સ્કંદ પુરાણ · અધ્યાય 7.104

॥ ઈશ્વર ઉવાચ ॥ ॥
તતો ગચ્છેન્મહાદેવિ કોટીશ્વરમનુત્તમમ્ ॥
તસ્માદુત્તરતો દેવિ કોટીશમિતિ વિશ્રુતમ્

પાપઘ્નં સર્વજંતૂનાં પશુપાશવિમોક્ષદમ્ ॥
પુરા પાશુપતા દેવિ કપાલેશ્વરસંનિધૌ

તપઃ કુર્વંતિ વિપુલં ભસ્મોદ્ધૂલિતવિગ્રહાઃ ॥
જટામુકુટસંયુક્તા મુંજમેખલધારિણઃ

શાંતાઃ સર્વે જિતક્રોધા બ્રાહ્મણાઃ શિવયોગિનઃ ॥
તપઃ કુર્વંતિ તત્રસ્થા વ્યાપ્ય ક્ષેત્રં ચતુર્દ્દિશમ્

કોટિસંખ્યા મહાદેવિ મન્ત્રજાપ્યપરાયણાઃ ॥
સમ્યક્સંસ્થાપ્ય તે લિંગં કપાલેશસમીપગમ્

તતસ્તે પૂજયાંચક્રુસ્તલ્લિંગં ભક્તિસંયુતાઃ ॥
તતસ્તુષ્ટો મહાદેવો મુક્તિં તેષાં દદૌ હરઃ

ઋષયઃ કોટિસંખ્યાતાસ્તસ્મિન્સિદ્ધા યતઃ પ્રિયે ॥
તેન કોટીશ્વરં લિંગં નામ્ના ખ્યાતં ધરાતલે

યસ્તં પૂજયતે ભક્ત્યા કોટીશ્વરમનામયમ્ ॥
સ કોટિમન્ત્રજાપ્યસ્ય ફલં પ્રાપ્સ્યતિ માનવઃ

હિરણ્યં તત્ર દાતવ્યં બ્રાહ્મણે વેદપારગે ॥
કોટિહોમફલં તસ્ય સમ્યગ્યાત્રાફલં ભવેત્

ઇતિ શ્રીસ્કાંદે મહાપુરાણ એકાશીતિસાહસ્ર્યાં સંહિતાયાં સપ્તમે પ્રભાસખણ્ડે પ્રથમે પ્રભાસક્ષેત્રમાહાત્મ્યે કોટીશ્વરમાહાત્મ્યવર્ણનંનામ ચતુરધિક શતતમોઽધ્યાયઃ