સ્કંદ પુરાણ · શ્લોક 7.59-2

॥ ઈશ્વર ઉવાચ ॥ ॥
અથ વચ્મિ તૃતીયાં તે જ્ઞાનશક્તિં શિવાત્મિકામ્ ॥
પ્રભાસક્ષેત્રમધ્યસ્થાં દારિદ્ર્યૌઘવિનાશિનીમ્

અજેતિ નામ્નીં તાં દેવીં રાહ્વીશાદ્દક્ષિણે સ્થિતામ્ ॥
મમ વક્ત્રાદ્વિનિષ્ક્રાંતા ષષ્ઠાદ્વૈ વિષ્ણુપૂજિતાત્

॥ દેવ્યુવાચ ॥ ॥
પંચવક્ત્રાણિ દેવેશ પ્રસિદ્ધાનિ તવ પ્રભૌ ॥
ષષ્ઠં યદ્વદનં દેવ તસ્ય કિં નામ સંસ્મૃતમ્ ॥
સમુત્પન્ના કથં તસ્માદજાદેવીતિ યા શ્રુતા

॥ ઈશ્વર ઉવાચ ॥ ॥
સાધુ પૃષ્ટં ત્વયા દેવિ યદ્ગોપ્યં સ્વસુતેષ્વપિ ॥
તત્તેઽહં સંપ્રવક્ષ્યામિ અપ્રસિદ્ધાગમોદિતમ્

વક્ત્રાણિ મમ દેવેશિ સપ્તાસન્પૂર્વમેવ હિ ॥
સદ્યોજાતાદિપંચૈવ ષષ્ઠં સ્મૃતમજેતિ ચ

સપ્તમં પિચુનામેતિ સપ્તૈવં વદનાનિ મે ॥
તેભ્યોઽજં બ્રહ્મણે દત્તં પિચુવક્ત્રં તુ વિષ્ણવે

તસ્માદહં મહાદેવિ પંચવક્ત્રોઽધુનાઽભવમ્ ॥
અજસ્તુ બ્રહ્મા સઞ્જજ્ઞે પિચુર્વિષ્ણુરજાયત

અજવક્ત્રાન્મહાદેવિ અજા જાતા મહાપ્રભા ॥
અન્ધાસુરરણે ઘોરે મમ ક્રોધેન ભામિનિ

ખડ્ગચર્મધરાદેવી સુરૂપા સિંહવાહિની ॥
મર્દ્દયન્તી મહાદૈત્યાન્દેવીકોટિસમન્વિતા

તસ્યા ભયેન યે દૈત્યા વિદ્રુતા દક્ષિણાર્ણવમ્ ॥
પૃષ્ઠતોઽનુયયૌ તાન્વૈ સા દેવી સિંહવાહિની

ઇતસ્તતસ્તે ધાવન્તો માર્યમાણાશ્ચ તદ્ગણૈઃ ॥
પ્રભાસ ક્ષેત્રસંપ્રાપ્તા નશ્યમાના મહાર્ણવમ્

કેચિત્તત્ર હતા દૈત્યાઃ કેચિત્પાતાલમાયયુઃ ॥
નિઃશેષાન્નિહતાન્દૃષ્ટ્વા સા દેવી સિંહવાહિની

ક્ષેત્રં પવિત્રમાજ્ઞાય તત્ર સ્થાને સ્થિતા શુભા ॥
સોમેશાદીશકોણસ્થા સૌરીશાદુત્તરે સ્થિતા

યસ્તાં તત્ર સ્થિતાં પશ્યેદ્યોષિદ્વાથ નરોઽપિ વા ॥
સ ભૂયાત્સત્ત્વસૌભાગ્યૈઃ સપ્તજન્માનિ સંયુતઃ

ગીતવાદ્યાદિકં નૃત્યં યસ્તત્ર કુરુતે નરઃ ॥
તસ્યાન્વયે ન દૌર્ભાગ્યં ભૂયાત્તસ્યાઃ પ્રસાદતઃ॥

ઘૃતેન દીપકં તત્ર યા નારી સંપ્રયચ્છતિ॥
રક્તવર્ત્યા મહાદેવિ યાવંતસ્તત્ર તંતવઃ ॥
તાવજ્જન્માંતરાણ્યેવ સા સૌભાગ્યમવાપ્નુયાત્

યશ્ચૈતત્તુ પઠેન્નિત્યં તૃતીયાયાં વિશેષતઃ ॥
શૃણુયાદ્વાઽપિ યો ભક્ત્યા સ કામાનખિલાલ્લઁભેત્

ઇતિ સંક્ષેપતઃ પ્રોક્તો રુદ્રશક્તિત્રયક્રમઃ

એતાઃ શક્તીઃ પૂજયિત્વા સોમેશં પૂજયેત્તતઃ ॥
સમ્યગ્યાત્રાફલાપેક્ષી એકાં વા વરદામથ

ઇતિ શ્રીસ્કાંદે મહાપુરાણ એકાશીતિસાહસ્ર્યાં સંહિતાયાં સપ્તમે પ્રભાસખણ્ડે પ્રથમે પ્રભાસક્ષેત્રમાહાત્મ્યેઽજાદેવીમાહાત્મ્યવર્ણનંનામૈકોનષષ્ટિતમોઽધ્યાયઃ