શતપથબ્રાહ્મણમ્ · અધ્યાય 13.2.11

પ્રજાપતિરકામયત મહાન્ભૂયાન્ત્સ્યામિતિ સ એતાવશ્વમેધે મહિમાનૌ ગ્રહાવપશ્યત્તાવજુહોત્તતો વૈ સ મહાન્ભૂયાનભવત્સ યઃ કામયેત મહાન્ભૂયાન્ત્સ્યામિતિ સ એતાવશ્વમેધે મહિમાનૌ ગ્રહૌ જુહુયાન્મહાન્હૈવ ભૂયાન્ભવતિ -

વપામભિતો જુહોતિ યજમાનો વા અશ્વમેધો રાજા મહિમા રાજ્યેનૈવૈનમુભયતઃ પરિગૃહ્ણાતિ પુરસ્તાત્સ્વાહાકૃતયો વા અન્યે દેવા ઉપરિષ્ટાત્સ્વાહાકૃતયોઽન્યે તાનેવૈતત્પ્રીણાતિ સ્વાહા દેવેભ્યો દેવેભ્યઃ સ્વાહેતિ રાજ્ઞા વપાં પરિજયતિ યે ચૈવાસ્મિંલોકે દેવા ય ઉ ચામુષ્મિંસ્તાનેવૈતત્પ્રીણાતિ ત એનમુભયે દેવાઃ પ્રીતાઃ સ્વર્ગં લોકમભિવહન્તિ -