સ્કન્દપુરાણ: રેવાખણ્ડ (સંશોધિત પાઠ) · અધ્યાય 100

ઇતિ શ્રીસ્કન્દપુરાણે રેવાખણ્ડે શઙ્ખચૂડતીર્થમહિમાનુવર્ણનો નામ નવનવતિતમો ઽધ્યાયઃ ॥
ર્ક્સ્ અધ્યાય 100
માર્કણ્ડેય ઉવાચ:
તતો ગચ્છેત્ તુ રાજેન્દ્ર પરાશરવરોત્તમમ્ ।
પરાશરો મહાત્મા ચ નર્મદાયાસ્ તટે શુભે

તપશ્ ચચાર વિપુલં પુત્રાર્થં પાણ્ડુનન્દન ।
હિમાચલસુતા ગૌરી લક્ષ્મીનારાયણાન્વિતા

તોષિતા પરયા ભક્ત્યા નર્મદાયોત્તરે તટે ।
પરાશરેણ ઋષિણા તસ્ય તુષ્ટા વરં દદૌ

દેવ્ય્ ઉવાચ:
ભો ભો ઋષિવરશ્રેષ્ઠ તુષ્ટાહં તવ ભક્તિતઃ ।
વરં યાચસ્વ વિપ્રેન્દ્ર પરાશરમહામતે

પરાશર ઉવાચ:
યદિ તુષ્ટાસિ મે દેવિ યદિ દેયો વરો મમ ।
પુત્રો મે દીયતાં શીઘ્રં સર્વશાસ્ત્રવિશારદઃ

તીર્થં ચાત્ર ભવેદ્ દેવિ સન્નિધાનં વરેણ તુ ।
લોકોપકારહેત્વ્ અર્થં સ્થીયતાં ગિરિનન્દિનિ

પરાશરાભિધાનેન નર્મદાદક્ષિણે તટે ।
પરાશરવચઃ શ્રુત્વા દેવી હિમવતઃ સુતા

એવં ભવતુ તે વિપ્ર ઇત્યુક્ત્વાન્તરધીયત ।
પરાશરો મહાત્મા ચ સ્થાપયામાસ પાર્વતીમ્

શઙ્કરં સ્થાપયામાસ સુરાસુરનમસ્કૃતમ્ ।
અર્ચિતં સર્વદેવાનાં દાનવાનાં દુરાસદમ્

પરાશરો મહાત્મા ચ કૃતાર્થો વિગતજ્વરઃ ।
તસ્મિંસ્ તીર્થે તુ યો ભક્ત્યા શુચિઃ પ્રયતમાનસઃ

માસે ચૈત્રે ચ વિખ્યાતે શ્રાવણે નૃપનન્દન ।
માસિ માર્ગશિરે ચૈવ શુક્લપક્ષે તુ સર્વદા

શઙ્કરં પાણ્ડવશ્રેષ્ઠ ગિરિજાં પૂજયેત્ તથા ।
અષ્ટમ્યાં ચ ચતુર્દશ્યાં સૂર્યપર્વણિ સર્વદા

સ્ત્રિયો વા પુરુષા વાપિ કામક્રોધવિવર્જિતાઃ ।
તત્ર ગત્વા શૂચૌ સ્થાને નર્મદાદક્ષિણે તટે

ઉપોષ્ય પરયા ભક્ત્યા વ્રતં કુર્યુર્ મહામુને ।
રાત્રૌ જાગરણં કૃત્વા દીપદાનં સ્વશક્તિતઃ

સપત્નીકાનુત્તમાંશ્ ચ શીલશ્રદ્ધાસમન્વિતાન્ ।
પૂજયેદ્ બ્રાહ્મણાન્ પાર્થ અન્નદાનહિરણ્મયૈઃ

વસ્ત્રેણ ચ્છત્રદાનેન શય્યા તામ્બૂલભોજનૈઃ ।
શ્રાદ્ધં કાર્યં નૃપશ્રેષ્ઠ આમશ્રાદ્ધં પ્રશસ્યતે

આમં ચતુર્ગુણં પ્રોક્તં બ્રાહ્મણાનાં યુધિષ્ઠિર ।
વેદોક્તેન વિધાનેન દ્વિજાઃ પૂજ્યાઃ પ્રયત્નતઃ

હસ્તમાત્રકુશૈશ્ ચૈવ તિલૈશ્ ચ વાઞ્ચ્છિતૈર્ નૃપ ।
વિપ્રં ચોદઙ્મુખં ચૈવ આત્માનં દક્ષિણામુખમ્

આમં દર્ભેષુ નિઃક્ષિપ્ય ઇત્યુચ્ચાર્ય દ્વિજાગ્રતઃ ।
પ્રેતા યાન્તુ પરં લોકં તીર્થસ્યાસ્ય પ્રભાવતઃ

પાપં મે પ્રશમં યાતુ યાતુ વૃદ્ધિઃ સદા શુભમ્ ।
વૃદ્ધિં યાતુ સદા વંશો જ્ઞાતિવર્ગો દ્વિજોત્તમ

એવમ્ ઉચ્ચાર્ય વિપ્રેન્દ્રં દેયં પરાશરાશ્રમે ।
ગોભૂનીલહિરણ્યાનિ અન્નં વસ્ત્રં ચ શક્તિતઃ

દાતવ્યં પાણ્ડવશ્રેષ્ઠ પરાશરવરાશ્રમે ।
યઃ શૃણોતિ નરો ભક્ત્યા સો ઽપિ પાપૈઃ પ્રમુચ્યતે