સ્વયંભુપુરાણ · અધ્યાય 8

ઇતિ શ્રીસ્વયંભૂધર્મ્મધાતુવાગીશ્વર ગુપ્તિકૃત પ્રવર્ત્તનો નામ સપ્તમો ઽધ્યાયઃ સમાપ્તઃ ।
અષ્ટમ અધ્યાયઃ સ્વયમ્ભૂચૈત્યાશ્રમનામ સાધનાસુવૃષ્ટિચરણો નામ
અથ સ ભગવાઞ્છાસ્તા સ સમાધેરુત્થિતઃ પુનઃ ।
મૈત્રેયં તં સભાં ચાપિ સમાલોક્યૈવમાદિશત્

શૃણુ મૈત્રેય ભૂયો સ્યા એતદ્ દેવાનુભાવતઃ ।
સિદ્ધભૂમેઃ પ્રવક્ષાપિ મહત્સિદ્ધિ પ્રભાવતાં

તદ્યથાત્રોપછન્દોહે સિદ્ધલોક હિમાલય ।
નેપાલ ઇતિ વિખ્યાતે એતદ્દેવાનુભાવતઃ

સદા ભદ્રમહોત્સાહં સુભિક્ષં નિરુપદ્રવં ।
સર્વદ્રવ્યસમાપન્ન સમૃદ્ધાધમવર્ત્તત

તદા સર્વત્ર લોકાશ્ચ દશકુશલચારિણઃ ।
ત્રિરત્નભજનારક્તાઃ પ્રાચરન્તઃ સહાશુભ

એતત્પુણ્યાનુલિપ્તાસ્તે ચતુર્બ્રહ્મવિહારિણઃ ।
ભદ્રશ્રીસદ્ગુણાધીરા બભૂવુર્બોધિચારિણઃ

એવમેષાં પ્રસિદ્ધાભૂદૃદ્ધિસિદ્ધિગુણાર્થદા ।
ઋદ્ધાસ્ફીતા સુભિક્ષા શ્રીસમાશ્રયાભિશોભિતાઃ

તેનાત્ર યોગિનો વિજ્ઞા યતયો બ્રહ્મચારિણઃ ।
સ્મૃત્વા ધ્યાત્વા કુલેશાનં સમારાધ્ય સમાશ્રયન્

તથાન્યે ઽપિ સુલોકાશ્ચ સમાગત્ય પ્રસાદિતાઃ ।
ધર્મધાતુમિમં ભક્ત્યા ભજમાનાઃ સમાશ્રયન્

સર્વષ્વપિ ચ તીર્થેષુ સ્નાનદાનાદિ સંબરં ।
કૃત્વાષ્ટૌ વીતરાગાંશ્ચ ભજન્ત સમુપાશ્રયન્

એતાશ્ચ દેવતાઃ પઞ્ચ સમારાધ્ય યથાવિધિ ।
ભજમાના સદોત્સાહૈઃ પ્રાચરન્ત સમાહિતાઃ

તદા ખગાનનાદેવીં સમારાધ્ય યથાવિધિ ।
ભજમાના મહોત્સાહૈઃ પ્રાચરન્ત સદા શુભં

એવમિમં ચ પુચ્છાગ્રં ચૈત્યં મઞ્જુશ્રિયાપિ તે ।
સર્વે લોકાઃ સમારાધ્ય પ્રાભજન્ત પ્રસાદિતાઃ

એવં સર્વે ઽપિ લોકાશ્ચ સદ્ધર્મ્માભિરતા મુદા ।
સદા ભદ્રાણિ કર્મ્માણિ કૃત્વાત્ર સર્વ્વદાશ્રયન્

એવમેષાં મહાસિદ્ધિ ભૂમિઃ શ્રીસંપ્રશોભિતાઃ ।
મહાજન સમાકીર્ણ્ણા સર્વભૂમ્યુત્તમા વભૌ

તતઃ કાલાન્તરેણાત્ર રાજા ભૂમિ યતિર્નૃપઃ ।
શ્રીગુણકામદેવાખ્ય શાસ્તા લોકાધિપાભવત્

તદા સ નૃપતિઃ પ્રૌઢા યુવા કામાતિલાલસઃ ।
યથા કામરસં ભુક્ત્વા પ્રાચરન્ સ્વેચ્છયારમન્

તતઃ સ ક્ષત્રિયાપ્યેવં કામભાગાભિમોહિતાઃ ।
પ્રમદા ગુણસંરક્તા નીતિધર્મે નિરાદરઃ

દૃષ્ટ્વા સ સુન્દરીં કાન્તામગમ્યામપિ મોહિતઃ ।
બલેનાપિ સમાકૃષ્ય વુભુજે સ્વેચ્છયા મુદા

એવં સ નૃપરાજાપિ કામધર્મ્માતિલાલસઃ ।
મન્ત્રિષુ સર્વ રાજ્યાઙ્ગ નિવેશ્ય સ્વેચ્છયા રમેત્

તતઃ સ્તે મન્ત્રિણઃ સર્વે નૃપં તં પ્રમદા વશે ।
પ્રતિષ્ઠાપ્ય યથાકામં ભુક્ત્વા ચરન્ યથેચ્છયા

તથા ભૃત્યા જનાશ્ચાપિ સર્વે ઽપિ ક્લેશિતાશયાઃ ।
સદ્ધર્મ્માણિ પ્રતિક્ષિપ્ય પ્રાચરન્ કામભાગિનઃ

બ્રાહ્મણાશ્ચ તથા સર્વે દશાકુશલ ચારિણઃ ।
સ્વકુલધર્મ્મમર્યાદં ત્યક્ત્વા ચરન્ યથેચ્છયા

વૈશ્યાશ્ચાપિ તથા ધર્મ્મદ્રવ્યસંગ્રહલાલસાઃ ।
સ્વકુલવૃત્તિમુત્સૃજ્ય ભુક્ત્વા ચરન્ યથેપ્સિતં

મહાજનાસ્તથા સર્વેપ્યન્યાયદ્રવ્યસાધિનઃ ।
સ્વકુલધર્મમુત્સૃજ્ય ભુક્ત્વૈવ પ્રાચરન્ સુખં

વણિજો ઽપિ તથા સર્વે મિથ્યાર્થસાધનોદ્યતાઃ ।
સત્યધર્મ પ્રતિક્ષિપ્ય ચેરુઃ ક્લેશાભિમાનિતાઃ

શિલ્પિનો ઽપિ તથા સર્વે કવલભૃતિલાલસાઃ ।
અવિધિજ્ઞાઃ પ્રમાદાન્ધાશ્ચક્રુઃ કર્મ્મ યંથેચ્છયા

તથા નારીજનાશ્ચાપિ કામક્લેશાઃ કુલાશયાઃ ।
સ્વકુલધર્મમૃત્સૃજ્ય પ્રાચરન્ત યથેપ્સિતં

એવં સર્વે ઽપિ લોકાશ્ચ દશાકુશલસંરતાઃ ।
સ્વકુલાચારમુત્સૃજ્ય પ્રાચરન્ત યથેચ્છયા

તીર્થિકાશ્ચાપિ યે દુષ્ટાસ્તે દૃષ્ટ્વૈવં જિનાલયં ।
નિન્દિત્વા પરિભાષન્તઃ પ્રાચરન્ત યથેચ્છયા

તદાત્ર વહવો દુષ્ટા ચૌરા ધૂર્ત્તાઃ પ્રગલ્ભિકાઃ ।
સાધુજનાઃ પ્રતિક્ષિપ્ય ચેરુ મત્તદ્વીપા ઇવ

સાધવઃ સજ્જનાશ્ચાપિ નીચકર્માનુચારિણઃ ।
સદ્ધર્મ્મવિરતોત્સાહાશ્ચેરુ ભુક્ત્વૈવ નીચવત્

તદૈવં પાપસંચારાત્ સર્વત્રાપ્યચરત્ કલિઃ ।
સદ્ધર્મ્મો દુર્વલી ભૂતો નીચવદ્વિલયં યયૌ

તદાત્ર પ્રવરીભૂતે કલિસંચાર વર્ત્તતે ।
દૃષ્ટ્વા લોકાધિપાઃ સર્વે ભવન્રુષ્ટપરાન્મુખાઃ

તતો ઽત્ર વિમુખીભૂય સર્વલોકાધિપા અપિ ।
ધિગ્નૃપમિતિ બા દન્તો દ્રષ્ટુમપિ ન ચેચ્છિરે

તદાત્ર લોકપાલાનાં સુદૃષ્ટિવિરતોત્સવે ।
ઈતયઃ સમુપાક્રમ્ય પ્રાવર્ત્તિતુમુપાચરત્

તતો દેવા અપિ ક્રૂરા યે દુષ્ટા મારપાક્ષિકાઃ ।
સર્વે તત્ર રૂપાલોક્ય મહોત્પાતં પ્રચક્રિરે

વહ્નિરપિ તથાલોક્ય દુષ્ટવત્ કોપિતાશયઃ ।
ધૂમાકુલાર્ચિષા દગ્ધા મહોત્પાતં વ્યધાદિહ

ધર્મરાજાપિ રુષ્ટાભૂન્ નિર્દયાં નિરુજાનપિ ।
નિહન્તું પ્રાણિનઃ સર્વાન્ મહામારીમચારયત્

નૈઋત્યા રાક્ષસેન્દ્રો ઽપિ પ્રકોપિતાતિનિર્દયઃ ।
સર્વત્રાપિ પ્રવિષ્ટો ઽત્ર મહોત્પાતં વ્યધાત્સદા

વરુણો નાગરાજાપિ પ્રદુષ્ટઃ ક્રૂરચક્ષુષા ॥
દૃષ્ટ્વા વારિવહાન્ મેઘાન્ સર્વાન્ વૃષ્ટિં ન્યવારયેત્

મરુતો ઽપિ તથાલોક્ય પ્રરુષ્ટા નિર્દયા સ્થિતાઃ ।
અસાધ્યં પ્રચરન્તાત્ર મહોત્પાતં પ્રચક્રિરે

તથા યક્ષાશ્ચ યે દુષ્ટાઃ કિન્નરા ગુહ્યકા અપિ ।
ગૃહે ગૃહે પ્રવિશ્યાપિ રોગોત્પાતં પ્રચક્રિરે

તથા ભૂતાઃ પિશાચાશ્ચ વેતાલાઃ કટપૂટિનાઃ ।
ડાકિણ્યઃ પ્રમથાશ્ચાપિ શાકિન્યઃ સગણા અપિ

રુદ્રા અપિ સગન્ધર્વા કુમ્ભાણ્ડા ગરુડા અપિ ।
સર્વત્ર પ્રચરન્તો ઽત્ર મહોત્પાતં પ્રચક્રિરે

માતૃકા અપિ સર્વાશ્ચ સગણા અપ્રસાદિતાઃ ।
સુદુષ્ટવાલોક્ય સર્વાન્ સ્તાન્ દ્રક્ષિતું ન સમાહિરે

ગ્રહાસ્તારાગણાઃ સર્વે વિરુદ્ધા અપ્રસાદિતાઃ ।
અનુસંદર્શનં વાપિ કર્તુ નૈવાવવાંઞ્છિરે

કુલેશા અપિ સર્વાશ્ચ દેવતા અપ્રસાદિતાઃ ।
સંત્રાત સમર્થાસ્તાન્ પશ્યંત્ય એવ તસ્થિરે

એવમન્યેપિ દેવાશ્ચ સર્વત્રાણપરાઙ્મુખાઃ ।
તેષાં સંદર્શનં કર્તુમપિ નૈવ વાંછિરે

તેષાં ત્રાતું તદેકાપિ ન શશાક કથંચન ।
એવમત્ર મહોત્પાતં પ્રાવર્ત્તત સમન્તતઃ

એવમત્ર મહોત્પાતં પ્રર્વર્ત્તતે ઽપિ સર્વતઃ ।
સર્વક્લેશા હતાત્માનઃ પ્રચક્રુ વિગ્રહં મિથઃ

તદેવં કલિસંરક્તાન્ સર્વાન્ લોકાન્ વિલોક્ય સઃ ।
નૃપતિઃ સુચિરં ધ્યાત્વા મનસૈવં વ્યચિન્તયત્

હા કષ્ટં પાપજં ધોરં જાયતે ઽત્રાધુના મમ ।
તત્પાપશમનાયાયં કો દધાન્મહિતાશયઃ

કથમિહ મહદ્દુઃખં શમીકર્ત્તું વિધાસ્યતે ।
પશ્યન્નેવમુપેક્ષ્યૈવ રમેયં સામ્પ્રતં ચ કિં

યો હિ રાજા પ્રજાદુઃખમુપેક્ષ્ય રમતે સુખં ।
સ કિં રાજા પ્રભુર્ભત્તાં દુષ્ટાહિવદ્વિગર્હ્યતે

યત્ર રાજા પ્રજાદુઃખમુપેક્ષ્ય ન વિચારયેત્ ।
સ્વયમેવ સુખં ભુક્ત્વારમંશ્ચરેયથેચ્છયા

તત્ર સર્વપ્રજા લોકાઃ ક્લેશવ્યાકુલમાનસાઃ ।
સત્યધર્મકુલાચારં હિત્વા ચરેયુરૌદ્ધટાઃ

તતસ્તે દુરિતારક્તા દશકુશલચારિણઃ ।
મહાપાપે ઽપિ નિર્લજ્જાઃ સંચરેરન્ યથેચ્છયા

એતત્ સર્વ મહત્પાતં ર્ભુજીયાન્નૃપતિર્ધ્રુવં ।
ઇતિ સત્યં સમાખ્યાતં નીતિવિજ્ઞૈર્મહર્ષિભિઃ

ઇત્યેતત્પાપવૈપાક્યં ભોક્તવ્યં હિ મયા ભવ ।
તદત્ર કિં કરિષ્યામિ યદુપાયં ન મન્યતે

ધિગ્ જન્મ મે ઽત્ર સંસારે યસ્ય રાજ્યે સદા કલિઃ ।
દુર્ભિક્ષાદિ મહાત્પાતં પ્રવર્ત્તતે દિવાનિશં

ધન્યાસ્તે પુરુષા યે હિ નિઃક્લેશા વિમલાશયા ।
વિમુક્ત ભવ સંચારા ભિક્ષવો બ્રહ્મચારિણઃ

કિં મે ઽત્ર જન્મ સંસારે સુકુલમપિ પ્રભોર્નૃણાં ।
યદહં પશુવદ્ ભુક્ત્વા કામમેવ રમે ગૃહે

તદેતતપાપલિપ્તો ઽહં ક્લેશવ્યાકુલમાનસઃ ।
નરકેષુ ભ્રમન્ દુઃખં ભુંજીયાં વિવિધં સદા

તદા કો મે સુહૃત્ મિત્રં સંરક્ષિતુમુપાચરત્ ।
ધર્મમેવ તદા ત્રાણં સર્વદુઃખાપહં ભવે

ધર્માણાં પ્રવરં બૌદ્ધં ધર્મં સર્વભયાપહં ।
સર્વાર્થસાધનં સિદ્ધમિત્યાખ્યાતં જગદ્ધિતં

ઇત્યહં સામ્પ્રતં ગત્વા ગોશૃઙ્ગે પર્વતે સ્થિતં ।
શાન્તશ્રિયં મહાચાર્યં પ્રાર્થયેયં સમાદરાત્

સ એવ હિ મહાચાર્ય એતદુત્પાતશાન્તયે ।
વિધાનં સમુપાદિશ્ય કુર્યાન્મે ઽત્ર હિતં સદા

ઇતિ નિશ્ચિત્ય ભૂપાલઃ પુરોહિતં સમન્ત્રિણઃ ।
મહાજનાન સપૌરાંશ્ચ સમામન્ત્રયૈવમાદિશત્

ભો ભવન્તો યદત્રૈવં મહોત્પાતં પ્રવર્ત્તતે ।
તચ્છાન્તિકરણં ધર્મં કર્ત્તુમિચ્છામિ સાંપ્રતં

તદાચાર્ય મહાભિજ્ઞં શાન્તિશ્રિયં સમાદરાત્ ।
પ્રાર્થયિત્વા તદા દેશાદ્ ધર્ત્તુમિચ્છામિ સદૃશં

ઇતિ સર્વે વયં તત્ર ગોશૃઙ્ગે ઽગ્રે સમાદરાત્ ।
શાન્તશ્રિયં મહાચાર્ય સંપ્રાર્થિતું વજ્રાવહૈ

ઇત્યાદિષ્ટં નરેન્દ્રણ શ્રુત્વા પુરોહિતાદયઃ ।
સર્વે તથેતિ વિજ્ઞપ્ય પ્રાભ્યનન્દન્ પ્રબોધિતાઃ

તતઃ સ નૃપતી રાજા સમન્ત્રિજનપૌરિકાઃ ।
પુરોહિતં પુરોધાય ગોશૃઙ્ગે ઽગ્રે મુદાચરત્

તત્ર દૃષ્ટ્વા તમાચાર્ય નૃપતિઃ સંપ્રમોદિતઃ ।
સમેત્ય સાઞ્જલિર્નત્વા પાદાબ્જે સમુપાશ્રયત્

તથા સર્વે ઽપિ લોકાશ્ચ સમીક્ષ્યેનં પ્રસાદિતાઃ ।
સમેત્ય પાદયોર્નત્વા સમુપતસ્થિરે મુદા

તાન્ સર્વાન્ સમુપાસીનાન્ સમીક્ષ્ય સ મહામતિઃ ।
શાન્તશ્રીસ્તં મહીપાલં સમ્પશ્યન્નેવમાદિશત્

રાજન્ સદાસ્તુ વો ભદ્રં સર્વત્રાપિ નિરન્તરં ।
કિમર્થમિહ પ્રાયાસિ તત્ મે ઽગ્રે વક્તુંમર્હસિ

ઇતિ શાન્તશ્રિયા પ્રોક્તે નૃપતિઃ સ કૃતાઞ્જલિઃ ।
પ્રણત્વા તં મહાચાર્ય પશ્યન્નેવં ન્યવેદયેત્

ભો શ્રીશાસ્તયદર્થે ઽહં ભવચ્છરણમાવ્રજે ।
તદર્થ પ્રાર્થયામ્યત્ર મે સમુપાદેષ્ટુમર્હતિ

યત્ મે ઽત્ર પાપતો રાજ્યે મહોત્પાતં પ્રવર્ત્તતે ।
તચ્છાન્તિકરણોપાયં સમુપાદેષ્ટુમર્હતિ

ઇતિ સંપ્રાર્થિતે રાજ્ઞા શાન્તશ્રી મન્ત્રવિત્ સુધીઃ ।
નૃપતે તં મહાસત્ત્વં સમાલોક્યૈવમાદિશત્

નૃપતે પાપતો ઽત્રૈવં મહોત્પાતં પ્રવર્ત્તતે ।
તત્પાપશમનોપાયં વક્ષામિ તે શૃણુષ્વ તત્

યત્વમત્ર નૃપા રાજા સર્વધર્માનુપાલકઃ ।
નીતિધર્મ્માનુસારેણ સંપાલયસિ ન પ્રજાઃ

મન્ત્રિણો ઽપિ તથા સર્વનીતિધર્મપરાઙ્મુખાઃ ।
ભુક્ત્વા કામસુખાન્યેવ પ્રચરન્તિ યથેચ્છયા

તથા ભૃત્યા જનાશ્ચાપિ પૌરાશ્ચાપિ મહાજનાઃ ।
સ્વકુલધર્મમુત્સૃજ્ય પ્રચરન્તિ યથેચ્છયા

એવં સર્વે ઽપિ લોકાશ્ચ દશાકુશલચારિણઃ ।
સદ્ધર્માણિ પ્રતિક્ષિપ્ય પ્રચરન્તિ પ્રમાદતઃ

તદૈતત્ પાપવૈપાક્યં ભોક્તવ્યંમેવ હિ ભવ ।
યેનૈવ યત્કૃતં કર્મ્મ ભોક્તવ્યં તેન તત્ફલં

એવં મત્વા નૃપઃ સ્વામી સ્વયં નીત્યા વિચારયન્ ।
બોધયિત્વા પ્રયત્નેન લોકાન્ સંપાલયત્ સદા

યદ્યત્ર નૃપતિઃ સમ્યગ વિચાર્ય પ્રમાદતઃ ॥
સ્વયં કામસુખાન્યેવ ભુક્ત્વા ચરદ્યથેચ્છયા

તથા સર્વે ઽપિ લોકાશ્ચ નૃપચર્યાનુચારિણઃ ।
ભુક્ત્વા કામસુખાન્યેવ પ્રચરેયુર્યથેચ્છયા

તદા તત્ર મહોત્પાતં પ્રવર્ત્તત્ પાપતો ધ્રુવં ।
પ્રવર્ત્તિતે મહોત્પાત લોકા સ્યુઃ પાપદુઃખિતાઃ

તત્ર તાન્ નૃપતિઃ પશ્યન્નુપેક્ષ્યં નિર્દયશ્ચરત્ ।
લોકસંરક્ષણે અસક્તઃ સ સર્વપાપભાગ્ ભવેત્

સર્વાણ્યપિ હિ પાપાનિ સર્વલોકૈઃ કૃતાન્યપિ ।
પતિત્વા નૃપતેરગ્રે પ્રદદ્યુસ્તત્ફલાનિ હિ

ઇતિ સત્યં સમાખ્યાતં સર્વૈરપિ મુનીશ્વરૈઃ ।
નત્વા રાજા સ્વયં નીત્યા વિચારયન્ સમાચરેત્

ઇતિ તેન સમાદિષ્ટં શાન્તશ્રિયા સુમન્ત્રિણા ।
શ્રુત્વા સ નૃપતીર્ભીત્યા સંતાપતાપિતાશયઃ

શાન્તશ્રિયં તમાચાર્ય સમીક્ષ્ય શરણં ગતઃ ।
નત્વા પાદામ્બુજે ભૂયઃ પ્રાર્થયદેવમાદરાત્

શાસ્તઃ સદા ચરિષ્યામિ ભવદાજ્ઞાં શિરાવહન્ ।
તત્ મે યદુચિતં ધર્મ્મ તત્ સમાદેષ્ટુમર્હતિ

ઇતિ સંપ્રાર્થિતં રાજ્ઞા શ્રુત્વાચાર્યઃ સ સત્મતિઃ ।
નૃપતિં તં મહાસત્ત્વં સમ્પશ્યન્નેવમાદિશત્

રાજઞ્છૃણુ સમાધાય વક્ષ્યામિ શુભકારણં ।
યદ્યસ્તિ તે કૃપા લોક તત્ કુરુ યન્મયોદિતં

તદ્યથૈતેષુ તીર્થેષુ સ્નાત્વા નિત્યં યથાવિધિ ।
શુચિશીલસમાચારઃ સમાહિતઃ ત્રિમણ્ડલઃ

સમ્બોધિં પ્રણિધાનેન સર્વસત્ત્વહિતાર્થભૃત્ ।
ત્રિરત્નભજનં કૃત્વા ચરસ્વ પોષધં વ્રતં

તત ઇમં જગન્નાથં ધર્મધાતું જિનાલયં ।
યથાવિધિ સમારાધ્ય સંભજસ્વ સદાદરાત્

તથા સર્વા ઇમા પઞ્ચ દેવતાશ્ચ યથાવિધિ ।
સમારાધ્ય સમભ્યર્ચ્ય સંભજસ્વ સદાદરાત્

ઇમં મઞ્જુશ્રીયંશ્ચાપિ ચૈત્યમારાધ્ય સર્વદા ।
યથાવિધિ સમભ્યર્ચ્ય સંભજસ્વ મહોત્સવૈઃ

તથાષ્ટૌ વીતરાગાંશ્ચ સમારાધ્ય યથાવિધિ ।
સમભ્યર્ચ્ય મહોત્સાહૈઃ સંભજસ્વ સદાદરાત્

તથા માહેશ્વરીં દેવી ખગાનનાં સમાદરાં ।
સમારાધ્ય સમભ્યર્ચ્ય સંભજસ્વ યથાવિધિં

એતે સર્વે ઽપિ દેવા હિ સર્વલોકાધિપેશ્વરાઃ ।
સર્વસત્ત્વહિતાર્થેન પ્રાદુર્ભૂતાઃ સ્વયં ખલુ

તદત્રૈતેષુ દેવેષુ સર્વેષુ શ્રદ્ધયા સદા ।
વિધિના ભજનં કૃત્વા સંચરસ્વ જગદ્ધિતે

લોકાંશ્ચાપિ તથા સર્વાન્ બોધયિત્વા પ્રયત્નતઃ ।
સર્વેષ્વેતેષુ તીર્થેષુ સ્નાનદાનાદિકં સદા

કારયિત્વા મહત્પુણ્યં જગદ્ભદ્રસુખાર્થદં ।
સંબુદ્ધગુણસત્સૌખ્યં ચારય પોષધં વ્રતં

એતેષાં ચ ત્રિરત્નાદિદેવાનાં ભજનં સદા ।
કારયિત્વા મહોત્સાહૈર્બોધિમાર્ગે પ્રચારય

તદૈતત્પુણ્યભાવેન સર્વત્રાપિ ચરચ્છુભં ।
તદા સર્વમહોત્પાતં સર્વત્ર વિલયં વ્રજેત્

તદા બ્રહ્મમરેન્દ્રાદ્યાઃ સર્વે લોકાધિપા અપિ ।
સુદૃશાત્ર સમાલોક્ય પાલયેયુઃ સદા મુદા

તદા સંપાલિતે ઽસ્મિંન તૈઃ સવૈર્લોકાધિપૈઃ પુનઃ ।
સુભિક્ષં શ્રીશુભોત્સાહં પ્રવર્ત્તયેદ્ધિ સર્વદા

તદા સર્બે ઽપિ લોકાશ્ચ નીરોગાઃ શ્રીગુણાશ્રયાઃ ।
વિરમ્ય પાપમાર્ગેભ્યઃ સંચરેરન્ સદા શુભે

એવં ધૃત્વા સદા રાજન્ મહાપુણ્ય પ્રભાવતઃ ।
અન્તે બોધિં સમાસાદ્ય સંબુદ્ધપદમાપ્નુયુઃ

એવં મહત્તરં પુણ્યં ત્રિરત્નભજનાદ્ ભવં ।
વિજ્ઞાયાદૌ ત્રિરત્નાનાં ભજસ્વ શ્રદ્ધયા સ્મરન્

તતઃ સર્વેષુ તીર્થેષુ સ્નાત્વા શુદ્ધેન્દ્રિયાશયઃ ।
ત્રિરત્નં શરણં ગત્વા ભજસ્વ પોષધં વ્રતં

તતઃ સર્વાનિમાન્ દેવાન્ ધર્મ્મધાતુમુખાન્ સદા ।
યથાવિધિ સમારાધ્ય સંભજસ્વ સમર્ચયન્

લોકાનપિ તથા સર્વાન્ બોધયિત્વા પ્રયત્નતઃ ।
સર્વેષ્વેતેષુ તીર્થેષુ સ્નાપયિત્વા યથાવિધિં

ત્રિરત્નશરણે સ્થાપ્ય સંબોધિજ્ઞાનસાધનં ।
ભદ્શ્રીસત્ગુણાધારં ચારય પોષધં વ્રતં

એતેષામપિ દેવાનાં કારયિત્વા સદાર્ચનં ।
બોધિમાર્ગે પ્રતિષ્ઠાપ્ય ચારય પાલયઞ્છુભે

એવં કૃત્વા મહત્પુણ્યં પ્રાપ્ય શ્રીસદ્ગુણાશ્રયઃ ।
બોધિસત્ત્વ મહાસત્ત્વ મહાભિજ્ઞા ભવેદ્ધ્રુવં

તતઃ સંબોધિસંભારં પૂરયિત્વા યથાક્રમં ।
અર્હન્ બોધિં સમાસાદ્ય સંબુદ્ધપદમાપ્નુયાઃ

ઇતિ શાન્તશ્રિયા શાસ્તા સમાદિષ્ટં નિશમ્ય સઃ ।
નૃપસ્તથેતિ વિજ્ઞપ્ય કર્તુમેવં સમૈચ્છત

તતઃ સ નૃપતિઃ સર્વાન્ મન્ત્રિણસ્સચિવાઞ્જનાન્ ।
પૌરાન્ મહાજનાશ્ચાપિ સમામન્ત્રયૈવમાદિશત્

ભો મન્ત્રિણો જનાઃ સર્વે ઽમાત્યાઃ પૌરા મહાજનાઃ ।
આચાર્યેન યથાદિષ્ટં તથા ચરિતુમર્હથ

અહમપિ તથા ધૃત્વા સર્વદા ભદ્રકારણં ।
ત્રિરત્નશરણં કૃત્વા વ્રતં ચરિતુમુત્સહે

ઇત્યાદિષ્ટં નરેન્દ્રેણ શ્રુત્વા તે મન્ત્રિણો જનાઃ ।
પૌરા મહાજનાઃ સર્વ તથેતિ પ્રતિશુશ્રુવુઃ

તતઃ સ નૃપતિઃ સર્વેઃ સપુરોહિતમન્ત્રિભિઃ ।
અમાત્યૈઃસચિવૈઃ પૌરૈર્મહાજનૈઃ સમન્વિતઃ

સર્વેષ્વેતેષુ તીર્થેષુ સ્નાત્વા યથાવિધિ ક્રમાત્ ।
શુદ્ધશીલઃ સમાધાય પ્રાચરત્ પોષધં વ્રતં

તતસ્સ વિમલાત્માન ત્રિરત્નશરણં ગતાઃ ।
ધર્મધાતું સમારાધ્ય સમભ્યર્ચ્યભિજન્મુદા

તથા વાયુપુરે વાયુદેવતાંશ્ચ યથાવિધિ ।
અગ્નિપુરે ઽગ્નિદેવં ચ નાગપુરે ફણેશ્વરાન્

વસુપુરે વસુન્ધારાં સદ્ધર્મ્મશ્રીગુણપ્રદાં ।
શાન્તપુરે મહેશાનં સમ્બરં સગણં ક્રમાત્

યથાવિધિ સમભ્યર્ચ્ય શ્રદ્ધયા સમુપાશ્રિતઃ ।
તથા મઞ્જુશ્રી યશ્ચૈત્યં સમભ્યર્ચ્યાભજન્ સદા

તથાષ્ટૌ વીતરાગાંશ્ચ શ્રીદેવીંશ્ચ ખગાનનાં ।
યથાવિધિ સમારાધ્ય સમભ્યર્ચ્યાભજત્ સદા

તથા સર્વે ઽપિ લોકાસ્તે નૃપવૃત્તાનુચારિણઃ ।
સ્નાત્વા સર્વેષુ તીર્થેષુ શુદ્ધશીલા સમાદરાત્

ત્રિરત્નશરણં કૃત્વા ચરન્તઃ પોષધં વ્રતં ।
ધર્મ્મધાતુમુખાન્ સર્વાન્ દેવાંશ્ચાભ્યર્ચ્ય પ્રાભજન્

તદૈતત્પુણ્યભાવેન સર્વત્ર શુભમાચરત્ ।
તતઃ સર્વ મહોત્પાતં ક્રમેણ પ્રશમં યયૌ

તદા સર્વે ઽપિ તે લોકા નીરોગાઃ પુષ્ટિતેન્દ્રિયાઃ ।
મહાનન્દં સુખં પ્રાપ્ય બભૂવુ ધર્મ્મલાલસાઃ

તદ્ દૃષ્ટ્વા ન નૃપો રાજા પ્રત્યક્ષં ધર્મસત્ફલં ।
અહો સદ્ધર્મમાહાત્મ્યમિત્યુક્ત્વા નન્દિતાચરત્

તદા સુવૃષ્ટિરેવાત્ર ન બભૂવ કથંચન ।
તદ્ દૃષ્ટ્વા ન નૃપશ્ચાસીદ્ દુર્ભિક્ષશંકિતાશયઃ

તતઃ સ કરુણાવિષ્ટહૃદયઃ સ નૃપઃ પુનઃ ।
શાન્તશ્રિયં તમાચાર્ય નત્વૈવ પ્રાહ સાઞ્જલિઃ

આચાર્ય કૃપયા તે ઽત્ર ચરતે શુભતાધુના ।
સર્વદાપિ મહોત્પાતં સંશામ્યત સમન્તતઃ

સુવૃષ્ટિરેવ નાદ્યાપિ પ્રવર્ત્તતે કથંચન ।
સુવૃષ્ટિકરણોપાયં તત્ સમાદેષ્ટુમર્હતિ

ઇતિ સંપ્રાર્થિતં રાજ્ઞા શ્રુત્વાચાર્યઃ સ સત્મતિઃ ।
નૃપતિં તં મહાસત્ત્વં સંપશ્યન્નેવમબ્રવીત્

સાધુ રાજઞ્છૃણુષ્વાત્ર સદા સુભિક્ષકારણં ।
સુવૃષ્ટિકરણોપાયમુપદેક્ષ્યામિ સાંપ્રતં

લિખિત્વા મણ્ડલં નાગરાજાનાં યદ્યથાવિધિ ।
તત્ર નાગાધિપાન્ સર્વાનાવાહ્યારાધયેવહિ

તદત્ર ત્વં મહાવીરા ભવસ્વાત્તરઃ સાધકઃ ।
યથા માયોપદિષ્ટાનિ તથા સર્વાણિ સાધય

ઇત્યાચાર્ય સમાદિષ્ટં શ્રુત્વા સ નૃપતિર્મુદા ।
તથેતિ પ્રતિવિજ્ઞપ્ય તથા ભવિતુમૈચ્છત

તતઃ સ વજ્રધૃગ્ વારા નાગપુરં યથાવિધિ ।
લિખિત્વા મણ્ડલં રમ્યં પ્રતિષ્ઠાપ્ય સમાર્ચ્ચયત્

તત્ર નાગાધિપાન્ સર્વાનાચાર્યઃ સ યથાક્રમં ।
સમારાધ્ય સમાવાહ્ય પૂજયિતું સમાલભત્

તત્ર નાગાધિપાઃ સર્વે સમાગત્ય યથાક્રમં ।
સ્વસ્વાસનં સમાશ્રિત્ય સંતસ્થિરે પ્રસાદિતાઃ

કર્કોટકો ઽહિરાડેક એવ ન લજ્જયાગતઃ ।
તત્સમીક્ષ્ય સ શાન્તશ્રીર્મહાચાર્યા મહર્દ્ધિમાન્

નૃપતિં તં મહાવીરં મહાસત્ત્વં મહર્દ્ધિકં ।
મહાભિજ્ઞં સમાલોક્ય સમામન્ત્રયૈવમાદિશત્

રાજન્ નાગાધિપાઃ સર્વે સમાગતા ઇહાધુના ।
એક કર્ક્કોટકો નાગરાજ એવેહ નાગતઃ

વિરૂપો ઽહં કથં નાગરાજ મહાસભાસને ।
ગત્વા તિષ્ઠેયમિત્યેવં ધ્યાત્વા નાયાતિ લજ્જયા

અતસ્તં સહસા રાજન્ ગત્વા તત્ર મહાહ્રદે ।
કર્ક્કોટકં તમામન્ત્રય સંપ્રાર્થ્યેહ સમાનય

યદિ સંપ્રાર્થ્યમાનાપિ નાગછેદિહ સો ઽહિરાટ્ ।
તદા બલેન ધૃત્વાપિ સર્વથા તં સમાનય

ઇત્યાચાર્ય સમાદિષ્ટં શૃત્વા સ નૃપતિઃ સુધીઃ ।
શાન્તશ્રિયં તમાચાર્ય પશ્યન્નેવં ન્યવેદયત્

આચાર્ય કથમકો ઽહં તત્રાગાઢમહાહ્રદે ।
ગત્વા બલેન નાગેન્દ્રં ધૃત્વા નેતું પ્રશક્નુયાં

ઇતિ નિવેદ્ય તં રાજ્ઞા શ્રુત્વાચાર્યઃ સ મન્ત્રવિત્ ।
નૃપતિં તં મહાવીરં સમ્પશ્યન્નેવમબ્રવીત્

હરિદશ્વં સમારુહ્ય પુષ્પમત્મન્ત્રશોધિતં ।
ધૃત્વા બ્રજ પ્રશક્નોષિ મમ મન્ત્રાનુભાવતઃ

દુર્વાકુણ્ડમિદં પુષ્પં તત્રાદૌ ક્ષિપ માં સ્મરન્ ।
ભ્રમન્ યત્ર ચરેન્ પુષ્પં તત્ યથાનુસરન્ બજ

ઇત્યુપદેશ્ય દુવીકં કુણ્ડં મન્ત્રાભિશોધિતં ।
પુષ્પં દત્વા નરેન્દ્રાય પુનરેવમુપાદિશત્

ગત્વૈવં નૃપતે તત્ર નાગપુરે સમેત્ય તં ।
કર્કોટકં સમામન્ત્રય મદ્ગિરૈવં નિવેદય

ભો કર્ક્કોટક નાગેન્દ્ર યદર્થેદમિહાવ્રજ ।
તદ્ભવાનપિ જાનીયાત્ તથાપિ વક્ષ્યતે મયા

ગોશૃઙ્ગે મહાચાર્યઃ શાન્તશ્રી ર્વજ્રભૃત્ કૃતી ।
દુર્ભિક્ષશમનં કર્ત્તું સુવૃષ્ટિચારણે સદા

તત્ર નાગપુરે સર્વાન્ નાગાધિપાન્ યથાવિધિ ।
સમારાધ્ય સમાવાહ્ય પૂજયિતું સમારભત્

સર્વે નાગાધિપાસ્તત્ર વરુણાદ્યાઃ સમાગતાઃ ।
ત્વમેવ નાગતઃ કસ્માત્ સહસા ગન્તુમર્હતિ

એવં સંપ્રાર્થ્યમાનો ઽપિ નાગછેત્ સો ઽહિરાડ્ યદિ ।
વલેનાપિ સમાકૃષ્ય સહસા નીયતાં ત્વયા

ઇતિ શાન્તશ્રિયા શાસ્તા સમાદિશ્ય સમાદરાત્ ।
પ્રેષિતો ઽહં તદર્થેત્ર તત્ સમગન્તુમર્હતિ

ઇત્યાદિશ્ય સ આચાર્યઃ પુષ્પં મન્ત્રાભિશોધિતં ।
દત્વા તં નૃપતિં વીરં પ્રેષયત્ તત્ર સત્વરં

ઇત્યાચાર્ય સમાદિષ્ટં નિશમ્ય સ મહામતિઃ ।
દુર્વામુણ્ડં સમાદાય તથેત્યુક્ત્વા તતો ઽચરત્

તતઃ સ નૃપતિર્વીરઃ શાસ્તુ રાજ્ઞાં શિરાવહન્ ।
હરિદશ્વં સમારુહ્ય સંચરન્સ્તદ્ હદં યયૌ

તત્ર તીરં સમાસાદ્ય પશ્યં નૃપઃ સ તં હદં ।
નત્વાચાર્યમનુસ્મૃત્વા દુર્વ્વાકુણ્ડં જલે ઽક્ષિપત્

તન્પ્રક્ષિપ્તં જલે ઽગાઢે ભ્રમન્ નાગપુરે ઽચરત્ ।
રાજાપ્યશ્વં સમારુહ્ય તત્પુષ્પાનુસરન્ યયૌ

એવં નાગપુરે ગત્વા નૃપતિઃ સ વિલોકયન્ ।
કર્કોટક મહીન્દ્રં તં સહસા સમુપાચરત્

તત્ર સમેત્ય સ વીરસ્તં કર્કોટકમહીશ્વરં ।
યથાચાર્યાય સંદિપ્ટં તથા સર્વં ન્યવેદયત્

તત્ સન્નિવેદિતં સર્વ શ્રુત્વા નાગાધિપાપિ સઃ ।
કિઞ્ચિદપ્યુત્તરં નૈવ દદૌ તસ્મૈ મહીભુજે

તતઃ સ નૃપતિશ્ચૈવં નિવેદ્ય તં મહીશ્વરં ।
સંપશ્યન્ સમુપામન્ત્રય પ્રાર્થયદમાદરાત્

નાગેન્દ્રો ઽત્ર પ્રસીદ ત્વં શાસ્તુરાજ્ઞાં શિરોવહં ।
ત્વદામન્ત્ર ન એવાહં પ્રાગતસ્તત્ સમાવ્રજ

ઇતિ સંપ્રાર્થ્યમાનો ઽપિ રાજા સ ભુજગાધિપઃ ।
કિઞ્ચિત્પ્રાપ્યુત્તરં નૈવ દદૌ તસ્મૈ મહીભુજે

તતો ઽસૌ નૃપતિવીરઃ શાસ્ત્રાદિષ્ટં યથા તથા ।
સર્વ નિવેદ્ય તસ્યાગ્રે પુનરેવમભાષત

નાગેન્દ્ર નાપરાધં મે યત્ત્વયા ન શ્રુતં વચઃ ।
તન્મે શાસ્ત્રા યથાદિષ્ટં તથા નૂનં ચરેય હિ

ઇત્યુક્તેપિ નરેન્દ્રેણ કર્કોટકો હિ યો ઽપિ સઃ ।
કિઞ્ચિદપ્યુત્તરં નૈવ દદૌ રાજ્ઞે મહીભૃતે

તતઃ સ નૃપતિવીરઃ શાસ્તુરાજ્ઞાં શિરોવહન્ ।
ધૃત્વા તમહિમાકૃષ્ય ગુરુત્માનિવ પ્રાચરત્

તતો હયાત્ સમાનીતાઃ ગુણકામદેવેન સઃ ।
આનીતે તેન માર્ગેણ વશિકાચલ ઉચ્યતે

એવં ધૃત્વા સમાકૃષ્ય સ વીરસ્તં મહીશ્વરં ।
સહસા નાગપુરે નીત્વા શાસ્તુરગ્રે સમાચરત્

આચાર્ય ભવદાદેશાત્ તથા કર્ક્કોટકો ઽહિરાટ્ ।
ધૃત્વાકૃષ્ય મયાનીતસ્તં સમીક્ષ્ય પ્રસીદતુ

ઇતિ નિવેદિતં રાજ્ઞા શ્રુત્વાચાર્યઃ સમાદિતઃ ।
નૃપતિં તં મહાવીરં સમ્પશ્યન્નેવમાદિશત્

સાધુ રાજન્ મહાવીર યદાનીતસ્ત્વયાહિરાત્ ।
તદેનમાસને નીત્વા સંસ્થાપય યથાક્રમં

ઇત્યાચાર્ય સમાદિષ્ટં શ્રુત્વા સ નૃપતિસ્તથા ।
નાગરાજં તમામન્ત્રય સ્વાસને સંન્યવેશયત્

તં દૃષ્ટ્વા સ્વાસનાસીનાંમાચાર્યઃ સ યથાવિધિં ।
નાગેન્દ્રાન્ સ્તાન્ સમાવાહ્ય સમારાધ્ય સમાર્ચયત્

તતઃ સ વ્રજધૃકાજ્ઞ આચાર્યઃ સ મહીપતિઃ ।
સર્વાન્ નાગાધિપાન્ સ્તુત્વા પ્રાર્થયુચ્ચૈવમાદરાત્

ભો ભવન્તો મહાનાગરાજાઃ સર્વે મયાગ્રતઃ ।
સમારાધ્ય સમાવાહ્ય યથાવિધિ સમર્ચિતાઃ

તન્મે સદા પ્રસીદન્તુ દાતુમર્હન્તિ વાઞ્છિતં ।
સર્વલોક હિતાર્થેવ આરાધ્યયામિ નાન્યથા

યદત્ર પાપસંચારાદ્ દુર્ભિક્ષં વર્ત્તતે ઽધુના ।
તેન સર્વે ઽપિ દુઃખાર્ત્તા લોકશ્ચરન્તિ પાતકં

તદ્દુર્ભિક્ષાભિશાન્ત્યર્થ સુભિક્ષકારણં સદા ।
સુવૃષ્ટિચરણોપાયં કરોમીદં જગદ્ધિતે

તે ભવન્તો ઽત્ર સર્વે ઽપિ સર્વસત્ત્વાભિરક્ષણે ।
ચારયિતું સમર્હન્તિ સુવૃષ્ટિમત્ર સર્વદા

ઇતિ સંપ્રાર્થિતં તેન શાન્તશ્રિયા નિશમ્યત ।
સર્વે નાગાધિપાસ્તસ્ય તથેતિ પ્રતિશુશ્રુવુઃ

તૈસ્તથેતિ પ્રતિજ્ઞાતં નાગરાજૈર્નિશમ્ય સઃ ।
શાન્તશ્રી નાગરાજાન્ સ્તાન્ પ્રાર્થયદેવમાદરાત્

ભવન્તો મે પ્રસીદન્તુ યદહં પ્રાર્થયે પુનઃ ।
સર્વસત્ત્વહિતે દાતું તદપ્યર્હન્તિ વાઞ્છિતં

ઇતિ સંપ્રાર્થિતે તેન શાન્તશ્રિયા નિશમ્યતે ।
સર્વ્વનાગાધિપા તસ્મૈ તથેતિ પ્રતિશુશ્રુવુઃ

સર્વે નાગાધિપૈસ્તૈઃ સમ્પ્રતિજ્ઞાતં નિશ્મ્ય સઃ ।
આચાર્યસ્તાનહીન્દ્રાંશ્ચ પ્રાર્થયેદેવમાદરાત્

ભવન્તઃ શ્રૂયતાં વાક્યં યત્ મયા પ્રાર્થ્યતે પુનઃ ।
તદ્ભવદ્ભિઃ પ્રતિજ્ઞાતં સંધાતવ્યં તથા સદા

યદાત્ર પાપસંચારાદ્ દુર્વષ્ટિશ્ચ ભવેદ્ ધ્રુવં ।
તદા સુવૃષ્ટિસંસિદ્ધિર્સાધનં તત્ પ્રનીયતાં

તદ્યથા ભવતાં પટ્ટે લિખિત્વા મણ્ડલં શુભં ।
યથાવિધિ પ્રતિષ્ઠાપ્ય સંસ્થાપિતું સમુત્સહે

દુર્વૃષ્ટિઃ સ્યાદ્યદાપ્યત્ર તદેવં પટ્ટમણ્ડલં ।
પ્રસાર્ય વિધિનારાધ્ય સમાવાહ્ય સમર્ચયત્

એવં પ્રસાર્ય પટ્ટેસ્મિન્ સંપૂજિતે યથાવિધિ ।
સુવૃષ્ટિરત્ર યુષ્માભિઃ સંભર્ત્તવ્યા જગદ્ધિતે

ઇતિ સંપ્રાર્થિતે તેન શાન્તશ્રિયા નિશમ્યતે ।
સર્વનાગાધિપાસ્તસ્મૈ તથેતિ પ્રતિશુશ્રુવુઃ

તતઃ સ મન્ત્રવિત્ પ્રાજ્ઞઃ સર્વનાગાધિપાજ્ઞયા ।
લિખિત્વા મણ્ડલં પટ્ટે પ્રતિષ્ઠાપ્ય યથાવિધિ

પશ્ચાત્ કાલે ઽત્ર દુર્વૃષ્ટિવૃત્તે સુવૃષ્ટિસાધને ।
નાગપુરે ઽત્ર સંસ્થાપ્ય નિર્દગ્ધ સંપ્રગોપિતં

તતો વજ્રી સ આચાર્યઃ સર્વાન્ સ્તાન્ ભુજગાધિપાન્ ।
સંપ્રાર્થ્ય વિનયં કૃત્વા વિસસર્જ્જ વિનોદયન્

તતઃ સર્વે ઽપિ તે નાગરાજાઃ સ્વસ્વાલયં ગતાઃ ।
મેઘમાલાં સમુત્થાપ્ય સર્વત્ર સમવર્ષયન્

તદા સુવૃષ્ટિસંચારાદ્ દુર્ભિક્ષં વિલયં યયૌ ।
સુભિક્ષમંગલોત્સાહં પ્રાવર્ત્તત સમન્તતઃ

તદા સર્વે ઽપિ લોકાસ્તે મહાનન્દપ્રમોદિતઃ ।
ત્રિરત્નભજનં કૃત્વા પ્રાચરન્ત સદા શુભે

તતઃ સ નૃપતિ રાજા દૃષ્ટસત્યઃ પ્રસાદિતઃ ।
શાન્તિશ્રિયં તમાચાર્યં સમભ્યર્ચ્ય યથાવિધિ

નત્વાષ્ટાઙ્ગૈઃ પ્રસન્નાત્મા કૃત્વા પ્રદક્ષિણાનિ ચ ।
કૃતાઞ્જલિપુટઃ પશ્યન્ પ્રાર્થયચ્ચૈવમાદરાત્

ભો ભગવન્ મહાચાર્ય ભવદ્ધર્મ્માનુભાવતઃ ।
સર્વોત્પાતં શમીભૂત સુવૃષ્ટિઃ સંપ્રવર્ત્તતે

તદત્ર સર્વદા નૂનં નિરુત્પાતં સમન્તતઃ ।
ધર્મશ્રીમંગલોત્સાહં ભવદેવ નિરન્તરં

એવં સદા કૃપા દૃષ્ટયા સંપશ્યન્ વિષયે મમ ।
નિરુત્પાતં શુભોત્સાહં કર્તુમર્હતિ સર્વથા

સામ્પ્રતં સફલં જન્મ સંસારજીવિતં ચ મે ।
યલ્લોકાશ્ચ સુખીભૂતાઃ સંચરન્ત સદા શુભે

તદહં સામ્પ્રતં શાસ્તર્ભવદાજ્ઞાં શિરાવહન્ ।
સ્વરાજ્યાશ્રમમાશ્રિત્ય ચરેયં પાલયઞ્જગત્

તન્મેનુગ્રહમાધાય કૃપયા સંપ્રસાદિતઃ ।
સંબોધિસાધને ચિત્તં સ સ્થિતિં કર્ત્તુમર્હતિ

ઇતિ વિજ્ઞપ્ય ભૂપાલસ્ત સ્ય શાસ્તુઃ પદામ્બુજે ।
નત્વાનુજ્ઞાં સમાસાદ્ય મહોત્સાહૈઃ પુરં યયૌ

તત્ર સ નૃપ આશ્રિત્ય સમન્ત્રિ સચિવો મુદા ।
બોધિચર્યાવ્રતં ધૃત્વા તસ્થૌ કુર્વન્ સદા શુભં