સ્કન્દપુરાણ: રેવાખણ્ડ (સંશોધિત પાઠ) · અધ્યાય 108

ઇતિ શ્રીસ્કન્દપુરાણે રેવાખણ્ડે ચન્દ્રાદિત્યેશ્વરમહિમાનુવર્ણનો નામ સપ્તાધિકશતતમો ઽધ્યાયઃ ॥
ર્ક્સ્ અધ્યાય 108
માર્કણ્ડેય ઉવાચ:
તતો ગચ્છેત્ તુ રાજેન્દ્ર યમહાસમનુત્તમમ્ ।
સર્વપાપહરં પાર્થ રેવાયાસ્તટમ્ આશ્રિતમ્

યુધિષ્ઠિર ઉવાચ:
યમહાસં કથં જાતં પૃથિવ્યાં મુનિપુઙ્ગવ ।
એતત્ સર્વં સમાખ્યાહિ મમ કૌતૂહલં પરમ્

માર્કણ્ડેય ઉવાચ:
સાધુ સાધુ મહાભાગ પૃષ્ટં તે ધર્મનન્દન ।
સ્નાનાર્થં નર્મદાયાં તુ આગતસ્ તે પિતા પુરા

રજકેન યથા ધૌતં નિર્મલં વસનં ભવેત્ ।
તથૈવ પશ્યતા રાજન્ રેવાજલમ્ અનુત્તમમ્

હાસ્યં કૃતં યમેનાથ ઉત્થિતં લિઙ્ગમ્ ઉત્તમમ્ ।
તતસ્ તદા હિ રાજેન્દ્ર વાગુવાચા ઽશરીરિણી

યમહાસમ્ ઇદં તીર્થં ખ્યાતિં યાસ્યતિ સર્વદા ।
સ્નાપયિત્વા શિવં તત્ર યમઃ સ્વર્ગં જગામ હ

યમહાસે તુ રાજેન્દ્ર જિતક્રોધો જિતેન્દ્રિયઃ ।
વિશેષાદાશ્વિને માસિ કૃષ્ણપક્ષે ચતુર્દશીમ્

ઉપોષ્ય પરયા ભક્ત્યા સર્વપાપૈઃ પ્રમુચ્યતે ।
રાત્રૌ જાગરણં કૃત્વા દીપં દેવસ્ય બોધયેત્

ઘૃતેન ચૈવ રાજેન્દ્ર શૃણુ તસ્યૈવ યત્ફલમ્ ।
મુચ્યતે સર્વપાપૈસ્ તુ અગમ્યાગમનોદ્ભવૈઃ

અભક્ષ્યભક્ષણૈઃ પાપૈઃ પાપૈર્ વા પેયસમ્ભવૈઃ ।
અવાહ્યવાહનેયચ્ ચ અદ્રોહ્ય દ્રોહણે તથા

સ્નાનમાત્રેણ તચ્ ચૈવ નશ્યેત્ પાપમનેકધા ।
યમલોકં ન પશ્યેચ્ ચ ન ત્યજેત્ પાણ્ડુનન્દન

બહૂનાં પરમં ગુપ્તં તીર્થં ભૂમ્યાં નૃપાત્મજ ।
તદ્ અક્ષયફલં તેષાં યમહાસે પ્રદાયિનામ્

અમાવાસ્યાં જિતક્રોધો યસ્ તુ પૂજયતે દ્વિજાન્ ।
ભૂમિદાનેન યો ભક્ત્યા તિલદાનેન ભારત

કૃષ્ણાજિનપ્રદાનેન તિલધેનુપ્રદાનતઃ ।
વસુભે વૃદ્ધિયોગે ચ યે પ્રદાસ્યન્તિ ભક્તિતઃ

ઓદનં વારિ ધૂર્વાહં હયં ચાપિ મહાબલમ્ ।
કન્યાં વસ્ત્રમજાં ગાં વૈ મહિષીમ્ અથવાશ્વિનીમ્

યે યચ્છન્તિ નૃપશ્રેષ્ઠ નોપસર્પન્તિ તે યમમ્ ।
યમો ઽપિ ભવતિ પ્રીતો જન્મજન્મ યુધિષ્ઠિર

યમસ્ય વાહનં સ્ત્રીં ચ મહિષીં તત્ર ભારત ।
તસ્ય દાનેન સતતં યમઃ પ્રીતો ભવેન્ નૃપ

ન સ યાતિ યમે લોકે યદિ પાપૈઃ સમાશ્રિતઃ ।
એતસ્માત્ કારણાત્ પાર્થ મહિષીદાનં ઉત્તમમ્

ઔર્ણવસ્ત્રદ્વયં કાર્યં લોહવર્ણં ચ વેષ્ટિતમ્ ।
દાપયેદ્ ધર્મરાજાય પ્રીયતાં મે દ્વિજોત્તમ

અનેનૈવ તુ દાનેન યમઃ પ્રીતો ઽસ્તુ મે સદા ।
ઇત્યુચ્ચાર્ય દ્વિજસ્યાગ્રે યમલોકં ભયાવહમ્

અસિપત્રવને ઘોરે યમવલ્લી સુદારુણા ।
રૌદ્રા વૈતરણી ચેતિ કુમ્ભીપાકઃ સુદારુણઃ

કાલસૂત્રં મહાભીમં તથા યમલપર્વતૌ ।
ક્રકચં તૈલયન્ત્રં ચ સ્થાને ગૃધ્રાઃ સુદારુણાઃ

અનિશ્વાસો મહારૌદ્રો ભીષણો રૌરવસ્ તથા ।
એતે ઘોરાશ્ ચ નરકાઃ શ્રૂયન્તે દ્વિજસત્તમ

તત્પ્રસાદેન તે સૌમ્યાસ્ તીર્થસ્યાસ્ય પ્રભાવતઃ ।
દાનસ્યાસ્ય પ્રભાવેણ યમહાસપ્રભાવતઃ

યમલોકં ન વૈ યાતિ નરકં નૈવ પશ્યતિ