સ્કન્દપુરાણ: રેવાખણ્ડ (સંશોધિત પાઠ) · અધ્યાય 102

ઇતિ શ્રીસ્કન્દપુરાણે રેવાખણ્ડે નન્દિતીર્થવર્ણનો નામૈકશતતમો ઽધ્યાયઃ ॥
ર્ક્સ્ અધ્યાય 102
માર્કણ્ડેય ઉવાચ:
તતો ગચ્છેત્ તુ રાજેન્દ્ર વરુણેશ્વરમ્ ઉત્તમમ્ ।
યત્ર સિદ્ધઃ પુરા દેવો વરુણો નૃપસત્તમ

પિણ્યાકશાકપર્ણૈશ્ ચ કૃચ્છ્રચાન્દ્રાયણાદિભિઃ ।
આરાધ્ય ગિરિજાનાથં તતઃ સિદ્ધિં ગતા જનાઃ

તત્ર તીર્થે નરઃ સ્નાત્વા સંતર્પ્ય પિતૃદેવતાઃ ।
પૂજયેચ્ છઙ્કરં ભક્ત્યા સ ગચ્છેત્ પરમં પદમ્

કુણ્ડિકાં વર્ધનીં વાપિ મહદ્વા જલભાજનમ્ ।
અન્નેન સહિતં પાર્થ તસ્ય પુણ્યફલં શૃણુ

યત્ફલં લભતે મર્ત્યઃ સત્રે દ્વાદશવાર્ષિકે ।
તત્ફલં સમવાપ્નોતિ નાત્ર કાર્યા વિચારણા

સર્વેષામ્ એવ દાનાનામ્ અન્નદાનમ્ અનુત્તમમ્ ।
યદ્યત્ પ્રીતિકરં ચૈવ તોયં ચ નૃપસત્તમ

તત્ર તીર્થે મૃતાનાં ચ નરાણાં ભાવિતાત્મનામ્ ।
વારુણે ચ પુરે વાસો યાવદ્ આહૂત સમ્પ્લવમ્

ભુક્ત્વા તત્ર બહું કાલં મર્ત્યલોકે ઽભિજાયતે ।
અન્નદાનપ્રદો નિત્યં જીવેચ્ ચ શરદાં શતમ્

માર્કણ્ડેય ઉવાચ:
તતો ગચ્છેચ્ ચ રાજેન્દ્ર અગ્નિતીર્થમ્ અનુત્તમમ્ ।
યત્ર સિદ્ધો મહાતેજાસ્ તપઃ કૃત્વા હુતાશનઃ

સર્વભક્ષીકૃતો યશ્ ચ દણ્ડકે મુનિના પુરા ।
નર્મદાતટમ્ આશ્રિત્ય પૂતો જાતો હુતાશનઃ

તત્ર તીર્થે નરઃ સ્નાત્વા સમભ્યર્ચ્ય જગદ્ગુરુમ્ ।
ઉમયા સહિત ભક્ત્યા સર્વપાપૈઃ પ્રમુચ્યતે

તત્ર તીર્થે નરઃ સ્નાત્વા દત્તે વૈ કાંચનં નૃપ ।
બ્રાહ્મણેભ્યો જલં દત્ત્વા લભતે વાર્બુદં ફલમ્

દધિચ્છન્દે મધુચ્છન્દે નન્દીશે વારુણે તથા ।
આગ્નેયે તત્ફલં તાત સ્નાત્વા મુચ્યેત કિલ્બિષૈઃ

તે વન્દ્યા માનુષે લોકે ધન્યાશ્ ચાપ્તમનોરથાઃ ।
યૈર્ હિ દૃષ્ટં મહાપુણ્યં નર્મદાતીર્થપઞ્ચકમ્

સ્વર્ગલોકમ્ અવાપુસ્તે યાવદ્ ઇન્દ્રાશ્ ચતુર્દશ ।
તતઃ સ્વર્ગાચ્ ચ્યુતાશ્ ચાપિ રાજાનઃ સન્તિ ધાર્મિકાઃ

સર્વપાપવિનિર્મુક્તા ભુઞ્જતે તે ઽચલાં મહીમ્ ।
આખણ્ડલપ્રતાપો ઽયં નર્મદાતટસેવને

ગઙ્ગાકનખલે પુણ્યા કુરુક્ષેત્રે સરસ્વતી ।
ગ્રામે વા યદિ વારણ્યે પુણ્યા સર્વત્ર નર્મદા

રેવાતીરં વસેન્ નિત્યં તોયં યસ્ તુ સદા પિબેત્ ।
સ્નાતો ઽસૌ સર્વતીર્થેષુ સોમપાનં દિને દિને

ગઙ્ગાદ્યાઃ સરિતઃ સર્વાઃ સમુદ્રાશ્ ચ સરાંસિ ચ ।
કલ્પાન્તે સંક્ષયં યાન્તિ ન મૃતૈકા ચ નર્મદા