સુવર્ણપ્રભાસસૂત્ર · અધ્યાય 4

અથ ખલુ રુચિરકેતુર્બોધિસત્ત્વસ્તેષાં બુદ્ધાનાં ભગવતાં તયોશ્ચ દ્વયોઃ સત્પુરુષયોરન્તિકાદ્ભગવતઃ શાક્યમુનેરાયુઃપ્રમાણનિર્દેશં શ્રુત્વા તુષ્ટ ઉદગ્ર આત્તમનાઃ પ્રમુદિતઃ પ્રીતિસૌમનસ્યજાતશ્ચોદારેણ પ્રીતિપ્રામોદ્યેન સ્ફુટો ઽભૂત્ । અસ્મિંસ્તથાગતાયુઃપ્રમાણનિર્દેશે નિર્દિશ્યમાને ઽપ્રમેયાણામસંખ્યેયાનાં સત્ત્વાનામનુત્તરાયાં સમ્યક્સંબોધૌ ચિત્તમુત્પાદિતમ્ । તે ચ તથાગતા અન્તરિતા ઇતિ ।
ઇતિ શ્રીસુવર્ણપ્રભાસોઓત્તમસૂત્રેન્દ્રરાજે તથાગતાયુઃપ્રમાણ નિર્દેશપરિવર્તો નામ દ્વિતીયઃ ॥
॥ સ્વપ્નપરિવર્તઃ ॥
અથ ખલુ રુચિરકેતુર્નામ બોધિસત્ત્વઃ સ્વુપ્તઃ સ્વપ્નાન્તરગતઃ સુવર્ણાં સુવર્ણમયીં ભેરીમદ્રાક્ષીત્ । સમન્તાદવભાસમાનાં તદ્યથાપિ નામ સૂર્યમણ્ડલં સર્વાસુ દિક્ષ્વપ્રમેયાનસંખ્યેયાન્બુદ્ધાનદ્રાક્ષીદ્રત્નવૃક્ષમૂલે સિંહાસને વૈડૂર્યમયે પ્રતિનિષણ્ણાનનેકશતસહસ્રિકાયાં પરિષદાયાં પરિવૃતાયાં પુરસ્કૃતાયાં ધર્મદેશયમાનાન્ । તત્ર ચ બ્રાહ્મણરૂપેણ પુરુષમદ્રાક્ષીત્ તાં ભેરીં પરાહન્તમ્ । તત્ર ભેરીશબ્દાદિમામેવંરૂપાં ગાથાં નિશ્ચરમાણામશ્રૌષીત્ ।
અથ ખલુ રુચિરકેતુર્બોધિસત્ત્વઃ પ્રતિવિબુદ્ધઃ સમનન્તરં તાં ધર્મદેશનાગાથામનુસ્મરતિ સ્મ । અનુસ્મરમાણસ્તસ્યા રાત્ર્યા અત્યયેન રાજગૃહાન્મહાનગરાન્નિષ્ક્રમ્યાનેકૈઃ પ્રાણિસહસ્રૈઃ સાર્ધં યેન ગૃધ્રકૂટઃ પર્વતરાજો યેન ભગવાંસ્તેનોપસંક્રાન્ત ઉપસંક્રમ્ય ભગવતઃ પાદૌ શિરસા વન્દિત્વા ભગવન્તં ત્રિપ્રદક્ષિણીકૃત્યૈકાન્તે ન્યષીદત્ ।
અથ ખલુ રુચિરકેતુર્બોધિસત્ત્વો યેન ભગવાંસ્તેનાઞ્જલિં પ્રણમ્ય યાશ્ચૈવ તાઃ સ્વપ્નાન્તરે દુન્દુભિશબ્દેન દેશનાગાથાઃ શ્રુતાસ્તા ઉવાચ ।
ઇતિ શ્રીસુવર્ણપ્રભાસોત્તમસૂત્રેન્દ્રરાજે સ્વપ્નપરિવર્તો નામ તૃતીયઃ ॥
॥ દેશનાપરિવર્તઃ ॥
એકરાત્રમતન્દ્રેણ સ્વપ્નાન્તરગતં મયા ।
દુન્દુભી રુચિરા દૃષ્ટા સમન્તકનકપ્રભા

જ્વલમાનં યથા સૂર્યં સમન્તેન વિરોચિતમ્ ।
પ્રભાસિતા દશ દિશો દૃષ્ટા બુદ્ધાઃ સમન્તતઃ

નિષણ્ણા રત્નવૃક્ષેષુ વૈડૂર્યે ચ પ્રભાસ્વરે ।
અનેકશતસાહસ્ર્યા પરિષદા પ્રભાસ્કૃતાઃ

દૃષ્ટા બ્રાહ્મણરૂપેણ પરાહન્યન્તી દુન્દુભી ।
તેનાસ્યાસ્તાડ્યમાનાયા ઇમે શ્લોકા અભિશ્રુતાઃ

સુવર્ણપ્રભાસોત્તમદુન્દુભેન શામ્યન્તુ દુઃખા ત્રિસહસ્રલોકે ।
અપાયદુઃખા યમલોકદુઃખા દારિદ્રદુઃખાનિ તથૈવ લોકે

અનેન ચો દુન્દુભિશબ્દનાદિના શામ્યન્તુ સર્વવ્યસનાનિ લોકે ।
સમન્તસત્ત્વા હૃદયાહતા તથા તથાભયા શાન્તભયા મુનીન્દ્ર

યથૈવ સર્વાર્યગુણોપપન્નઃ સંસારસર્વજ્ઞમહામુનીન્દ્રઃ ।
તથૈવ ભોન્તુ ગુણસાગરાઃ પ્રજાઃ સમાધિબોધ્યઙ્ગગુણૈરુપેતાઃ

અનેન ચો દુન્દુભિઘોષનાદિના ભવન્તુ બ્રહ્મસ્વર સર્વસત્ત્વાઃ ।
સ્પૃશન્તુ બુદ્ધત્વવરાઙ્ગબોધિં પ્રવર્તયન્તૂ શુભધર્મચક્રમ્

તિષ્ઠન્તુ કલ્પાનિ અચિન્તિયાનિ દેશેન્તુ ધર્મં જગતો હિતાય ।
હનન્તુ ક્લેશાન્વિધમન્તુ દુઃખાં શમેન્તુ રાગં તથ દોષમોહમ્

યે સત્ત્વ તિષ્ઠિન્તિ અપાયભૂમૌ આદીપ્તસંપ્રજ્વલિતાગ્નિગાત્રાઃ ।
શૃણ્વન્તુ તે દુન્દુભિસંપ્રવાદિતાં નમો ઽસ્તુ બુદ્ધાય વચો લભન્તુ

જાતિસ્મરાઃ સત્ત્વ ભવન્તુ સર્વે જાતીશતા જાતિસહસ્રકોટ્યઃ ।
અનુસ્મરન્તઃ સતતં મુનીન્દ્રં શૃણ્વન્તુ તેષાં વચનં હ્યુદારમ્

અનેન ચો દુન્દિભિ ઘોષનાદિના લભન્તુ બુદ્ધેહિ સદા સમાગમમ્ ।
વિવર્જયન્તૂ ખલુ પાપકર્મ ચરન્તુ કુશલાનિ શુભક્રિયાણિ

નરાસુરાણામપિ સર્વપ્રાણીનાં યાચન્તુ તાં દેશનપ્રાર્થનાય ।
અનેન ચો દુન્દુભિઘોષનાદિના તત્સર્વિ તેષાં પરિપૂરયેયમ્

યે ઘોરનરકે ઉપપન્નસત્ત્વા આદીપ્તસંપ્રજ્વલિતાગ્નિગાત્રાઃ ।
નિસ્તીર્ણશોકાશ્ચ પરિભ્રમન્તિ નિર્વાપણં ભેષ્યતિ તેષુ ચામુના

યે દુઃખસત્ત્વાઃ સુદારુણાર્શ્ચ ઘોરા નરકેષુ પ્રેતેષુ મનુષ્યલોકે ।
અનેન ચ દુન્દુભિઘોષનાદિના સર્વે ચ તેષાં પ્રશમન્તુ દુઃખાઃ

નિસ્રાણમપરિત્રાણમશરણ્યં કૃતાનિ ચ ।
ત્રાતા તેષાં ભવેયં ચ શરણ્યઃ શરણોત્તમઃ

સમન્વાહરન્તુ માં બુદ્ધાં કૃપાકારુણ્યચેતસઃ ।
અત્યયં પ્રતિગૃહ્ણન્તુ દશદિક્ષુ વ્યવસ્થિતાઃ

યચ્ચ મે પાપકં કર્મ કૃતપૂર્વં સુદારુણમ્ ।
તત્સર્વં દેશયિષ્યામિ સ્થિતો દશબલાગ્રતઃ

માતાપિતૄનવજાનન્તા બુદ્ધાનામપ્રજાનતા ।
કુશલં ચાપ્રજાનન્તા યત્તુ પાપં કૃતં મયા

એશ્ચર્યમદમત્તેન કુલરૂપમદેન ચ ।
તારુણ્યમદમત્તેન યત્તુ પાપં કૃતં મયા

દુશ્ચિન્તિતં દરુક્તં ચ દુષ્કૃતેનાપિ કર્મણા ।
અનાદીનવદૃષ્ટેન યત્તુ પાપં કૃતં મયા

બાલબુદ્ધિપ્રચારેણ અજ્ઞાનાવૃતચેતસા ।
પાપમિત્રવશાચ્ચૈવ ક્લેશવ્યાકુલચેતસા

ક્રીડારતિશાચ્ચૈવ શોકરોગવશેન ચ ।
અતૃપ્તધનદોષેણ યત્તુ પાપં કૃતં મયા

અનાર્યજનસંસર્ગાદીર્ષ્યામાત્સર્યહેતુના ।
શાઠ્યદારિદ્રદોષેણ યત્તુ પાપં કૃતં મયા

વ્યસનાગમકાલે ઽસ્મિન્કામાનાં ભયહેતુના ।
અનૈશ્વર્યગતેનાપિ યત્તુ પાપં કૃતં મયા

ચલચિત્તવશેનૈવ કામક્રોધવશેન વા ।
ક્ષુપ્તિપાસાર્દિતેનાપિ યત્તુ પાપં કૃતં મયા

પાનર્થાં ભોજનાર્થં ચ વસ્ત્રાર્થં સ્ત્રીપ્સુહેતુના ।
વિવિધક્લેશસંતાપૈર્યત્તુ પાપં કૃતં મયા

કાયવાઙ્ભાનસં પાપં ત્રિધાતુચરિતં ચ તત્ ।
યત્કૃત્મીદૃશૈઃ રૂપૈસ્તત્સર્વં દેશયામ્યહમ્

યત્તદ્બુદ્ધેષુ ધર્મેષુ શ્રાવકેષુ તથૈવ ચ ।
અગૌરવં કૃતં સ્યાદ્ધિ તત્સર્વં દેશયામ્યહમ્

યત્તત્પ્રત્યેકબુદ્ધેષુ બોધિસત્ત્વેષુ વા પુનઃ ।
અગૌરવં કૃતં સ્યાદ્ધિ તત્સર્વં દેશયામ્યહમ્

સદ્ધર્મઃ પ્રતિક્ષિપ્તઃ સ્યાદજાનન્તેન મે સદા ।
માતાપિતૃષ્વગૌરવં તત્સર્વં દેશયામ્યહમ્

મૂર્ખત્વેનાપિ બાલત્વાન્માનદર્પાવૃતેન ચ ।
રાગદ્વેષેણ મોહેન તત્સર્વં દેશયામ્યહમ્

પૂજયિત્વા દશદિશિ લોકે દશબલાઞ્જિનાન્ ।
ઉદ્ધરિષ્યામ્યહં સત્ત્વાન્સર્વદુઃખાદ્દશદ્દિશિ

સ્થાપયિષ્યે દશભુવિ સર્વસત્ત્વાનચિન્તિયાન્ ।
દશભૂમૌ હિ સ્થિત્વા ચ સર્વે ભોન્તુ તથાગતાઃ

એકૈકસ્ય હિ સત્ત્વસ્ય ચરેયં કલ્પકોટયઃ ।
યાવચ્છક્યં હિ તત્સર્વં મોક્ષિતું દુઃખસાગરાત્

તેષાં સત્ત્વાનાં દેશેયં ગમ્ભીરાં દેશનામિમામ્ ।
સ્વર્ણપ્રભોત્તમાં નામ સર્વકર્મક્ષયંકરીં

યેન કલ્પસહસ્રેષુ કૃતં પાપં સુદારુણમ્ ।
એકવેલં પ્રકાશન્તુ સર્વે વ્રજન્તુ સંક્ષયમ્

દેશયિષ્યે ઇમાં ધર્માં સ્વર્ણપ્રભામનુત્તરામ્ ।
યે શૃણ્વન્તિ શુભાં તેષાં સંયાન્તુ પાપસંક્ષયમ્

સ્થાસ્યામિ દશભૂમૌ તાન્દશરત્નાકરે વરે ।
આભાસયન્બુદ્ધગુણૈસ્તરેયં ભવસાગરાત્

યચ્ચ બુદ્ધસમુદૌઘં ગમ્ભીરં ગુણસાગરમ્ ।
અચિન્તિયબુધગુણૈઃ સર્વજ્ઞત્વં પ્રપૂરયે

સમાધિશતસાહસ્રૈર્ધારણીભિરચિન્તિતૈઃ ।
ઇન્દ્રિયબલબોધ્યઙ્ગૈર્ભવે દશબલોત્તમઃ

વ્યવલોકય માં બુદ્ધ સમન્વાહૃતચેતસા ।
અત્યયં પ્રતિગૃહ્ણાતુ વિમોચયતુ માં ભયાત્

યત્તુ પાપં કૃતં પૂર્વં મયા કલ્પશતેષુ ચ ।
તસ્યાર્થે શોકચિત્તો ઽહં કૃપણસ્તૃષ્ણયાર્દિતઃ

વિભેમિ પાપકર્મો ઽહં સતતં હીનમાનસઃ ।
યત્ર યત્ર ચરિષ્યામિ ન ચાસ્તિ મઙ્ગલં ક્વચિત્

સર્વે કારુણિકા બુદ્ધાઃ સત્ત્વભયહરાઃ જિનાઃ ।
અત્યયં પ્રતિગૃહ્ણન્તુ મોચયન્તુ ચ માં ભયાત્

ક્લેશકર્મફલં મહ્યં પ્રવાહન્તુ તથાગતાઃ ।
સ્નાપયન્તુ ચ માં બુદ્ધાઃ કારુણ્યવિમલોદકૈઃ

સર્વપાપં દેશયામિ યત્તુ પૂર્વં કૃતં મયા ।
યચ્ચ હ્યેતર્હિ મે પાપં તત્સર્વં દેશયામ્યહમ્

આયત્યા સર્વમાપદ્યન્સર્વદુષ્કૃતકર્મણા ।
ન ચ્છાદયામિ તત્પાપં યદ્ભવેન્મમ દુષ્કૃતમ્

ત્રિવિધં કાયિકં કર્મ વાચિકં તુ ચતુર્વિધમ્ ।
માનસં ત્રિપ્રકારં ચ તત્સર્વં દેશયામ્યહમ્

કાયકૃતં ચ વાક્કૃતં મનસા ચ વિચિન્તિતમ્ ।
કૃતં દશવિધં કર્મ તત્સર્વં દેશયામ્યહમ્

દશાકુશલ વર્જિત્વા સેવિત્વા કુશલાન્દશ ।
સ્થાસ્યામિ દશભૂમૌ ચ પશ્યે દશબલોત્તમમ્

યચ્ચ મે પાપકં કર્મ અનિષ્ટફલવાહકમ્ ।
તત્સર્વં દેશયિષ્યામિ બુદ્ધાનાં પુરતઃ સ્થિતઃ

યે ચાપિ જમ્બુદ્વીપે ઽસ્મિન્યે ચાન્યલોકધાતુષુ ।
કુર્વન્તિ કુશલં કર્મ તત્સર્વમનુમોદયે

યચ્ચ પુણ્યાર્જિતં મહ્યં કાયવાઙ્ભનસાપિ ચ ।
તેન કુશલમૂલેન સ્પૃશેયં બોધિમુક્તમામ્

ભવગતિસંકટબાલબુદ્ધિના પાપં હ્યપિ યચ્ચ કૃતં સુદારુણમ્ ।
દશબલસંમુખમગ્રતઃ સ્થિતસ્તત્સર્વપાપં પ્રતિદેશયામિ ચ

તત્પાપં સમુચ્ચિતં જન્મસંકટે વિવિધકામપ્રચારસંકટે ।
લોકસંકટે ભવસંકટે ચ સર્વમૂર્ખકૃતક્લેશસંકટે

ચાપલ્યમદનચિત્તસંકટે પાપમિત્રાગમસંકટૈરપિ ।
સંસારસંકટરાગસંકટે દ્વેષમોહતમસંકટૈરપિ

અક્ષયસંકટકાલસંકટે પુણ્યમપાર્જનસંકટૈરપિ ।
અતુલિયજિનસંમુખસ્થિતઃ તત્સર્વપાપં પ્રતિદેશયામિ ચ

વન્દામિ બુદ્ધાન્ ગુણસાગરોપમાન્ સુવર્ણવર્ણાનવભાસિતદિગન્તાન્ ।
તેષાં જિનાનાં શરણં વ્રજામિ મૂર્ધ્રા ચ તાન્સર્વજિનાન્નમામિ

સુવર્ણવર્ણં ---- કનકાચલાભમ્ વૈડૂર્યનિર્મલવિશુદ્ધસુલોચનાઙ્ગમ્ ।
શ્રીતેજકીર્તિજ્વલનાકરબુદ્ધસૂર્યં કરુણાપ્રભં વિધમકં તમસાન્ધકાનામ્

સુનિર્મલં સુરુચિરં સુવિરાજિતાઙ્ગં સંબુદ્ધસૂર્યકનકામલનિઃસૃતાઙ્ગમ્ ।
ક્લેશાગ્નિતપ્તમનસાં જ્વલનાગ્નિકલ્પં પ્રહ્લાદનં મુનિનિશાકરરશ્મિજાલમ્

દ્વાત્રિંશલક્ષણધરં લલિતેન્દ્રિયાઙ્ગમ્ અનુવ્યઞ્જનઃ સુરુચિરં સુવિરાજિતાઙ્ગમ્ । શ્રીપુણ્યતેજજ્વલનાકુલરશ્મિજાલં સંતિષ્ઠસે તમસિ સૂર્ય ઇવ ત્રિલોકે

વૈડૂર્યનિર્મલવિશાલવિચિત્રવર્ણસ્તામ્રારુણૈ રજતસ્ફટિકલોહિતાઙ્ગમ્ ।
નાનાવિચિત્રસમલઙ્કૃતરશ્મિજાલં ત્વં સંવિરોચસિ મહામુનિ સૂર્યકલ્પઃ

સંસારનદ્યપતિતવ્યસનૌઘમધ્યે શોકાકુલે મરણતોયજરાતરઙ્ગે ।
દુઃખાર્ણવે પરમકમ્પિતચણ્ડવેગે સંતારય સુગતભાસ્કરરશ્મિજાલૈઃ

વન્દામિ બુદ્ધાન્ કનકોજ્વલાઙ્ગાન્ સુવર્ણવર્ણવ્યવભાસિતાઙ્ગાન્ ।
જ્ઞાનાકરાન્ સર્વત્રિલોકસારાન્ વિચિત્રરૂપાન્ શુભલક્ષણાઙ્ગાન્

યથા સમુદ્રે જલમપ્રમેયં યથા મહી ચાણુરજૈરનન્તા ।
યથોપલૈર્મેરુરનન્તતુલ્યો યથૈવ ચાકાશમનન્તપારમ્

તથૈવ બુદ્ધસ્ય ગુણા અનન્તાઃ ન શક્ય જ્ઞાતું ખલુ સર્વસત્ત્વૈઃ ।
અનેકકલ્પાનિ તુ ચિન્તયન્તે ન શક્ય પર્યન્તગુણાનિ જ્ઞાતુમ્

મહી સશૈલા સગિરિઃ સસાગરા ગણં તુ કલ્પૈરપિ શક્ય જાનિતુમ્ ।
જલં ચ વાલાગ્રમપિ પ્રમાણં ન શક્ય બુદ્ધસ્ય ગુણાગ્રપારમ્

એતાદૃશી સત્ત્વ ભવન્તુ સર્વે ગુણેન વર્ણેન યશેન કોટ્યા ।
ગાત્રેણ તે શોભિતલક્ષણેન અશીત્યનુવ્યઞ્જનમણ્ડિતેન

અનેન ચાહં કુશલેન કર્મણા ભવેય બુદ્ધો ન ચિરેણ લોકે ।
દેશેય ધર્મં જગતો હિતાય મોચેય સત્ત્વાન્બહુદુઃખપીડિતાન્

જયેય મારં સબલં સસૈન્યં પ્રવર્તયેયં શુભધર્મચક્રમ્ ।
તિષ્ઠેય કલ્પાનિ અચિન્તિયાનિ તર્પેય સત્ત્વાનમૃતેન પાણિના

પૂરેય ષટ્પારમિતા અનુત્તરા યથૈવ પૂર્વં જિનપૂર્વકાનામ્ ।
હનેય ક્લેશાન્વિધમેય દુઃખાન્ શમેય રાગાંસ્તથ દ્વેષમોહાન્

જાતિસ્મરો નિત્ય ભવેય ચાહં જાતિશતા જાતિસહસ્રકોટ્યઃ ।
અનુસ્મરેયં સતતં મુનીન્દ્રં શૃણ્વીય તેષાં વચનં હ્યુદારમ્

અનેન ચાહં કુશલેન કર્મણા લભેય બુદ્ધેહિ સદા સમાગમમ્ ।
વિવર્જયેયં ખલુ પાપકર્મ ચરેય પુણ્યાનિ શુભાકરાણિ

સર્વત્ર ક્ષેત્રેષુ ચ સર્વપ્રાણિનાં સર્વે ચ પાપાઃ પ્રશમન્તુ લોકે ।
યે સત્ત્વા વિકલેન્દ્રિય અઙ્ગહીનાઃ તે સર્વિ કુશલેન્દ્રિય ભોન્તુ સાંપ્રતમ્

યે વ્યાધિના દુર્બલક્ષીણગાત્રા નિશ્રાણભૂતાશ્ચ દશોદિશાસુ ।
તે સર્વિ મુચ્યન્તુ ચ વ્યાધિતો લઘુ લભન્તુ ચારોગ્યબલેન્દ્રિયાનિ

કુરાજચૌરસમાર્જિતબધ્યપ્રાપ્તા નાનાવિધૈર્મયશતૈર્વ્યસનોપપન્નાઃ ।
તે સર્વિ સત્ત્વા વ્યસનાગતદુઃખિતા હિ મુચ્યન્તુ તે ભયશતૈઃ પરમૈઃ સુઘોરૈઃ

યે પીડિતા બન્ધનબદ્ધપીડિતા વિવિધેષુ વ્યસનેષુ સંસ્થિતા હિ ।
અનેકઆયાસસહસ્રવ્યાકુલા વિચિત્રભયદારુણશોકપ્રાપ્તાઃ

તે સર્વે મુચ્યન્તુ ચ બન્ધનેભ્યઃ સંતાડિતા મુચ્યન્તુ ચ તાડનેભ્યઃ ।
વધ્યાશ્ચ મુચ્યન્તુ જીવિતેભ્યો વ્યસનાગતા નિર્ભયા ભોન્તુ સર્વે

યે સત્ત્વ ક્ષુત્તર્ષનિપીડિતાશ્ચ લભન્તુ તે ભોજનપાનચિત્રમ્ ।
અન્ધાશ્ચ પશ્યન્તુ વિચિત્રરૂપાન્ વધિરાશ્ચ શૃણ્વન્તુ મનોજ્ઞઘોષાન્

નગ્નાશ્ચ વસ્ત્રાણિ લભન્તુ ચિત્રા દરિદ્રસત્ત્વાશ્ચ ધનાંલ્લભન્તુ ।
પ્રભૂતધનધાન્યવિચિત્રરત્નાઃ સર્વે ચ સત્ત્વાઃ સુખિનો ભવન્તુ

મા કસ્યચિદ્ધાવતુ દુઃખવેદના સુદર્શનાઃ સત્ત્વ ભવન્તુ સર્વે ।
અભિરૂપપ્રાસાદિકસૌમ્યરૂપા અનેકસુખસંચિત નિત્ય ભોન્તુ

મનઃશાન્તપૌરાઃ સુસમૃદ્ધપુણ્યાઃ વીણા મૃદઙ્ગા પટહા સુઘોષા ।
ઉત્સાઃ સરાઃ પુષ્કરિણી તડાગાઃ સુવર્ણપદ્મોત્પલપદ્મિનીભિઃ

સહચિત્તમાત્રેણ તુ તેષ ભોન્તુ અન્નં ચ પાનં ચ તથૈવ વસ્ત્રમ્ ।
ધનં હિરણ્યં મણિમુક્તિભૂષણં સુવર્ણવૈડૂર્યવિચિત્રરત્નમ્

મા દુઃખશબ્દાઃ ક્વચિ લોકિ ભોન્તુ ભા ચૈકસત્ત્વઃ પ્રતિકૂલદર્શી ।
સર્વે ચ તે ભોન્તુ ઉદારવર્ણાઃ પ્રભાકરા ભોન્તુ પરસ્પરેણ

યા કાચિ સંપત્તિ મનુષ્યલોકે સા તેષુ ભોતૂ મનસોપપત્તિઃ ।
સર્વાભિપ્રાયા સહચિત્તમાત્રૈઃ પુણ્યેન ફલેન પરિપૂરયન્તુ

ગન્ધં ચ માલ્યં ચ વિલેપનં ચ ધૂપં ચ ચૂર્ણં કુસુમં ચ પૂર્ણમ્ ।
ત્રિકાલે વૃક્ષેહિ પ્રવર્ષયન્તુ ગૃહ્ણન્તુ તે સત્ત્વ ભવન્તુ તુષ્ટાઃ

કુર્વન્તુ પૂજાં દશસૂ દિશાસુ અચિન્તિયાં સર્વતથાગતાનામ્ ।
સબોધિસત્ત્વાન્ સશ્રાવકાણાં ધર્મસ્ય બોધિપ્રતિસંસ્થિતસ્ય

નીચાં ગતિં સર્વિ વિવર્જયન્તુ તરન્તુ અષ્ટાઙ્ગિકવીચિવૃત્તાઃ ।
આસાદયન્તુ જિનરાજમૂર્તિ લભન્તુ બુદ્ધેહિ સદા સમાગમમ્

ઉચ્ચૈઃ કુલીના હિ ભવન્તુ નિત્યં પ્રભૂતધનધાન્યસમૃદ્ધકોશાઃ ।
રૂપેણ શૌર્યેણ યશેન કીર્ત્યા સમલઙ્કૃતા ભોન્તુ અનેકકલ્પાન્

સર્વા સ્ત્રિયો નિત્ય નરા ભવન્તુ શૂરાશ્ચ વીરાશ્ચ વિજ્ઞપણ્ડિતાશ્ચ ।
તે સર્વિ બોધાય ચરન્તુ નિત્યં ચરન્તુ તે પારમિતાસુ ષટ્સુ

પશ્યન્તુ બુદ્ધાન્ દશસૂ દિશાસુ રત્નોત્તમવૃક્ષસુખોપવિષ્ટાન્ ।
વૈડૂર્યસિંહાસનિ સંનિષણ્ણાન્ શૃણ્વન્તુ ધર્માંશ્ચ પ્રકાશ્યમાનાન્

પાપાનિ કર્માણિ મયા જિતાનિ પૂર્વાર્જિતા યદ્ભવસંકટેષુ ।
યે પાપકર્માભિરતા વહન્તે તે સર્વિ ક્ષીયન્તુ ચ નિર્વિશેષાઃ

તે સર્વસત્ત્વા ભવબન્ધનસ્થાઃ સંસારપાશૈર્દૃઢબન્ધબદ્ધાઃ ।
પ્રજ્ઞાકરૈર્ભાસિત ભોન્તુ બન્ધનાન્મુચ્યન્તુ દુઃખૈરુપજા ભવન્તુ

યે ચાપિ સત્ત્વા ઇહ જામ્બુદ્વીપે યે ચાપિ અન્યષુ ચ લોકધાતુષુ ।
કુર્વન્તુ ગમ્ભીરવિચિત્રપુણ્યં તત્સર્વપુણ્યં હ્યનુમોદયામિ

તેનૈવ પુણ્યાભ્યનુમોદનેન કાયેન વાચા મનસાર્જિતેન ।
પ્રણિધાનસિદ્ધિઃ સફલા મયાસ્તુ સ્પૃશેય બોધિં વિરજામનુત્તરામ્

યો વન્દતે તોષ્યતિ દશબલાન્ સદા ચ પ્રસન્નશુદ્ધામલમાનસેન ।
ઇમાય પરિણામનદેશનાય ષષ્ટિં ચ કલ્પાન્ જહતે અપાયાન્

એતેભિ શ્લોકેભિ ચ વર્ણિતેભિઃ પુરુષાઃ સ્ત્રિયો બ્રહ્મણક્ષત્રિયા ચ ।
યસ્તોષ્યતે મુનિં સ કૃતાઞ્જલિભિઃ સ્થિહિત્વ સર્વત્ર જાતિસ્મરુ શતજાતિષુ

સર્વાઙ્ગ સર્વેન્દ્રિય શોભિતાઙ્ગો વિચિત્રપૂર્ણેભિર્ગુણૈરુપેતઃ ।
નરેન્દ્રરાજૈશ્ચ સુપૂજિતઃ સદા એતાદૃશો ભેષ્યતિ તત્ર તત્ર

ન તૈરેકસ્ય બુદ્ધસ્ય ચાન્તિકે કુશલં કૃતમ્ ।
ન દ્વયોરપિ ત્રયેષુ ન પઞ્ચસુ ન દશસુ

તથા બુદ્ધસહસ્રાણામાન્તિકે કુશલં કૃતમ્ ।
યેષામિદં કર્ણપુટે દેશનં પ્રવિષ્યતીતિ