સ્કંદ પુરાણ · અધ્યાય 6.249

વાણ્યુવાચ ॥ ॥
તુલસી રોપિતા યેન ગૃહસ્થેન મહાફલા ॥
ગૃહે તસ્ય ન દારિદ્ર્યં જાયતે નાત્ર સંશયઃ

તુલસ્યા દર્શનાદેવ પાપરાશિર્નિવર્તતે ॥
શ્રિયેઽમૃતકણોત્પન્ના તુલસી હરિવલ્લભા

પિબન્ત્યા રુચિરં પાનં પ્રાણિનાં પાપહારિણી ॥
યસ્યા રૂપે વસેલ્લક્ષ્મીઃ સ્કન્ધે સાગરસંભવા

પત્રેષુ સતતં શ્રીશ્ચ શાખાસુ કમલા સ્વયમ્ ॥
ઇન્દિરા પુષ્પગા નિત્યં ફલે ક્ષીરાબ્ધિસંભવા

તુલસી શુષ્કકાષ્ઠેષુ યા રૂપા વિશ્વવ્યાપિની ॥
મજ્જાયાં પદ્મવાસા ચ ત્વચાસુ ચ હરિપ્રિયા

સર્વરૂપા ચ સર્વેશા પરમાનન્દદાયિની ॥
તુલસી પ્રાશકો મર્ત્યો યમલોકં ન ગચ્છતિ । ૬ ।
શિરસ્થા તુલસી યસ્ય ન યામ્યૈરનુભૂયતે ॥
મુખસ્થા તુલસી યસ્ય નિર્વાણપદદાયિની

હસ્તસ્થાતુલસીયસ્ય સ તાપત્રયવર્જિતઃ ॥
તુલસી હૃદયસ્થા ચ પ્રાણિનાં સર્વકામદા

સ્કન્ધસ્થા તુલસી યસ્ય સ પાપૈર્ન ચ લિપ્યતે ॥
કણ્ઠગા તુલસી યસ્ય જીવન્મુક્તઃ સદા હિ સઃ

તુલસીસંભવં પત્રં સદા વહતિ યો નરઃ ॥
મનસા ચિન્તિતાં સિદ્ધિં સંપ્રાપ્નોતિ ન સંશયઃ ॥

તુલસીંસર્વકાયાર્થસાધિનીં દુષ્ટવારિણીમ્ ॥
યો નરઃ પ્રત્યહં સિઞ્ચેન્ન સ યાતિ યમાલયમ્

ચાતુર્માસ્યે વિશેષેણ વન્દિતાપિ વિમુક્તિદા ॥
નારાયણં જલગતં જ્ઞાત્વા વૃક્ષગતં તથા

પ્રાણિનાં કૃપયા લક્ષ્મીસ્તુલસીવૃક્ષમાશ્રિતા ॥
ચાતુર્માસ્યે સમાયાતે તુલસી સેવિતા યદિ

તેષાં પાપસહસ્રાણિ યાંતિ નિત્યં સહસ્રધા ॥
ગોવિન્દસ્મરણં નિત્યં તુલસીવનસેવનમ્

તુલસીસેચનં દુગ્ધૈ શ્ચાતુર્માસ્યેઽતિદુર્લભમ્ ॥
તુલસીં વર્દ્ધયેદ્યસ્તુ માનવો યદિ શ્રદ્ધયા

આલવાલાંબુદાનૈશ્ચ પાવિતં સકલં કુલમ્ ॥
યથા શ્રીસ્તુલસીસંસ્થા નિત્યમેવ હિ વર્દ્ધતે

તથાતથા ગૃહસ્થસ્ય કામવૃદ્ધિઃ પ્રજાયતે ॥
બ્રહ્મચારીગૃહસ્થશ્ચ વાનપ્રસ્થો યતિસ્તથા

તથા પ્રકૃતયઃ સર્વાસ્તુલસીસેવને રતાઃ ॥
શ્રદ્ધયા યદિ જાયન્તે ન તાસાં દુઃખદો હરિઃ

એકો હરિઃ સકલવૃક્ષગતો વિભાતિ નાનારસૈસ્તુ પરિભાવિતમૂર્તિરેવ ॥
વૃક્ષાધિવાસમગમત્કમલા ચ દેવી દુઃખાદિનાશનકરી સતતં સ્મૃતાઽપિ

ઇતિ શ્રીસ્કાંદે મહાપુરાણએકાશીતિસાહસ્ર્યાં સંહિતાયાં ષષ્ઠ નાગ રખણ્ડે હાટકેશ્વરક્ષેત્રમાહાત્મ્યે શેષશાય્યુપાખ્યાને બ્રહ્મનારદસંવાદે ચાતુર્માસ્યમાહાત્મ્યે પૈજવનોપાખ્યાને તુલસીમાહાત્મ્યવર્ણનંનામૈકોનપઞ્ચાશદુત્તર દ્વિશતતમોઽધ્યાયઃ