શિવ પુરાણ · અધ્યાય 4.19

સૂત ઉવાચ॥
નરનારાયણાખ્યૌ યાવવતારૌ હરેર્દ્વિજાઃ ॥
તેપાતે ભારતે ખણ્ડે બદર્યાશ્રમ એવ હિ

તાભ્યાં સંપ્રાર્થિતશ્શંભુઃ પાર્થિવે પૂજનાય વૈ ॥
આયાતિ નિત્યં તલ્લિંગે ભક્તાધીનતયા શિવ

એવં પૂજયતોશ્શંભું તયોર્વિષ્ણ્વવતારયોઃ ॥
ચિરકાલો વ્યતીતાય શૈવયોર્ધર્મપુત્રયોઃ

એકસ્મિન્સમયે તત્ર પ્રસન્નઃ પરમેશ્વરઃ ॥
પ્રત્યુવાચ પ્રસન્નોસ્મિ વરો મે વ્રિયતામિતિ

ઇત્યુક્તે ચ તદા
તેન નરો નારાયણસ્સ્વયમ્॥
ઊચતુર્વચનં તત્ર લોકાનાં હિતકામ્યયા

॥
નરનારાયણાવૂચતુઃ ॥
યદિ પ્રસન્નો દેવેશ યદિ દેયો વરસ્ત્વયા ॥
સ્થીયતાં સ્વેન રૂપેણ પૂજાર્થં શંકરસ્સ્વયમ્

સૂત ઉવાચ ॥
ઇત્યુક્તસ્તુ તદા તાભ્યાં કેદારે હિમસંશ્રયે ॥
સ્વયં ચ શંકરસ્તસ્થૌ જ્યોતીરૂપો મહેશ્વરઃ

તાભ્યાં ચ પૂજિતશ્ચૈવ સર્વદુઃખભયાપહઃ ॥
લોકાનામુપકારાર્થં ભક્તાનાં દર્શનાય વૈ

સ્વયં સ્થિતસ્તદા શંભુઃ કેદારેશ્વરસંજ્ઞકઃ ॥
ભક્તાભીષ્ટપ્રદો નિત્યં દર્શનાદર્ચનાદપિ

દેવાશ્ચ પૂજયંતીહ ઋષયશ્ચ પુરાતનાઃ॥
મનોભીષ્ટ ફલં તેતે સુપ્રસન્નાન્મહેશ્વરાત્

ભવસ્ય પૂજનાન્નિત્યં બદર્યાશ્રમવાસિનઃ॥
પ્રાપ્નુવન્તિ યતઃ સોઽસૌ ભક્તાભીષ્ટપ્રદઃ સદા

તદ્દિનં હિ સમારભ્ય કેદારેશ્વર એવ ચ ॥
પૂજિતો યેન ભક્ત્યા વૈ દુઃખં સ્વપ્નેઽતિ દુર્લભમ્

યો વૈ હિ પાણ્ડવાન્દૃષ્ટ્વા માહિષં રૂપમાસ્થિતઃ ॥
માયામાસ્થાય તત્રૈવ પલાયનપરોઽભવત્

ધૃતશ્ચ પાણ્ડવૈસ્તત્ર હ્યવાઙ્મુખતયા સ્થિતઃ ॥
પુચ્છ ચૈવ ધૃતં તૈસ્તુ પ્રાર્થિતશ્ચ પુનઃપુનઃ

તદ્રૂપેણ સ્થિતસ્તત્ર ભક્તવત્સલનામભાક્ ॥
નયપાલે શિરોભાગો ગતસ્તદ્રૂપતઃ સ્થિતઃ

સ વૈ વ પૂજનાન્નિત્યમાજ્ઞાં ચૈવાપ્યદાત્તથા ॥
પૂજિતશ્ચ સ્વયં શંભુસ્તત્ર તસ્થૌ વરાનદાત્

પૂજયિત્વા ગતાસ્તે તુ પાણ્ડવા મુદિતાસ્તદા ॥
લબ્ધ્વા ચિત્તેપ્સિતં સર્વં વિમુક્તાસ્સર્વદુઃખતઃ

તત્ર નિત્યં હસ્સાક્ષાત્ક્ષેત્રે કેદારસંજ્ઞકે ॥
ભારતીભિઃ પ્રજાભિશ્ચ તથૈવ પરિપૂજ્યતે

તત્રત્યં વલયં યો વૈ દદાતિ હરવલ્લભઃ ॥
હરરૂપાંતિકં તચ્ચ હરરૂપસમન્વિતમ્

તથૈવ રૂપં દૃષ્ટ્વા ચ સર્વપાપૈઃ પ્રમુચ્યતે ॥
જીવન્મુક્તો ભવેત્સોપિ યો ગતો બદરીવને

દૃષ્ટ્વા રૂપં નરસ્યૈવ તથા નારાયણસ્ય હિ ॥
કેદારેશ્વરશંભોશ્ચ મુક્તભાગી ન સંશયઃ

કેદારેશસ્ય ભક્તા યે માર્ગસ્થાસ્તસ્ય વૈ મૃતા॥
ગતેઽપિ મુક્તા ભવંત્યેવ નાત્ર કાર્ય્યા વિચારણા

ગત્વા તત્ર પ્રીતિયુક્તઃ કેદારેશં પ્રપૂજ્ય ચ ॥
તત્રત્યમુદકં પીત્વા પુનર્જન્મ ન વિન્દતિ

ખણ્ડેસ્મિન્ભારતે વિપ્રા નરનારાયણેશ્વરઃ ॥
કેદારેશઃ પ્રપૂજ્યશ્ચ સર્વૈર્જીવૈસ્સુભક્તિતઃ

અસ્ય ખણ્ડસ્ય સ સ્વામી સર્વેશોપિ વિશેષતઃ ॥
સર્વકામપ્રદશ્શંભુઃ કેદારાખ્યો ન સંશય

એતદ્વચસ્સમાખ્યાતં યત્પૃષ્ટમૃષિસત્તમાઃ ॥
શ્રુત્વા પાપં હરેત્સર્વં નાત્ર કાર્યા વિચારણા

ઇતિ શ્રીશિવમહાપુરાણે ચતુર્થ્યાં કોટિરુદ્રસંહિતાયાં કેદારેશ્વરજ્યોતિર્લિગમાહાત્મ્યવર્ણનં નામૈકોનવિંશોઽધ્યાયઃ