સ્કન્દપુરાણ: રેવાખણ્ડ (સંશોધિત પાઠ) · અધ્યાય 82

ઇતિ શ્રીસ્કન્દપુરાણે રેવાખણ્ડે પઞ્ચલિઙ્ગમહિમાનુવર્ણનો નામૈકાશીતિતમો ઽધ્યાયઃ ॥
ર્ક્સ્ અધ્યાય 82
માર્કણ્ડેય ઉવાચ:
અથાન્યત્ કથયિષ્યામિ તીર્થં પાપપ્રણાશનમ્ ।
મયૂરકુક્કુટં નામ બ્રહ્મહત્યા વ્યપોહનમ્

મૃકણ્ડસ્યાશ્રમં પુણ્યં નર્મદાદક્ષિણે તટે ।
મૃકણ્ડો નામ ભૂપાલ ઋષિઃ પરમધાર્મિકઃ

તપસ્ તેપે મહાભાગ દિવ્યૈર્ વર્ષસહસ્રકૈઃ ।
તસ્યાશ્રમપદે રમ્યે મુનયઃ શંસિતવ્રતાઃ

વસન્તિ સ્મ જલાહારાઃ શુષ્કપત્રકૃતાશનાઃ ।
કેચિત્ તન્ન નિરાહારા મોક્ષોપાયવિચિન્તકાઃ

એતસ્મિન્ન્ અન્તરે રાજન્ ગન્ધર્વૌ શક્રગાયનૌ ।
હેતિપ્રહેતિનામાનૌ ગતૌ શક્રસભાં નૃપ

વધૂરપ્સરસાં શ્રેષ્ઠા દૃષ્ટા તાભ્યાં યુધિષ્ઠિર ।
દૃષ્ટમાત્રૌ તુ ગન્ધર્વૌ કામબાણપ્રપીડિતૌ

હેતિઃ કુક્કુટશબ્દેન પ્રહેતિર્ બર્હિણસ્ તથા ।
ઘોષ્યમાણૌ સુમધુરં સાદયામાસ તુ ચ તામ્

વૃત્રહા તદ્ અભિપ્રાયં જ્ઞાત્વા શાપં દદૌ તવા

પૂર્ણે દિવ્યશતે વર્ષે પશ્ચાદ્ અત્રાગમિષ્યથઃ ।
તિર્યગ્યોનૌ તુ સંપ્રાપ્તૌ ગન્ધર્વૌ હિ યુધિષ્ઠિર

જાતિસ્મરૌ દુરાચારૌ પક્ષિણૌ પ્રિયદર્શીનૌ ।
સર્વતીર્થાન્ય્ ઉત્તરન્ તૌ નારદં ચ દદર્શતુઃ

ગન્ધર્વાવ્ ઊચતુઃ:
ભવિષ્યાવઃ શુભાચાર બ્રહ્મપુત્ર તપોધન ।
કર્મણા કેન ચાવાં હિ મુક્તાવેતૌ વદસ્વ તત્

નારદ ઉવાચ:
નર્મદા દક્ષિણે તીરે મૃકણ્ડસ્યાશ્રમં શુભમ્ ।
તિર્યગ્યોનિવિમોક્ષં ચ તીર્થં હિ પરમં મતમ્

જલાપ્લુતૌ નર્મદાયાઃ સર્વં તત્ર ભવિષ્યતિ ।
તતો હેતિઃ પ્રહેતિશ્ ચ સુસ્નાતૌ દિવ્યરૂપિણૌ

એકેન સ્નાનમાત્રેણ પક્ષિણૌ દિવ્યતાં ગતૌ ।
સ્નાત્વા તુ વિધિના ઽનેન ધ્યાત્વા દેવં સદાશિવમ્

ઉચ્ચાર્ય્યાઘોરમન્ત્રં તૌ સદા ધ્યાનસ્થિતૌ નૃપ ।
એતસ્મિન્ન્ અન્તરે રાજન્ પાતાલાદુત્થિતં શુભમ્

શતસૂર્યપ્રકાશં હિ લિઙ્ગં તત્ર યુધિષ્ઠિર ।
કુક્કુટેશ્વરમ્ એકં તુ મયૂરેશ્વરમ્ એવ ચ

ગન્ધર્વૌ તુ વિમાનસ્થૌ ગતૌ શક્રસ્ય મન્દિરમ્ ।
તસ્મિંસ્ તીર્થે નરઃ સ્નાત્વા ભવે નૈવ પુનર્ ભવેત્

સ્નાત્વા તિલોદકં દત્ત્વા પિતૄણાં પરમા ગતિઃ ।
અવશઃ સ્વવશો ઽવાપિ યસ્તુ પ્રાણાન્ પરિત્યજેત્

ન તસ્ય પુનરાવૃત્તિર્ ઘોરે સંસારસાગરે ।
તત્ર કીટાઃ પતઙ્ગાશ્ ચ પક્ષિણો ઽથ સરીસૃપાઃ

મણ્ડૂકાઃ પાપવૃક્ષાશ્ ચ મૃતા યાન્તિ શિવં પદમ્