સ્કન્દપુરાણ: રેવાખણ્ડ (સંશોધિત પાઠ) · અધ્યાય 112

ઇતિ શ્રીસ્કન્દપુરાણે રેવાખણ્ડે માર્કણ્ડેશ્વરમહિમાનુવર્ણનો નામૈકાદશાધિકશતતમો ઽધ્યાયઃ ॥
ર્ક્સ્ અધ્યાય 112
માર્કણ્ડેય ઉવાચ:
તતો ગચ્છેત્ તુ રાજેન્દ્ર તીર્થં પરમશોભનમ્ ।
ઉત્તરે નર્મદાકૂલે યજ્ઞવાટસ્ય મધ્યતઃ

સંકર્ષણં ચ વિખ્યાતં પૃથિવ્યાં પાપનાશનમ્ ।
તપશ્ચીર્ણં પુરા રાજન્ નર્મદાયાસ્ તટે શુભે

બલભદ્રેણ રાજેન્દ્ર પ્રાણિનામ્ ઉપકારકમ્ ।
ગીર્વાણૈશ્ ચૈવ તત્રૈવ સન્નિધૌ નૃપનન્દન

ઉમયા સહિતઃ શમ્ભુઃ સ્થિતસ્ તત્રૈવ કેશવઃ ।
યસ્ તત્ર સ્નાપયેદ્ ભક્ત્યા જિતક્રોધો જિતેન્દ્રિયઃ

એકાદશ્યાં સિતે પક્ષે મન્ત્રેણ સ્નાપયેચ્ છિવમ્ ।
શ્રાદ્ધં તત્ર ચ યો ભક્ત્યા પ્રેતાનાં વૈ પ્રદાપયેત્

સ યાતિ પરમં સ્થાનં બલભદ્રવચો યથા ।
તતો ગચ્છેચ્ ચ રાજેન્દ્ર મન્મથેશ્વરમ્ ઉત્તમમ્

સ્નાનમાત્રો નરો રાજન્ યમલોકં ન પશ્યતિ ।
અનપત્યા તુ યા નારી સ્નાપયેત્ પાણ્ડુનન્દન

પુત્રં સા લભતે પાર્થ સત્યવન્તં દૃઢવ્રતમ્ ।
તત્ર સ્નાત્વા નરો રાજન્ મુનિઃ પ્રયતમાનસઃ

ઉપોષ્ય પરયા ભક્ત્યા ગોસહસ્રફલં લભેત્ ।
તત્ર નૃત્યં પ્રકુર્વન્તિ યે નરા ભક્તિમાનસાઃ

ગીતવાદિત્રસંયુક્તં રાત્રૌ જાગરણં શુભમ્ ।
સહામ્બિકો મહાદેવસ્ તુષ્ટો વૈ મન્મથેશ્વરઃ

કિં કરિષ્યતિ સંરુષ્ટો યમસ્ તં ન ચ પશ્યતિ ।
કામેન સ્થાપિતં તત્ર એતસ્માત્ કારણાત્ નૃપ

અન્નદાનેન ભો રાજન્ કીર્તિતં ફલમ્ ઉત્તમમ્ ।
સોપાનં સ્વર્ગમાર્ગસ્ય પૃથિવ્યાં મન્મથેશ્વરઃ

વિશેષાત્ તત્ર સંખ્યાતં શ્રાદ્ધદાનેન ભારત ।
અન્નદાનેન ભો રાજન્ કીર્તિતં ફલમ્ ઉત્તમમ્

એતત્ તે સર્વમ્ આખ્યાતં તવ ભક્ત્યા તુ ભારત