સ્કન્દપુરાણ: રેવાખણ્ડ (સંશોધિત પાઠ) · અધ્યાય 48

ઇતિ શ્રીસ્કન્દપુરાણે રેવાખણ્ડે ઓંકારમહિમાનુવર્ણનો નામ સપ્તચત્વારિંશો ઽધ્યાયઃ ॥
ર્ક્સ્ અધ્યાય 48
માર્કણ્ડેય ઉવાચ:
બ્રહ્મણે કથિતો મન્ત્ર ઓંકારેણ તતો ઽનઘ ।
બ્રહ્માપિ તદ્વચઃ શ્રુત્વા સ્તોત્રમેતદ્ ઉદાહરત્

ઓં વ્યોમસંખ્યાયિતે વ્યોમહરાય સર્વવ્યાપિને ।
અનન્તાય અનાથાય અમૃતાય ધ્રુવાય ચ

શમ્ભવાય શાશ્વતાય યોગપીઠસંસ્થિતાય ।
નિત્યં યોગયોગિને વ્યોમહરાય

ઓં નમઃ શિવાય સર્વપ્રભવાય શિવાય ઈશાનાય

મૂર્ધાય તત્પુરુષાય વક્ત્રાય અઘોરાય હૃદયાય વાસુદેવાય ગુહ્યાય સદ્યોજાતાય મૂર્તયે ઓંકારાય નમો નમઃ

કલાતીતો ઽવ્યયો બુદ્ધો વજ્રદેહોપમર્દનઃ ॥ ર્ક્સ્_48.6
અધ્યક્ષશ્ ચ વિધુઃ શાસ્તા પિનાકી ત્રિદશાધિપઃ ।
અગ્ની રુદ્રો હુતાશશ્ ચ પિઙ્ગલઃ પાવનો હર

જ્વલનો દહનો વસ્તુર્ ભસ્માન્તશ્ ચ ક્ષમાન્તકઃ ।
અપમૃત્યુહરો ધાતા વિધાતા કર્તૃસંજ્ઞકઃ

કાલો ધર્મપતિઃ શાસ્તા વિયોક્તા નવમઃ પ્રિયઃ ।
નિર્મિત્તો વારુણો હન્તા ક્રૂરદૃષ્ટિર્ ભયાવહઃ

ઊર્ધ્વદૃષ્ટિર્ વિરૂપાક્ષો દંષ્ટ્રાવાન્ ધૂમ્રલોચનઃ ।
વાલો હ્યતિબલશ્ચૈવ પાશહસ્તો મહાબલઃ

શ્વેતો વિરૂપો રુદ્રશ્ ચ દીર્ઘબાહુર્જડાન્તકઃ ।
શીઘ્રો લઘુર્વાયુવેગો ભીમશ્ ચ વડવામુખઃ

પઞ્ચશીર્ષા કપર્દી ચ સૂક્ષ્મસ્તીક્ષ્ણઃ ક્ષપાન્તકઃ ।
નિધીશો રૌદ્રવાન્ ધન્વી સૌમ્યદેહઃ પ્રમર્દનઃ

અનન્તપાલકો ધારઃ પાતાલેશો વૃષધ્વજઃ ।
સધૂમ્રઃ શાશ્વતઃ શર્વઃ સર્વપિઙ્ગઃ કરાલવાન્

વિષ્ણુર્ ઈશો મહાત્મા ચ સુખો મૃત્યુવિવાર્જિતઃ ।
શમ્ભુર્ વિભુર્ ગણાધ્યક્ષસ્ ત્ર્યક્ષશ્ચૈવ દિવસ્પતિઃ

સંવાદશ્ ચ વિવાદશ્ ચ પ્રભવિષ્ણુર્ વિવર્ધનઃ ।
શતમેકોત્તરં યાવદ્ રુદ્રાણાં સંખ્યયા સ્મૃતમ્

શતમેકોત્તરં સર્વમ્ ઓંકારે ચ પ્રતિષ્ઠિતમ્ ।
સ્તોત્રં કૃત્વા તથા બ્રહ્મા દેવદેવં મહેશ્વરમ્

ભૂમૌ પ્રણમ્ય સાષ્ટાઙ્ગં કૃત્વા ચૈવ પ્રદક્ષિણમ્ ।
મનસા સંસ્મરન્ દેવં તસ્થૌ લોકપિતામહઃ

સ્તોત્રં શ્રુત્વા ભગવતો બ્રહ્મણો લોમહર્ષણમ્ ।
દેવદેવો ઽબ્રવીદ્ વાક્યં બ્રહ્માણં પ્રતિ ભારત

સ્તોત્રેણાનેન દિવ્યેન તુષ્ટો ઽહં તે વરં વૃણુ ।
દદામિ તે ન સન્દેહો દુષ્પ્રાપ્યં ત્રિદશૈર્ અપિ

બ્રહ્મોવાચ:
યદિ તુષ્ટો ઽસિ દેવેશ યદિ દેયો વરો મમ ।
પઞ્ચવક્ત્રેષુ યજનં બ્રહ્મ નામ ભવત્વ્ ઇહ

હર ઉવાચ:
એવમ્ ભવતુ વૈ બ્રહ્મન્ સત્યમ્ એતત્ તવોદિતમ્ ।
બ્રહ્મણો ધર્મપૂજા વૈ તદા પ્રભૃતિ ભારત

બ્રહ્મોવાચ:
પઠિષ્યન્તિ સ્તવં રૌદ્રમ્ ઓંકારસ્ય તવાગ્રતઃ ।
બ્રાહ્મણાઃ ક્ષત્રિયા વૈશ્યાઃ સદા તદ્ગતમાનસાઃ

સર્વકામમ્ અવાપ્સ્યન્તિ ચેહ લોકે પરત્ર ચ ।
યં યં કામયતે કામં તં તં પ્રાપ્નોતિ માનવઃ

શતમેકોત્તરં નિત્યં પઠિત્વા ચ દિવં વ્રજેત્ ।
એવમ્ ઉક્ત્વા તદા બ્રહ્મા નમસ્કૃત્ય મહેશ્વરમ્

દિવ્યયાનસમારૂઢો બ્રહ્મલોકં મુદા યયૌ ।
ચતુર્યુગસહસ્રેણ બ્રહ્મણો ઽહઃ પ્રકીર્તિતમ્

અનેનૈવ તુ માનેન શતં બ્રહ્મા હિ જીવતિ ।
પિતામહશતં યાવદ્ વિષ્ણોર્ માનં વિધીયતે

ઓંકારનિમિષાર્ધેન સહસ્રાણિ ચતુર્દશ ।
વિનશ્યન્તિ પરં વિષ્ણોરસંખ્યાતાઃ પિતામહાઃ

એવં બ્રહ્મગતિં જ્ઞાત્વા શિવમ્ અન્તઃ સદાર્ચયેત્ ।
શિવાજ્ઞા વર્તતે લિઙ્ગે તસ્માલ્ લિઙ્ગં સદાર્ચયેત્

દ્વેષ્ટિ લિઙ્ગં તુ યો મોહાત્ સર્વદેવનમસ્કૃતમ્ ।
સ યાતિ નરકં ઘોરં શિવસ્ય વચનં યથા

બૌદ્ધક્ષપણપાખણ્ડા મિથ્યાતત્ત્વવિચક્ષણાઃ ।
નષ્ટાસ્ તુ નાશિતા યે વૈ શિવારાધનવાર્જિતાઃ

જન્મજન્માન્તરાભ્યાસાત્ તે પ્રયાન્તિ રસાતલમ્ ।
પુરાણેષુ તથા યુદ્ધ્વા શિવોક્તં ધર્મમ્ આચરેત્

સદુષ્ટઃ પાપબુદ્ધિસ્ તુ યો ઽન્યં ધર્મં સમાચરેત્ ।
એતત્ તે કથિતં રાજન્ પુરાણં સ્કન્દકીર્તિતમ્

શ્રવણાત્ કીર્તનાદ્ અસ્ય શિવલોકે મહીયતે