સ્કન્દપુરાણ: રેવાખણ્ડ (સંશોધિત પાઠ) · અધ્યાય 99

ઇતિ શ્રીસ્કન્દપુરાણે રેવાખણ્ડે ગોપાલેશ્વરમહિમાનુવર્ણનો નામાષ્ટનવતિતમો ઽધ્યાયઃ ॥
ર્ક્સ્ અધ્યાય 99
માર્કણ્ડેય ઉવાચ:
નર્મદાયોત્તરે કૂલે તીર્થં પરમશોભનમ્ ।
સર્વપાપહરં પુણ્યં નામ્ના વૈ ગૌતમેશ્વરમ્

સ્થાપિતં ગૌતમેનૈવ લોકાનાં હિતકામ્યયા ।
સ્વર્ગસોપાનરૂપેણ તીર્થં પુંસાં યુધિષ્ઠિર

ગચ્છ ત્વં પરયા ભક્ત્યા યત્ર દેવો જગદ્ગુરુઃ ।
પાતકાનાં વિનાશાય સ્વર્ગવાસાપ્તયે નૃપ

સૌખ્યસ્ય વર્ધનં લિઙ્ગં જયદં દુઃખનાશનમ્ ।
પિણ્ડદાનેન ચૈકેન કુલાનાં ઉદ્ધરેત્ ત્રયમ્

યત્ કિંચિદ્ દીયતે ભક્ત્યા સ્વલ્પં વા યદિ વા બહુ ।
તત્સર્વં શતસાહસ્રમ્ આજ્ઞયા ગૌતમસ્ય ચ

તીર્થાનાં પરમં તીર્થં સ્વયં રુદ્રેણ ભાષિતમ્ ।
માર્કણ્ડેય ઉવાચ:
દક્ષિણે નર્મદાકૂલે તીર્થં પરમશોભનમ્

શઙ્ખચૂડેશ્વરં તત્ર પ્રસિદ્ધં ભૂમિમણ્ડલે ।
શઙ્ખચૂડેશ્વરસ્ તત્ર સંસ્થિતઃ પાણ્ડુનન્દન

વૈનતેયભયાત્ પાર્થ સંસ્થિતો નર્મદાતટે ।
તત્ર તીર્થે તુ યો ભક્ત્યા શુચિર્ ભૂત્વા સમાહિતઃ

સ્નાપયેચ્ છઙ્ખચૂડં તુ ક્ષૌદ્રેણ દધિસર્પિષા ।
રાત્રૌ જાગરણં કૃત્વા દેવસ્યાગ્રે નરાધિપ

દધિભક્તેન સમ્પૂજ્ય બ્રાહ્મણાન્ છંસિતવ્રતાન્ ।
ગોદાનં ચ તથા દેયં સર્વપાપક્ષયં કરમ્

તસ્મિંસ્ તીર્થે તુ યઃ પાર્થ સર્પદષ્ટો ઽપિ નશ્યતિ ।
સો ઽપિ યાતિ પરં લોકં શઙ્ખચૂડસ્ય ચાજ્ઞયા