શિવ પુરાણ · અધ્યાય 4.15

॥ સૂત ઉવાચ ॥
અતઃ પરં પ્રવક્ષ્યામિ મલ્લિકાર્જુનસંભવમ્ ॥
યઃ શ્રુત્વા ભક્તિમાન્ધીમાન્સર્વપાપૈઃ પ્રમુચ્યતે

પૂર્વં ચા કથિતં યચ્ચ તત્પુનઃ કથયામ્યહમ્ ॥
કુમારચરિતં દિવ્યં સર્વપાપવિનાશનમ્

યદા પૃથ્વીં સમાક્રમ્ય કૈલાસં પુનરાગતઃ ॥
કુમારસ્સ શિવાપુત્રસ્તારકારિર્મહાબલઃ

તદા સુરર્ષિરાગત્ય સર્વં વૃત્તં જગાદ હ ॥
ગણેશ્વરવિવાહાદિ ભ્રામયંસ્તં સ્વબુદ્ધિતઃ

તચ્છુત્વા સ કુમારો હિ પ્રણમ્ય પિતરૌ ચ તૌ ॥
જગામ પર્વતં ક્રૌચં પિતૃભ્યાં વારિતોઽપિ હિ

કુમારસ્ય વિયોગેન તન્માતા ગિરિજા યદા ॥
દુઃખિતાસીત્તદા શંભુસ્તામુવાચ સુબોધકૃત્

કથં પ્રિયે દુઃખિતાસિ ન દુઃખં કુરુ પાર્વતિ ॥
આયાસ્યતિ સુતઃ સુભ્રૂસ્ત્યજ્યતાં દુઃખમુત્કટમ્

સા યદા ચ ન તન્મેને પાર્વતી દુઃખિતા ભૃશમ્ ॥
તદા ચ પ્રેષિતાસ્તત્ર શંકરેણ સુરર્ષયઃ

દેવાશ્ચ ઋષયસ્સર્વે સગણા હિ મુદાન્વિતાઃ ॥
કુમારાનયનાર્થં વૈ તત્ર જગ્મુઃ સુબુદ્ધયઃ

તત્ર ગત્વા ચ તે સર્વે કુમારં સુપ્રણમ્ય ચ ॥
વિજ્ઞાપ્ય બહુધાપ્યેનં પ્રાર્થનાં ચક્રુરાદરાત્

દેવાદિપ્રાર્થનાં તાં ચ શિવાજ્ઞાસંકુલાં ગુરુઃ ॥
ન મેને સ કુમારો હિ મહાહંકારવિહ્વલઃ

તતશ્ચ પુનરાવૃત્ય સર્વે તે હિ શિવાંતિકમ્ ॥
સ્વંસ્વં સ્થાનં ગતા નત્વા પ્રાપ્ય શંકરશાસનમ્

તદા ચ ગિરિજાદેવી વિરહં પુત્રસંભવમ્ ॥
શંભુશ્ચ પરમં દુઃખં પ્રાપ તસ્મિન્નનાગતે

અથો સુદુઃખિતૌ દીનૌ લોકાચારકરૌ તદા ॥
જગ્મતુસ્તત્ર સુસ્નેહાત્સ્વપુત્રો યત્ર સંસ્થિતઃ

સ પુત્રશ્ચ કુમારાખ્યઃ પિત્રોરાગમનં ગિરેઃ ॥
જ્ઞાત્વા દૂરં ગતોઽસ્નેહાદ્યોજનત્રયમેવ ચ

ક્રૌંચે ચ પર્વતે દૂરં ગતે તસ્મિન્સ્વપુત્રકે ॥
તૌ ચ તત્ર સમાસીનૌ જ્યો તીરૂપં સમાશ્રિતૌ

પુત્રસ્નેહાતુરૌ તૌ વૈ શિવૌ પર્વણિપર્વણિ ॥
દર્શનાર્થં કુમારસ્ય સ્વપુત્રસ્ય હિ ગચ્છતઃ

અમાવાસ્યાદિને શંભુસ્સ્વયં ગચ્છતિ તત્ર હ ॥
પૌર્ણમાસીદિને તત્ર પાર્વતી ગચ્છતિ ધ્રુવમ્

તદ્દિનં હિ સમારભ્ય મલ્લિકાર્જુનસંભવમ્ ॥
લિંગં ચૈવ શિવસ્યૈકં પ્રસિદ્ધં ભુવનત્રયે

તલ્લિંગં યઃ સમીક્ષેત સ સર્વૈઃ કિલ્બિષૈરપિ ॥
મુચ્યતે નાત્ર સન્દેહઃ સર્વાન્કામાનવાપ્નુયાત્

દુઃખં ચ દૂરતો યાતિ સુખમાત્યંતિકં લભેત્ ॥
જનનીગર્ભસંભૂતં કષ્ટં નાપ્નોતિ વૈ પુનઃ

ધનધાન્યસમૃદ્ધિશ્ચ પ્રતિષ્ઠારોગ્યમેવ ચ ॥
અભીષ્ટફલસિદ્ધિશ્ચ જાયતે નાત્ર સંશયઃ

જ્યોતિર્લિંગં દ્વિતીયં ચ પ્રોક્તં મલ્લિકસંજ્ઞિતમ્ ॥
દર્શનાત્સર્વસુખદં કથિતં લોકહેતવે

ઇતિ શ્રીશિવપુરાણે ચતુર્થ્યાં કોટિ રુદ્રસંહિતાયા મલ્લિકાર્જુનદ્વિતીયજ્યોતિર્લિંગવર્ણનંનામ પંચદશોઽધ્યાયઃ