શ્રીઘનાચારસંગ્રહ · અધ્યાય 3.3

3 મૈથુનવિરતિશિક્ષાપદં
સંવરત્યાગઃ
નૃસ્ત્રીપણ્ડકવિણ્મૂત્રવક્ત્રરન્ધ્રેંઽગજાત[કં] ।
ક્ષિપ્ત્વા નિગમયેત્ સ્વાદં સ [યતિઃ] ક્ષતસંવરઃ

માનુષાઽમાનુષાસ્તે તુ તિર્યઞ્ચશ્ચ નરાદયઃ ।
મૃતાઃ સુપ્તાશ્ચ જાગ્રન્તો જ્ઞેયા [હિ] મૈથુનાશ્રયાઃ

હસ્તિનીમાદિતઃ [કૃત્વા] યાવત્ કુક્કુટજાતિ[કાં] ।
ક્ષુદ્રિકાં મહતીં ગચ્છન્[સ યતિશ્] ચ્યવતે વ્રતાત્

દુષ્કૃતાનિ
રક્તઃ સન્ ન સ્ત્રિયં પશ્યેત્ શબ્દમાકર્ણયેન્ન ચ ।
નિર્વસ્ત્રઃ સન્ ન ચોપેયાદંગજાત ન નિર્ભુજેત્

ભિત્તિદ્વયે કૃતાં શુષ્કાં ક્લિન્નાં સંયોજ્ય [કોટરીં] ।
[વિપ્રતિપત્તિતો] નાશ્યઃ સંગ્રહે સતિ નાન્યદા

અધ ઊર્ધ્વં ત્રિખણ્ડાયા વિનીલાધ્માતિકાં ચ ન ।
ન ચાસ્થિસંકલાં યાયાત્ નાભ્યક્તાં રુધિરાદિભિઃ

સિતાસ્થિસંકલાં શૈલદારુપુસ્તમયીં[યતિઃ] ।
ન ચ ગચ્છેત્ સ્ત્રિયં યો ઽત્ર વિરતો મૈથુનાત્સદા

ધ્યાનમિદ્ધગતં મત્તમભિભૂતં ચ નિદ્રયા ।
વિક્ષિપ્તં વેદનાતુન્નં ગૃહીત્વાભિનિષીદતિ

આદિમધ્યાવસાનેષુ સ્વાદયેત્ ધ્યાનવ્યુત્થિતઃ ।
વિહારાદ્ ઘટ્ટનીયઃ સો ઽભાવે તુ સ્વાદનસ્ય ન

નાનાવ્યંજન[કો]પેતરસશાલ્યુપભોગવત્ ।
આસ્વાદના ચ તૈલાચ્છશૌણ્ડાસવપાનવત્

અનાસ્વાદો યુવગ્રીવામૃતકુક્કુરબન્ધવત્ ।
વિજ્ઞેયઃ સુકુમારસ્ય પ્રદીપ્તલોહસ્પર્શવત્

અવક્રીતાદિ[રજ્ઞાનાત્] ।
[આપત્તિભાગ્ યતિર્નૈવોન્મત્તવિક્ષિપ્તચેતસઃ]

રાગા[મનુષ્યસંયોગાત્] પ્રગુણીભૂતાંગજાત[કં] ।
ન સ્પૃશેત્ શુક્રમોક્ષાર્થં સ પૃથિવ્યાદિધાતુભિઃ

તિર્યક્[પ્રમત્ત]સંયોગાત્ શુક્રમુક્તિર્ભવેદ્ યદિ ।
[સ્વ]માનસં યતિગર્હેત્ કૃતં મે નુ વિરૂપકં

મજ્જજક્ષરણં યસ્ય યતેઃ સ્વપ્નેષુ જાયતે ।
સ્વપ્નશુક્રવિનિર્મુક્તૌ તદ્દોષો ન મનાગપિ

રાગાવિષ્ટેન ચિત્તેન નારીં ન શ્રીઘનઃ સ્પૃશેત્ ।
[અન્યં સ્પૃશેત્તથારૂપં નાપિ ચ] પુંનપુંસકં

સ્તનકક્ષૌષ્ઠનાભ્યૂરુપાર્શ્વ કુક્ષિમલભ્રમાન્ ।
સંરક્તઃ [સન્] યતિઃ સ્ત્રીણાં ન નિન્દેત્ ન ચ સંસ્તુયાત્

યદ્યદ્ વદેત્ સ્ત્રિયં[તાવત્] કર્તુકામો યથા યથા ।
તત્તત્ તથા તથા બ્રૂયાત્ શ્રીઘનો નાન્તિકે સ્ત્રિયાઃ

અગ્રા ભવતિ સા યોષિદ્ યા માં પરિચરેદ્ રહઃ ।
લાભિની ચાયુરાદીનાં વ્યાધિહીના યશસ્વિની

ઇત્યાદિ ન વચો બ્રૂયાદ્ રાગાગ્નિપ્લુષ્ટમાનસઃ ।
પુરસ્તાચ્છ્રોઘનઃ સ્ત્રીણાં પુનપુંસકયોસ્તથા

વિવાહાવાહયોર્દૌત્યં ન કુર્યાત્ શ્રામણેરકઃ ।
[ન ચ કુર્યાત્ તથારૂપનિમિત્તમપિ દૌત્યકં]

દાપયેયમિમાં શ્રાદ્ધાં તથાસ્મૈ દારિકામિતિ ।
અર્થસંસ્યન્દનાસૂત્રં ઘટતે ન [સ] ભાષિતું

બીજાર્થં ન વ્રતી દદ્યાત્ [સ્વયમેવ] ગવાદિકં ।
એતાનેવ પરેભ્યો ઽપિ કદાચિન્ન [હિ] પ્રાર્થયેત્

તુલ્યમેતાસુ ત્વં તિષ્ઠ મા સ્ત્રિયા ચૈકયા વસ ।
ઇત્યેવં હિ બહુસ્ત્રીકં પુરુષં ન યતિર્વદેત્