સુવર્ણપ્રભાસસૂત્ર · અધ્યાય 5

ઇતિ શ્રીસુવર્ણપ્રભાસોત્તમસૂત્રેન્દ્રરાજે દેશનાપરિવર્તો નામ ચતુર્થઃ ॥
॥ કમલાકરસર્વતથાગતસ્તવપરિવર્તઃ ॥
અથ ખલુ ભગવાંસ્તાં બોધિસત્ત્વસમુચ્ચયાં કુલદેવતામેતદવોચત્ । તેન ખલુ પુનઃ કુલદેવતે કાલેન તેન સમયેન રાજા સુવર્ણભુજેન્દ્રો નામાસીત્ । એતેન કમલાકરેણ સર્વતથાગતસ્તવેનાતીતાનાગતપ્રત્યુત્પન્નાન્ બુદ્ધાન્ ભગવતો ઽભ્યસ્તાવીત્ ॥
યે જિન પૂર્વક યે ચ ભવન્તિ યે ચ ધ્રિયન્તિ દશોદિશિ લોકે ।
તેષ જિનાન કરોમિ પ્રણામં તં જિનસંઘમહં પ્રશયિષ્યે

શાન્તપ્રશાન્તવિશુદ્ધમુનીન્દ્રં સુવર્ણવર્ણપ્રભાસિતગાત્રમ્ ।
સર્વસુરાસુરસુસ્વરબુદ્ધં બ્રહ્મરુતે સ્વરગર્જિતઘોષમ્

ષટ્પદમૌલમહીરુહકેશં નીલસુકુઞ્ચિતકાશનિકાશમ્ ।
શઙ્ખતુષારસુપાણ્ડલદન્તં હેમવિરાજિતભાસિતનાભમ્

નીલવિશાલવિશુદ્ધસુનેત્રં નીલમિવિત્પલપ્રચ્યુતિભાસમ્ ।
પદ્મસુવર્ણવિશાલસુજિહ્વં પદ્મપ્રભાસિતપદ્મમુખાભમ્

શઙ્ખમૃણાલનિભામુખતોર્ણં દક્ષિણવર્તિતવેરુલિવર્ણમ્ ।
સૂક્ષ્મનિશાકરક્ષીણશશીવ ગાત્ર મુનેર્મ્રમરાજ્વલનાભમ્

કાઞ્ચનકોટિ સુવર્ણમૃદુરં નાસમુખોન્નત પીવરઘ્રાણમ્ ।
અગ્રધરાગ્રવિશિષ્ટસુનાસં મૃદુક સર્વજિનાંશ સતતમ્

એકસમે ચિત્તરોમમુખાગ્રં વાલસુરોમપ્રદક્ષિણવર્તમ્ ।
નીલનિભા જ્વલકુણ્ડલજાતં નીલવિરાજિતમૌલિસુગ્રીવમ્

જાતસમાનપ્રભાસિતગાત્રં પૂજિતસર્વિ દેશોદિશિ લોકે ।
દુઃખમનન્તપ્રશાન્તત્રિલોકે સર્વસુખેન ચ તર્પિતસત્ત્વમ્

નરકગાતિષ્વથ તિર્યગ્ગતીષુ પ્રેતસુરાસુરમનુષ્યગતીષુ ।
તેષુ ચ સર્વસુખાર્પિતસત્ત્વં સર્વપ્રશાન્ત અપાયગતીષુ

વર્ણસુવર્ણકનાકનિભાસં કાઞ્ચનતપ્તપ્રભાસિતગાત્રમ્ ।
સૌમ્યશશાઙ્કસુવિમલવક્રં વિકાસિતરાજિતસુવિમલવદનમ્

તરુણતનૂરુહકોમલગાત્રં સિંહમિવાક્રમવિક્રમનાગમ્ ।
લમ્બિતહસ્ત પ્રલમ્બિતબાહું મારુતપ્રેરિતશાલલતેવ

વ્યોમપ્રભાજ્વલમુઞ્ચિતરશ્મિં સૂર્યસહસ્રમિવ પ્રતપન્તમ્ ।
નિર્મલગાત્રવરેભિ મુનીન્દ્રં સર્વપ્રભાસિત ક્ષેત્રમનન્તમ્

ચન્દ્રનિશાકરભાસ્કરજાલં ક્ષેત્રમનન્તસહસ્રશતેષુ ।
તે ઽપિ ચ નિષ્ઠિત સર્વમભૂષિ બુદ્ધપ્રભાસવિરોચનતાયૈ

બુદ્ધદિવાકરલોકપ્રદિપં બુદ્ધદિવાકરશતસહસ્રમ્ ।
ક્ષેત્રમનન્તસહસ્રશતેષુ પશ્યતુ સત્ત્વ તથાગતસૂર્યમ્

પુણ્યસહસ્રશતાચ્ચિતકાયં સર્વગુણેભિરલઙ્કૃતગાત્રમ્ ।
શૌણ્ડગજેન્દ્રનિભં જિનબાહું વિમલસુલક્ષણમણ્ડિતહસ્તમ્

ભૂમિતલોપમરજસમતુલ્યં સૂક્ષ્મરજોપમ યે ગતબુદ્ધાઃ ॥
સૂક્ષ્મરજોપમ યે ચ ભવન્તિ સૂક્ષ્મરજોપમ યે ચ સ્થિહન્તિ

તેષ જિનાન કરોમિ પ્રણામં કાયતુ વાચમનેન પ્રસન્નઃ ।
પુષ્પપ્રદાનસુગન્ધપ્રદાનૈર્વર્ણશતેન સુચેતસિ ચાપિ

જિહ્વશતૈરપિ બુદ્ધગુણાનિ કલ્પસહસ્રશતે ન હિ વક્તુમ્ ।
યે ગુણસાધુનિવૃત્તિ જિનાનાં સા ચ વરાગ્રવિચિત્ર અનેકૈઃ

એકજિનસ્ય ગુણા ન હિ શક્યા જિહ્વશતૈરપિ ભાષિતુ કશ્ચિત્ ।
કામમશક્તિ હિ સર્વજિનાનાં એકગુણસ્ય હિ વિસ્તર વક્તુમ્

સર્વસદેવકુલોક્તસમૂહઃ સર્વભવાગ્રભવે જલપૂર્ણા ।
કેશગ્રહણેન તુ શક્ય પ્રમાતું નૈવ ચ એકગુણા સુગતાનામ્

વર્ણિત સંસ્તુત મે જિનસર્વં કાયતુ વાચ પ્રસન્નમનેન ।
યન્મમ સઞ્ચિતપુણ્યફલાગ્રં તેન ચ સત્ત્વ પ્રભોતુ જિનત્વમ્

એવં સ્તવિત્વ નરપતિ બુદ્ધં એવં કરોતિ નૃપઃ પ્રણિધાનમ્ ।
યત્ર ચ કુત્રચિ મહ્ય ભવેત જાતિ અનાગતકલ્પમનન્તા

ઈદૃશિ ભેરિ મિ પશ્યમિ સ્વપ્ને ઈદૃશ દેશન તત્ર શૃણોમિ ।
ઈદૃશ જીનસ્તુતિકમલાકર જાતિષુ તત્ર લભે સ્મરણત્વમ્

બુદ્ધગુણાનિ અનન્તમતુલ્યા યે ઽપિ ચ દુર્લભ કલ્પસહસ્રૈઃ ।
અમુ શ્રુણેય ચ સ્વપ્નગતો ઽપિ તેષુ ચ દેશયિ દિવસગતો ઽપિ

દુઃખસમુદ્ર વિમોચયિ સત્ત્વા પૂરયિ ષડભિ પિ પારમિતાભિઃ ।
બોધિમનુત્તર પશ્ચ લભેયં ક્ષેત્ર ભવેત મમા અસમર્થ્યમ્

ભેરિપ્રદાનવિપાકફલેન સર્વજિનાન ચ સંસ્તુતિહેતોઃ ।
સંમુખ પશ્યમિ શાક્યમુનીન્દ્રં વ્યાકરણં હ્યહુ તત્ર લભેયમ્

યે ઇમ દારક દ્વૌ મમ પુત્રૌ કનકેન્દ્ર કનકપ્રભાસ્વરઃ ।
તે ઉભિ દારક તત્ર લભેયં બોધિમનુત્તર વ્યાકરણં ચ

યે ઽપિ ચ સત્ત્વ અરક્ષ અત્રાણા શરણવિહીન વિયાસગતાશ્ચ ।
તેષુ ભવેય અનાગત સર્વ ત્રાણપરાયણશરણેભિશ્ચ

દુઃખસમુદ્ભવસંક્ષયકર્તા સર્વસુખસ્ય ચ આકરભૂતઃ ।
કલ્પ અનાગત બોધિ ચરેયં યત્તક પૂર્વકકોટિગતાશ્ચ

સ્વર્ણપ્રભોત્તમદેશનતાય પાપસમુદ્ર શોષતુ મહ્યમ્ ।
કર્મસમુદ્ર વિકીર્યતુ મહ્યં ક્લેશસમુદ્ર વિચ્છિદ્યતુ મહ્યમ્

પુણ્યસમુદ્ર પ્રપૂર્યતુ મહ્યં જ્ઞાનસમુદ્ર વિશોધ્યતુ મહ્યમ્ ।
વિમલજ્ઞાનપ્રભાસબલેન સર્વગુણાન સમુદ્ર ભવેયા

બોધિગુણૈર્ગુણરત્ન પ્રપૂર્ણા દેશનસ્વર્ણ પ્રભાસબલેન ।
પુણ્યપ્રભાસ ભવિષ્યતિ મહ્યં બોધિપ્રભાસ વિશોધ્યતુ મહ્યમ્

કાયપ્રભાસ ભવિષ્યતિ મહ્યં પુણ્યપ્રભાસ વિરોચનતા ચ ।
સર્વત્રિલોકિ વિશિષ્ટ ભવેયં પૂણ્યબલેન સમન્વિત નિત્યમ્

દુઃખસમુદ્ર ઉત્તારયિતા સર્વસુખસ્ય ચ સાગરકલ્પ્ય ।
કલ્પમનાગત બોધિ ચરેયં યત્તકપૂર્વકકોટિગતાશ્ચ

યાદૃશક્ષેત્રવિશિષ્ટ ત્રિલોકે સર્વજિનાનમનન્ત ગુણેન ।
તાદૃશક્ષેત્રમનન્તગુણં ભેષ્યતિ મહ્યમનાગતસર્વમ્