શ્રીઘનાચારસંગ્રહ · અધ્યાય 3.4

4 મૃષાવાદવિરતિશિક્ષાપદં
પ્રત્યેકબુદ્ધસંબુદ્ધતચ્છિષ્યજ્ઞાનદર્શનં ।
મમાસ્તીતિ બ્રુવન્ મિથ્યા નાશ્યો ઽન્યત્રાભિમાનતઃ

જ્ઞાનં સત્યાભિસંબોધિરભિજ્ઞાઃ પંચ દર્શનં ।
ધર્માન્વયાદિકજ્ઞાનાંગીકરણે ક્ષમો ન સઃ

આર્યમ્લેચ્છવચોલેખલિપ્યા [ચ] હસ્તમુદ્રયા ।
જ્ઞાનાદિ પ્રતિજાનીતે બોદ્ધવ્યમપિ તન્મૃષા

વૃક્ષમૂલે ઽહમેકાકી વિહરામિ રમે [ગૃહે] ।
સમાહિતં ચ મે ચિત્તં ન ચ વાચ્યમતીન્દ્રિયં

બુદ્ધાદીનાં વદેદ્ વર્ણમાત્મનો ન કથંચન ।
પરકીયં ગુણં પૃષ્ટો બ્રૂયાત્તત્સંમુખં ન તુ

દૃષ્ટં શ્રુતં મતં યદ્યદ્ વિજ્ઞાતં ચૈવ તદ્ વદેત્ ।
[શ્રીઘનો] વૈપરીત્યેન ગદન્મિથ્યાભિધાયકઃ

વસ્તુ ચાલીકસંજ્ઞી ચ ચિત્તં વિનિહિતં [તથા] ।
મૃષાસંજ્ઞી વદેદ્વાચં પંચાંગો ઽનૃતવાદિકઃ

ચતુસ્ત્રિદ્વયેક[કૈ] રંગૈર્યુક્તો યો ઽત્ર મૃષાં વદેત ।
અન્યૈઃ સ યતિભિર્જ્ઞેયો મૃષાવાદીતિ [શ્રીઘનઃ]

અભૂતેનાનિદાનેન યતિઃ [પ્રાણિવધાદિના] ।
ધ્વંસનચ્યાવનાકૂતઃ સંમુખં ન ચ ચોદયેત્

ક્ષુદ્રાપત્તિનિમિત્તેન લેશમાત્રેણ તેન વા ।
શ્રામણેરો[હિ] પ્રત્યક્ષં [શ્રીઘનાન્] ન ક્ષિપેત્ પરાન્

જાતિલિંગક્રિયાવાદૈર્ હીનમધ્યોત્તમૈર્વ્રતી ।
જિહ્મનિષ્પ્રતિભાનાર્થં ન પ્રાણાન્ જાતુ ચોદયેત્

ઉપક્લેશગદાક્રોશાપત્ત્યાદ્યૈર્હિ યતિં વ્રતી ।
આશયેન પુરોક્તેન બ્રૂયાન્નૈવ કદાચન

ભેદં યાસ્યતિ સો ઽન્યેન સંધાસ્યતિ મયા સહ ।
યતિર જાત્યાદિવાદેન પૈશુન્યં ન સમાચરેત્