શિવ પુરાણ · અધ્યાય 2.5.34

વ્યાસ ઉવાચ ॥
વિધિતાત મહાબુદ્ધે મુને જીવ ચિરં સમાઃ ॥
કથિતં સુમહચ્ચિત્રં ચરિતં ચન્દ્રમૌલિનઃ

શિવદૂતે ગતે તત્ર શઙ્ખચૂડશ્ચ દાનવઃ ॥
કિં ચકાર પ્રતાપી સ તત્ત્વં વદ સુવિસ્તરમ્

સનત્કુમાર ઉવાચ ॥
અથ દૂતે ગતે તત્ર શંખચૂડઃ પ્રતાપવાન્ ॥
ઉવાચ તુલસીં વાર્તાં ગત્વાભ્યંતરમેવ તામ્

શઙ્ખચૂડ ઉવાચ ॥
શમ્ભુદૂતમુખાદ્દેવિ યુદ્ધાયાહં સમુદ્યતઃ ॥
તેન ગચ્છામ્યહં યોદ્ધું શાસનં કુરુ મે ધ્રુવમ્

ઇત્યેવમુક્ત્વા સ જ્ઞાની નાનાબોધનતઃ પ્રિયામ્॥
ક્રીડાં ચકાર હર્ષેણ તમનાદૃત્ય શંકરમ્

તૌ દમ્પતી ચિક્રીડાતે નિમગ્નૌ સુખસાગરે ॥
નાનાકામકલાભિશ્ચ નિશિ ચાટુશુતૈરપિ

બ્રાહ્મે મુહૂર્ત ઉત્થાય પ્રાતઃકૃત્યં વિધાય ચ ॥
નિત્યકાર્યં ચ કૃત્વાદૌ દદૌ દાનમનંતકમ્

પુત્રં કૃત્વા ચ રાજેન્દ્રં સર્વેષુ દાન વેષુ ચ ॥
પુત્રે સમર્પ્ય ભાર્યાં ચ સ રાજ્યં સર્વસંપદમ્

પ્રિયામાશ્વાસયામાસ સ રાજા રુદતીં પુનઃ ॥
નિષેધતીં ચ ગમનં નાના વાર્તાં પ્રકથ્ય ચ ॥ ૯ ।
નિજસેનાપતિં વીરં સમાહૂય સમાદૃતઃ ॥
આદિદેશ સ સનદ્ધસ્સંગ્રામં કર્તુઽમુદ્યતઃ

શંખચૂડ ઉવાચ॥
અદ્ય સેનાપતે વીરાસ્સર્વે સમરશાલિનઃ ॥
સંનદ્ધાખિલકર્માણો નિર્ગચ્છંતુ રણાય ચ

દૈત્યાશ્ચ દાનવાઃ શૂરા ષડશીતિરુદા યુધાઃ ॥
કંકાનાં બલિનાં શીઘ્રં સેના નિર્યાંતુ નિર્ભયાઃ

પઞ્ચાશદસુરાણાં હિ નિર્ગચ્છંતુ કુલાનિ વૈ ॥
કોટિવીર્યાણિ યુદ્ધાર્થં શમ્ભુના દેવપક્ષિણા

સંનદ્ધાનિ ચ ધૌમ્રાણાં કુલાનિ ચ શતં દ્રુતમ્ ॥
નિર્ગચ્છંતુ રણાર્થં હિ શમ્ભુના મમ શાસનાત્

કાલકેયાશ્ચ મૌર્યાશ્ચ દૌર્હૃદાઃ કાલકાસ્તથા ॥
સજ્જા નિર્યાન્તુ યુદ્ધાય રુદ્રેણ મમ શાસનાત્

સનત્કુમાર ઉવાચ ॥
ઇત્યાજ્ઞાપ્યાસુરપતિર્દાનવેન્દ્રો મહાબલઃ ॥
નિર્જગામ મહાસૈન્યઃ સહસ્રૈબહુભિર્વૃતઃ

તસ્ય સેનાપતિશ્ચૈવ યુદ્ધશાસ્ત્રવિશારદઃ ॥
મહારથો મહાવીરો રથિનાં પ્રવરો રણે

ત્રિલક્ષાક્ષૌહિણીયુક્તો માંડલ્યં ચ ચકાર હ ॥
બહિર્બભૂવ શિબિરાદ્રણે વીરભયઙ્કરઃ

રત્નેન્દ્રં સારનિર્માણં વિમાનમભિરુહ્ય સઃ ॥
ગુરુવર્ગં પુરસ્કૃત્ય રણાર્થં પ્રયયૌ કિલ॥॥॥
પુષ્પભદ્રાનદીતીરે યત્રાક્ષયવટઃ શુભઃ ॥
સિદ્ધાશ્રમે ચ સિદ્ધાનાં સિદ્ધિક્ષેત્રં સુસિદ્ધિદમ્

કપિલસ્ય તતઃ સ્થાનં પુણ્યક્ષેત્રે ચ ભારતે ॥
પશ્ચિમોદધિપૂર્વે ચ મલયસ્ય હિ પશ્ચિમે

શ્રીશૈલોત્તરભાગે ચ ગંધમાદનદક્ષિણે ॥
પંચયોજનવિસ્તીર્ણં દૈર્ઘ્યે શતગુણસ્તથા

શુદ્ધસ્ફટિકસંકાશા ભારતે ચ સુપુણ્યદા॥
પુષ્પભદ્રા નદી રમ્યા જલપૂર્ણા સરસ્વતી॥૨૩।
લવણોદધિપ્રિયા ભાર્યા શશ્વત્સૌભાગ્યસં યુતા ॥
સરસ્વતીસંશ્રિતા ચ નિર્ગતા સા હિમાલયાત્

ગોમંતં વામતઃ કૃત્વા પ્રવિષ્ટા પશ્ચિમોદધૌ ॥
તત્ર ગત્વા શંખચૂડઃ શિવ સેનાં દદર્શ હ

ઇતિ શ્રીશિવમહાપુરાણે દ્વિતીયાયાં રુદ્રસંહિતાયાં પઞ્ચમે યુદ્ધખંડે શંખચૂડયાત્રાવર્ણનં નામ ચતુસ્ત્રિંશોઽધ્યાયઃ