સ્કંદ પુરાણ · અધ્યાય 7.252

॥ ઈશ્વર ઉવાચ.॥ ॥
તતો ગચ્છેન્મહાદેવિ લિંગં ત્રૈલોક્યવિશ્રુતમ્ ॥
તત્ર શંકરનાથેતિ પ્રસિદ્ધં પાપનાશનમ્ ॥

સ્થાપિતં ભાનુના દેવિ કૃત્વા તત્ર મહત્તપઃ ॥
તમર્ચયિત્વા દેવેશં સોપવાસો મહેશ્વરમ્

બ્રાહ્મણાન્ભોજયેત્તત્ર શ્રાદ્ધં કુર્યાજ્જિતેન્દ્રિયઃ ॥
શક્ત્યા હિરણ્યં વાસાંસિ વિપ્રે દદ્યાત્સમાહિતઃ ॥
સ યાતિ પરમં સ્થાનં નાત્ર કાર્યા વિચારણા

ઇતિ શ્રીસ્કાંદે મહાપુરાણ એકાશીતિસાહસ્ર્યાં સંહિતાયાં સપ્તમે પ્રભાસખણ્ડે પ્રથમે પ્રભાસક્ષેત્રમાહાત્મ્યે શઙ્કરનાથમાહાત્મ્યવર્ણનંનામ દ્વિપઞ્ચાશદુત્તરદ્વિશતતમોઽધ્યાયઃ