શુક્લયજુર્વેદઃ · અધ્યાય 33

સાર્વમેધિકે સપ્તદશકાઃ પુરોરુગ્ગણાઃ

અસ્યાજરાસો દમામ્ અરિત્રા ઽ અર્ચદ્ધૂમાસો ઽ અગ્નયઃ પાવકાઃ ।
શ્વિતીચયઃ શ્વાત્રાસો ભુરણ્યવો વનર્ષદો વાયવો ન સોમાઃ

હરયો ધૂમકેતવો વાતજૂતા ઽ ઉપ દ્યવિ ।
યતન્તે વૃથગ્ અગ્નયઃ

યજા નો મિત્રાવરુણા યજા દેવાꣳ ૨ઽ ઋતં બૃહત્ ।
અગ્ને યક્ષિ સ્વં દમમ્

યુક્ષ્વા હિ દેવહૂતમાꣳ૨ઽ અશ્વાꣳ૨ઽ અગ્ને રથીર્ ઇવ ।
નિ હોતા પૂર્વ્યઃ સદઃ

દ્વે વિરૂપે ચરતઃ સ્વર્થે ઽ અન્યાન્યા વત્સમ્ ઉપ ધાપયેતે ।
હરિર્ અન્યસ્યાં ભવતિ સ્વધાવાઞ્છુક્રો ઽ અન્યસ્યાં દદૃશે સુવર્ચાઃ

અયમ્ ઇહ પ્રથમો ધાયિ ધાતૃભિર્ હોતા યજિષ્ઠો ઽ અધ્વરેષ્વ્ ઈડ્યઃ ।
યમ્ અપ્નવાનો ભૃગવો વિરુરુચુર્ વનેષુ ચિત્રં વિભ્વં વિશે-વિશે

ત્રીણિ શતા ત્રી સહસ્રાણ્ય્ અગ્નિં ત્રિꣳશચ્ ચ દેવા નવ ચાસપર્યન્ ।
ઔક્ષન્ ઘૃતૈર્ અસ્તૃણન્ બર્હિર્ અસ્મા ઽ આદ્ ઇદ્ હોતારં ન્ય્ અસાદયન્ત

મૂર્ધાનં દિવો ઽ અરતિં પૃથિવ્યા વૈશ્વાનરમ્ ઋત ઽ આ જાતમ્ અગ્નિમ્ ।
કવિꣳ સમ્રાજમ્ અતિથિં જનાનામ્ આસન્ન્ આ પાત્રં જનયન્ત દેવાઃ

અગ્નિર્ વૃત્રાણિ જઙ્ઘનદ્ દ્રવિણસ્યુર્ વિપન્યયા ।
સમિદ્ધઃ શુક્ર ઽ આહુતઃ

વિશ્વેભિઃ સોમ્યં મધ્વ્ અગ્ન ઽ ઇન્દ્રેણ વાયુના ।
પિબા મિત્રસ્ય ધામભિઃ

આ યદ્ ઇષે નૃપતિં તેજ ઽ આનટ્ શુચિ રેતો નિષિક્તં દ્યૌર્ અભીકે ।
અગ્નિઃ શર્ધમ્ અનવદ્યં યુવાનꣳ સ્વાધ્યં જનયત્ સૂદયચ્ ચ

અગ્ને શર્ધ મહતે સૌભગાય તવ દ્યુમ્નાન્ય્ ઉત્તમાનિ સન્તુ ।
સં જાસ્પત્યꣳ સુયમમ્ આ કૃણુષ્વ શત્રૂયતામ્ અભિ તિષ્ઠા મહાꣳસિ

ત્વાꣳ હિ મન્દ્રતમમ્ અર્કશોકૈર્ વવૃમહે મહિ નઃ શ્રોષ્ય્ અગ્ને ।
ઇન્દ્રં ન ત્વા શવસા દેવતા વાયું પૃણન્તિ રાધસા નૃતમાઃ

ત્વે ઽ અગ્ને સ્વાહુત પ્રિયાસઃ સન્તુ સૂરયઃ ।
યન્તારો યે મઘવાનો જનાનામૂર્વાન્ દયન્ત ગોનામ્

શ્રુધિ શ્રુત્કર્ણ વહ્નિભિર્ દેવૈર્ અગ્ને સયાવભિઃ ।
આ સીદન્તુ બર્હિષિ મિત્રો ઽ અર્યમા પ્રાતર્યાવાણો ઽ અધ્વરમ્

વિશ્વેષામ્ અદિતિર્ યજ્ઞિયાનાં વિશ્વેષામ્ અતિથિર્ માનુષાણામ્ ।
અગ્નિર્ દેવાનામ્ અવ ઽ આવૃણાનઃ સુમૃડીકો ભવતુ જાતવેદાઃ

મહો ઽ અગ્નેઃ સમિધાનસ્ય શર્મણ્ય્ અનાગા મિત્રે વરુણે સ્વસ્તયે ।
શ્રેષ્ઠે સ્યામ સવિતુઃ સવીમનિ તદ્ દેવાનામ્ અવો ઽ અદ્યા વૃણીમહે

આપશ્ ચિત્ પિપ્યુ સ્તર્યો ન ગાવો નક્ષન્ન્ ઋતં જરિતારસ્ ત ઽ ઇન્દ્ર ।
યાહિ વાયુર્ ન નિયુતો નો ઽ અચ્છા ત્વꣳ હિ ધીભિર્ દયસે વિ વાજાન્

ગાવ ઽ ઉપાવતાવતં મહી યજ્ઞસ્ય રપ્સુદા ।
ઉભા કર્ણા હિરણ્યયા

યદ્ અદ્ય સૂર ઽ ઉદિતે નાગા મિત્રો ઽ અર્યમા ।
સુવાતિ સવિતા ભગઃ

આ સુતે સિઞ્ચત શ્રિયꣳ રોદસ્યોર્ અભિશ્રિયમ્ ।
રસા દધીત વૃષભમ્ ॥[ તં પ્રત્નથા। અયં વેનઃ॥]

આતિષ્ઠન્તં પરિ વિશ્વે ઽ અભૂષઞ્ છ્રિયો વસાનશ્ ચરતિ સ્વરોચિઃ ।
મહત્ તદ્ વૃષ્ણો ઽ અસુરસ્ય નામા વિશ્વરૂપો ઽ અમૃતાનિ તસ્થૌ

પ્ર વો મહે મન્દમાનાયાન્ધસો ઽર્ચા વિશ્વાનરાય વિશ્વાભુવે ।
ઇન્દ્રસ્ય યસ્ય સુમખꣳ સહો મહિ શ્રવો નૃમ્ણં ચ રોદસી સપર્યતઃ

બૃહન્ન્ ઇદ્ ઇધ્મ ઽ એષાં ભૂરિ શસ્તં પૃથુઃ સ્વરુઃ ।
યેષામ્ ઇન્દ્રો યુવા સખા

ઇન્દ્રેહિ મત્સ્ય્ અન્ધસો વિશ્વેભિઃ સોમપર્વભિઃ ।
મહાꣳ૨ઽ અભિષ્ટિર્ ઓજસા

ઇન્દ્રો વૃત્રમ્ અવૃણોચ્છર્ધનીતિઃ પ્ર માયિનામ્ અમિનાદ્ વર્પણીતિઃ ।
અહન્ વ્યꣳસમ્ ઉશધગ્ વનેષ્વ્ આવિર્ ધેના ઽ અકૃણોદ્ રામ્યાણામ્

કુતસ્ ત્વમ્ ઇન્દ્ર માહિનઃ સન્ન્ એકો યાસિ સત્પતે કિં ત ઽ ઇત્થા ।
સં પૃચ્છસે સમરાણઃ શુભાનૈર્ વોચેસ્ તન્ નો હરિવો યત્ તે ઽ અસ્મે ।
મહાꣳ૨ઽ ઇન્દ્રો ય ઽ ઓજસા ।
કદા ચન સ્તરીર્ અસિ ।
કદા ચન પ્ર યુચ્છસિ

આ તત્ ત ઽ ઇન્દ્રાયવઃ પનન્તાભિ ય ઽ ઊર્વં ગોમન્તં તિતૃત્સાન્ ।
સકૃત્સ્વં યે પુરુપુત્રાં મહીꣳ સહસ્રધારાં બૃહતીં દુદુક્ષન્

ઇમાં તે ધિયં પ્ર ભરે મહો મહીમ્ અસ્ય સ્તોત્રે ધિષણા યત્ ત ઽ આનજે ।
તમ્ ઉત્સવે ચ પ્રસવે ચ સાસહિમ્ ઇન્દ્રં દેવાસઃ શવસામદન્ન્ અનુ

વિભ્રાડ્ બૃહત્ પિબતુ સોમ્યં મધ્વ્ આયુર્ દધદ્ યજ્ઞપતાવ્ અવિહ્રુતમ્ ।
વાતજૂતો યો ઽ અભિરક્ષતિ ત્મના પ્રજાઃ પુપોષ પુરુધા વિ રાજતિ

ઉદ્ ઉ ત્યં જાતવેદસં દેવં વહન્તિ કેતવઃ ।
દૃશે વિશ્વાય સૂર્યꣳ સ્વાહા

યેના પાવક ચક્ષસા ભુરણ્યન્તં જનાꣳ૨ઽ અનુ ।
ત્વં વરુણ પશ્યસિ

દૈવ્યાવ્ અધ્વર્યૂ ઽ આ ગતꣳ રથેન સૂર્યત્વચા ।
મધ્વા યજ્ઞꣳ સમ્ અઞ્જાથે ।
તં પ્રત્નથા । અયં વેનઃ। ચિત્રં દેવાનામ્(અ.વે.)
અયં વેનઃ ।
ચિત્રમ્ દેવાનામ્

આ ન ઽ ઇડાભિર્ વિદથે સુશસ્તિ વિશ્વાનરઃ સવિતા દેવ ઽ એતુ ।
અપિ યથા યુવાનો મત્સથા નો વિશ્વં જગદ્ અભિપિત્વે મનીષા

યદ્ અદ્ય કચ્ ચ વૃત્રહન્ન્ ઉદગા ઽ અભિ સૂર્ય ।
સર્વં તદ્ ઇન્દ્ર તે વશે

તરણિર્ વિશ્વદર્શતો જ્યોતિષ્કૃદ્ અસિ સૂર્ય ।
વિશ્વમ્ આ ભાસિ રોચનમ્

તત્ સૂર્યસ્ય દેવત્વં તન્ મહિત્વં મધ્યા કર્તોર્ વિતતꣳ સં જભાર ।
યદેદ્ અયુક્ત હરિતઃ સધસ્થાદ્ આદ્ રાત્રી વાસસ્ તનુતે સિમસ્મૈ

તન્ મિત્રસ્ય વરુણસ્યાભિચક્ષે સૂર્યો રૂપં કૃણુતે દ્યોર્ ઉપસ્થે ।
અનન્તમ્ અન્યદ્ રુશદ્ અસ્ય પાજઃ કૃષ્ણમ્ અન્યદ્ ધરિતઃ સં ભરન્તિ

બણ્ મહાꣳ૨ઽ અસિ સૂર્ય બડ્ આદિત્ય મહાꣳ૨ઽ અસિ ।
મહસ્ તે સતો મહિમા પનસ્યતે દ્ધા દેવ મહાꣳ૨ઽ અસિ

બટ્ સૂર્ય શ્રવસા મહાꣳ૨ઽ અસિ સત્રા દેવ મહાꣳ૨ઽ અસિ ।
મહ્ના દેવાનામ્ અસુર્યઃ પુરોહિતો વિભુ જ્યોતિર્ અદાભ્યમ્

શ્રાયન્ત ઽ ઇવ સૂર્યં વિશ્વેદ્ ઇન્દ્રસ્ય ભક્ષત ।
વસૂનિ જાતે જનમાન ઽ ઓજસા પ્રતિ ભાગં ન દીધિમ

અદ્યા દેવા ઽ ઉદિતા સૂર્યસ્ય નિર્ અꣳહસઃ પિપૃતા નિર્ અવદ્યાત્ ।
તન્ નો મિત્રો વરુણો મામહન્તામ્ અદિતિઃ સિન્ધુઃ પૃથિવી ઽ ઉત દ્યૌઃ

આ કૃષ્ણેન રજસા વર્તમાનો નિવેશયન્ન્ અમૃતં મર્ત્યં ચ ।
હિરણ્યયેન સવિતા રથેના દેવો યાતિ ભુવનાનિ પશ્યન્

પ્ર વાવૃજે સુપ્રયા બર્હિર્ એષામ્ આ વિશ્પતીવ બીરિટ ઽ ઇયાતે ।
વિશામ્ અક્તોર્ ઉષસઃ પૂર્વહૂતૌ વાયુઃ પૂષા સ્વસ્તયે નિયુત્વાન્

ઇન્દ્રવાયૂ બૃહસ્પતિં મિત્રાગ્નિં પૂષણં ભગમ્ ।
આદિત્યાન્ મારુતં ગણમ્

વરુણઃ પ્રાવિતા ભુવન્ મિત્રો વિશ્વાભિર્ ઊતિભિઃ ।
કરતાં નઃ સુરાધસઃ

અધિ ન ઇન્દ્રેષાં વિષ્ણો સજાત્યાનામ્ ।
ઇતા મરુતો ઽ અશ્વિના ।
[તં પ્રત્નથા । અયં વેનઃ । યે દેવાસઃ । આ ન ઇડાભિઃ । વિશ્વેભિઃ સોમ્યં મધુ ।] (અ.વે. 7.12, 16. 19, )
ઓમાસશ્ ચર્ષણીધૃતઃ

અગ્ન ઽ ઇન્દ્ર વરુણ મિત્ર દેવાઃ શર્ધઃ પ્ર યન્ત મારુતોત વિષ્ણો ।
ઉભા નાસત્યા રુદ્રો ઽ અધ ગ્નાઃ પૂષા ભગઃ સરસ્વતી જુષન્ત

ઇન્દ્રાગ્ની મિત્રાવરુણાદિતિꣳ સ્વઃ પૃથિવીં દ્યાં મરુતઃ પર્વતાꣳ૨ઽ અપઃ ।
હુવે વિષ્ણું પૂષણં બ્રહ્મણસ્પતિં ભગં નુ શꣳસꣳ સવિતારમૂતયે

અસ્મે રુદ્રા મેહના પર્વતાસો વૃત્રહત્યે ભરહૂતૌ સજોષાઃ ।
યઃ શꣳસતે સ્તુવતે ધાયિ પજ્ર ઽ ઇન્દ્રજ્યેષ્ઠા ઽ અસ્માꣳ૨ઽ અવન્તુ દેવાઃ

અર્વાઞ્ચો ઽ અદ્યા ભવતા યજત્રા ઽ આ વો હાર્દિ ભયમાનો વ્યયેયમ્ ।
ત્રાધ્વં નો દેવા નિજુરો વૃકસ્ય ત્રાધ્વં કર્તાદ્ અવપદો યજત્રાઃ

વિશ્વે ઽ અદ્ય મરુતો વિશ્વ ઽ ઊતી વિશ્વે ભવન્ત્વ્ અગ્નયઃ સમિદ્ધાઃ ।
વિશ્વે નો દેવા ઽ અવસા ગમન્તુ વિશ્વમ્ અસ્તુ દ્રવિણં વાજો ઽ અસ્મે

વિશ્વે દેવાઃ શૃણુતેમꣳ હવં મે યે ઽ અન્તરિક્ષે ય ઽ ઉપ દ્યવિ ષ્ઠ ।
યે ઽ અગ્નિજિહ્વા ઽ ઉત વા યજત્રા ઽ આસદ્યાસ્મિન્ બર્હિષિ માદયધ્વમ્

દેવેભ્યો હિ પ્રથમં યજ્ઞિયેભ્યો ઽમૃતત્વꣳ સુવસિ ભાગમ્ ઉત્તમમ્ ।
આદ્ ઇદ્ દામાનꣳ સવિતર્ વ્ય્ ઊર્ણુષે ઽનૂચીના જીવિતા માનુષેભ્યઃ

પ્ર વાયુમ્ અચ્છા બૃહતી મનીષા બૃહદ્રયિં વિશ્વવારꣳ રથપ્રામ્ ।
દ્યુતદ્યામા નિયુતઃ પત્યમાનઃ કવિઃ કવિમ્ ઇયક્ષસિ પ્રયજ્યો

ઇન્દ્રવાયૂ ઽ ઇમે સુતા ઽ ઉપ પ્રયોભિર્ આગતમ્ ।
ઇન્દવો વામ્ ઉશન્તિ હિ

મિત્રꣳ હુવે પૂતદક્ષં વરુણં ચ રિશાદસમ્ ।
ધિયં ઘૃતાચીꣳ સાધન્તા

દસ્રા યુવાકવઃ સુતા નાસત્યા વૃક્તબર્હિષઃ ।
આ યાતꣳ રુદ્રવર્તની । [ તં પ્રત્નથા । અયં વેનઃ ॥ ](અ.વે. 7.12.16)

વિદદ્ યદી સરમા રુગ્ણમ્ અદ્રેર્ મહિ પાથઃ પૂર્વ્યꣳ સધ્ર્યક્ કઃ ।
અગ્રં નયત્ સુપદ્ય્ અક્ષરાણામ્ અચ્છા રવં પ્રથમા જાનતી ગાત્

નહિ સ્પશમ્ અવિદન્ન્ અન્યમ્ અસ્માદ્ વૈશ્વાનરાત્ પુર ઽ એતારમ્ અગ્નેઃ ।
એમ્ એનમ્ અવૃધન્ન્ અમૃતા ઽ અમર્ત્યં વૈશ્વાનરં ક્ષૈત્રજિત્યાય દેવાઃ

ઉગ્રા વિઘનિના મૃધ ઽ ઇન્દ્રાગ્ની હવામહે ।
તા નો મૃડાત ઽ ઈદૃશે

ઉપાસ્મૈ ગાયતા નરઃ પવમાનાયેન્દવે ।
અભિ દેવાꣳ૨ઽ ઇયક્ષતે

યે ત્વાહિહત્યે મઘવન્ન્ અવર્ધન્ યે શામ્બરે હરિવો યે ગવિષ્ટૌ ।
યે ત્વા નૂનમ્ અનુમદન્તિ વિપ્રાઃ પિબેન્દ્ર સોમꣳ સગણો મરુદ્ભિઃ

જનિષ્ઠા ઽ ઉગ્રઃ સહસે તુરાય મન્દ્ર ઽ ઓજિષ્ઠો બહુલાભિમાનઃ ।
અવર્ધન્ન્ ઇન્દ્રં મરુતશ્ ચિદ્ અત્ર માતા યદ્ વીરં દધનદ્ ધનિષ્ઠા

આ તૂ ન ઽ ઇન્દ્ર વૃત્રહન્ન્ અસ્માકમ્ અર્ધમ્ આ ગહિ ।
મહાન્ મહીભિર્ ઊતિભિઃ

ત્વમ્ ઇન્દ્ર પ્રતૂર્તિષ્વ્ અભિ વિશ્વા ઽ અસિ સ્પૃધઃ ।
અશસ્તિહા જનિતા વિશ્વતૂર્ અસિ ત્વં તૂર્ય તરુષ્યતઃ

અનુ તે શુષ્મં તુરયન્તમ્ ઈયતુઃ ક્ષોણી શિશું ન માતરા ।
વિશ્વાસ્ તે સ્પૃધઃ શ્નથયન્ત મન્યવે વૃત્રં યદ્ ઇન્દ્ર તૂર્વસિ

યજ્ઞો દેવાનાં પ્રત્ય્ એતિ સુમ્નમ્ આદિત્યાસો ભવતા મૃડયન્તઃ ।
આ વો ઽર્વાચી સુમતિર્ વવૃત્યાદ્ અꣳહોશ્ ચિદ્ યા વરિવોવિત્તરાસત્

અદબ્ધેભિઃ સવિતઃ પાયુભિષ્ ટ્વꣳ શિવેભિર્ અદ્ય પરિ પાહિ નો ગયમ્ ।
હિરણ્યજિહ્વઃ સુવિતાય નવ્યસે રક્ષા માકિર્ નો ઽ અઘશꣳસ ઽ ઈશત

પ્ર વીરયા શુચયો દદ્રિરે વામ્ અધ્વર્યુભિર્ મધુમન્તઃ સુતાસઃ ।
વહ વાયો નિયુતો યાહ્ય્ અચ્છા પિબા સુતસ્યાન્ધસો મદાય

ગાવ ઽ ઉપાવતાવતં મહી યજ્ઞસ્ય રપ્સુદા ।
ઉભા કર્ણા હિરણ્યયા

કાવ્યયોર્ આજાનેષુ ક્રત્વા દક્ષસ્ય દુરોણે ।
રિશાદસા સધસ્થ ઽ આ

દૈવ્યાવ્ અધ્વર્યૂ આ ગતꣳ રથેન સૂર્યત્વચા ।
મધ્વા યજ્ઞꣳ સમ્ અઞ્જાથે । [ + તં પ્રત્નથા । અયં વેનઃ ॥]

તિરશ્ચીનો વિતતો રશ્મિર્ એષામ્ અધઃ સ્વિદ્ આસી૩દ્ ઉપરિ સ્વિદ્ આસી૩ત્ ।
રેતોધા ઽ આસન્ મહિમાન ઽ આસન્ત્ સ્વધા ઽ અવસ્તાત્ પ્રયતિઃ પરસ્તાત્

આ રોદસી ઽ અપૃણદ્ આ સ્વર્ મહજ્ જાતં યદ્ એનમ્ અપસો ઽ અધારયન્ ।
સો ઽ અધ્વરાય પરિ ણીયતે કવિર્ અત્યો ન વાજસાતયે ચનોહિતઃ

ઉક્થેભિર્ વૃત્રહન્તમા યા મન્દાના ચિદ્ આ ગિરા ।
આઙ્ગૂષૈર્ આવિવાસતઃ

ઉપ નઃ સૂનવો ગિરઃ શૃણ્વન્ત્વ્ અમૃતસ્ય યે ।
સુમૃડીકા ભવન્તુ નઃ

બ્રહ્માણિ મે મતયઃ શꣳ સુતાસઃ શુષ્મ ઽ ઇયર્તિ પ્રભૃતો મે ઽ અદ્રિઃ ।
આ શાસતે પ્રતિ હર્યન્ત્ય્ ઉક્થેમા હરી વહતસ્ તા નો ઽ અચ્છ

અનુત્તમા તે મઘવન્ નકિર્ નુ ન ત્વાવાꣳ૨ઽ અસ્તિ દેવતા વિદાનઃ ।
ન જાયમાનો નશતે ન જાતો યાનિ કરિષ્યા કૃણુહિ પ્રવૃદ્ધ

તદ્ ઇદ્ આસ ભુવનેષુ જ્યેષ્ઠં યતો જજ્ઞ ઽ ઉગ્રસ્ ત્વેષનૃમ્ણઃ ।
સદ્યો જજ્ઞાનો નિ રિણાતિ શત્રૂન્ અનુ યં વિશ્વે મદન્ત્ય્ ઊમાઃ

ઇમા ઽ ઉ ત્વા પુરૂવસો ગિરો વર્ધન્તુ યા મમ ।
પાવકવર્ણાઃ શુચયો વિપશ્ચિતો ઽભિ સ્તોમૈર્ અનૂષત

યસ્યાયં વિશ્વ ઽ આર્યો દાસઃ શેવધિપા ઽ અરિઃ ।
તિરશ્ ચિદ્ અર્યે રુશમે પરીરવિ તુભ્યેત્ સો ઽ અજ્યતે રયિઃ

અયꣳ સહસ્રમ્ ઋષિભિઃ સહસ્કૃતઃ સમુદ્ર ઽ ઇવ પપ્રથે ।
સત્યઃ સો ઽ અસ્ય મહિમા ગૃણે શવો યજ્ઞેષુ વિપ્રરાજ્યે

અદબ્ધેભિઃ સવિતઃ પાયુભિષ્ ટ્વꣳ શિવેભિર્ અદ્ય પરિ પાહિ નો ગયમ્ ।
હિરણ્યજિહ્વઃ સુવિતાય નવ્યસે રક્ષા માકિર્ નો ઽ અઘશꣳસ ઽ ઈશત

આ નો યજ્ઞં દિવિસ્પૃશં વાયો યાહિ સુમન્મભિઃ ।
અન્તઃ પવિત્ર ઽ ઉપરિ શ્રીણાનો ઽયꣳ શુક્રો ઽ અયામિ તે

ઇન્દ્રવાયૂ સુસંદૃશા સુહવેહ હવામહે ।
યથા નઃ સર્વ ઽ ઇજ્ જનો ઽનમીવઃ સંગમે સુમના ઽ અસત્

ઋધગ્ ઇત્થા સ મર્ત્યઃ શશમે દેવતાતયે ।
યો નૂનં મિત્રાવરુણાવ્ અભિષ્ટય ઽ આચક્રે હવ્યદાતયે

આ યાતમ્ ઉપ ભૂષતં મધ્વઃ પિબતમ્ અશ્વિના ।
દુગ્ધં પયો વૃષણા જેન્યાવસૂ મા નો મર્ધિષ્ટમ્ આ ગતમ્

પ્રૈતુ બ્રહ્મણસ્ પતિઃ પ્ર દેવ્ય્ એતુ સૂનૃતા ।
અચ્છા વીરં નર્યં પઙ્ક્તિરાધસં દેવા યજ્ઞં નયન્તુ નઃ

ચન્દ્રમા ઽ અપ્સ્વ્ અન્તર્ આ સુપર્ણો ધાવતે દિવિ ।
રયિં પિશંગં બહુલં પુરુસ્પૃહꣳ હરિર્ એતિ કનિક્રદત્

દેવં-દેવં વો ઽવસે દેવં-દેવમ્ અભિષ્ટયે ।
દેવં-દેવꣳ હુવેમ વાજસાતયે ગૃણન્તો દેવ્યા ધિયા

દિવિ પૃષ્ટો ઽ અરોચતાગ્નિર્ વૈશ્વાનરો બૃહન્ ।
ક્ષ્મયા વૃધાન ઽ ઓજસા ચનોહિતો જ્યોતિષા બાધતે તમઃ

ઇન્દ્રાગ્ની ઽ અપાદ્ ઇયં પૂર્વાગાત્ પદ્વતીભ્યઃ ।
હિત્વી શિરો જિહ્વયા વાવદચ્ ચરત્ ત્રિꣳશત્ પદા ન્ય્ અક્રમીત્

દેવાસો હિ ષ્મા મનવે સમન્યવો વિશ્વે સાકꣳ સરાતયઃ ।
તે નો ઽ અદ્ય તે અપરં તુચે તુ નો ભવન્તુ વરિવોવિદઃ

અપાધમદ્ અભિશસ્તીર્ અશસ્તિહાથેન્દ્રો દ્યુમ્ન્ય્ આભવત્ ।
દેવાસ્ ત ઽ ઇન્દ્ર સખ્યાય યેમિરે બૃહદ્ભાનો મરુદ્ગણ

પ્ર વ ઽ ઇન્દ્રાય બૃહતે મરુતો બ્રહ્માર્ચત ।
વૃત્રꣳ હનતિ વૃત્રહા શતક્રતુર્ વજ્રેણ શતપર્વણા

અસ્યેદ્ ઇન્દ્રો વાવૃધે વૃષ્ણ્યꣳ શવો મદે સુતસ્ય વિષ્ણવિ ।
અદ્યા તમ્ અસ્ય મહિમાનમ્ આયવો ઽનુ ષ્ટુવન્તિ પૂર્વથા ।
[ઇમા ઽ ઉ ત્વા । યસ્યાયમ્ । અયꣳ સહસ્રમ્ । ઊર્ધ્વ ઽ ઊ ષુ ણઃ ॥] (અ.વે. )