સ્કંદ પુરાણ · અધ્યાય 7.155

॥ ઈશ્વર ઉવાચ ॥ ॥
તતો ગચ્છેન્મહાદેવિ રત્નેશ્વરમનુત્તમમ્ ॥
તત્ર તપ્ત્વા તપો દેવિ વિષ્ણુના પ્રભવિષ્ણુના ॥
સ્થાપિતં તત્ર તલ્લિંગં સર્વકામપ્રદં પ્રિયે

રત્નકુંડે નરઃ સ્નાત્વા યસ્તં પૂજયતે સદા ॥
સર્વોપચારૈર્ભક્ત્યા સ પ્રાપ્નુયાદીપ્સિતં ફલમ્

અત્ર કૃત્વા તપો ઘોરં કૃષ્ણેનામિતતેજસા ॥
પ્રાપ્તં સુદર્શનં ચક્રં સર્વદૈત્યાન્તકારકમ્

એતત્સ્થાનં મહાદેવિ સદા પ્રિયતરં મમ ॥
વસામિ તત્ર દેવેશિ પ્રલયેઽપિ ન સંત્યજે

સ્મૃતં તદ્વૈષ્ણવં ક્ષેત્રં નામ્ના દેવિ સુદર્શનમ્ ॥
ધન્વંતરાણિ ષટ્ત્રિંશત્સમંતાત્પરિમણ્ડલમ્

એતદન્તરમાસાદ્ય યે કેચિત્પ્રાણિનોઽધમાઃ ॥
મૃતાઃ કાલવશાદ્દેવિ તે યાસ્યંતિ પરં પદમ્

કાંચનં તત્ર ગરુડં પીતાનિ વસનાનિ ચ ॥
વિષ્ણુમુદ્દિશ્ય યો દદ્યાત્સ તુ યાત્રાફલં લભેત્

ઇતિ શ્રીસ્કાન્દે મહાપુરાણ એકાશીતિસાહસ્ર્યાં સંહિતાયાં સપ્તમે પ્રભાસખણ્ડે પ્રથમે પ્રભાસક્ષેત્રમાહાત્મ્યે રત્નેશ્વરમાહાત્મ્યવર્ણનંનામ પંચપંચાશદુ ત્તરશતતમોઽધ્યાયઃ