સુભાષિતરત્નકોશ · અધ્યાય 2

દ્યુતિ-સ્વચ્છ-જ્યોત્સ્નાપટ-પટલ-વૃષ્ટ્યા ન કમલં ન ચન્દ્રઃ સાન્દ્ર-શ્રી-પરિમલ-ગરિમ્ણાસ્યમ્ અમલમ્
મધૂદ્રાણાં નિદ્રાભિદુરમ્ અપમુદ્રાદ્ભુતમુદશ્ ચકોરાન્ બિભ્રાણં સરસિરુહ-પાણેર્ અવતુ વઃ ॥

વરદ-કર-સરોજ-સ્યન્દમાનામૃતૌઘ વ્યુપશમિત-સમસ્ત-પ્રેત-સંઘાત-તર્ષઃ
જયતિ સિત-ગભસ્તિ-સ્તોમ-શુભ્રાનન-શ્રીઃ સહજ-ગુરુ-દયાર્દ્રાલોકનો લોકનાથઃ ॥

અત્યુદ્ગાઢ-રય-સ્થિરાકૃતિ-ઘન-ધ્વાન-ભ્રમન્-મન્દર ક્ષુબ્ધ-ક્ષીરધિ-વીચિ-સંચય-ગત-પ્રાલેય-પાદોપમઃ
શ્રીમત્-પોતલકે ગભીર-વિવૃતિ-ધ્વાન-પ્રતિધ્વાનિતે સાન્દ્ર-સ્વાંશુ-ચય-શ્રિયા વલયિતો લોકેશ્વરઃ પાતુ વઃ ॥

કૃપા-વૃષ્ટિ-સ્ફૂતાત્ તવ હૃદય-પીયૂષ-સરસઃ પ્રવાહો નિર્ગત્ય ક્રમ-તનિમ-રમ્યઃ કરુણયા
તૃષાર્તાનામ્ ઈષદ્ વિતતં અધરાન્તઃ પ્રતિ ગતિ પ્રણાલીભિઃ પઞ્ચાભવદ્ ઇતિ કિં અન્યદ્ ભુજ-કરાત્ ॥

રવિમ્ ઇવ ધૃતામિતાભં કવિમ્ ઇવ સુરસાર્થ-વિરચિત-સ્તોત્રમ્ ।
મધુમ્ ઇવ સંભૃત-કરુણં વિધુમ્ ઇવ નાથં ખ-સર્પણં વન્દે ॥

ઉદરસ્યેદમ્ અણુત્વં સહજ-ગુરુત્વં યદિ નેદં હૃદયસ્ય ।
સ્વાર્થે કથમ્ અલસત્વં કથમ્ અનુસત્વં હિત-કરણે મતિર્ અસ્ય ॥

વક્ત્રં નૈષ કલાનિધિર્ ધવલિમા નૈષોજ્જ્વલા કૌમુદી નેત્રે નીર-રુચી ન લાઞ્છન-યુગં ચન્દ્રે ઽસ્ત્ય્ અમન્દ-ચ્છવિ
ઇત્ય્ ઉન્નીય વિધોર્ અભીતિ-વિહસદ્ યત્ સંનિધિં સાધ્વગાન્ નૂનં નીરજમ્ અસ્તુ વઃ શિવ-દિવે તદ્ લોકનાથાનનમ્ ॥

જટા-જૂટાભ્યન્તર્-નવ-રવિર્ ઇવ શ્યામ-જલભૃદ્ વૃતઃ શોણાશોકસ્તવકમ્ અમિતાભઃ પ્રમિનુતે
મહર્ષેર્ યસ્યેન્દુ-દ્યુતિ-ઘટિત-મૂર્તેર્ ઇવ સ વઃ ક્લમં ભિન્દ્યાદ્ દદ્યાત્ પ્રશમ-સુખ-પીયૂષ-લહરીમ્ ॥