સુમાગધાવદાન · શ્લોક 61-80

સા કથયતિ: નાયમ્ આર્યો મહાકાશ્યપો, ઽયં ભગવતા અલ્પેચ્છાનાં સંતુષ્ટાનાં ધૂતગુણધરાણામ્ અગ્રો નિર્દિષ્ટઃ.

અનેનૈકોનં લાઙ્ગલસહસ્રં લક્ષાહતાનાં, ષષ્ટિહિરણ્યકોટ્યઃ સૌવર્ણાનાં, યવાનામ્ અશીતિભિઃ ખાર્યં, ષોડશ દાસગ્રામમ્, અષ્ટાદશ મહાભાક્તગ્રામાઃ, અનેકશતસહસ્રાણિ વસ્તૂન્ય્ ઉપકરણં સમુત્સૃજ્ય પ્રવ્રજિતઃ.

પુનર્ અપરં: સર્વશ્રાવકાનાં સમક્ષમ્ અયં ભગવતાર્ધાસનેનોપનિમન્ત્રિતઃ.
એકપ્રસ્થોદનં શ્રેયઃ, એકશય્યા સુખાવહા ।
એકદૂષ્યયુગં વાર્યં, ગેયો મોહપરિગ્રહઃ ॥
ઇતિ કૃત્વા, પ્રતિગૃહીતાશેષા યા અપરિગ્રહ ઇતિ ન ગૃહીતઃ. યશ્ ચ ભાગિનેયામ્ અભિરૂપાં દર્શનીયાં જનપદકલ્યાણીસદૃશીં તામ્ અપહાય પ્રવ્રજિતઃ, સ એષાગચ્છતિ. (3)

અત્રાન્તરેણાયુષ્માન્ મહામૌદ્ગલ્યાયન ઐરાવણગજવરવિલાસગામિનં પરમસ્વભાવલક્ષણવ્યઞ્જનોપેતપુણ્યદર્શનં હસ્તિનમ્ અભિનિર્માય તત્રોપવિષ્ટ ઉપરિ વિહાયસા ઋદ્ધ્યાકાશેનાગચ્છતિ.

તં દૃષ્ટ્વા સુમાગધાયાઃ સ્વામી પપ્રચ્છ: સુમાગધે, ઽયં તે સ શાસ્તા યો ઽયં નાગેન્દ્રરથેનાગચ્છતિ.

સા કથયતિ: નાયમ્ આર્યો મહામૌદ્ગલ્યાયનો, ઽયં ભગવતા ઋદ્ધિમતામ્ અગ્રો નિર્દિષ્ટઃ.

અનેન શક્રસ્ય દેવાનામ્ ઇન્દ્રસ્ય વૈજયન્તઃ પ્રાસાદઃ, યોજનસહસ્રં સમન્તાત્, પરિક્ષેપેણ ચતુરશીતિભિઃ સ્તમ્ભસહસ્રૈઃ સુપ્રતિષ્ઠિતઃ, અર્ધપઞ્ચેમાનિ યોજનાનિ દેવપુરાદ્ અત્યુદ્ગતઃ પાદાઙ્ગુષ્થેનાભિકમ્પિતઃ.

નન્દોપનન્દૌ નામ નાગરાજાનૌ સુમેરુભૃગુણપરિવેષ્ટિતં કૃત્વાવસ્થિતૌ ચ વિનીતૌ.

પુનર્ અપ્ય્ અનેન ભગવાન્ એવમ્ ઉક્તઃ: એવં હિ ભદન્ત વૈજયન્તે દુર્ભિક્ષં કૃચ્છ્રં કાન્તારં, દુર્લભઃ પિણ્ડકો યાચનકેન, ભિક્ષવો ઽપિ લૂહભોજનેન પરિક્લામ્યન્તે.

સંમુખં મે ભદન્ત ભગવતો ઽન્તિકાચ્ છ્રુતં સંમુખમ્ ઉદ્ગૃહીતમ્: અસ્યાં મહાપૃથિવ્યાં પાર્થિવઃ પ્રણીતો રસધાતુઃ: સો ઽધસ્તાદ્ અવસ્થિત ઇતિ.

તદ્ ઇચ્છામ્ય્ અસ્યા મહાપૃથિવ્યાઃ પાર્થિવઃ પ્રણીતો રસધાતુઃ તમ્ ઊર્ધ્વં કર્તું, યમ્ ઊર્ધ્વં તમ્ અધઃ કર્તુમ્.

ભગવાન્ આહ: કસ્મિન્ સ્થાને સ્થિત્વા મહાપૃથિવીં પરિવર્તયસીતિ.

એષ એવમ્ આહ: ચક્રવાડમહાચક્રવાડાભ્યાં સ્તાને મહાપૃથિવિં પરિવર્તયિષ્યામિ.

ભગવાન્ આહ: યે પૃથિવીસંનિશ્રિતાઃ પ્રાણિનસ્ તાન્ કથં કરિષ્યસીતિ. એષ એવમ્ આહ: યે પૃથિવીસંનિશ્રિતાઃ પ્રાણિનસ્ તાન્ વામેન પાણિનોદ્ધૃત્ય ધારયિષ્યામિ, દક્ષિણેન પ્રાણિના મહાપૃથિવીં પરિવર્તયિષ્યામિ. ભગવાન્ આહ: કા તવ સંજ્ના ભવિષ્યતિ.

તદ્યથા, ભદન્ત, બલવાન્ પુરુષઃ કદલીપત્રં પરિવર્તયન્ પરમલઘુસંજ્ઞી ભવતિ, એવમ્ એવાહં ભદન્ત, મહાપૃથિવીં પરિવર્તયન્ પરમલઘુસંજ્ઞી ભવિષ્યામીતિ.

સાધુ સાધુ, મૌદ્ગલ્યાયન, શક્યસિ ત્વમ્ અનયા ઋદ્ધ્યાનેનોપાયેન મહાપૃથિવીં પરિવર્તયિતુમ્ ઇતિ. સ એષાગચ્છતિ. (4)

અત્રાન્તરેણાયુષ્માન્ મહાકાત્યાયનઃ સ્ફટિકમયં કૂટાગારમ્ અભિનિર્માય મરકતેનાચ્છાદિતં નાનારત્નસ્તમ્ભોપનિબદ્ધં પ્રવાલવેદિકોપશોભિતં, તત્ર પર્યણ્કઃ પ્રજ્ઞપ્તઃ પટિકાસ્તૃતો ગોણિકાસ્તૃતશ્ ચિત્રિકાસ્તૃતશ્ તૂલિકાસ્તૃતઃ, યાવલ્ લોહિતોપધાનસ્, તત્રોપવિષ્ટ ઉપરિ વિહાયસા ઋદ્ધ્યાકાશેનાગચ્છતિ.

તં દૃષ્ટ્વા સુમાગધાયાઃ સ્વામી સુમાગધાં પપ્રચ્છ: સુમાગધે, ઽયં તે સ શાસ્તા યો ઽયં સ્ફટિકમયં કૂટાગારમ્ અભિનિર્માય તત્રોપવિષ્ટ ઉપરિ વિહાયસા ઋદ્ધ્યાકાશેનાગચ્છતિ.

સા કથયતિ: નાયમ્ આર્યો મહાકાત્યાયનઃ, અયં ભગવતા સૂત્રાન્તવૈભઙ્ગકાનાં પુણ્યમહેશાખ્યાનામ્ અગ્રો નિર્દિષ્ટઃ, સ એષાગચ્છતિ. (5)

અત્રાન્તરેણાયુષ્માન્ મહાકૌસ્ઠિલો વ્ર્ષભરથમ્ અભિનિર્માય તત્રોપવિષ્ટ ઉપરિ વિહાયસા ઋદ્ધ્યાકાશેનાગચ્છતિ.