સ્કંદ પુરાણ · અધ્યાય 7.251

॥ ઈશ્વર ઉવાચ ॥ ॥
તતો ગચ્છેન્મહાદેવિ શંકરાદિત્યમુત્તમમ્ ॥
ગંગેશ્વરસ્ય પૂર્વેણ શંકરેણ પ્રતિષ્ઠિતમ્

ષષ્ઠ્યાં ચૈવ તુ શુક્લાયામેનં યઃ પૂજયિષ્યતિ ॥
ગમિષ્યતિ પરં સ્થાનં યત્ર દેવો દિવાકરઃ

રક્તચંદનમિશ્રૈશ્ચ રક્તપુષ્પૈઃ સમાહિતઃ ॥
તામ્રપાત્રે સમાધાય યોઽર્ઘ્યં દાસ્યતિ માનવઃ ॥
સ યાસ્યતિ પરાં સિદ્ધિં ન ચ યાતિ દરિદ્રતામ્

તસ્માત્સર્વપ્રયત્નેન તસ્મિન્ક્ષેત્રે વરાનને ॥
પૂજયેચ્છંકરાદિત્યં સર્વકામફલપ્રદમ્

ઇતિ શ્રીસ્કાંદે મહાપુરાણ એકાશીતિસાહસ્ર્યાં સંહિતાયાં સપ્તમે પ્રભાસખણ્ડે પ્રથમે પ્રભાસક્ષેત્રમાહાત્મ્યે શંકરાદિત્યમાહાત્મ્યવર્ણનંનામૈકપઞ્ચાશદુત્તરદ્વિશતતમોઽધ્યાયઃ