર્યધિકશતતમોઽધ્યાયઃ
હોતોવાચ
તદ્વચ્ચ શર્કરાધેનું શૃણુ રાજન્ યથાર્થતઃ ।
અનુલિપ્તે મહીપૃષ્ઠે કૃષ્ણાજિનકુશોત્તરે

ધેનું શર્કરયા રાજન્કૃત્વા ભારચતુષ્ટયમ્ ।
ઉત્તમા કથ્યતે સદ્ભિશ્ચતુર્થાંશેન વત્સકમ્

તદર્ધં મધ્યમા પ્રોક્તા કનિષ્ઠા ભારકેણ તુ ।
તદ્વદ્વત્સં પ્રકુર્વીત ચતુર્થાંશેન તત્ત્વતઃ

અથ કુર્યાદષ્ટશતૈરૂર્ધ્વં નૃપતિસત્તમ ।
સ્વશક્ત્યા કારયેદ્‌ધેનું તથાત્માનં પીડયેત્

સર્વબીજાનિ સંસ્થાપ્ય ચતુર્દિક્ષુ સમન્તતઃ ।
સુવર્ણસ્ય મુખં શૃઙ્ગે મૌક્તિકૈર્નયને તથા

ગુડેન તુ મુખ કાયે જિહ્વા પિષ્ટમયી તથા ।
કમ્બલં પટ્ટસૂત્રેણ કણ્ઠાભરણભૂષિતામ્

ઇક્ષુપાદાં રૌપ્યખુરાં તવનીતસ્તનીં તથા ।
પ્રશસ્તપત્રશ્રવણાં સિતચામરપભૂષિતામ્

પઞ્ચરત્નસમાયુક્તાં વસ્ત્રેણાચ્છાદિતાં તથા ।
ગન્ધપુષ્પૈરલંકૃત્ય બ્રાહ્મણાય નિવેદયેત્

શ્રોત્રિયાય દરિદ્રાય સાધુવૃત્તાય ધીમતે ।
વેદવેદાઙ્‌ગવિદુષે સાગ્નિકાય કુટુમ્બિને ।
અદુષ્ટાય પ્રદાતવ્યા ન તુ મત્સરિણે દ્વિજે

અયને વિષુવે પુણ્યે વ્યતીપાતે દિનક્ષયે ।
એષુ પુણ્યેષુ કાલેષુ થથાવિભવશક્તિતઃ

સત્પાત્રઞ્ચ દ્વિજં દૃષ્ટ્‍વા આગતં શ્રોત્રિયં ગૃહે ।
તાદૃશાય પ્રદાતવ્યા પુચ્છદેશે વિમૃષ્ય ચ

પૂર્વાભિમુખમાસ્થાય અથવા સ ઉદઙ્મુખઃ ।
ગાં પૂર્વાભિમુખીં કૃત્વા વત્સમુત્તરતો ન્યસેત્

દાનકાલે તુ યે મન્ત્રાસ્તાન્પઠિત્વા સમર્પયેત્ ।
સમ્પૂજ્ય વિધિવદ્વિપ્રં મુદ્રિકાકર્ણભૂષણૈઃ

સ્વશક્ત્યા દક્ષિણા દેયા વિત્તશાઠ્યવિવર્જ્જિતઃ ।
હસ્તે તુ દક્ષિણાં દત્ત્વા ગન્ધપુષ્પસચન્દનામ્ ।
ધેનું સમર્પયેત્તસ્ય મુખઞ્ચ ચ વિલોકયેત્

એકાહં શર્કરાહારો બ્રાહ્મણસ્ત્રિદિનં વસેત્ ।
સર્વપાપહરા ધેનુઃ સર્વકામપ્રદાયિની

સર્વકામસમૃદ્ધસ્તુ જાયતે નાત્ર સંશયઃ ।
દીયમાનં પ્રપશ્યન્તિ તે યાન્તિ પરમાં ગતિમ્

ય ઇદં શૃણુયાદ્ ભક્ત્યા પઠતે વાપિ માનવઃ ।
મુચ્યતે સર્વપાપેભ્યો વિષ્ણુલોકં સ ગચ્છતિ

ઇતિ વારાહપુરાણે શર્કરાધેનુમાહાત્મ્યં
નામ ત્ર્યધિકશતતમોઽધ્યાયઃ ।