સ્કન્દપુરાણ: રેવાખણ્ડ (સંશોધિત પાઠ) · અધ્યાય 62

ઇતિ શ્રીસ્કન્દપુરાણે રેવાખણ્ડે રન્તિદેવોપાખ્યાનં નામૈકષષ્ટિતમો ઽધ્યાયઃ ॥
ર્ક્સ્ અધ્યાય 62
રન્તિદેવ ઉવાચ:
યથા શપ્તાસ્ તુ તાઃ કન્યાસ્ તાસાં નામાનિ કલ્પગ ।
શ્રોતુમ્ ઇચ્છામિ તત્ત્વેન કેષુ સ્થાનેષુ પૂજિતા

માર્કણ્ડેય ઉવાચ:
વારાણસ્યાં વિશાલાક્ષી નૈમિષે લિઙ્ગધારિણી ।
પ્રયાગે લલિતાદેવી કામુકા ગન્ધમાદને

માનસે કુમુદા નામ વિશ્વયોનિસ્ તથામ્બરે ।
ગોમન્તે ગોમતી નામ મન્દરે કામચારિણી

મદોત્કટા ચૈત્રરથે તપન્તી હસ્તિનાપુરે ।
કાન્યકુબ્જે તથા ગૌરી પ્રભા કમલપર્વતે

એકાગ્રે કીર્તિમત્યાખ્યા વિશ્વા વિશ્વેશ્વરે તથા ।
પુષ્કરે પુરુહૂતેતિ કેદારે માર્ગદાયિની

નન્દા હિમવતઃ પૃષ્ઠે ગોકર્ણે ભદ્રકાર્ણિકા ।
સ્થાનેશ્વરે ભવાનીતિ બિલ્વકે બિલ્વપત્રિકા

શ્રીશૈલે માધવી નામ ભદ્રા ભદ્રેશ્વરે તથા ।
જયા વારાહશૈલે તુ કમલા કમલાલયે

રુદ્રકોટ્યાં તુ રુદ્રાણી કોટિઃ કાલઞ્જરે તથા ।
મહાલિઙ્ગે તુ કપિલા માકોટે મુકુટેશ્વરી

શાલગ્રામે મહાદેવી શિવલિઙ્ગે જલપ્રિયા ।
માયાપુર્યાં કુમારી તુ સન્તાને લલિતા તથા

ઉત્પલાખ્યે સહસ્રાક્ષી હિરણ્યાક્ષે મહોત્પલા ।
તીર્થાયાં મઙ્ગલા નામ વિમલા પુરુષોત્તમે

વિપાશાયામમોઘાક્ષી પાટલા પુણ્ડ્રવર્ધને ।
નારાયણી સુપાર્શ્વે ચ ત્રિકૂટે ભદ્રસુન્દરી

વિપુલે વિપુલા નામ કલ્યાણી પ્રલયાચલે ।
કોટીવિકોટિ તીર્થે તુ યમુનાયાં મૃગાવતી

કરવીરે મહાલક્ષ્મીર્ ઉમાદેવી વિનાયકે ।
આરોગ્યા વૈદ્યનાથે તુ મહાકાલે મહેશ્વરી

અભયા કૃષ્ણતીર્થે તુ અમૃતા વિન્ધ્યકન્દરે ।
માણ્ડવ્યે માણ્ડુકા નામ સ્વાહા માહેશ્વરે પુરે

છાગલમ્બા પ્રચણ્ડે ચ ચણ્ડિકા ઽમરકણ્ટકે ।
સોમેશ્વરે વરાહી તુ પ્રભાસે પુષ્કરાવતી

દેવમાતા સરસ્વત્યાં પારા પારાવતે તથા ।
મહાલયે મહાભાગા પયોષ્ણ્યાં પિઙ્ગલેશ્વરી

સંહિતા કૃતશૌચે તુ કાર્ત્તિકેયે તુ શાઙ્કરી ।
ઉત્પલા વર્ષકે લોલા સુભદ્રા શોણસઙ્ગમે

માલાસિદ્ધતલે લક્ષ્મીરનન્તા ભારતાશ્રમે ।
જાલન્ધરે સિદ્ધમુખી તારા કિષ્કિન્ધપર્વતે

દેવદારુવને પુષ્ટિર્ મેધા કશ્મીરમણ્ડલે ।
ભીમાદેવી હિમાદ્રૌ તુ તુષ્ટિર્ વસ્ત્રેશ્વરે તથા

કપાલમોચને સિદ્ધિર્ માતા કાયાવરોહણે ।
શઙ્ખોદ્ધારે ધૃતિર્ નામ ધ્વનિઃ પિણ્ડારકે તથા

કલા તુ ચન્દ્રભાગાયામ્ અક્ષોદે શિવધારિણી ।
વૈજયન્ત્ય્ અમૃતા નામ બદર્યામ્ ઓષધી તથા

ઓષધી ચોત્તરકુરૌ કુશદ્વીપે કુશોદકા ।
મન્મથા હિમકૂટે તુ પ્રમતે સત્યવાદિની

અશ્વત્થે વન્દિની નામ નિધિર્વૈશ્રવણે તથા ।
ગાયત્રી વેદવદને પાર્વતી શિવસન્નિધૌ

દેવલોકે તથેન્દ્રાણી બ્રહ્મણાસ્યે સરસ્વતી ।
સૂર્યબિમ્બે પ્રભા નામ માતૃકા વૈષ્ણવી તથા

અરુન્ધતી સતીનાં ચ અપ્સરસ્સુ તિલોત્તમા ।
ચિતિર્બ્રહ્મકલા નામ શક્તિઃ સર્વશરીરિણામ્

એતદ્ ઉદ્દેશતઃ પ્રોક્તં નામાષ્ટશતમ્ ઉત્તમમ્ ।
અષ્ટોત્તરં તુ તીર્થાનાં શતમ્ એકં હ્ય્ ઉદાહૃતમ્

યઃ પઠેત્ પ્રાતરુત્થાય સ યાતિ પરમાં ગતિમ્ ।
એષુ તીર્થેષુ યે સ્નાત્વા એતાઃ પશ્યાન્તિ માનવાઃ

સર્વપાપવિનિર્મુક્તાસ્ તે યાન્તિ પરમાં ગતિમ્ ।
યઃ કરોતિ તનુત્યાગમ્ ઉમાસ્થાનેષુ માનવઃ

સ ભિત્ત્વા બ્રહ્મસદનં પદમાપ્નોતિ શાઙ્કરમ્ ।
નામાષ્ટકશતં યસ્ તુ શ્રાવયેચ્ છિવસન્નિધૌ

તૃતીયાયાં તથાષ્ટમ્યાં બહુપુત્રો ભવેન્ નરઃ ।
ગોદાને શ્રાદ્ધકાલે ચ વિવાહે મઙ્ગલે તથા

દેવાર્ચનવિધૌ વાપિ પઠન્ બ્રહ્મત્વમ્ આપ્નુયાત્ ।
શ્રુત્વૈતત્ સ્તોત્રમતુલં નમસ્કૃત્ય ચ પર્વતમ્

રાજા સ્વપિતૃમોક્ષાય યજ્ઞાર્થં પ્રાહ કલ્પગમ્ ।
કસ્મિંસ્ તીર્થે ભવેદ્ યજ્ઞઃ પિતૄણાં મોક્ષદાયકઃ