વરાહ પુરાણ · અધ્યાય 102

ગુડધેનુમાહાત્મ્યમ્
હોતોવાચ -
ગુડધેનું પ્રવક્ષ્યામિ સર્વકામાર્થસાધિનીમ્ ।
અનુલિપ્તે મહીપૃષ્ઠે કૃષ્ણાજિનકુશાસ્તૃતે

તસ્યોપરિકૃતં વસ્ત્રં ગુડમાનીય પુષ્કલમ્ ।
કૃત્વા ગુડમયીં ધેનું સવસાઙ્‌કાસ્યદેહિનીમ્

સૌવર્ણે મુખશૃઙ્ગે ચ દન્તાશ્ચ મણિમૌક્તિકૈઃ ।
ગ્રીવા રત્નમયી ત્વસ્યા ઘ્રાણં ગન્ધમયન્તથા

શૃઙ્ગે ત્વગુરુકાષ્ઠેન પૃષ્ઠં તામ્રમયં તથા ।
પુચ્છં ક્ષૌમમયં તસ્યાઃ સર્વાભરણભૂષિતામ્

ઇક્ષુપાદાં રૌપ્યખુરાં કમ્બલં પટ્ટસૂત્રકમ્ ।
આચ્છાદ્ય પટ્ટવસ્ત્રેણ ઘણ્ટાચામરભૂષિતામ્

પ્રશસ્તપત્રશ્રવણાં નવનીતસ્તનીં બુધઃ ।
ફલૈર્નાનાવિધસ્તસ્યા ઉપશોભામ્પ્રકલ્પયેત્

ઉત્તમા ગુડધેનુઃ સ્યાત્સદા ધારચતુષ્ટયમ્ ।
ભાગાર્ધેન તુ તૌલ્યેન ચતુર્થાંશેન વત્સકમ્

મધ્યમા ચ તદર્ધેન ભારેણૈકેન ચાધમા ।
વિત્તહીનો યથાશક્ત્યા શતૈરષ્ટાભિરેવ ચ

અત ઊર્ધ્વન્તુ કર્તવ્યા ગૃહવિત્તાનુસારતઃ ।
ગન્ધપુષ્પાદિભિઃ પૂજ્ય બ્રાહ્મણાય નિવેદયેત્ ॥
શ્રોત્રિયાય પ્રદાતવ્યા સહસ્રકનકેન તુ ।
તદર્ધેન મહારાજ તસ્યાપ્યર્ધેન વા પુનઃ

શતેન વા શતાર્ધેન યથાશક્ત્યા નિવેદયેત્ ।
ગન્ધપુષ્પદિભિઃ પૂજ્ય મુદ્રિકાકર્ણપત્રકૈઃ

છત્રિકાપાદુકે દત્ત્વા ઇમં મન્ત્રમુદીરયેત્ ।
ગુડધેનો મહાવીર્યે સર્વસમ્પત્પ્રદે શુભે

દાનાદસ્માચ્ચ ભોદેવિ ભક્ષ્યભોજ્યં પ્રયચ્છ મે ।
પ્રાઙ્‌મુખોવાપિ દાતા ચ બ્રાહ્મણાય નિવેદયેત્

વાચા કૃતં કર્મકૃતં મનસા યદ્વિચિન્તિતમ્ ।
માનકૂટં તુલાકૂટં કન્યાગોઽર્થે ઉદાહૃતમ્

અનૃતં નાશમાયાતિ ગુડધેનો દ્વિજાર્પિતા ।
દીયમાનાં પ્રપશ્યન્તિ તે યાન્તિ પરમાં ગતિમ્ ॥
યત્ર ક્ષોરવહા નદ્યો ઘૃતપાયસકર્દમાઃ ।
ઋષયો મુનયઃ સિદ્ધાસ્તત્ર ગચ્છન્તિ ધેનુદાઃ

દશ પૂર્વાન્દશ પરાનાત્ભાનઞ્ચૈકવિંશતિમ્ ।
વિષ્ણુલોકં નયત્યાશુ ગુડધેનોઃ પ્રસાદતઃ

અયને વિષુવે પુણ્યે વ્યતીપાતે દિનક્ષયે ।
સર્વદૈવ પ્રદાતવ્યા પાત્રં દૃષ્ટ્‍વા મહામતે

શ્રદ્ધાન્વિતેન દાતવ્યા ભુક્તિમુક્તિફલપ્રદા ।
સર્વકામપ્રદા નિત્યં સર્વપાપહરાસ્મૃતા

ગુડધેનોઃ પ્રસાદાત્તુ સૌભાગ્યમખિલ ભવેત્ ।
વૈષ્ણવં પદમાપ્નોતિ દૌર્ગત્યન્તસ્ય નશ્યતિ

દશદ્વાદશસાહસ્રા દશ ચાષ્ટૌ ચ જન્મનિ ।
ન શોકદુઃખદૌર્ગત્યં તસ્ય સઞ્જાયતે ક્વચિત્

ઇતિ પઠતિ શૃણોતિ ચેહ સમ્યક્
મતિમપિ દદાતિ યોજનાનામ્ ।
સ ઇહ વિભવૈશ્ચિરં વસિત્વા
વસતિ ચિરં દિવિ દેવતાદિપૂજ્યઃ

ઇતિ વારાહપુરાણે શ્વેતોપાખ્યાને ગુડધેનુમાહાત્મ્યં
નામ દ્વ્યધિકશતતમોઽધ્યાયઃ ॥