શુક્લયજુર્વેદઃ · અધ્યાય 26

ખિલસંજ્ઞકાઃ મન્ત્રાઃ

અગ્નિશ્ ચ પૃથિવી ચ સંનતે તે મે સં નમતામ્ અદઃ ।
વાયુશ્ ચાઽન્તરિક્ષં ચ સંનતે તે મે સં નમતામ્ અદઃ ।
ઽ આદિત્યશ્ ચ દ્યૌશ્ ચ સંનતે તે મે સં નમતામ્ અદઃ ।
ઽ આપશ્ ચ વરુણશ્ ચ સંનતે તે મે સં નમતામ્ અદઃ ।
સપ્ત સꣳસદો ઽ અષ્ટમી ભૂતસાધની ।
સકામાꣳ૨ઽ અધ્વનસ્ કુરુ સંજ્ઞાનમ્ અસ્તુ મે ઽમુના

યથેમાં વાચં કલ્યાણીમ્ આવદાનિ જનેભ્યઃ ।
બ્રહ્મરાજન્યાભ્યાꣳ શૂદ્રાય ચાર્યાય ચ સ્વાય ચારણાય ।
પ્રિયો દેવાનાં દક્ષિણાયૈ દાતુર્ ઇહ ભૂયાસમ્ અયં મે કામઃ સમ્ ઋધ્યતામ્ ઉપ માદો નમતુ

બૃહસ્પતે ઽ અતિ યદ્ અર્યો ઽ અર્હાદ્ દ્યુમદ્ વિભાતિ ક્રતુમજ્ જનેષુ ।
યદ્ દીદયચ્છવસ ઽ ઋતપ્રજાત તદ્ અસ્માસુ દ્રવિણં ધેહિ ચિત્રમ્ ।
ઉપયામગૃહીતો ઽસિ બૃહસ્પતયે ત્વા ।
એષ તે યોનિર્ બૃહસ્પતયે ત્વા

ઇન્દ્ર ગોમન્ન્ ઇહા યાહિ પિબા સોમꣳ શતક્રતો ।
વિદ્યદ્ભિર્ ગ્રાવભિઃ સુતમ્ ।
ઉપયામગૃહીતો ઽસીન્દ્રાય ત્વા ગોમતે ।
ઽ એષ તે યોનિર્ ઇન્દ્રાય ત્વા ગોમતે

ઇન્દ્રા યાહિ વૃત્રહન્ પિબા સોમꣳ શતક્રતો ।
ગોમદ્ભિર્ ગ્રાવભિઃ સુતમ્ ।
ઉપયામગૃહીતો ઽસીન્દ્રાય ત્વા ગોમતે ।
ઽ એષ તે યોનિર્ ઇન્દ્રાય ત્વા ગોમતે

ઋતાવાનં વૈશ્વાનરમ્ ઋતસ્ય જ્યોતિષસ્ પતિમ્ ।
અજસ્રં ઘર્મમ્ ઈમહે ।
ઉપયામગૃહીતો ઽસિ વૈશ્વાનરાય ત્વા ।
એષ તે યોનિર્ વૈશ્વાનરાય ત્વા

વૈશ્વાનરસ્ય સુમતૌ સ્યામ રાજા હિ કં ભુવનાનામ્ અભિશ્રીઃ ।
ઇતો જાતો વિશ્વમ્ ઇદં વિ ચષ્ટે વૈશ્વાનરો યતતે સૂર્યેણ ।
ઉપયામગૃહીતો ઽસિ વૈશ્વાનરાય ત્વા ।
એષ તે યોનિર્ વૈશ્વાનરાય ત્વા

વૈશ્વાનરો ન ઽ ઊતય ઽ આ પ્ર યાતુ પરાવતઃ ।
અગ્નિર્ ઉક્થેન વાહસા ।
ઉપયામગૃહીતો ઽસિ વૈશ્વાનરાય ત્વા ।
એષ તે યોનિર્ વૈશ્વાનરાય ત્વા

અગ્નિર્ ઋષિઃ પવમાનઃ પાઞ્ચજન્યઃ પુરોહિતઃ ।
તમ્ ઈમહે મહાગયમ્ ।
ઉપયામગૃહીતો ઽસ્ય્ અગ્નયે ત્વા વર્ચસે ।
ઽ એષ તે યોનિર્ અગ્નયે ત્વા વર્ચસે

મહાꣳ૨ઽ ઇન્દ્રો વજ્રહસ્તઃ ષોડશી શર્મ યચ્છતુ ।
હન્તુ પાપ્માનં યો ઽસ્માન્ દ્વેષ્ટિ ।
ઉપયામગૃહીતો ઽસિ મહેન્દ્રાય ત્વા ।
એષ તે યોનિર્ મહેન્દ્રાય ત્વા

તં વો દસ્મમ્ ઋતીષહં વસોર્ મન્દાનમ્ અન્ધસઃ ।
અભિ વત્સં ન સ્વસરેષુ ધેનવ ઽ ઇન્દ્રં ગીર્ભિર્ નવામહે

યદ્ વાહિષ્ઠં તદ્ અગ્નયે બૃહદ્ અર્ચ વિભાવસો ।
મહિષીવ ત્વદ્ રયિસ્ ત્વદ્ વાજા ઽ ઉદ્ ઈરતે

એહ્ય્ ઊ ષુ બ્રવાણિ તે ઽગ્ન ઽ ઇત્થેતરા ગિરઃ ।
એભિર્ વર્ધાસ ઽ ઇન્દુભિઃ

ઋતવસ્ તે યજ્ઞં વિ તન્વન્તુ માસા રક્ષન્તુ તે હવિઃ ।
સંવત્સરસ્ તે યજ્ઞં દધાતુ નઃ પ્રજાં ચ પરિ પાતુ નઃ

ઉપહ્વરે ગિરીણાꣳ સંગમે ચ નદીનામ્ ।
ધિયા વિપ્રો ઽ અજાયત

ઉચ્ચા તે જાતમ્ અન્ધસો દિવિ સદ્ ભૂમ્ય્ આ દદે ।
ઉગ્રꣳ શર્મ મહિ શ્રવઃ

સ ન ઽ ઇન્દ્રાય યજ્યવે વરુણાય મરુદ્ભ્યઃ ।
વરિવોવિત્ પરિ સ્રવ

એના વિશ્વાન્ય્ અર્ય ઽ આ દ્યુમ્નાનિ માનુષાણામ્ ।
સિષાસન્તો વનામહે

અનુ વીરૈર્ અનુ પુષ્યાસ્મ ગોભિર્ અન્વ્ અશ્વૈર્ અનુ સર્વેણ પુષ્ટૈઃ ।
અનુ દ્વિપદાનુ ચતુષ્પદા વયં દેવા નો યજ્ઞમ્ ઋતુથા નયન્તુ

અગ્ને પત્નીર્ ઇહા વહ દેવાનામ્ ઉશતીર્ ઉપ ।
ત્વષ્ટારꣳ સોમપીતયે

અભિ યજ્ઞં ગૃણીહિ નો ગ્નાવો નેષ્ટઃ પિબ ઽ ઋતુના ।
ત્વꣳ હિ રત્નધા ઽ અસિ

દ્રવિણોદાઃ પિપીષતિ જુહોત પ્ર ચ તિષ્ઠત ।
નેષ્ટ્રાદ્ ઋતુભિર્ ઇષ્યત

તવાયꣳ સોમસ્ ત્વમ્ એહ્ય્ અર્વાઙ્છશ્વત્તમꣳ સુમના ઽ અસ્ય પાહિ ।
અસ્મિન્ યજ્ઞે બર્હિષ્ય્ આ નિષદ્યા દધિષ્વેમં જઠર ઽ ઇન્દુમ્ ઇન્દ્ર

અમેવ નઃ સુહવા ઽ આ હિ ગન્તન નિ બર્હિષિ સદતના રણિષ્ટન ।
અથા મન્દસ્વ જુજુષાણો ઽ અન્ધસસ્ ત્વષ્ટર્ દેવેભિર્ જનિભિઃ સુમદ્ગણઃ

સ્વાદિષ્ઠયા મદિષ્ઠયા પવસ્વ સોમ ધારયા ।
ઇન્દ્રાય પાતવે સુતઃ

રક્ષોહા વિશ્વચર્ષણિર્ અભિ યોનિમ્ અયોહતમ્ ।
દ્રુણા(દ્રોણે) સધસ્થમ્ આસદત્ ॥