શુક્લયજુર્વેદઃ · અધ્યાય 32

અધ્યાય 32 યમ સૂક્તમ્
સર્વમેધ સમ્બદ્ધા મન્ત્રાઃ

તદ્ એવાગ્નિસ્ તદ્ આદિત્યસ્ તદ્ વાયુસ્ તદ્ ઉ ચન્દ્રમાઃ ।
તદ્ એવ શુક્રં તદ્ બ્રહ્મ તા ઽ આપઃ સ પ્રજાપતિઃ

સર્વે નિમેષા જજ્ઞિરે વિદ્યુતઃ પુરુષાદ્ અધિ ।
નૈનમૂર્ધ્વં ન તિર્યઞ્ચં ન મધ્યે પરિ જગ્રભત્

ન તસ્ય પ્રતિમા ઽ અસ્તિ યસ્ય નામ મહદ્ યશઃ ।
હિરણ્યગર્ભ ઽ ઇત્ય્ એષઃ ।
મા મા હિꣳસીદ્ ઇત્ય્ એષા ।
યસ્માન્ ન જાત ઽ ઇત્ય્ એષ

એષો હ દેવઃ પ્રદિશો ઽનુ સર્વાઃ પૂર્વો હ જાતઃ સ ઽ ઉ ગર્ભે ઽ અન્તઃ ।
સ ઽ એવ જાતઃ સ જનિષ્યમાણઃ પ્રત્યઙ્ જનાસ્ તિષ્ઠતિ સર્વતોમુખઃ

યસ્માજ્ જાતં ન પુરા કિં ચનૈવ ય આબભૂવ ભુવનાનિ વિશ્વા ।
પ્રજાપતિઃ પ્રજયા સꣳરરાણસ્ ત્રીણિ જ્યોતીꣳષિ સચતે સ ષોડશી

યેન દ્યૌર્ ઉગ્રા પૃથિવી ચ દૃઢા યેન સ્વ સ્તભિતં યેન નાકઃ ।
યો ઽ અન્તરિક્ષે રજસો વિમાનઃ કસ્મૈ દેવાય હવિષા વિધેમ

યં ક્રન્દસી ઽ અવસા તસ્તભાને ઽ અભ્યૈક્ષેતાં મનસા રેજમાને ।
યત્રાધિ સૂર ઽ ઉદિતો વિભાતિ કસ્મૈ દેવાય હવિષા વિધેમ ।
આપો હ યદ્ બૃહતીઃ ।
યશ્ ચિદ્ આપઃ

વેનસ્ તત્ પશ્યન્ નિહિતં ગુહા સદ્ યત્ર વિશ્વં ભવત્ય્ એકનીડમ્ ।
તસ્મિન્ન્ ઇદꣳ સં ચ વિ ચૈતિ સર્વꣳ સ ઽ ઓતઃ પ્રોતશ્ ચ વિભૂઃ પ્રજાસુ

પ્ર તદ્ વોચેદ્ અમૃતં નુ વિદ્વાન્ ગન્ધર્વો ધામ વિભૃતં ગુહા સત્ ।
ત્રીણિ પદાનિ નિહિતા ગુહાસ્ય યસ્ તાનિ વેદ સ પિતુઃ પિતાસત્

સ નો બન્ધુર્ જનિતા સ વિધાતા ધામાનિ વેદ ભુવનાનિ વિશ્વા ।
યત્ર દેવા ઽ અમૃતમ્ આનશાનાસ્ તૃતીયે ધામન્ન્ અધ્ય્ ઐરયન્ત

પરીત્ય ભૂતાનિ પરીત્ય લોકાન્ પરીત્ય સર્વાઃ પ્રદિશો દિશશ્ ચ ।
ઉપસ્થાય પ્રથમજામ્ ઋતસ્યાત્મનાત્માનમ્ અભિ સં વિવેશ

પરિ દ્યાવાપૃથિવી સદ્ય ઽ ઇત્વા પરિ લોકાન્ પરિ દિશઃ પરિ સ્વઃ ।
ઋતસ્ય તન્તું વિતતં વિચૃત્ય તદ્ અપશ્યત્ તદ્ અભવત્ તદ્ આસીત્

સદસસ્ પતિમ્ અદ્ભુતં પ્રિયમ્ ઇન્દ્રસ્ય કામ્યમ્ ।
સનિં મેધામ્ અયાસિષꣳમ્ સ્વાહા

યાં મેધાં દેવગણાઃ પિતરશ્ ચોપાસતે ।
તયા મામ્ અદ્ય મેધયાગ્ને મેધાવિનં કુરુ સ્વાહા

મેધાં મે વરુણો દદાતુ મેધામ્ અગ્નિઃ પ્રજાપતિઃ ।
મેધામ્ ઇન્દ્રસ્ ચ વાયુશ્ ચ મેધાં ધાતા દદાતુ મે સ્વાહા

ઇદં મે બ્રહ્મ ચ ક્ષત્રં ચોભે શ્રિયમ્ અશ્નુતામ્ ।
મયિ દેવા દધતુ[ દધવુ ] શ્રિયમ્ ઉત્તમાં તસ્યૈ તે સ્વાહા ॥