સ્કંદ પુરાણ · અધ્યાય 7.235

॥ ઈશ્વર ઉવાચ ॥ ॥
તત્રૈવ સંસ્થિતં પશ્યેલ્લિંગત્રયમનુત્તમમ્ ॥
શતમેધં સહસ્રમેધં કોટિમેધમિતિ ક્રમાત્

દક્ષિણે શતમેધં તુ શતયજ્ઞફલપ્રદમ્ ॥
કાર્તવીર્ય્યેણ તત્રૈવ કૃતં યજ્ઞશતં પુરા

પ્રતિષ્ઠાપ્ય મહાલિંગં સર્વપાતકનાશનમ્ ॥
મધ્યભાગેઽત્ર યલ્લિંગં કોટિમેધેતિ વિશ્રુતમ્

તત્રેષ્ટા બ્રહ્મણા પૂર્વં કોટિ સંખ્યા મખોત્તમાઃ ॥
સંસ્થાપ્ય તુ મહાદેવં શંકરં લોકશંકરમ

તસ્ય ઉત્તરભાગસ્થં સહસ્રક્રતુસંજ્ઞકમ્ ॥
શક્રશ્ચ દેવરાજોઽપિ સહસ્રં યષ્ટવાન્ક્રતૂન્

પ્રતિષ્ઠાપ્ય મહાલિંગં દેવાનામાદિદૈવતમ્ ॥
ગંધપુષ્પાદિવિધિના પંચામૃતરસોદકૈઃ

સ પ્રાપ્નુયાત્ફલં દેવિ લિંગનામોદ્ભવં ક્રમાત્ ॥
ગોદાનં તત્ર દેયં તુ સમ્યગ્યાત્રાફલેપ્સુભિઃ

દશલક્ષાણિ તીર્થાનાં તત્ર તિષ્ઠંતિ ભામિનિ ॥
લિંગત્રયં તથા મધ્યે સર્વપાતકનાશનમ્ ॥

ઇતિ શ્રીસ્કાન્દે મહાપુરાણ એકાશીતિસાહસ્ર્યાં સહિતાયાં સપ્તમે પ્રભાસ ખણ્ડે પ્રથમે પ્રભાસક્ષેત્રમાહાત્મ્યે દશાશ્વમેધમાહાત્મ્યે શતમેધાદિ લિંગત્રયમાહાત્મ્યવર્ણનંનામ પઞ્ચત્રિંશદુત્તરદ્વિશતતમોઽધ્યાયઃ