સ્કંદ પુરાણ · અધ્યાય 7.134

॥ ઈશ્વર ઉવાચ ॥ ॥
તતો ગચ્છેન્મહાદેવિ પુષ્કરાવર્તકાં નદીમ્ ॥
બ્રહ્મકુંડાદુત્તરતો નાતિદૂરે વ્યવસ્થિતામ્

પુરા યજ્ઞે વર્તમાને સોમસ્ય તુ મહાત્મનઃ ॥
બ્રહ્મા સુરગણૈઃ સાર્ધં પ્રભાસં ક્ષેત્રમાગતઃ

સોમનાથપ્રતિષ્ઠાર્થમૃક્ષરાજનિમંત્રિતઃ ॥
પ્રતિજ્ઞાતં પુરા તેન બ્રહ્મણા લોકકારિણા

યાવત્સ્થાસ્યામ્યહં મર્ત્યે કસ્મિંશ્ચિત્કારણાંતરે ॥
તાવત્સંધ્યાત્રયં વંદ્યં નિત્યમેવ ત્રિપુષ્કરે

એતસ્મિન્નેવ કાલે તુ લગ્નકાલ ઉપસ્થિતે ॥
આદિષ્ટં શોભનં કાલં બ્રાહ્મણૈર્દૈવચિન્તકૈઃ

તતસ્તં પ્રસ્થિતં જ્ઞાત્વા પુષ્કરે તુ પિતામહમ્ ॥
સંધ્યાર્થં રાત્રિનાથો વૈ વાક્યમેતદુવાચ હ

।
દૈવજ્ઞૈઃ કલિતઃ કાલ એષ એવ શુભોદયઃ ॥
યથા કાલાત્યયો ન સ્યાત્તથા નીતિર્વિધીયતામ્

તં જ્ઞાત્વા સાંપ્રતં કાલં બ્રહ્મા લોકપિતામહઃ ॥
મનસા ચિન્તયામાસ પુષ્કરાણિ સમાહિતઃ

તાનિ વૈ સ્મૃતમાત્રાણિ બ્રહ્મણા વરવર્ણિનિ ॥
પ્રાદુર્ભૂતાનિ તત્રૈવ નદ્યાસ્તીરે સુશોભને

આવર્તાસ્તત્ર સઞ્જાતા જ્યેષ્ઠમધ્યકનીયસઃ ॥
અથ નામાકરોત્તસ્યા બ્રહ્મા લોકપિતામહઃ

પુષ્કરાવર્તકા નામ્ના અદ્યપ્રભૃતિ શોભના ॥
નદી પ્રયાસ્યતે લોકે ખ્યાતિં મમ પ્રસાદતઃ

અત્ર સ્નાત્વા નરો ભક્ત્યા તર્પયિષ્યતિ યઃ પિતૄન્ ॥
ત્રિપુષ્કરસમં પુણ્યં લપ્સ્યતે સ તથેપ્સિતમ્

શ્રાવણે શુક્લપક્ષસ્ય તૃતીયાયાં નરોત્તમઃ ॥
યઃ પિતૄંસ્તર્પયેત્તત્ર તૃપ્તિઃ કલ્પાયુતં ભવેત્

ઇતિ શ્રીસ્કાંદે મહાપુરાણ એકાશીતિસાહસ્ર્યાં સંહિતાયાં સપ્તમે પ્રભાસખંડે પ્રથમે પ્રભાસક્ષેત્રમાહાત્મ્યે પુષ્કરાવર્તકાનદીમાહાત્મ્યવર્ણનંનામ ચતુસ્ત્રિંશદુત્તરશતતમોઽધ્યાયઃ