સ્કન્દપુરાણ: રેવાખણ્ડ (સંશોધિત પાઠ) · અધ્યાય 75

ઇતિ શ્રીસ્કન્દપુરાણે રેવાખણ્ડે દારુતીર્થતમહિમાનુવર્ણનો નામ ચતુઃસપ્તતિતમો ઽધ્યાયઃ ॥
ર્ક્સ્ અધ્યાય 75
માર્કણ્ડેય ઉવાચ:
તતો ગચ્છેચ્ ચ રાજેન્દ્ર દેવતીર્થમ્ અનુત્તમમ્ ।
યત્ર દેવાસ્ ત્રયસ્ત્રિંશત્ તપ્ત્વા સિદ્ધિં પરાં ગતાઃ

પુરા દેવાસુરે યુદ્ધે દાનવૈર્ બલદર્પિતૈઃ ।
ઇન્દ્રો દેવગણૈઃ સાર્દ્ધં સ્વરાજ્યાચ્ ચ્યાવિતો ભૃશમ્

હસ્ત્યશ્વરથયાનૌઘૈર્ મર્દયિત્વા ચ વાહિનીમ્ ।
વિશક્તા ભેજિરે માર્ગં પ્રહારૈર્ જર્જરીકૃતાઃ

જમ્ભશુમ્ભનિશુમ્ભાદ્યૈસ્ તુ હુણ્ડગ્રહકૈઃ સહ ।
બલિભિર્ બાધિતાઃ સર્વે બ્રહ્માણમ્ ઉપતસ્થિરે

પ્રણમ્ય શિરસા દેવં બ્રહ્માણં પરમેષ્ઠિનમ્ ।
વ્યજ્ઞાપયન્ત દેવેશમ્ ઇન્દ્રાગ્નિકપુરોગમાઃ

પશ્ય પશ્ય મહાભાગ દાનવૈર્ આકુલીકૃતાઃ ।
બાધિતાઃ પુત્રદારાભ્યાં ત્વામ્ એવ શરણં ગતાઃ

પરિત્રાયસ્વ દેવેશ સર્વલોકપિતામહ ।
નાન્યા ગતિઃ સુરેશાન મુક્ત્વા ત્વાં પરમેષ્ઠિનમ્

બ્રહ્મોવાચ:
દાનવાનાં વિઘાતાર્થં નર્મદાતટમ્ આશ્રિતાઃ ।
તપઃ કુરુત ભો દેવાસ્ તપો હિ પરમં બલમ્

નાન્યોપાયો ન વૈ મન્ત્રો ન વિદ્યા ન ચ વિક્રમઃ ।
વિના રેવાજલં પુણ્યં સર્વપાપક્ષયં કરમ્

દારિદ્ર્યવ્યાધિમરણબન્ધનવ્યસનાનિ ચ ।
એતાનિ ચૈવ પાપસ્ય ફલાનીતિ મતિર્ મમ

એવં જ્ઞાત્વા વિધાનેન તપઃ કુરુત દુષ્કરમ્ ।
પૂજ્યતે શામ્ભવં સર્વૈઃ પ્રાપ્નુયાતાભયં તતઃ

તચ્છ્રુત્વા વચનં દેવા બ્રહ્મણઃ પરમેષ્ઠિનઃ ।
નર્મદામાગતાઃ સર્વે તદેન્દ્રાગ્નિપુરોગમાઃ

વિચેરુસ્ તત્ર વિપુલં તપઃ પરમદુઃસહમ્ ।
સકલ્પૈઃ પરમાં રાજંસ્ તત્ તે સિદ્ધિમ્ અવાપ્નુવન્

તદા પ્રભૃતિ તત્ તીર્થં દેવતીર્થમ્ ઇતિ શ્રુતમ્ ।
ગીયતે સર્વલોકેષુ સર્વપાપક્ષયંકરમ્

તત્ર શ્રદ્ધાત્મના યો ઽપિ વિધિનાપિ સમન્વિતઃ ।
સ્નાનં સમાચરેદ્ ભક્ત્યા સ લભેન્ મૌક્તિકં ફલમ્

યસ્ તમ્ અર્ચયતે દેવં સર્વદેવૈસ્ તુ પૂજિતમ્ ।
લભતે ચાશ્વમેધસ્ય ફલં યાગસ્ય ચોત્તમમ્

યસ્ તુ ભોજયતે વિપ્રાંસ્ તસ્મિંસ્ તીર્થે નરાધિપ ।
તત્ર દેવશિલા રમ્યા મહાપુણ્યાદ્રિર્વધિની

સંન્યાસેન મૃતાનાં તુ નરાણામક્ષયા ગતિઃ ।
અગ્નિપ્રવેશં યઃ કુર્યાદ્ દેવતીર્થે યુધિષ્ઠિર

રુદ્રલોકે વસેત્ તાવદ્ યાવદ્ આહૂતસમ્પ્લવમ્ ।
એવં સ્નાનં જપો હોમઃ સ્વાધ્યાયો દેવતાર્ચનમ્

સુકૃતં દુષ્કૃતં વાપિ તત્ર તીર્થે ઽક્ષયં ભવેત્ ।
એતાવદ્ વિધિર્ ઉદ્દિષ્ટા ઉત્પત્તિશ્ ચૈવ ભારત

દેવતીર્થસ્ય ચરિતં સર્વતીર્થેષ્વ્ અનુત્તમમ્