સ્કન્દપુરાણ: રેવાખણ્ડ (સંશોધિત પાઠ) · અધ્યાય 74

ઇતિ શ્રીસ્કન્દપુરાણે રેવાખણ્ડે મેઘનાદેશ્વરમહિમાનુવર્ણનો નામ ત્રિસપ્તતિતમો ઽધ્યાયઃ ॥
ર્ક્સ્ અધ્યાય 74
માર્કણ્ડેય ઉવાચ:
તતો ગચ્છેચ્ ચ રાજેન્દ્ર દારુતીર્થમ્ અનુત્તમમ્ ।
દારુકો યત્ર સંસિદ્ધિમ્ ઇન્દ્રસ્ય દયિતઃ સખા

યુધિષ્ઠિર ઉવાચ:
દારુકેણ કથં તાત તપશ્ચીર્ણં પુરા ઽનઘ ।
વિધાનં શ્રોતુમ્ ઇચ્છામિ સર્વપાપક્ષયં કરમ્

માર્કણ્ડેય ઉવાચ:
અહં તે કથયિષ્યામિ વિચિત્રં યત્ પુરાતનમ્ ।
વૃત્તં સમભવત્ તત્ર ઋષીણાં ભાવિતાત્મનામ્

સૂતો વજ્રધરસ્યાસીત્ માતલિર્નામનામતઃ ।
સ પુત્રં શપ્તવાન્ પૂર્વં કથંચિત્ કારણાન્તરે

શાપહેતોર્ વેપમાન ઇન્દ્રસ્ય ચરણૌ શુભૌ ।
પ્રપીડ્ય તત્ર દેવેન્દ્રં વિજ્ઞાપયતિ ભારત

મમ તાતાભિશપ્તસ્ય અનાથસ્ય સુરેશ્વર ।
કર્મણા કેન શાપસ્ય ઘોરસ્યાન્તો ભવિષ્યતિ

શક્ર ઉવાચ:
નર્મદાતટમ્ આશ્રિત્ય તોષય ત્વં મહેશ્વરમ્ ।
તિષ્ઠ યાવદ્ યુગસ્યાન્તં પુનર્જનનમ્ આપ્સ્યસિ

પુનર્ભૂત્વા યદુકુલે દારુકો નામ નામતઃ ।
આરોહયિત્વા દેવેશં શઙ્ખચક્રગદાધરમ્

માનુષં તત્ર સમ્પન્નં તતઃ સિદ્ધિમ્ અવાપ્સ્યસિ ।
એવમ્ ઉક્તસ્ તુ દેવેન સહસ્રાક્ષેણ ભારત

પ્રણમ્ય શિરસા ભૂમિમ્ આગતો ઽસૌ હતપ્રભઃ ।
નર્મદા તટમ્ આશ્રિત્ય કર્શિતસ્વકલેવરઃ

વ્રતોપવાર્સૈર્ વિવિધૈર્ જપહોમપરાયણઃ ।
મહાદેવં મહાત્માનં વરદં શૂલપાણિનમ્

અભજત્ પરયા ભક્ત્યા યાવદ્ આહૂતસમ્પ્લવમ્ ।
અંશાવતરણે વિષ્ણોસ્ તતો ભૂત્વા મહામતિઃ

તોષયિત્વા જગન્નાથં તતો યાતઃ સ સદ્ગતિમ્ ।
એષ તે સમ્ભવસ્ તાત દારુતીર્થસ્ય સુવ્રત

કથિતસ્ તુ મયા પૂર્વં યથા મે શઙ્કરો ઽબ્રવીત્ ।
તતો યુધિષ્ઠિરો રાજા વિસ્મયાવિષ્ટચેતનઃ

ભ્રાન્તો ઽવલોકયામાસ સ્તબ્ધરોમા મુહુર્ મુહુઃ ।
તસ્મિંસ્ તીર્થે નરઃ સ્નાત્વા વિધિપૂર્વં નરેશ્વર

ઉપાસ્ય સભ્યાં તત્રૈવ સંતર્પ્ય પિતૃદેવતાઃ ।
દેહત્યાગં ચ તત્રૈવ યઃ કરોતિ સમાહિતઃ

સો ઽશ્વમેધફલં પ્રાપ્ય રમતે શિવસન્નિધૌ ।
તસ્મિંસ્ તીર્થે તુ યો ભક્ત્યા ભોજયેદ્ બ્રાહ્મણં શુચિઃ

સ તુ વિપ્રસહસ્રસ્ય લભતે ફલમ્ ઉત્તમમ્ ।
સ્નાનં દાનં તપો હોમઃ સ્વાધ્યાયઃ પિતૃતર્પણમ્

યત્કૃતં તુ શુભં તત્ર તત્સર્વં લભતે ઽક્ષયમ્