સર્વદુર્ગતિપરિશોધનતન્ત્ર · ભાગ 2140

ઓં વજ્રગ્રહસમયે હું ફટ્ ।
ઓં વજ્રગ્રહ પ્રતીચ્છ સમયે હું ।
તતો ઽષ્ટભિઃ કલશૈર્ અભિષિઞ્ચેત્ ॥
અષ્ટગ્રહાભિમન્ત્રિતૈઃ ॥
તતો વજ્રમુદ્રયાભિષિઞ્ચેત્ ॥
તતસ્ સર્વગ્રહં સાધયેત્ ॥
અથ તે મહાગ્રહા ભગવન્તં નમસ્યૈવમ્ આહુઃ । વયં ભગવન્ અષ્ટૌ મહાગ્રહાસ્ તસ્ય મહારાજ્ઞો રાજપુત્રસ્ય વા સર્વદા સર્વત્ર તથૈવ સર્વં કરિષ્યામઃ । અથ નક્ષત્રક્ષણલવમુહૂર્તકરણતિથિયોગરાશિલગ્નવિષ્ટિમણ્ડલાદિદેવતાસ્ તથૈવ નમાસ્યૈવમ્ આહુઃ । વયમ્ અપિ ભગવન્ સર્વદા તસ્ય મહાસત્ત્વસ્યાજ્ઞાં નોત્સૃજામઃ । ભૃત્યવત્ પ્રતિપાલયામઃ । સર્વનગરનિગમજનપદરાષ્ટ્રરાજધાનીં ચ પ્રતિપાલયામઃ । ઉત્પન્ને તુ મહાભયે યુષ્માકં પૂજયિષ્યતિ તસ્યાવશ્યં તદ્ ભયં ન ભવિષ્યતિ ।
અથાષ્ટૌ મહાનાગાઃ ફુંકારધ્વનિના ભગવન્તં સંતોષ્યૈવમ્ આહુઃ ।
વયં ભગવન્ સર્વેષાં ગુહ્યહૃદયં દાસ્યામઃ ।
સાધુ સાધુ મહાનાગા દદધ્વં હૃદયં વરમ્ ।
અથ તે તુષ્ટા મહાનાગા ભગવન્તં નમસ્યૈવમ્ આહુઃ ।
ઓં ફુઃ । ઓં ફઃ । ઓં ફું । ઓં ફાં ।
ઓં ફીઃ । ઓં ફેઃ । ઓં ફઈઃ । ઓં ફૌઃ ।
અથૈષાં મણ્ડલં ભવતિ ।
અષ્ટપત્રં મહાપદ્મં સંલિખેચ્ છ્વેતવર્ણકમ્ ॥
તસ્ય મધ્યે લિખેદ્ નાથં વજ્રપાણિં સુકૃષ્ણકમ્ ॥
સમન્તાત્ સપ્તફણં તર્જયન્તં મહોરગમ્ ।
અનન્તં તક્ષકં ચૈવ કર્કોટં કુલિકં તથા ॥
વાસુકિં શંખપાલં ચ પદ્મં વૈ વારુણં તથા ॥
એતે લેખ્યાઃ સમાસેન પત્રે પત્રે ફનજ્વલાઃ ॥
સપ્તસપ્તફણા લેખ્યાઃ સભાર્યાઃ કણ્ઠસમાગમાઃ ॥
કલશાષ્ટકં સંસ્થાપ્ય બલિનૈવેદ્યશોભિતમ્ ॥
ઘૃતક્ષીરસમાક્ષિકં કૃત્રિમાશ્ ચાપિ ભેદકાઃ ॥
તતઃ સંપ્રવિશ્ય વજ્રાત્માકર્ષયેત્ પાણિના ફણૈઃ ॥
ફુંકારસહિતૈસ્ તુ જઃ હું વં હોઃ પ્રવર્તયેત્ ॥
તતઃ પ્રવેશ્ય તાન્ સર્વાન્ રાજં ક્ષત્રિયમ્ એવ વા । અભિષિઞ્ચેત્ ફુંકારૈર્ વિષદોષમલાપહૈઃ ।
તતઃ સિધ્યન્તિ સર્વે તે નાગા નામગ્રહાદ્ અપિ ॥
અથ તે સમન્તં તુષ્ટા ભગવન્તં નમસ્ય ચ ॥
પ્રણિધાનં પ્રકુર્વન્તિ સ્થિત્વા પ્રાઞ્જલયઃ પુરઃ ॥
વયં ભગવતઃ શાસનાભિરતસ્ય યદ્ ઇદં મણ્ડલં પ્રવિષ્ટસ્ય વિષંવાદયામઃ । તદા ભગવન્તમ્ એવ વિષંવાદયામઃ । તદાસ્માકં તપ્તવાલુકા ભવિષ્યન્તુ । આદીપ્તેન વજ્રેનાસ્માકં મૂર્ધ્નિ સ્ફુટિષ્યન્તિ । સતતં સમિતં ચ તસ્ય મહાસત્ત્વસ્ય રક્ષાવરણગુપ્તિં કરિષ્યામઃ । મહૌજોબલવીર્યં ક્ષેપ્સ્યામઃ । નિર્વિષં ચાપિ વિષં કરિષ્યામઃ । કાલેન કાલં વર્ષયિષ્યામઃ । સર્વસસ્યાનિ નિષ્પાદયિષ્યામઃ । સર્વપરરાષ્ટ્રાણિ ચ વિકાલવૃષ્ટિમ્ ઉત્સૃજામઃ । સર્વભયં વિનાશયિષ્યામઃ। જિનાજ્ઞયા વજ્રધરાજ્ઞયા પ્રતિપાલયિષ્યામઃ ।
અથ સાધનં ભવતિ ।
ફુંકારં જપેલ્ લક્ષં ધ્યાત્વા વજ્રધરં પ્રભુમ્ ॥
સિતાંશુમાલિનં દિવ્યં શિખાયાં ફણાવસ્થિતમ્ ॥
તતો વિષં ગૃહ્ય ધ્યાત્વા ફુંકારમણ્ડલમ્ ॥
રશ્મિમાલાકુલં દિવ્યં ફુંકારં તત્ર ચિન્તયેત્ ॥
આકર્ષયેદ્ હૃતકૃતિફણિપાશાકૃતિકરેણ ॥
ફુંકારવાતેન સમીરયેત્ તં વિષં સમસ્તમ્ ॥
તનુરસ્થિમાંસગમ્ ॥
તતઃ સર્વકર્માણિ કુર્યાદ્ વિષજ્વરગરાદિકં ॥
મુષ્ટ્યા વૈ હરેત્ સર્વં કિં પુનઃ ફણમુદ્રયેતિ ॥

અથ મહાભૈરવો મહાદેવાધિપતિર્ અષ્ટભિર્ મહામાતૃકાભિઃ પરિવૃતો ભગવન્તં પ્રણિપત્યૈવમ્ આહ । મદ્ભયાન્ માતૃકાભયાચ્ ચ ભગવન્ સર્વદેવનાગાદયઃ સંત્રસ્તા વિત્રસ્તાઃ પ્રત્રસ્તા અધોમુખીભૂતા નિમગ્ના નષ્ટચેતસઃ પરિભ્રમન્તિ તુ તેષાં હિતાર્થાય હૃદયં પ્રદાસ્યામિ । તત્ સાધુ ભગવાન્ અધિતિષ્ઠતુ । સાધુ સાધુ મહાભૈરવ સુભૈરવ ભાષસ્વ સ્વહૃદયં દિવ્યમાતૃકાણાં ચ સર્વાસામ્ ।
અથ મહાભૈરવઃ સુભૈરવનાદં નદન્ એવમ્ આહ ।
ઓં ભૈરવૈઃ ભીઃ સ્વાહા ।
ઓં ભાઃ સ્વાહા । ઓં ભીઃ સ્વાહા । ઓં ભૂઃ સ્વાહા । ઓં ભેઃ સ્વાહા ।
ઓં ભૈઃ સ્વાહા । ઓં ભોઃ સ્વાહા । ઓં ભં સ્વાહા । ઓં ભઃ સ્વાહા ।
ઇત્ય્ એતે ભગવન્ અષ્ટૌ ભૈરવાઃ સમાજ્ઞાકરાઃ ।
અથૈષાં મણ્ડલં ભવતિ ।
અષ્ટારં મહાચક્રં લિખ્ય મધ્યે નિવેશયેત્ ॥
વજ્રપાણિં મહાક્રોધં ત્રિલોકવિજયાવહં ॥
તસ્ય પાદતલે ક્રુદ્ધં ભૈરવાણાં મહાધિપમ્ ॥
લિખિત્વા ભૈરવીયુક્તં લિખેદ્ અન્યાન્ યથાસુખમ્ ॥
આરમધ્યેષુ સર્વેષુ લિખેદ્ ભૈરવમ્ અષ્ટકમ્ ॥
માતૃકાભિશ્ ચ સમાયુક્તં તત્ક્રોધાસ્યક્રુદ્ધમાનસમ્ ॥
દ્વારે દ્વારે તથૈવેહ લિખેદ્ દ્વારિં સુક્રોધનમ્ ॥
તતો વાહ્યાંકુશાદિભિઃ પુજયિત્વા કપાલયા રુધિરપૂર્ણયા ॥
મદ્યં માંસં બલિં દિવ્યં રુધિરપૂર્ણભાજનમ્ ॥
કપાલં મુણ્ડનખણ્ડં ચાષ્ટૌ કલશાન્ પૂરિતાન્ ॥
રુધિરૈર્ આસવૈર્ વાપિ સ્થાપયેત્ તસ્ય મણ્ડલે ॥
તતઃ પ્રવેશયેચ્ છિષ્યાન્ ત્રિલોકવિજયાપરઃ ॥
અભિષિઞ્ચેત્ કપાલેન કલશૈર્ અપિ ચાષ્ટભિઃ ॥
તતઃ કર્માણિ દદ્યાત્ ।
માતૃકાગૃહ એકલિંગે વા ત્રિલોકમથને વરં ॥
પૂજાં કૃત્વા યથાન્યાયં જપેલ્ લક્ષચતુષ્ટયં ॥
તતો નાદં પ્રશ્રુયતે ભૈરવસ્ય મહાત્મનઃ ॥
નિર્ભીર્ અર્ઘં પ્રયચ્છેત્ કપાલેન સુરક્તિના ॥
તતઃ પશ્યતિ તં ક્રુદ્ધં ભૈરવં દુષ્ટમાનસમ્ ॥
માતૃકાગણસંપૂર્ણમ્ અષ્ટભિર્ ભૈરવૈર્ વૃતમ્ ॥
તં દૃષ્ટ્વા નિર્ભયો ભૂત્વા દદ્યાદ્ માંસસુપૂરિતમ્ ॥
કપાલં વાસવૈઃ પૂર્ણં હુંકારમ્ અનુસ્મરેણ ॥
તતસ્ તુષ્ટઃ પ્રસિધ્યેત ભૈરવો દુષ્ટઘાતકઃ ॥
બ્રૂયાત્ કિમ્ ઇચ્છેતિ તદ્ દદ્યાત્ તુષ્ટમાનસઃ ॥
રસરસાયનં દ્રવ્યં ખડ્ગં ચક્રં ત્રિશૂલકમ્ ॥
સ્વર્ગમર્ત્યપાતાલં રાજ્યં દ્વીપચતુષ્ટયં ચાપિ ॥
શક્રત્વં યક્ષેશ્વર્યં રાક્ષસત્વં વિદ્યાધરત્વં ॥
વિદ્યાધરચક્રવર્તિત્વં ત્રૈલોક્યાધિપતિત્વમ્ ॥
મુક્ત્વા ભૂમિદાનઞ્ ચેતિ ।
કિંકરત્વં ચાપિ સ્વયગણં માતૃકાં વા દદાતિ ॥
યથેષ્ટાન્યતમાં સિદ્ધિં પ્રાર્થયેત્ ॥
હુંહૃતિના સુખિના દત્ત્વા વિહસન્ યાતિ ॥
ભીતં મારયતે ક્ષણાત્ ॥

અથ બ્રહ્માદયો મહાદેવા ભગવન્તં નમસ્યૈવમ્ આહુઃ । વયમ્ અપિ ભગવત આજ્ઞયા સ્વકલ્પં ભાષયામઃ । તદ્ ભગવાન્ કમ્પામ્ ઉપાદાયાધિતિષ્ઠતુ । અથ બ્રહ્માદયો દેવાઃ સ્વહૃદયમ્ અભાષન્ત ।
ઓં ઓં । ઓં વિઃ । ઓં રુઃ । ઓં ઇઃ । ઓં કઃ । ઓં ગઃ । ઓં ભૃઃ । ઓં કઃ ।
અથૈષાં મણ્ડલં ભવતિ ।
મણ્ડલં પૂર્વવલ્ લિખેદ્ મધ્યે ત્રૈલોક્યસંગ્રહમ્ ॥
તસ્યાગ્રતો લિખેદ્ વીરમ્ ઈશ્વરં શૂલપાણિમ્ ॥
પૃષ્ઠતો વિલિખેદ્ બ્રહ્માણં વામતશ્ ચક્રપાણિમ્ ॥
દક્ષિણેન લિખેદ્ ઇન્દ્રં સ્વમુદ્રાકરચિહ્નિતમ્ ॥
દ્વારપાલાસ્ તથૈવેહ ભાર્યા એસાં સ્વમણ્ડલે ॥
કલશાન્ પૂર્ણકુમ્ભાંશ્ ચ સ્થાપયેદ્ બાહ્યમણ્ડલે ॥
બલભદ્રં દીપ્તમહર્દ્ધિકમ્ ॥
તતઃ પ્રવિશ્ય તાન્ દેવાન્ આહ્વયતિ વિચક્ષણઃ ॥
જઃ હું વં હોઃ સુરાઃ સર્વે પ્રવિશધ્વં પુરોત્તમે ॥
અથ તાન્ તતો દ્ર્ષ્ટ્વા પૂજયેદ્ મહાસુખૈઃ ॥
તતઃ પ્રવેશયેચ્ છિષ્યાન્ મુદ્રયા વજ્રધારયા ॥
ઓં પ્રતીચ્છધ્વં મહાસત્ત્વા વજ્રધરાજ્ઞયા હું હ હ હ હોઃ ।
પુષ્પાન્ પ્રક્ષિપ્ય યથાવચ્ ચક્ષુર્ ઉદ્ઘાટ્ય દર્શયેત્ ॥
તતો ઽભિષિઞ્ચેત્ તોયેન કલશાદ્ અભિમન્ત્રિતમ્ ॥
તતઃ સર્વં પ્રદદ્યાત્ તદ્ દેવાનાં તુ યથેપ્સિતમ્ ॥
લક્ષમ્ એકં દ્વિલક્ષં વા કૃત્વા સેવાપ્રરોચિતમ્ ॥
સાધયેત્ સાધકસ્ તેષામ્ ઈશ્વરાદિસુરોત્તમાન્ ॥
એકલિંગાદિષુ સ્થાન અથ વા વજ્રપાણિનઃ ॥
ગૃહે તથાગતે ચાપિ સધાતુવરચૈત્યકે ॥
સાધયેત્ સાધકો નિત્યં સર્વદેવાન્ યથાવદ્ ઇતિ ॥
અર્ધરાત્રે તતો દેવા ગત્વા વેદય તે ધ્રુવમ્ ॥
ઈપ્સિતં ત્વયા કિં હિતં દાસ્યામો યથાસુખં ॥
વદ ભદ્ર દ્રુતં ચિન્ત્ય યેન દાસ્યામસ્ તે વરમ્ ॥
તતો યાચતે મન્ત્રજ્ઞો વરસિદ્ધિં તુ દેવતે ॥
રસરસાયનં દિવ્યમ્ અન્તર્ધાનં તુ ખે ગમમ્ ॥
ગુલિકારાજદ્રવ્યાદિ યાચયેદ્ મનૈષિણામ્ ॥ ઇતિ
અથ મહેશ્વરાદયો ભગવન્તં પ્રણિપત્યૈવમ્ આહુઃ । યે ભગવન્ લૌકિકલોકોત્તરમણ્ડલે પ્રવિશન્તિ તેષાં વયં ભગવન્ સર્વદેવાઃ સર્વાવરણાનિ વિશોધયામઃ । સ્વર્ગમાર્ગં ચ દર્શયામઃ । સુગતિમાર્ગં ચ દર્શયામઃ । અપાપમાર્ગં ચ દર્શયામઃ । સદ્ધર્મમાર્ગં ચ દર્શયામઃ । અનામાર્ગં ચ દર્શયામઃ । વિવેકમાર્ગં ચ દર્શયામઃ । સારમાર્ગં ચ દર્શયામઃ । નિર્વાણમાર્ગં ચ દર્શયામઃ । પ્રહાણમાર્ગં ચ દર્શયામઃ । નિઃક્લેશમાર્ગં ચ દર્શયામઃ । બુદ્ધત્વં ચ દર્શયામઃ । બોધિસત્ત્વત્વં ચ દર્શયામઃ । વજ્રધરત્વં ચ દર્શયામઃ । ઇતિ । સર્વદા સર્વભયેષુ ચ રક્ષાવરણગુપ્તિમ્ કરિષ્યામઃ । નગરનિગમજનપદરાજ્યરાષ્ટ્રરાજધાનીં ચ રક્ષયિષ્યામઃ । વિષયદેશગ્રામગોષ્ઠં ચ રક્ષયિષ્યામઃ । રાજ્યં ચ દાસ્યામઃ । પ્રાપ્તરાજ્યસ્ય રાજવૃદ્ધિં કરિષ્યામઃ । એકદ્વીપં દ્વિતીયં તૃતીયં ચતુર્થં સ્વર્ગમર્ત્યપાતાલં ચક્રવર્તિત્વં ચ દાસ્યામઃ । સંક્ષેપતઃ । શક્રત્વં બ્રહ્મત્વં વિષ્ણુત્વં મહેશ્વરત્વં ચ દાસ્યામ ઇતિ । અથ ભગવાન્ વજ્રપાણિઃ પુનર્ અપિ સ્વપર્ષન્મણ્ડલમ્ અવલોક્ય સ્મિતમ્ અકાર્ષીત્ । તતઃ પરિષન્મણ્ડલં પ્રચલન્ સંપ્રચલન્ ક્ષુભન્ પ્રક્ષુભન્ સંપ્રક્ષુભન્ જ્વલન્ પ્રજ્વલન્ સંપ્રજ્વલન્ હર્ષન્ પ્રહર્ષન્ સંપ્રહર્ષન્ ક્રીડન્ પ્રક્રીડન્ સંપ્રક્રીડન્ અનેકાન્ય્ આશ્ચર્યાદ્ભુતાનિ ચ લોકે સંપ્રદૃશ્યન્તે સ્મ ।
અથ બ્રહ્માદયો દેવગણાઃ સુવિસ્મયજાતા ભગવન્તં પ્રણિપત્યૈવમ્ આહુઃ । કિમ્ એતદ્ ભગવન્ સ્મિતસ્ય કારણં નાકારણેન બુદ્ધા ભગવન્તો બોધિસત્ત્વા વા સ્મિતમ્ ઉત્સૃજન્તિ । તસ્માદ્ ભગવાન્ વ્યાકરોતુ સ્મિતસ્ય કારણમ્ ઇતિ । અથ ભગવાન્ વજ્રપાણિર્ દેવાનામ્ અધ્યેષણાવાચમ્ ઉપશ્રુત્યૈવમ્ આહ । શ્રુતં બ્રહ્માદયો દેવા યત્ પુરઃ સર્વબુદ્ધૈશ્ ચ ભાષિતા મૃત્યુનાશની વિદ્યા વિદ્યામન્ત્રમહાતેજા અકાલમૃત્યુનાશની ।
અથ ભગવન્તં વજ્રપાણિં પ્રણિપત્ય તે બ્રહ્માદયો મહાદેવાઃ સંહૃષ્ટરોમકૂપજાતાઃ । સાધુકારં પ્રાદદુઃ । સાધુ સાધુ ભગવન્ સાધુ સાધુ વજ્રધર । દેશય તુ વિદ્યાં મહાતેજાં મહાબલપરાક્રમાં યેનાલ્પાયુષાઃ સત્ત્વા દીર્ગાયુષા ભવન્તિ । અકાલમૃત્યુગ્રસ્તાશ્ ચ યેનાકાલમરણાદ્ વિમુચ્યેરન્ । અપાયોપપન્નાશ્ ચ સર્વાપાયગતિપથાદ્ વિમુચ્યેરન્ । સંસારભયભીતાશ્ ચ સત્ત્વાઃ સુખોપાયેન સંસારપરાંમુખા ભવન્તિ । આશુર્ એવાનુત્તરસમ્યક્સંબોધિમ્ અભિસંબુધ્યન્ત ઇતિ । અથ ભગવાન્ વજ્રપાણિર્ બ્રહ્માદીનાં દેવાનામ્ અધ્યેષણાવચનમ્ ઉપશ્રુત્યેમાં સર્વતથાગતહૃદયવિદ્યાં સ્વકાયવાક્ચિત્તવજ્રેભ્યો નિશ્ચચાર ।
ઓં પુણ્યે પુણ્યે મહાપુણ્યે ઽપરિમિતાયુઃપુણ્યે જ્ઞાનસંભારોપચિતે સ્વાહા । હૃદયવિદ્યા ।
ઓં હ્રીઃ સ્વાહા । ઉપહૃદયવિદ્યા ।
ઓં ભ્રૂં સ્વાહા । હૃદયોપહૃદયવિદ્યા ।
ઓં ક્રું સ્વાહા । હૃદયસંચોદનીવિદ્યા ।
ઓં ત્રાં સ્વાહા । હૃદયોત્તરા ।
ઓં હં સ્વાહા । ગુહ્યહૃદયા ।
અથૈષાં મણ્ડલં ભવતિ ।
મણ્ડલં ચતુરારં કૃત્વા મધ્યે નિવેશયેદ્ અપરિમિતાયુઃપુણ્યજ્ઞાનસંભારતેજોરાજં નામ તથાગતમ્ । ભ્રૂંકારહૃદયમ્। તસ્યાગ્રતો વજ્રપાણિમ્ । હ્રીંકારહૃદયં । વામતઃ ક્રોધમ્ । ક્રુંકારહૃદયમ્ । દક્ષિણેનાકાશગર્ભમ્ । ત્રાંકારહૃદયમ્। પૃષ્ઠતો ઽભયંદદં નામાર્યાવલોકિતેશ્વરમ્ । હંકારહૃદયં । ( સ્દ્પ્ 216 ) તથાગતસ્ય પ્રભામણ્ડલે વિદ્યા લેખ્યાઃ । પઞ્ચાષ્ટૌ કલશાઃ સ્થાપ્યાશ્ ચક્રવર્ત્યભિમન્ત્રિતાઃ । સર્વકર્મિકક્રોધેનાભિમન્ત્રિતાસ્ ચ ધૂપાદિકં સ્થાપયેત્ પૂજાદિકં સર્વદ્વારપાલાન્ એવ ચ ।

તતઃ સંપ્રવિશ્ય સ્વયં મન્ત્રી । આકર્ષયેત્ સુગતોત્તમં સપુત્રભૃત્યસંઘૈશ્ ચ વૃતં વિદ્યયા સહ । વિદ્યા ચ સુગતવામપાર્શ્વે લેખ્યા । તતશ્ ચાત્માનમ્ અભિષિઞ્ચ્ય પર્યંકેન નિષદ્ય શતસહસ્રં જપેત્ । તથાગતં સંમુખં પશ્યતિ વજ્રધરાર્યાવલોકિતેશ્વરં વા । યથેપ્સિતં વરં પ્રતિલભતે । યદા સમાહિતસ્ તદા મનસા સર્વકર્મસમર્થો ભવતિ । તતઃ શિષ્યાન્ પ્રવેશયેદ્ વજ્રધરમુદ્રયા । ઇત્યભિમાનમ્ ઉત્પાદયેત્ ।
ઓં વજ્રધર રત્નધર પદ્મધર વિશ્વધર તથાગતસમયાતિક્રમ તથાગતસમયધારકો ઽહમ્ ।
તતો ઽનેન ક્ષેપયેત્ પુષ્પાન્ । ઓં સર્વતથાગત પ્રતીચ્છ હોઃ સમયસ્ ત્વં । તતસ્ તયા માલયાવેષ્ટયાભિષિઞ્ચયેત્ । ઓં સર્વતથાગતાભિષિઞ્ચ વજ્રધરાજ્ઞાપય હું ભ્રૂં । ઓં વજ્રવજ્રાભિષિઞ્ચ હું હું । ઓં વજ્રરત્નાભિષિઞ્ચ હું ત્રાં । ઓં વજ્રપદ્માભિષિઞ્ચ હું હ્રીઃ । ઓં કર્મવિશ્વાભિષિઞ્ચ અઃ હું કં ।
તતઃ સમયં દદ્યાદ્ આજ્ઞાભિષેકં ચ । તત્ર સમયં ।
ત્રિરત્નં ન પરિત્યાજં બોધિચિત્તઞ્ ચ સદ્ગુરુમ્ ॥
પ્રાણિનશ્ ચ ન સંઘાત્યા અદત્તં નૈવ ચાહરેત્ ॥
મૃષા નૈવ ચ ભાષેત નાચરેત્ તત્પરસ્ત્રિયં ॥
ગુરુનિન્દા ન સંકાર્યા નાપિ છાયાં તુ લંઘયેત્ ॥
અનાચાર્યાન્ ન ગૃહ્ણીયાદ્ નામમાચાર્યવજ્રિણઃ ॥
મન્ત્રમુદ્રા ન નિન્દેત દેવતાં ચાપિ કદાચન ॥
નિન્દેદ્ યદિ મોહાત્મા મ્રિયતે વ્યાધિભિર્ ધ્રુવમ્ ॥
નિર્માલ્યદેવતાચ્છાયાં મુદ્રાં ચાક્ષરચિહ્નકામ્ ॥
લૌકિકલોકોત્તરાં ચ પાદાભ્યાં ચાપિ નાક્રમેત્ ॥
રત્નત્રયાદિદ્રુગ્ધાનાં મૂઢાનાં બુદ્ધશાસને ॥
ગુરુનિન્દાપરાણાં યત્નાત્ ઘાતયેદ્ વિચક્ષણઃ ॥
અધર્મિકાન્ પાપરતાન્ સત્ત્વદ્રોહનતાન્ સદા ॥
હનેત્ કૃપાયા મન્ત્રી મન્ત્રેણ સમયદ્વિષાન્ ॥
કૃપણાર્થં ચ સંગૃહ્ય દદ્યાત્ સત્ત્વે સુદુઃખિતે ॥
ગુરુપૂજાનિમિત્તં ચ તથા સમયસાધને ॥
મણ્ડલાર્થે હરેદ્ અર્થં કૃપણાર્થં ચાપિ ચિન્તિતમ્ ॥
સમયિનાં હિતાર્થાય પૂજાર્થાય જિનૌરસામ્ ॥
રક્ષણાર્થાય ભાષેત મૃષા સત્ત્વહિતે રતઃ ॥
સમયગુરુદ્રવ્યં ચ પ્રાણાં પ્રાણિષુ સર્વદા ॥
રાગનાર્થાય બુદ્ધાનાં સમયપાલનાય ચ ॥
સેવયેત્ પરદારાં તુ સાધનાર્થાય મન્ત્રવિત્ ॥
સર્વકૃત્ સર્વભુગ્ વા કિં વજ્રસત્ત્વપદે સ્થિતઃ ॥
સિધ્યતે નૈવ દુષ્યેત કિં પુનઃ કૃપયાન્વિતઃ ॥ ઇતિ ।
તતો ઽનેન કિં મે અભિષેકં દદ્યાત્ ।
ઓં સર્વતથાગતાજ્ઞાં તે દાસ્યામિ ગૃહ્ણ વજ્રસુસિદ્ધયે ।
ઓં વજ્ર તિષ્ઠ હું ।
અનેન વજ્રં હસ્તે દત્વા કર્માભિષેકં દદ્યાત્ ॥
ઓં સર્વકર્માણિ કુરુ બુદ્ધાનાં હું ।
તતો ગુરુગૌરવં તેન દાતવ્યં દેહમ્ ઉત્તમમ્ ॥
દ્રવ્યં ધનધાન્યં ચ આસનં યાનમ્ એવ ચ ॥
વરભૃત્યપુરં ચૈવ રાજ્યમ્ ઐશ્વર્યમ્ એવ ચ ॥
પુત્રદુહિતૃકલત્રં ચ માતાભગિનીભગિનીમ્ ॥
અન્યાન્ અપીપ્સિતાંસ્ સર્વાન્ ગુરોર્ દેયાન્ હિતાશયઃ ॥
તતઃ સિદ્ધિં તુ પ્રાર્થયેદ્ બુદ્ધાનાં બોધિસાધિકામ્ ॥
અન્યાનિ ચ યથેષ્ટાનિ લૌકિકાનિ વર્દ્ધિકાનિ ॥
તતો દદ્યાદ્ ધિતાર્થાય સિદ્ધિં પુત્રસ્ય મન્ત્રવિત્ ॥

અમત્સરેણ ચિત્તેન શ્રદ્ધયા શ્રાદ્ધચેતસા ॥
નિઃસ્વભાવં તુ ધર્માણાં ભાવયિત્વા તુ ચેતસા ॥
અકારેન્દુમણ્ડલં ચિન્ત્ય તસ્ય મધ્યે સ્વબીજકમ્ ॥
ધ્યાત્વા સમયમુદ્રાં તુ ચિન્તયેત્ તમ્ એવ ચ ॥
સા એવ પરિવર્તેત દેવતાકારયોગતઃ ॥
તતો ઽધિતિષ્ઠેત્ તાં મુદ્રાં સ્વબિજેન તુ મુદ્રયા ॥
અભિષિઞ્ચેદ્ બુદ્ધૈસ્ તુ યથાવદ્ અનુપૂર્વશઃ ॥
તતો ઽભિમાનમ્ ઉત્પાદ્ય સાધયેદ્ વિચક્ષણઃ ॥
સિદ્ધિં તથાગતિં ચાપિ કિં પુનશ્ ચાન્યસિદ્ધયઃ ॥
અથ ભગવન્તં પ્રણિપત્ય બ્રહ્માદયો મહાદેવા એવમ્ આહુઃ । કિં ભગવન્ તસ્ય રાજપુત્રસ્ય રાજામાત્યસ્ય ક્ષત્રિયસ્ય બ્રાહ્મણસ્ય વૈશ્યસ્ય શૂદ્રસ્યાન્યસ્ય વા હીનજઘનસ્ય પ્રત્યન્તિકજનપદકુલજાત્યસ્યાસ્ય મણ્ડલરાજપ્રવિષ્ટસ્ય વિપાકં ભવતિ ।
ભગવાન્ આહ । સાધુ સાધુ મહાબ્રહ્માદયો દેવગણા યન્ મમેદમ્ અનાગતાનાં સત્ત્વાનાં હિતાય પરિપ્રષ્ટવન્ત ઇતિ । શૃણુત દેવગણસ્ય મણ્ડલરાજપ્રવિષ્ટસ્યાભિષિક્તસ્ય લિખિતસ્ય લિખાપયિતસ્યાનુમોદિતસ્ય વન્દિતસ્ય પૂજિતસ્ય ફલવિપાકં ચેતિ । અહમ્ અપિ દેવપુત્રાઃ સંક્ષેપતો નોત્સાહામિ । અનુશંસા વક્તું યન્ મમ પુણ્યસંભારં તમ્ અનેકશતસહસ્રગુણિતં કૃત્વા સંખ્યામ્ અપિ ગણનામ્ અપ્ય્ ઉપમામ્ અપિ ન ક્ષમતે । યાવત્ સર્વતથાગતાનામ્ અપિ પુણ્યસ્કન્ધં ન ક્ષમતે । ઇતિ ।
આશ્ચર્યં ભગવન્ આશ્ચર્યં વજ્રધર યદ્ એવં મણ્ડલપ્રવિષ્ટાનાં સત્ત્વાનાં ફલવિપાકમ્ ઇતિ । ઉત્સાહામો વયં ભગવન્ ઉત્સાહામો ભગવન્ વજ્રધર મણ્ડલાદિપ્રવેશમ્ ।
અથ તે દેવાસ્ તથૈવ નમસ્યૈવમ્ આહુઃ । સન્તિ ભગવન્ સત્ત્વા જમ્બુદ્વીપકા અલ્પાયુષો મન્દપુણ્યા અપાયગતિકા નરકપ્રેતતિર્યક્પ્રત્યુપપન્ના વા તેસાં કથં વયં ભગવન્ પ્રતિપત્સ્યામઃ ।
તેષાં ભો દેવપુત્રા ઇહૈવ મણ્ડલે પ્રવેશયધ્વં । પ્રવેશ્ય ચાભિષિઞ્ચયધ્વમ્ । ધર્મતાક્ષરં ચ જપયધ્વમ્ । તેન તે સત્ત્વા દીર્ઘાયુષ્કા ભવન્તિ । પુણ્યહીનાઃ પુણ્યવન્તો ભવન્તિ । અપાયાદ્ વિનિર્મુક્તા ભવન્તિ । યે ચાપાયોત્પન્નાસ્ તેષાં ભો દેવપુત્રા નામાભિષેકં કુરુત । પ્રતિબિમ્બાભિષેકં કુરુત । સ્તૂપાભિષેકં કુરુત । સ્વદેવતાકાયાભિષેકં કુરુત । અન્તશસ્ તજ્જન્યં તત્પુત્રં તદ્ગોત્રં તન્નામધારકં વા ભૃત્યં વાભિષિઞ્ચધ્વં સપ્તરાત્રદિવસ્ય સપ્તભિર્ મણ્ડલે પ્રવેશ્યાભિષેકૈર્ વિમુચ્યત અપાયાવરણાત્ । તન્નામકેનાપિ દેવપુત્રા જપધ્વં દ્વિલક્ષં ત્રિલક્ષં ચતુલ્લક્ષં યાવલ્ લક્ષશતસહસ્રં પઞ્ચાનન્તર્યકારિણો ઽપિ વિમુચ્યન્તે । કિં પુણઃ સ્વલ્પપાપકારિણ ઇતિ ।
હસ્તમાત્રં દેવપુત્રા વર્તુલં દ્વિહસ્તં વા શાન્તિકં કુણ્ડં કૃત્વા હીનોત્કૃષ્ટમધ્યમં તન્નામ્ના શ્વેતસર્ષપાનાં શતસહસ્રં જુહુયાત્ । સર્વાપાયાદ્ વિમુચ્યતે । તન્માંસાસ્થિકેશભસ્માદિકં વા તેનૈવ વિધાનેન જુહુયાત્ । સર્વપાપાદ્ વિમુચ્યતે ।
તન્મધ્યે લિખેચ્ ચક્રમ્ અષ્ટારશ્વેતજ્વાલિનમ્ ॥
સમન્તાલ્ લિખેદ્ વજ્રં પઞ્ચશૂલં સિતાંશુલમ્ ॥
વિશ્વવજ્રં તતો કુર્યાદ્ વજ્રરત્નામ્બુજોત્તમં ॥
તતો નાનાવિધામુદ્રાં કુર્યાત્ પાપહનનાય ॥
બાહ્યવજ્રકુલાનાં તુ મુદ્રા બાહ્યતો લિખેત્ ॥
ગ્રહનક્ષત્રચિહ્નાનિ તથા લોકભૃત્યાન્ અપિ ॥
પટપ્રતિમાં તુ નાથસ્ય સ્થાપયેદ્ વજ્રિણા સહ ॥
કલશાન્ પૂર્ણકુમ્ભાંશ્ ચ બલિનૈવેદ્યશુક્લકાન્ ॥
સૂત્રયિત્વા સમાસેન સંલિખ્ય ચ યથાવિધૈઃ ॥
શ્વેતામ્બરધરો ભૂત્વા બુદ્ધરૂપી વિશારદઃ ॥
અનુસ્મૃત્ય ચ તં સત્ત્વમ્ અપાયગતિસંસ્થિતમ્ ॥
હોમયેચ્ છુદ્ધસંતાનઃ પાપાવરણશાન્તયે ॥
ઘૃતક્ષીરસમાક્ષિકૈર્ લાજસર્ષપમિશ્રિતૈઃ ॥
અસ્થિમાંસાદિકં તસ્યાથ વા નામમાત્રકૈર્ ॥ ઇતિ ॥
ઉત્પાદ્ય સુગતૌ તસ્ય પુષ્ટિં કુર્યાદ્ વિચક્ષણઃ ॥
દ્વિહસ્તં ચતુર્હસ્તં વાષ્ટહસ્તં તથોત્તમમ્ ॥
કૃત્વા કુણ્ડં ચતુઃકોણં સમન્તાદ્ વેદિકાયુક્તમ્ ॥
તસ્ય મધ્યે રત્નપદ્મં તુ લિખેત્ પીતરશ્મિનમ્ ॥
સમન્તાલ્ લિખેદ્ રત્નં વેદિકાયાં તુ અંબુજં ॥
કુલપઞ્ચકભેદેન લિખેદ્ મુદ્રાં તુ બાહ્યતઃ ॥
તથૈવ બાહ્યદેવાનાં લિખેદ્ અંકુશાદિકમ્ ॥
પીતામ્બરધરો ભૂત્વાનુસ્મૃત્ય સુગતિસંસ્થિતમ્ ॥
કુર્યાત્ પૌષ્ટિકકર્મ પુષ્ટ્યર્થાય તદ્ધિતમ્ ॥
આયુઃશ્રીકાન્તિસૌભાગ્યં વર્ધયેત્ તસ્ય દેહિનઃ ॥
તતઃ કુર્યાદ્ વશ્યં તુ તસ્ય કર્મ હિતાય ॥

દ્વિહસ્તં ચતુર્હસ્તં તુ કૃત્વા કુણ્ડં ધનુરાકૃતિમ્ ॥
હસ્તં વા તસ્ય મધ્યે તુ સંલિખ્ય રક્તમ્ અમ્બુજમ્ ॥
તસ્યોપરિ ચ સંલિખેત્ સશરં ધનુર્ એવ ચ ॥
સમન્તાચ્ ચ લિખેચ્ ચાપં સશરં રક્તવર્ણકમ્ ॥
બાહ્યતસ્ તદ્વદ્ એવાસ્ય કુર્યાદ્ મન્ત્રભૂતઃ સદા ॥
સ્મૃત્વા તસ્ય સત્ત્વસ્ય રક્તામ્બરભુષિતઃ ॥
રક્તપુષ્પામ્બુજં વાપિ ફલં રક્તં સધાતુકમ્ ॥
ભવેત્ તસ્ય દેવાદયો ઘૃતમિશ્રિતકુંકુમૈઃ ॥
રક્તચન્દનચૂર્ણૈશ્ ચ સર્વે તિષ્ઠન્તિ તદ્વશાઃ ॥
તસ્ય દુષ્ટવિનાશાય અભિચારં સમારભેત્ ॥
દ્વ્યર્ધહસ્તં ત્રિહસ્તં વા નવહસ્તં તથોત્તમમ્ ॥
કૃત્વા કોણત્રયૈર્ યુક્તૈર્ મધ્યે વજ્રનવાત્મકમ્ ॥
ત્રિસૂચિકૈર્ વૃતાં વેદીં કૃત્વા વિશ્વૈશ્ ચ વજ્રિભિઃ ॥
દણ્ડમુણ્ડત્રિશૂલાંકૈર્ વજ્રપરશુસૂચિકૈઃ ॥
કારયેદ્ બાહ્યતો ચાપિ ત્રિપુટં પૂર્વવચ્ ચિત્રમ્ ॥
કલશાન્ બલિકુમ્ભાંશ્ ચ નૈવેદ્યાન્ સ્થાપયેદ્ બહુ ॥
માંસરુધિરસંપૂર્ણાઃ કપાલાશ્ ચાપિ સર્વતઃ ॥
કૃષ્ણામ્બરધરઃ ક્રુદ્ધસ્ ત્રૈલોક્યવિજયી સ્વયમ્ ॥
સર્વપાપાદિવિઘ્નાનાં નાશયેત્ તસ્ય દેહિનઃ ॥
તતઃ સૌહતપાપાત્મા નિર્વિઘ્નશ્ ચરતે સુખમ્ ॥
સ્વર્ગલોકેષુ માનુષ્યે યાવત્ ત્રૈલોક્યધાતુષુ ॥
અનેનૈવ ક્રમેણાશુ કુર્યાજ્ જન્મનીહ સ્થિતાન્ ॥
તતસ્ તથૈવ સ્યાત્ તેષાં યેષામ્ ઉદ્દિશ્ય કાર્યતે ॥
અન્યાન્ય્ અપિ કર્માણિ યથા પૂર્વં તથા કુર્યાત્ ॥
તેન સંપદ્યતે ક્ષિપ્રં સત્ત્વાનાં ચ સુખાવહમ્ ॥
અથ બ્રહ્માદયો દેવાઃ સંહૃષ્ટમનસો ભગવન્તં નમસ્યૈવમ્ આહુઃ । યો ભગવન્ અપાયોપપન્નાનાં સત્ત્વાનામ્ અર્થાય હિતાય સુખાય । એતં કલ્પરાજં લિખિષ્યતિ લિખાપયિષ્યતિ । કિં પુનર્ યથાનિર્દિષ્ટમ્ અવિકલ્પયતઃ કરિષ્યતિ । વયં બ્રહ્માદ્દયો દેવાસ્ તસ્ય કુલપુત્રસ્ય કુલદુહિતુર્ વા ભૃત્યવત્ પરિપાલયિષ્યામઃ । યશ્ ચ રાજૈવ રાજપુત્રો વા રાજામાત્યો વા યથાપઠિતું મન્ત્રં વર્તયિષ્યતિ તસ્ય રાજવૃદ્ધિં કરિષ્યામઃ । વિષયદેશાંશ્ ચ જનપરિવારજનસસ્યાદિરક્ષાં ચ કરિષ્યામઃ । બહુધનધાન્યસમૃદ્ધિં કરિષ્યામઃ । સ્ત્રીપુરુષદારકદારિકાસંપદં ચ કરિષ્યામઃ । ઋદ્ધિં ચ સ્ફીતં ચ સુભિક્ષં ચ ક્ષેમં ચ કરિષ્યામઃ । યશ્ ચેદં કલ્પરાજં શ્રાદ્ધો ધ્વજાગ્રાવરોપિતં કૃત્વા નગરનિગમાદિસુ પ્રવેશયેત્ સ્વયં વા પ્રત્યુદ્ગચ્છેદ્ ધસ્તિસ્કન્ધાવરોપિતં ચ કૃત્વા સર્વગ્રામનગરાદિકં ભ્રામયેત્ । સર્વમૃત્યૂપદ્રવં ચ નશ્યતિ । તસ્ય મહાસત્ત્વસ્ય પદં જ્ઞાસ્યામો ભૃત્યત્વેન પુત્રત્વેન વા । યત્ર પાપં પ્રચરિષ્યતિ તત્ર ભગવાન્ વજ્રપાણિઃ સ્વયમ્ એવ સંભોગિકૈઃ કાયૈર્ વજ્રસત્ત્વરૂપેણ વ્યવસ્થિત ઇતિ મન્યામઃ । સ એવ ભગવાન્ વજ્રસત્ત્વઃ સમન્તભદ્રઃ સર્વાશાપરિપૂરકઃ કલ્પરાજરૂપેણ વિહરતીતિ મન્યામઃ । સર્વતથાગતાશ્ ચ સપરિવારા વિહરન્ત ઇતિ મન્યામઃ । તં ચ પૃથિવીપ્રદેશં ચૈત્યભૂતં મન્યામઃ । પૂજયામો વન્દયામઃ । આરક્ષિષ્યામઃ । યશ્ ચૈનં કલ્પરાજં પ્રચરિષ્યતિ વજ્રાચાર્યમહાતપા તસ્ય વયં બ્રહ્માદયો દેવા ભૃત્યા ભવામઃ । ચેટત્વેનોપતિષ્ઠામઃ । કિંકરત્વેનોપતિષ્ઠામઃ । સર્વાજ્ઞાત્વે કરિષ્યામઃ । સર્વહિતં સુખં ચ કરિષ્યામઃ । સર્વસિદ્ધિં ચ પ્રયચ્છામઃ । સંક્ષેપતશ્ ચ ભગવન્ તસ્ય પાદરજાંસિ શિરસા ધારયામઃ ।
વન્દયામો ભગવન્ પૂજયામો ભગવન્ તસ્ય પૃષ્ઠતશ્ ચાનુગચ્છામઃ । યે ભગવન્ સત્ત્વા મણ્ડલે ઽભિષિક્તાસ્ તે ઽસ્માકં પ્રભુર્ ઇતિ મન્યામઃ । વજ્રપાણિર્ ઇતિ મન્યામઃ । વજ્રસત્ત્વ ઇતિ મન્યામઃ । મહાસુખસમન્તભદ્ર ઇતિ મન્યામઃ । તથાગતશ્ ચેતિ મન્યામઃ ।
અથ ભગવાન્ વજ્રપાણિસ્ તાન્ બ્રહ્માદીન્ દેવાન્ એવાહ । સાધુ સાધુ બ્રહ્માદયો દેવા યેન ધર્મગૌરવેણૈવ ભૂતાં પ્રતિજ્ઞાં કુર્વતસ્ તત્ સાધુ પ્રતિપદ્યધ્વમ્ ઇતિ ।
ઇઇઇ
અથ ભગવાન્ વજ્રપાણિઃ સર્વમન્ત્રવિદ્યાહૃદયદૃઢીકરણાર્થં સ્વહૃદયમ્ અભાષત ।
ઓં ભ્રૂં ત્રૂં વજ્રપાણિ દૃધં તિષ્ઠ હું । ઓં હું ।
ઓં વજ્ર હું ફત્ । ઓં દૃઢવજ્ર હું । ઓં વજ્ર હું સઃ ।
ઓં વજ્ર હું સ્રઃ ।
અથાસ્ય મણ્ડલં ભવતિ ।
મણ્ડલં પૂર્વવલ્ લિખ્ય મધ્યે વજ્રં સમાલિખેત્ ॥
અથ વા વજ્રસત્ત્વં તુ સમન્તભદ્રં મહાસુખમ્ ॥
પુરતો વજ્રપાણિં તુ દક્ષિણે રત્નપાણિનમ્ ॥
પશ્ચિમે પદ્મપાણિં તુ વિશ્વપાણિં તુ ચોત્તરે ॥
બાહ્યતો મણ્ડલીકૃત્ય સર્વ બુદ્ધાન્ નિવેશયેત્ ॥
તસ્ય બાહ્યે તુ સત્ત્વાખ્યં સંલિખેદ્ તુ યથાક્રમમ્ ॥

તદ્બાહ્યે ઽપિ લિખેત્ સત્ત્વાન્ મૈત્રેયાદીન્ મહોત્તમાન્ ॥
તદ્બાહ્યે તુ લિખેદ્ ભિક્ષૂન્ આનન્દાદીન્ મુનીન્ તથા ॥
બ્રહ્માદીંશ્ ચ લિખેદ્ બાહ્યે સભાર્યાયન્ત્રમણ્ડિતાન્ ॥
ગ્રહનક્ષત્રચન્દ્રસૂર્યં ચતુર્નામવીરજિનામ્ ॥
દિગ્લોકપાલાનાં સંલિખેદ્ અસ્મિન્ મણ્ડલે ॥
બાહ્યતસ્ તુ નારકાદીન્ તિર્યગુપમામ્ ॥
દ્વારે દ્વારે તથૈવાપિ ॥
દિનેષ્વ્ એતેષુ દશસુ પ્રયત્નતો મણ્ડલં લિખેત્ ॥
કૃષ્ણપક્ષે ઽપિ યદ્બલ્યો મણ્ડલં ન વિરુધ્યતે ॥
પઞ્ચમ્યામ્ અથ સપ્તમ્યાં પૂર્ણમાસ્યાં વિશેષતઃ ॥
શસ્યતે પદ્મહસ્તસ્ય મણ્ડલાનાં ક્રિયાવિધિઃ ॥
યાનિ ચ ક્રૂરકર્માસુ તાન્ય્ આલિખેત્ કૃષ્ણે ઽપિ ॥
ક્રોધાનાં મણ્ડલાનિ ચ પૂર્ણમાસ્યાં વિશેષેન ॥
શસ્યન્તે જિનમણ્ડલાઃ ॥
અથાધિવાસનાં કુર્યાત્ સ્વોભૂતે મણ્ડલોદ્યમે ॥
દિગ્ભાગં લક્ષયેત્ પૂર્વમ્ ઉદયેન વિવસ્વતઃ ॥
તતો મણ્ડલવિન્યાસં મનસા પરિકલ્પયેત્ ॥
મન્ત્રતન્ત્રોદિતં સ્નિગ્ધં મન્ત્રરૂપશુભં શુચિ ॥
મનો ઽનુકૂલં ભોક્તવ્યં સ્વશિષ્યૈઃ સહ માત્રયા ॥
તતઃ પ્રદોષે સુસ્નાતઃ શિતામ્બરધરઃ શુચિઃ ॥
સહ શિષ્યૈર્ ગુરુર્ ધીમાન્ આગચ્છેન્ મણ્ડલાન્તિકં ॥
સૂપલિપ્તે સુસંમૃષ્ટે પ્રદેશે મણ્ડલસ્ય તુ ॥
મહાક્રોધાભિજપ્તેન પ્રોક્ષિતે ગન્ધવારિણા ॥
મધ્યે ઽધિવાસનાં કુર્યાત્ કુલાનાં હૃદયેન તુ ॥
મણ્ડલાધિપમન્ત્રેણ સર્વકર્માણિ કારયેત્ ॥
ગન્ધમણ્ડલકં કૃત્વા મેદિન્યાં દ્વાદશાંગુલમ્ ॥
સપ્તશઃ પાણિનાલભ્ય જપેન્ મણ્ડલવિદ્યયા ॥
દેવતાનાં તુ પશ્ચાન્ મહતાં નામ બોધિયા ॥
હૃદયેન યથાભાગં ગન્ધપુષ્પાદિપૂજનં ॥
કૃત્વા બલિશ્ ચ દાતવ્યો ધૂપશ્ ચૈવાભિમન્ત્રિતઃ ॥
તતો ઽભિમન્ત્રયેત્ તોયં ચન્દનેન વિમિશ્રિતમ્ ॥
તસ્મિન્ દેયાનિ પુષ્પાણિ ધૂપયેચ્ ચ વિધાનતઃ ॥
ઔદુમ્બરં દન્તકાષ્ટમ્ અશ્વત્થં વાપિ નિર્વ્રણમ્ ॥
નાતિકૃશં નાતિસ્થૂલં દ્વાદશાંગુલસંમિતમ્ ॥
ક્ષાલિતં ગન્ધતોયેન સૂત્રકેન વિવેષ્ટિતમ્ ॥
ધૂપિતં ગન્ધદિગ્ધં ચ જપેદ્ આલભ્ય પાણિના ॥
હૃદયં ચ બહુશઃ સપ્તશો વા કુલસ્ય તુ ॥
શિષ્યાણાં પરિમાણેન દન્તકાષ્ઠાદિસંગ્રહઃ ॥
એકાદ્યાનિ ચ કર્યાણિ અગ્રેણૈવ ખાદયેત્ ॥
તતો રક્ષાં દૃઢં કૃત્વા શિષ્યાણામ્ આત્મના બુધઃ ॥

હોમકર્મ સઘૃતાક્તાભિઃ સમિદ્ભિશ્ ચ ॥
તિલૈશ્ ચ ઘૃતમિશ્રિતૈર્ ઘૃતૈર્ આહુતિહોમૈશ્ ચ ॥
દધ્યન્નેન ચ હોમયેત્ ॥
પ્રથમં વિઘ્નશાન્ત્યર્થં તતો ઽનુહૃદયેન ચ ॥
તતો ઽનુશાન્તિહોમં ચ કુર્યાચ્ છાન્તિં વા પાપસ્ય ॥
તતઃ શિષ્યાન્ પરીક્ષયેદ્ વિધિના ચાધિવાસયેત્ ॥
તદહઃ શક્તિતઃ કુર્યાત્ સંવરં ગ્રહણં તથા ॥
તેષામ્ એવં વિધાનં તુ શુચીનાં શુક્લવાસસામ્ ॥
પ્રાઙ્મુખાનાં નિષણ્ણાનામ્ આરભેદ્ અધિવાસનામ્ ॥
આદૌ ત્રિશરનં દદ્યાદ્ બોધિચિત્તં તતો ગુરુઃ ॥
ઉદ્પાદયેદ્ અનુત્પન્નમ્ ઉત્પન્નં સ્મારયેત્ પુનઃ ॥
તતઃ ક્રોધાભિજપ્તેન વારિણાભ્યુક્ષયેચ્ છિરઃ ॥
શિરસિ આલભ્ય જપેત્ સપ્તવારાન્ સમાહિતઃ ॥
વિદ્યારજસ્ય હૃદયં ગન્ધદિગ્ધેન પાણિના ॥
આલભ્ય ભયં વર્તેત સપ્તવારં વિચક્ષણઃ ॥
ચક્રવર્તિજિનકુલે વિદ્યારાજૈકમ્ અક્ષરમ્ ॥
હયશ્વેતામ્બુજકુલે વિદ્યારાજો દશાક્ષરઃ ॥
સુમ્ભતથાવજ્રકુલે વિદ્યારાજો મહર્દ્ધિકઃ ॥
યુક્તશ્ ચતુર્ભિર્ હુંકારૈઃ પ્રચણ્ડઃ સર્વકર્મસુ ॥
કુલત્રયેષુ સામાન્યઃ ક્રોધો હ્ય્ અમૃતકુણ્ડલિઃ ॥
સર્વવિઘ્નવિનાશાય ગુહ્યકાધિપભાષિતઃ ॥
સર્વકર્મિકમન્ત્રેણ મૂર્ધ્ન્ય્ આલભ્ય તતો જપેત્ ॥
પ્રોક્ષયેચ્ ચાપિ તેનૈવ ધૂપનેન ચ ધૂપયેત્ ॥
અભિષેકાય કલશં સર્વવ્રીહ્યાદિસંયુતમ્ ॥
સ્તોકં તોયસ્ય નિક્ષિપ્ય વિદ્યારાજાભિમન્ત્રિતમ્ ॥
અધિવાસયેદ્ વિધિવદ્ દત્વાર્ઘં ગન્ધવારિણા ॥
કુસુમાનિ વિનિક્ષિપ્ય ધૂપનેનાધિવાસયેત્ ॥
અહન્ય્ અહનિ ત્રિસંધ્યં તત્સમ્યક્ પરિજપેદ્ બુધઃ ॥
તેનાભિષેકં કુર્વીત પુનર્ જપ્તેન મણ્ડલે ॥
શિષ્યાણાં તુ સમગ્રાણામ્ અઞ્જલ્યા ઉત્તરામુખમ્ ॥
દન્તકાષ્ઠં તતો દદ્યાદ્ આસનાનાં યથાક્રમં ॥
ખાદયન્ પ્રાઙ્મુખાન્ શિષ્યાન્ દન્તકાષ્ઠાદિ બાહ્યતાત્ ॥
સ્ફુટયેત્ પૂર્ણં ખાદિત્વા ક્ષિપેયુશ્ ચ ન પાર્શ્વતઃ ॥
સમ્યક્ ક્ષિપ્તં દન્તકાષ્ઠં પતેદ્ અભિમુખં યદા ॥
જ્ઞેયાત્ તસ્યોત્તમાસિદ્ધિર્ યસ્ય ચાપિ ઉન્મુખં ભવેત્ ॥
પ્રાગગ્રેણ તથા સિદ્ધિર્ મધ્યમા પરિકીર્તિતા ॥
ઉદઙ્મુખેન તુ ચક્ષુ વિદ્યાસિદ્ધિસ્ તુ લૌકિકી ॥
દન્તકાષ્ઠં ભવેત્ ક્ષિપ્તં કથઞ્ચિદ્ યદાધોમુખં ॥
તદા પાતાલસિદ્ધિઃ સ્યાદ્ ભવાન્ નાસ્ત્ય્ અત્ર સંશયઃ ॥
શિષ્યાણામ્ ઉપસ્પૃષ્ઠાનામ્ આસીનાનાં તુ પૂર્વવત્ ॥

સર્વકર્મિકમન્ત્રેણ દદ્યાદ્ ગન્ધોદકં ગુરુઃ ॥
એકૈકસ્ય તુ પાનાય દદ્યાચ્ ચુલુકત્રયમ્ ॥
તત્રૈવ પીત્વા વ્યુત્થાય એકાનેકભિર્ આચરેત્ ॥
તતઃ પૂજાં પુનઃ કૃત્વા ધૂપમ્ ઉત્ક્ષિપ્ય પાણિના ॥
અધ્યેષયેદ્ મતિમાન્ ભક્તિમ્ આસ્થાય દેવતામ્ ॥
પૂર્વમ્ આમન્ત્રયેદ્ મન્ત્રં યસ્ય તદ્ મણ્ડલં ભવેત્ ॥
તેનાનુક્રમયોગેન દેવતાનાં નિમન્ત્રણં ॥
ભગવન્ અમુકનામ વિદ્યારાજ નમો ઽસ્તુ તે ॥
સ્વો ઽહં લિખિતુમ્ ઇચ્છામિ મણ્ડલં કરૂણાત્મકમ્ ॥
શિષ્યાણામ્ અનુકમ્પાય યુષ્માકં પૂજનાય ચ ॥
તન્ મે ભક્તસ્ય ભગવન્ પ્રસાદં કર્તુમ્ અર્હસિ ॥
સમન્વાહરન્તુ માં બુદ્ધા લોકનાથાઃ કૃપાલવઃ ॥
અર્હન્તો બોધિસત્ત્વાશ્ ચ યા ચાન્યા મન્ત્રદેવતા ॥
દેવતાલોકપાલાશ્ ચ યે ચ ભુતન્મહર્દ્ધિકાઃ ॥
શાસનાભિરતાઃ સત્ત્વા યે કેચિદ્ દિવ્યચક્ષુષઃ ॥
અહમ્ અમુકનામ્ના તુ અમુકં મણ્ડલં શુભમ્ ॥
સ્વભૂતે તુ કરિષ્યામિ યથાશક્ત્યુપચારતઃ ॥
અનુકમ્પામ્ ઉપાદાય સશિષ્યસ્ય તુ તન્ મમ ॥
મણ્ડલે સહિતાઃ સર્વે સાનિધ્યં કર્તુમ્ અર્હથ ॥
એવમ્ ઉક્ત્વા તુ યા વાચા નમસ્ કૃત્વા ભગવતઃ ॥
સ્તોત્રોપહારં કૃત્વા ચ તતઃ કુર્યાદ્ વિસર્જનમ્ ॥
વિરાગપ્રતિસંયુક્તાં શિષ્યાણાં ધર્મદેશનામ્ ॥
કૃત્વા પ્રાચ્છિરસો ધીમાન્ સ્થાપયેત્ કુશલં સ્તરે ॥
પ્રભાતાયાં તતો રાત્ર્યાં પ્ર્ચ્છતે સ્વપ્નદર્શનં ॥
શ્રુત્વા દિને નિર્વિશંકઃ શુભં વા યદિ વાશુભં ॥
બુદ્ધધરો રાજાનાં સમયેત્ સપ્તકુલાનિ તુ ॥
તતસ્ ત્વં સમયં પુત્ર સંવરં જિનભાષિતમ્ ॥
શ્રદ્ધયા ગુરોર્ આજ્ઞાં ચ પાલય પ્રાણિનો ન ત્વયા ઘાત્યાઃ ॥
નાદત્તં ગ્રાહ્યં કામમિથ્યા ન કાર્યા સિદ્ધિમ્ ઇચ્છતામ્ ॥
ન મદ્યં પેયં માંસાદિ ભક્ષં નૈવ કદાચન ॥
સત્ત્વાનામ્ અહિતં ન કાર્યં ત્યાજ્યં રત્નત્રયં ન ચ ॥
બોધિચિત્તહૃન્મુદ્રા તુ ગુરુદેવાસ્ તથૈવ ચ ॥
અલંઘ્યા ગુરોર્ આજ્ઞા યતઃ પાપં તુ લંઘયેત્ ॥
ન લંઘયેચ્ ચ નિર્માલ્યં તચ્છાયાં નાક્રમેત્ ॥
મુદ્રાકારાન્ તથૈવ ચ ॥
ન નિન્દયેદ્ મન્ત્રદેવતાં ગ્રહકર્માણિ ન કુર્વીત ॥
તીર્થિકાંશ્ ચ ન નિન્દયેત્ ॥
સંક્ષેપતો વિમતિકાંક્ષા વિચિકિત્સા ન કાર્યા ॥
આત્મતન્ત્રદેવાદિષુ તથૈવ ચ ॥
દૃઢશ્રદ્ધયા યથાવત્ સર્વવિદાભિષેકતઃ ॥

કુમ્ભાદિભિઃ સમગ્રૈર્ દશાનાં દશાભિષેકો યથેચ્છમ્ ॥
તતો વજ્રઘણ્ટાશ્ ચ હસ્તે દાતવ્યાઃ ॥
તતશ્ ચક્રાદિસપ્તરત્નાનિ ગૃહીત્વા ॥
રાજ્યૈશ્વર્યાદિચક્રવર્તિત્વપ્રાપ્તયે ॥
પાપસ્ફોટનાય ચાભિષિઞ્ચેત્ ॥
મન્ત્રસાધયિતુકામસ્ય શિષ્યસ્યાજ્ઞાં શ્રાવયેત્ ॥
તતઃ શ્રદ્ધયા શિરસા પ્રણમ્ય વિદ્યમાનદ્રવ્યમ્ ॥
ગુરવે દેયમ્ ॥
રત્નનિધાનવ્રીહિહિરણ્યસુવર્ણવાહનગૃહાઃ ॥
આસનદારકદારિકાપુરુષસ્ત્રિયો દેયાઃ ॥
ગ્રામનગરાણિ ચ યથેપ્સિતાનિ ॥
સ્વચિત્તપ્રસાદેન દક્ષિણાનિ વેશયેત્ ॥
આશુસિદ્ધયે ગુરવે સંક્ષિપ્ત આત્માનમ્ અપિ નિવેદયેત્ ॥
ઇહૈવ જન્મન્ય્ અનવશેષસુખાનિ પરલોકે ચોત્તમસુખં ॥
બુદ્ધત્વં પ્રાપ્યતે કિં પુનર્ દેવસુખમ્ ॥
સર્વબુદ્ધસમં ગુરું વજ્રાચાર્યનિન્દયા ॥
નિત્યદુઃખાવાપ્તિર્ ઇતિ આચાર્યં ન નિન્દયેત્ ॥
વજ્રબ્ભાતૃભગિનીમાતા યોગી ન નિન્દયેત્ ॥
ઉપનાહં ચ ન કુર્યાત્ ॥ રત્નત્રયોપકારિણો ન ક્ષમેત્ ॥
ગુરુનિન્દકાન્ દુષ્ટાન્ સમયાતિક્રમિણો ઽપિ તથૈવ ચ ॥
એવમાદ્યપકારકાઇન્શ્ ચ ॥
એવં સન્તિ સર્વવિદ્ભાષિતાં સિદ્ધિમ્ આપ્નોતિ ॥
સર્વસત્ત્વાનુકમ્પી સિદ્ધિં પ્રાપ્નોતિ શિગ્રજામ્ ॥
અથ ખલુ ભગવાન્ દેવેન્દ્રસદેવલોકહિતસુખાર્થાય સાધનવિધિમ્ અભાષત । પટે ભગવન્તં સર્વવિદં તથૈવ લિખેત્ । દક્ષિણે સર્વદુર્ગતિપરિશોધનરાજં તથાગતમ્ । વામે શાક્યમુનિમ્ । સર્વદુર્ગતિપરિશોધનસ્યાધસ્તાદ્ આર્યાવલોકિતેશ્વરં ચન્દ્રાર્કવર્ણપદ્મપાણિમ્ । શાક્યમુનેર્ અધસ્તાદ્ વજ્રપાણિમ્ । તયોર્ મધ્યે ભૈષજ્યરાજં નીલવર્ણમ્ એકેન હસ્તેન હારિતકીફલં ધારયન્તમ્ અપરેણ વરદં કારયન્તમ્ । હયગ્રીવત્રૈલોક્યવિજયૌ ચ દુષ્ટદમનતત્પરૌ સ્વદેવતાભિમુખૌ લિખેત્ । તયોર્ મધ્યે લોચનામામકીપાણ્ડુરવાસિનીતારાઃ સ્વચિહ્નકરા લિખેત્ । તાસામ્ અધસ્તાત્ પુષ્કરિણીં મકરમત્સ્યશ્વેતમણ્ડુકાદિસહિતામ્ અનેકજલજપુષ્પપરિપૂર્ણાં લિખેત્ । ધૂપદીપગન્ધમાલ્યનૈવેદ્યપુષ્પફલાનિ નાનાપ્રકારાણિ ચ લિખેત્ । અધસ્તાચ્ ચ સાધકં અઞ્જલિં કૃત્વા પ્રણમન્તં લિખેદ્ નિષણ્ણમ્ ।
તતઃ પટસત્યાધિષ્ઠાનમ્ અવલમ્બ્ય ચક્ષુરુન્મીલનં કૃત્વા પૂજયેત્ । તતો યદિ નિમિત્તં પશ્યેત્ સિદ્ધ્યતિ શીગ્રમ્ । યદિ ન પશ્યેચ્ ચિરં સિદ્ધ્યતિ । હસિતુંકર્મશબ્દં ચ ઘણ્ટાધ્વનિગર્જિતમ્ એવ ચ ॥
ભિક્ષુબ્રાહ્મણકન્યાશ્ ચ ફલાનિ ચ દૃષ્ટ્વા શીઘ્રમ્ ॥
સિધ્યત્ય્ ઉત્તમમધ્યમાધમસિદ્ધિષુ ॥
તતઃ પટં મન્ત્રમુદ્રાભિર્ અધિતિષ્ઠેત્ ॥
યથાપ્રાપ્તેન ચ પૂજયેત્ તસ્યાગ્રતો નિષદ્ય ॥
ત્રૈલોક્યવિજયેનાત્મરક્ષાદિકં કૃત્વા ॥
આત્મતત્વં ચ ધ્યાત્વા ॥
લક્ષત્રયં ષટ્લક્ષાણિ વા જપેદ્ યાવત્ સિદ્ધિનિમિત્તં ભૂતમ્ ।
તતો વિવેકસ્થાને ઽષ્ટૌ ઽશતાનિ પૂરયેત્ । મન્ત્રં ચાનૂનાધિકં જપેત્ ।
તતો જપાવસાને મણ્ડલં પૂર્વવચ્ ચિન્તયિત્વા ।
વિપુલાં ચ પૂજાં કૃત્વા રાત્રીમ્ એકાં જપેત્ ।
તતઃ પ્રધાનં ચ તત્પુત્રં ચ દેવાંશ્ ચ યદિ પશ્યતિ ।
તદા યથાભાજનમ્ ઈપ્સિતોત્તમસિદ્ધિં વિજ્ઞાપયેત્ ।
દેવતા નિત્યં તુષ્ટાઃ સિદ્ધિફલં તસ્ય દદતિ ।
નમસ્કૃત્ય ચ સિદ્ધિમ્ ઉત્તમાદિકાં ગૃહ્ણીયાત્ ।
ગુરુરત્નત્રયસ્વભાગં દત્વા ।

તતો નિત્યં વિચરેત્ તદભાવેષુ પ્રાજ્ઞઃ ।
ગૃહીત્વા સ્વયં સમાચરેત્ । સર્વસત્ત્વહિતકારી ચાનેકકલ્પં તિષ્ઠેત્ । અસિદ્ધૌ સર્વકર્મકરો ભવેત્ । યક્ષનક્ષત્રગ્રહાદયો વચનમાત્રેણ ભૃત્યવચ્ છાન્તિકાદિસર્વકર્મકરા ભવન્તિ ।
અથ ખલુ દેવેન્દ્રો ભગવન્તમ્ એતદ્ અવોચત્ । ભગવન્ પાપકારિણાં નારકાદિવશીભૂતાનાં સત્ત્વાનાં નારકાદિદુઃખપ્રહાણાય કથં પ્રતિપત્તવ્યમ્ । ભગવાન્ આહ । દેવેન્દ્ર શૃણુ નારકવશગતસત્ત્વાનાં મહાપાપકારિણાં તેષાં યથા નારકદુઃખેભ્યો ઽનાયાસતો મુક્તિર્ ભવતિ તથા શૃણુ । તથૈવ મણ્ડલં લિખિત્વાષ્ટોત્તરશતજપ્તૈઃ કલશૈઃ પૂર્વવદ્ અભિષેકં કલ્પયેત્ । તતઃ સર્વપાપગતાઃ સર્વનારકાદિદુઃખેભ્યઃ શીઘ્રં વિમુચ્યન્તે । તે ચ વિમુક્તપાપમહાત્માનઃ શુદ્ધાવાસદેવેષૂત્પન્નાઃ । સતતં બુદ્ધધર્મસંગીતિમ્ પ્રાપ્નુવન્તિ । અવૈવર્તિકભૂમિપ્રતિષ્ઠિતાશ્ ચ ક્રમેણ બોધિં સાક્ષાત્ કુર્વન્તિ ।
તત્પ્રતિબિમ્બં વા નામ ચ કુંકુમેન લિખિત્વા ॥
અપાયત્રયમહાભયાત્ સત્ત્વાનાં મોક્ષણાય ॥
મન્ત્રી પરહિતે રતઃ કૃપાયા અભિષિઞ્ચેત્ ॥
તતઃ સ યોગી મન્ત્રમુદ્રાભિર્ અભિષિઞ્ચેત્ ॥
દેવતારૂપં કલ્પયિત્વા ચૈત્યમધ્યે સ્થાપયેત્ ॥
સ્વપરદેવતાહૃદયં તધૃદયે પ્રદેશે લિખિત્વા ॥
દેવતાતુલ્યચિત્તમ્ ઉત્પાદ્ય ગૃહે વા સ્થાપયેત્ ॥
તન્નામ ચ વિદર્ભ્ય મન્ત્રં કુંકુમેન લિખિત્વા ॥
ચૈત્યકર્મ કુર્યાદ્ યાવલ્ લક્ષં પરિપૂર્ણમ્ ॥
મહાપાપિનઃ પાપક્ષયાય કોટિમ્ અપિ પૂરયેત્ ॥
એવં કૃતે તે ઽવશ્યં નરકાદ્ મુક્તા ભવન્તિ ॥
તથા તિર્યગ્ભ્યશ્ ચ મુક્તા દેવનિકાયેષૂત્પદ્યન્તે ॥
તન્નામ ચ વિદર્ભ્ય યથોક્તમન્ત્રં સહસ્રં જપેત્ ॥
કદાચિત્ શતસહસ્રમ્ અપિ પૂરયેદ્ યાવત્ કોટિમ્ અપિ પૂરયેત્ ॥
દેવનિકાયેષૂત્પદ્યન્તે ॥
તન્નામવિદર્ભ્ય કુશલો લક્ષશતં વા યાવચ્ છતસહસ્રમ્ ॥
હોમં કુર્યાન્ મહાનરકપાપમુક્તા ભવન્તિ ॥
યાવન્ નિમિત્તં જ્વલિતાગ્નીસ્થાને સમુત્પદ્યતે ॥
તિલશ્વેતસર્ષપતણ્ડુલા અજાક્ષીરસંયુક્તાઃ ॥
સમિધાશ્ ચ ગન્ધાક્તાસ્ તાવદ્ યથાવિધિ હોતવ્યાઃ ॥
તતસ્ તે નિયતં દેવનિકાયેષૂત્પન્ના નિમિત્તમ્ ઉપદર્શયન્તિ ।
કદાચિદ્ દેવોત્તમા ઉત્પન્ના અથ વા કુણ્ડમધ્યે શ્વેતપ્રદક્ષિણજ્વાલા નિર્મલોર્ધ્વજ્વલનમ્ । અવકીર્ણસંદત્તજ્વલનં વિદ્યુદિવ નિર્મલં સ્થિરમ્ । એતાન્ય્ અગનિમિત્તાનિ પશ્યતિ । અથ વૈશ્વાનલતાત્માનં તથૈવ દર્શયન્તિ । ચન્દ્રવન્નિર્મલં શુક્લમુખવર્ણજ્વલિતમ્ । એતન્નિમિત્તદર્શનાત્ તેષાં નરકાદિ વિમુક્તિપાપસ્ફોટનસ્વર્ગોત્પત્તયો જ્ઞાતવ્યાઃ ।
ચતુર્હસ્તપ્રમાણં ચ યથાવિધિ કુણ્ડં ખનેત્ ॥
પર્યન્તે વજ્રપરિવૃતં લિખેન્ મધ્યે ચક્રમ્ ॥
યથાવત્ પઞ્ચકુલમુદ્રાઃ સ્વદિક્ષુ લિખેત્ ॥
તથાવત્ સત્ત્વાનાં લોકાધિપં ચ લિખેત્ ॥
અતઃ પૂર્ણકલશા બલિપૂર્ણભાજનાનિ ॥
ચાષ્ટૌ ષોડશં વા સ્થાપ્યાનિ ભક્ષભોજનનૈવેદ્યાનિ ચ ।
પુષ્પમાલાદયસ્ તથૈવ ચ વિતાનધ્વજપટાદિભિર્ ઉત્તમછત્રૈશ્ ચ । સમ્યગ્વિભૂષણીયમ્ ।
એવમ્ ઉત્તમહોમકુણ્ડે સમ્યક્ હોતવ્યમ્ ।
લિખિત્વૈવં વિધિજ્ઞો દેવગણમ્ આકર્ષયેત્ ॥
મન્ત્રજ્ઞો મન્ત્રમુદ્રયાર્ઘ ઉપધૌકનીયઃ ॥
સંક્ષેપતઃ પૂજાં કૃત્વા દેવગણનાગયક્ષગન્ધર્વાવસ્થિતઃ । કર્પૂરચન્દનકુંકુમવસ્ત્રાલંકારભૂષિતો ઽભિમન્ત્રિતધૂપં ધૂપયેત્ । પુષ્પમાલાદિભિશ્ ચ પૂજયેત્ । ચૂડાયાં બાહૌ ચ તથૈવ મન્ત્રં લિખિત્વા બન્ધયેત્ । હૃત્કણ્ઠમુખપ્રદેશે સર્વવિદ્યાધિષ્ઠાનં કુર્યાત્ । લલાટોર્ણાકર્ણદ્વયે શિરઃશિખાબાહુદ્વયે । નાસાકટિજાનુપાદનાસિકાગ્રચક્ષુર્દ્વયે । ગુહ્યેન્દ્રિયપ્રદેશેષ્વ્ એવમ્ અન્યેષ્વ્ અપિ મન્ત્રાક્ષરાણ્ય્ એકાન્તશુભાનિ વિન્યસેત્। તતો દુર્ગતિપરિશોધનાયાસનસહિતં તન્મધ્યે સ્થાપયેત્ ।
તતશ્ ચ મન્ત્ર્ય્ અભિમન્ત્રિતવસ્ત્રેણ છાદયેત્ ।
તતો હુતભુજં સમ્યક્પ્રજ્વાલ્ય । સહસ્રજ્વાલ્ય । સહસ્રજ્વાલાકુલકાયં કુણ્ડેન્દુદુસન્નિભં શાન્તમ્ અનન્તમ્ અગ્નિમ્ આકૃષ્યાર્ઘં પરિકલ્પયેત્ । તથૈવ ચ બુદ્ધિમાન્ અગ્રતઃ પ્રતિમાદિકં સ્થાપયેત્ । તથાગતગણં તથૈવાકૃષ્યાર્ઘાદિકં પરિકલ્પયેત્ તથૈવ યથોક્તપૂજા કર્તવ્યા ।
તત આહુતિં હવ્યં પૂરયિત્વા જ્વલનાય પરિકલ્પયિત્વા જિનાદિનીમ્ અષ્ટોત્તરશતં પરિકલ્પયેત્ । તતઃ શોધનમન્ત્રરાજસ્યૈકવિંશતિમ્ આહુતિં પરિકલ્પયેત્ ।
તતશ્ ચાકૃષ્ય શ્વેતમુખમ્ ઉપકરણૈર્ વા વારત્રયમ્ અર્ઘાદિના ચ પૂજયેત્ । વજ્રપાણિં પદ્મપાશધરં ત્રૈલોક્યરૂપં પાદપદ્માક્રાન્તપાપં સર્વાલંકારાલંકૃતં સંબુદ્ધકિરીટિનં ચિન્તયેદ્ અથ વા લિખેત્ । તસ્ય ઃર્દયેન શતસહસ્રં યાવત્ કોટિં વા જુહુયાત્ ।

નિમિત્તે ચ સમુત્પન્ને પાપસંતતિપ્રહાણં તથૈવ જ્ઞાતવ્યમ્ । તતો ભસ્મીભૂતં વજ્રસંહારમન્ત્રેણ યથાવિધિ સંહરેત્ । ભસ્માન્ય્ અસ્થિરજાંસિ ચ ગન્ધોદકપઞ્ચગવ્યસહિતાનિ શોધનમન્ત્રેણ લક્ષં જપ્ત્વા પિન્દીકૃત્ય કર્પૂરગન્ધમૃદ્ભિર્ મિશ્રીકૃત્ય પ્રતિમાં ચૈત્યદેવતાં વા કુર્યાત્ । એકદ્વિત્રિચતુઃપઞ્ચવારં વાષ્ટોત્તરશતવારં વા ।
મન્ત્રમુદ્રાભિર્ અધિષ્ઠાય લક્ષદ્વયં જપેત્ ॥
તતશ્ ચૈત્યં જ્વલતિ પ્રતિમા વા હસતિ ॥
ગન્ધધૂપપ્રભા જિઘ્રતિ પશ્યતિ દેવાદીં નાનાપ્રકારામ્ યસ્ય ઋદ્ધિપ્રાતિહાર્યાણિ ચ પતન્તિ પુષ્પાદીનિ । શંખભેરીવંશવીણાદીનાં ચ શબ્દાઃ શ્રૂયન્તે ।
કદાચિદ્ દેવતાનિ નિમિત્તાનિ પાપબહલતયા યદિ ન પશ્યેત્ તદાષ્ટૌ લક્ષસહસ્રાણિ જપેત્ ।
યાવન્ નિમિત્તં ભવતિ તથાગતં પૂજયિત્વા ॥ સુસમાહિતો જપેત્ ।
તતો ઽન્તે રાત્રીમ્ એકાં વિધિજ્ઞો જપેત્ ।
તદાવશ્યં પાપવિશુદ્ધાત્મા પશ્યતિ ।
દેવતારૂપકાયં તત્સન્તાનં પરિજાનાતિ ।
એતાનિ નિમિત્તાનિ જ્ઞાત્વા અવિકલ્પચિત્તો ।
મૈત્રીકૃપાપરીતઃ સર્વકર્માણિ કુર્યાત્ ।
એવમ્ અપિ યદિ ન સંભવતિ તદા તન્નામમાત્રં લિખિત્વા ચૈત્યમાલાં કુર્યાત્ પ્રતિમાં વા કૃત્વા । હોમાભિષેકકૃતે સતિ । નિયતં સ્વર્ગેષૂત્પદ્યન્તે । ભસ્મસર્ષપવાલુકાદીંશ્ ચ નામ વિદર્ભ્યાભિમન્ત્ર્ય સમુદ્રગામિન્યાં નદ્યાં ક્ષિપેત્ । તતઃ પાપીયસો ઽપિ દુર્ગતિ વિમોક્ષતિ ।
ઉત્તમકુશલબીજમ્ ઉત્પાદિતવતો બુદ્ધત્વફલસમન્વાગતસ્ય દાનશીલક્ષાન્તિવીર્યધ્યાનપ્રજ્ઞાહેતુપ્રભાવિતસ્ય પુણ્યવતો લોકસ્ય દુર્ગતિ ભગ્નેતિ ।
કઃ પુનઃ વાદો નાત્ર સંશયઃ ।
યશ્ ચાનુત્પાદિતકુશલમૂલો યશ્ ચ નાસ્તિકદૃષ્ટિર્ બોધિમાર્ગાદ્ નિવૃત્તસ્ તસ્ય શાસનવિદ્વેષિણો ઽપકારિણઃ પાપાનભિજ્ઞસ્યમાતૃ પિતૃવિપ્રિયચિત્તસ્ય બોધિચિત્તનિસૃતવીતરાગઘાતકસ્ય દેવતાબુદ્ધધર્મસંઘમન્ત્રમુદ્રાગનાદીનાં ( સ્દ્પ્ 250 ) ચ નાસ્તિત્વાદૃષ્ટ્યાદીનાં ચ પાપીયસામ્ એષાં પ્રજ્ઞોપાયાભાવે મુક્તિર્ નાસ્તીતિ સુગતજિનૈર્ ભાષિતમ્ ।
અથ શક્રાદય ઉત્પલપદ્મલોચનાઃ સાધ્વ્ ઇતિ તોષયન્તિ સ્મ । સંતોષયિત્વા પૂજયન્તિ સ્મ । શક્રેણ ચ પરહિતરતેન યથાવિજ્ઞપ્તં ।
દ્વિતીયં ત્રિસૂચિકવજ્રસહિતેન વરદો વામેનૈકેન ત્રિશૂલધારિ દ્વિતીયેન ખડ્ગધારી સર્પયજ્ઞોપવીતનીલકણ્ઠો લેખ્યો ઽનેન ।
ઓં પશુપતિ નીલકણ્ઠ ઉમાપ્રિય સ્વાહા ।
અથાસ્ય મુદ્રા ભવતિ । દક્ષિણહસ્તેન વામમુષ્ટિન કૃત્વા કનીયસીમ્ અંગુષ્ઠેનાક્રમ્ય શેષાંગુલવજ્રલક્ષણાઃ કૃત્વાનામિકાં તર્જનીં ચ વજ્રાકારેણ કઞ્ચિન્ નામયેત્ । ઇયં પશુપતેર્ મુદ્રા । વિષ્ણુર્ ગરુદારૂઢઃકૃષ્ણવર્ણશ્ ચતુર્ભુજઃ । દક્ષિણભુજાભ્યાં ગદાવજ્રધરઃ । વામાભ્યાં શંખચક્રધરઃ ।
વજ્રહેમા કનકવર્ણા આસનભુજાયુધવિષ્ણુવત્ ।
વજ્રઘણ્ટામયૂરારૂઢો રક્તવર્ણઃ ષડ્મુખો દક્ષિણભુજાભ્યાં શક્તિવજ્રધરઃ । વામાભ્યાં કુક્કુટઘણ્ટાવજ્રધરશ્ ચ ।
વજ્રકૌમારી વજ્રઘણ્ટાવદ્ એવ જ્ઞેયા ।
મૌનવજ્રો હંસારૂઢઃ કનકવર્ણશ્ ચતુર્મુખો દક્ષિણભુજાભ્યાં વજ્રાક્ષસૂત્રધારી । વામાભ્યાં દણ્ડકમણ્ડલુધારી ।
વજ્રશાન્તિર્ બ્રહ્મવદ્ જ્ઞેયા ।
વજ્રાયુધઃ શ્વેતગજારૂઢો ગૌરવર્ણો વામભુજેન વિશ્વવજ્રધરો દક્ષિણેન લોકોત્તરવજ્રધરઃ ।
વજ્રમુષ્ટિર્ વજ્રાયુધવજ્ જ્ઞેયા ।
વજ્રકુણ્ડલી ક્રોધશ્ ચ રથારૂઢો દક્ષિણકરેણ સપદ્મેન વજ્રધરો વામેન સપદ્મેનાદિત્યમણ્ડલધરો રક્તવર્ણઃ । વજ્રામૃતા વજ્રકુણ્ડલિક્રોધવદ્ એવ ।
વજ્રપ્રભક્રોધઃ સિતવર્ણો હંસારૂઢો દક્ષિણકરેણ વજ્રધારી વામેન પદ્મચન્દ્રધરઃ ।
વજ્રકાન્તિર્ વજ્રપ્રભક્રોધવત્ ।
વજ્રદણ્ડક્રોધઃ કચ્છપારૂઢો નીલવર્ણો દક્ષિણકરેણ વજ્રધારી વામેન દણ્ડધરઃ ।
દણ્ડવજ્રાગ્રી વજ્રદણ્ડક્રોધવત્ ।
વજ્રપિંગલક્રોધો ઽજારૂઢો રક્તવર્ણો દક્ષિણકરેણ વજ્રધરો વામેન માનુષમ્ આદાય ભક્ષયન્ અવસ્થિતઃ ।
વજ્રમેખલા વજ્રપિંગલક્રોધવત્ ।
વજ્રશૌણ્ડો ગણપતિર્ ગજવાહનો દક્ષિણકરેણ વજ્રં ધારયેદ્ વામેન લાંગલં ધારયેદ્ અવસ્થિતઃ । સિતવર્ણઃ ।
વજ્રવિણયા વજ્રશૌણ્ડવદ્ અયન્ તુ વિશેષો યદ્ ઉત વામકરેણ ખટ્વાંગધારિણીતિ ।
વજ્રમાલો ગણપતિઃ શ્યામવર્ણઃ કૌકિલરથારૂઢો દક્ષિણકરેણ વજ્રધરો વામેન કુસુમમાલાધરઃ ।
વજ્રાસના વજ્રમાલાવદ્ અયન્ તુ વિશેષો યદ્ ઉત વામકરેણ શક્તિધારિણીતિ ।
વજ્રવશી શુકરથારૂઢો ગૌરવર્ણો દક્ષિણકરેણ વજ્રધરો વામેન મકરધ્વજધારી ।
વજ્રવશા વજ્રવશીવદ્ અયન્ તુ તસ્યા વિશેષો યદ્ ઉત રક્તવર્ણેતિ ।
વિજયવજ્રો ગણપતિર્ મણ્ડૂકારૂઢઃ સિતવર્ણો દક્ષિણકરેણ વજ્રધરો વામેન ખડ્ગધરઃ ।

વજ્રસેના વિજયવજ્રવત્ ।
વજ્રમુસલદૂતઃ પુષ્પવિમાનારૂઢો ગૌરવર્ણો દક્ષિણકરેણ વજ્રધરો વામેન મુસલધરઃ ।
વજ્રદૂતી વજ્રમુસલવદ્ અયન્ તુ તસ્યા વિશેષો યદ્ ઉત વામેન ખટ્વાંગધારિણીતિ ।
વજ્રાનિલદૂતો નીલવર્ણો મૃગારૂઢો દક્ષિણકરેણ વજ્રધારી વામેન પટધારી । વેગવજ્રિણી વજ્રાનિલદૂતવત્ ।
વજ્રાનલદૂતો ઽજારૂઢો રક્તવર્ણ ઊર્ધ્વજ્વાલાપ્રભસ્ ત્રિશિખાજ્વાલો દક્ષિણભુજાભ્યાં વજ્રકવચધરો વામાભ્યાં દણ્ડકમણ્ડલુધરશ્ ચ । વજ્રજ્વાલા વજ્રાનલવત્ ।
વજ્રભૈરવદૂતો નીલો વેતાલારૂઢો દક્ષિણકરેણ વજ્રધારી વામેન ગદાધારી ।
વજ્રવિકટા દૂતી વજ્રભૈરવવદ્ અયન્ તુ વિશેષો ઽસ્યા યદ્ ઉત વામેન પાશધારિણીતિ ।
વજ્રાંકુશચેટઃ શેષનાગારૂઢો નીલો વરાહમુખઃ । દક્ષિણેન વજ્રધરો વામેનાંકુશધરઃ ।
વજ્રમુખી ચેટી પુરુષવાહના નીલા વરાહમુખી દક્ષિણેન વજ્રધરા વામેન ખડ્ગધરા ।
વજ્રકાલચેટકો મહિષારૂઢો નીલો દક્ષિણકરેણ વજ્રધરો વામેન યમદણ્ડધરઃ ।
વજ્રકાલી ચેટી વેતાલવાહના વામકરેણ ખટ્વાંગધારિણી દક્ષિણકરેણ વજ્રધારિણી કૃષ્ણવર્ણા ।
વજ્રવિનાયકચેટક ઉન્દુરારૂઢઃ સિતવર્ણો ગજમુખો દક્ષિણકરાભ્યાં વજ્રપરશુધરો વામાભ્યાં ત્રિશૂલધરો દણ્ડધરશ્ ચ । સર્પયજ્ઞોપવીતઃ । વજ્રપૂતના ચેટી નીલવર્ણ દક્ષિણેન વજ્રધરા વામેન સંમાર્જનિકાધરા । ઉન્દુરારૂઢા ।
નાગવજ્રચેટકો મકરારૂઢો ઽષ્ટફણઃ સિતવર્ણો દક્ષિણેન વજ્રધરો વામેન નાગપાશધરઃ ।
વજ્રમકરા ચેટી મકરારૂઢા સિતવર્ણા । અષ્ટફણા । દક્ષિણેન વજ્રધરા વામેન વજ્રાંકિતમકરધરા ।
ભીમા શ્યામવમા દક્ષિણેન વજ્રધારિણી વામેન ખડ્ગફેટકધારિણી ।
શ્રી ગૌરવર્ણા દક્ષિણેન વજ્રધરા વામેન પદ્મધરા ।
સરસ્વતી વીણાહસ્તા વામેન દક્ષિણેન વજ્રધરા ।
દુર્ગા શ્યામવર્ણા સિંહારૂઢા દક્ષિણભુજાભ્યાં વજ્રચક્રધરા વામાભ્યાં પટ્ટિશાશંખઢરા ।
સર્વાસાં માતૃણાં રુદ્રાદીનાં ચ વરુણપર્યન્તાનાં યદ્ દક્ષિણકરેષુ વજ્રમ્ ઉક્તં તત્ ત્રિસૂચિકં જ્ઞેયમ્ ઇતિ । સર્વલૌકિકલોકોત્તરાશ્ ચ દેવતા વૈરોચનસંમુખલેખ્યા ઇતિ ।
તતઃ સન્ધ્યાકાલે સંપ્રાપ્તે વજ્રતેરિન્તિરીં બદ્ધ્વા નીલપુષ્પમાલામ્ આદાય મણ્ડલં પ્રવિશેચ્ ચતુર્હુંકારમ્ ઉદાહરન્ વજ્રવૈરોચનસપ્તપ્રદક્ષિણં ચ શંખવજ્રઘણ્ટાં વાદયન્ કુર્યાત્ । સર્વમણ્ડલં ચાનાતિરિક્તદોશશાન્તયે નિરીક્ષ્ય માલાં ભગવતો નિર્યાત્ય વજ્રનૃત્યં કૃત્વા । આદાય સ્વશિરસિ બન્ધેચ્ ચતુર્હુંકારેણૈવ ।
તથા યથોક્તં યદ્ ઊનં પરિપૂરયેત્ ॥
વિજહ્યાદ્ અધિકં બુદ્ધ આબાધયેદ્ વજ્રઘણ્ટામ્ ॥
સિધ્યતે ન ચ દુષ્યતે ॥ ઇતિ ।
તતો મધ્યે સ્થિતો ભૂત્વા વજ્રાચર્યસમાહિતઃ ॥
મનસોદ્ઘાટયેચ્ ચૈવ વજ્રદ્વારચતુષ્ટયમ્ ॥
ઓં વજ્રોદ્ઘાટય સમયે પ્રવેશય હું । ઇતિ ।
મુદ્રા ચાસ્ય ભવતિ ।
દ્વિવજ્રાગ્રાંગુલી સમ્યક્ સંધાર્યોત્તાનતો દૃઢમ્ ॥
વિધારયેત્ સુસંક્રુદ્ધો દ્વારોદ્ઘાટનમ્ ઉત્તમમ્ ॥
ઇતિ ।
તતો ઽંકુશાદિભિઃ કર્માણિ કૃત્વા સપ્તરત્નમયં કલશં મૃન્મયં વાકાલમૂલમ્ ઉચ્ચગ્રીવં લમ્બૌષ્ઠં મહોદરમ્ દિવ્યગન્ધોદકં
સર્વરત્નૌષધિસર્વધાન્યપરિપૂર્ણં સફલં સપલ્લવં સદ્વસ્ત્રાવબદ્ધકણ્ઠકં કૃતરક્ષં બહિઃ સમન્તાદ્ દિવ્યગન્ધાનુલિપ્તં સ્રગ્વિણં વજ્રાંકિતમ્ ઉપરિ મહાવજ્રાધિષ્ઠિતં ક્રોધતેરિન્તિરીપરિગૃહીતયા વજ્રકુસુમલતયા ।
ઓં વજ્રોદક હું ઇત્ય્ અનેનાષ્ટોત્તરસહસ્રાભિમન્ત્રિતં ચતુર્હુંકારેણ ચાષ્ટશતાભિમન્ત્રિતં કૃત્વા ભગવતો વજ્રહુંકારસ્યાગ્રતઃ સંસ્થાપ્ય । પ્રવેશદ્વારાભિમુખં ચ બહિર્ દ્વિતીયં કલશં ચતુર્હુંકારેણાષ્ટશતજપ્તં સ્થાપયેત્ । તેનોદકેનાત્મશિષ્યાભિષેકં કૃત્વા । પ્રવેશમુદ્રાં બદ્ધ્વા ન બન્ધયેદ્ વા । પ્રવાલં જાતરૂપં ચ શંખં મુક્તામણિસ્ તથા । સર્વરત્નાનિ સિંહીવ્યાઘ્રીગિરિકર્ણાસહદેવાશ્ ચેતિ સર્વૌષધયઃ । તિલાન્ માષાન્ યવાન્ ધાન્યાન્ ગોધૂમાંશ્ ચાપિ પઞ્ચમાન્ । શબ્દેન સર્વવ્રીહીણાં પઞ્ચ તાન્ ઉપલક્ષયેત્ । તદ્ અનુ ચતુઃપ્રણામાદિપૂર્વકં સંવરં ગ્રાહયિત્વા વજ્રયક્ષેણ નીલવસ્ત્રાણિ પરિજપ્ય સત્ત્વોષ્ણીષેણ વસ્ત્રં દ્વારપાલૈર્ મુખવેષ્ટનં વજ્રકવચેનોત્તરીયમ્ આબદ્ધોષ્ણીષાદિક આચાર્યઃ ક્રોધતેરિન્તિર્યા નીલપુષ્પમ્ આદાય ।
ઓં વજ્રસમયં પ્રવિશ્યામીત્ય્ ઉદીરયન્ પ્રવિશ્ય સર્વતથાગતાન્ વિજ્ઞાપયેત્ । અહં ભગવન્ ઇત્યાદિના ।
તતો વજ્રોદકં પીત્વાત્માવેશં કૃત્વા તાં માલાં મહામણ્ડલે પ્રક્ષિપ્ય સ્વશિરસિ બદ્ધ્વા મુખબન્ધં મુક્ત્વા યથાવદ્ મણ્ડલં દૃષ્ટ્વા તિષ્ઠ વજ્રેત્યાદિના પ્રવેશમુદ્રામોક્ષં ચ કૃત્વા । ઉદકાભિષેકં પઞ્ચબુદ્ધમુકુટં પટ્ટવજ્રમાલાધિપતિવજ્રનામાભિષેકં
ભગવતઃ સકાશાદ્ ભગવન્તં પ્રણમ્ય ગૃહીત્વા । તત્ત્વં ધર્મસમયં સિદ્ધિવજ્રવ્રતં ચાદાય । પુષ્પાદિભિર્ લાસ્યાદિભિશ્ ચાત્માનં સંપૂજ્ય । ગાથાપઞ્ચકેનાનુજ્ઞાં ચ તુ હુંકારમ્ ઉદ્ગતાવ્યાકરણં ચાદાય પુનઃ સ્વાધિષ્ઠાનાદિકં કૃત્વા યથાભિરુચિતજાપં ચ હુંકારવજ્રો ઽહં હુંકારવજ્રો ઽહમ્ ઇતિ । સ્વનામોચ્ચારણં કૃત્વા વૈરોચનમહામુદ્રાં બદ્ધ્વા । તન્મન્ત્રેણ અઃકારાન્તેન વૈરોચનસ્થાને તથાગતવજ્રમ્ આત્માનમ્ આવેશયેત્ । વજ્રો ઽહમ્ ઇતિ વજ્રાહંકારં વિભાવ્ય । તદ્ વજ્રં વૈરોચનં ભાવયેત્ । વજ્રધાતુર્ અહમ્ ઇતિ । એવં યાવદ્ વજ્રાવેશમહામુદ્રાં બદ્ધ્વોત્તરદ્વારે તન્મન્ત્રેણાઃકારાન્તેન વજ્રઘણ્ટામ્ આત્માનમ્ આવેશયેત્ । વજ્રઘણ્ટાહમ્ ઇત્ય્ અહંકારમ્ ઉત્પાદ્ય તાં વજ્રાવેશક્રોધો ઽહમ્ ઇતિ ભાવયેદ્ એવં વજ્રેણ સાધિતં ભવતિ । સત્ત્વવજ્રાંકુશીં બદ્ધ્વા વજ્રાચાર્યઃ તતઃ પુનઃ કુર્વન્ અચ્છટાસંઘાતં સર્વબુદ્ધાન્ સમાજયેત્ । ઓં વજ્રસમાજ જઃ વં હોઃ ઇતિ । એકવિંશતિવારં પ્રવર્તયેત્ । તતઃ શીઘ્રં મહામુદ્રાં વજ્રક્રોધસમયમ્ ઉચ્ચારયેત્ । સકૃદ્ વારં નામાષ્ટકં શતં ઉત્તમમ્ । તતો વજ્રાંકુશાદિભિઃ સ્વદ્વારેણાકૃષ્ય પ્રવેશ્ય બદ્ધ્વા વશી કૃત્ય યથાવચ્ ચતુર્હુંકારેણાર્ઘં દત્વા । શ્રીવૈરોચનાદીન્ સમયમુદ્રાભિર્ ભદ્રકલ્પિકપર્યન્તાન્ સાધયેત્ । સ્વમન્ત્રમ્ ઉચ્ચાર્ય વદેત્ । જઃ હું વં હોઃ સમયસ્ ત્વં સમયસ્ ત્વમ્ અહમ્ ।
તતઃ સ્વમન્ત્રમ્ ઉચ્ચારયેદ્ એવ સિદ્ધા ભવન્તિ ॥
અથ સમયમુદ્રા ભવન્તિ ।
વજ્રાદ્ વિકર્ષસંભૂતાઃ સમયાગ્રાસ્ તુ કીર્તિતાઃ ॥
તાસાં બન્ધં પ્રવક્ષામિ ક્રોધબન્ધમ્ અનુત્તરમ્ ॥

બાહુવજ્રં સમાધાય કનિષ્ઠાંકુશબન્ધિતા ॥
ત્રિલોકવિજયા નામ તર્જની દ્વયતર્જની ॥
તથૈવાગ્રા મુખસંગા મણિસ્ તુ પ્રવિકુઞ્ચિતા ॥
સમોત્થમધ્યમા પદ્મા તુ મધ્યાગ્રદ્વયતર્જની ॥
તર્જનીદ્વયં વજ્રં તુ દક્ષિણાંકુચિતાંકુશી ॥
તથૈવાગ્રસ્તહુંકારાઃ સાધુકારાસ્ તથૈવ હિ ॥
દ્વ્યગ્રસંસ્થા ભૃકુટ્યાં તુ હૃદિ સુર્યાગ્રમણ્ડલા ॥
પ્રસારિતભુજા મૂર્ધ્નિ તર્જની મુખહાસિની ॥
તર્જની નખસંસક્તા કોશમુષ્ટિસ્ તુ દક્ષિણા ॥
સમમધ્યગુણ્ઠચક્રા તુ મુખતઃ પ્રતિનિઃશૃતા ॥
તર્જનીમધ્યે વજ્રા તુ ગ્રીવાવેષ્ટિતતર્જની ॥
અગ્રાદિકમહાદમ્ષ્ટ્રા ગ્રસ્તાગ્રાવજ્રમુષ્ટિતા ॥ ઇતિ ।
લાસ્યાદીનાં તુ વજ્રધાતુ ઉક્તા એવ હુંકૃતા । તદ્યથા ।
વજ્રબન્ધં બદ્ધ્વા હૃદયં તુ સમાંગુષ્ઠા ॥
સુપ્રસારિતમાલિની ॥
અઞ્જલ્યગ્રમુખોદ્ધાન્તા નૃત્યતો મૂર્ધ્નિ સંયુતા ॥
વજ્રબન્ધં ત્વ્ અધોદાનાત્ સ્વઞ્જલિશ્ ચોર્ધ્વદાયિકા ॥
સમાંગુષ્ઠા નિપીડા ચ સુપ્રસારિતલેપના ॥
એકતર્જની સંકોચા દ્વ્યંગુષ્ઠગ્રન્થિબન્ધિતા ॥
અંગુષ્ઠાગ્રકટાબન્ધા વજ્રમુષ્ટ્યગ્રસંધિતા ॥
હૃદયમણ્ડલે પઞ્ચસૂચિકવજ્રં વિચિન્ત્ય । હુંકારમ્ એવોચ્ચારયતા સર્વમુદ્રા બન્ધનીયા ।
અથ મુદ્રાયા નિયમો ભવતિ । વૈરોચનવજ્રહુંકારરત્નહુંકારધર્મહુંકારકર્મહુંકારસ્થાને ચ । અથ રત્નહુંકારાદીનાં મન્ત્રાણિ ભવન્તિ ।
ઓં વજ્રભૃકુટીક્રોધાનય સર્વરત્નાનિ હ્રીઃ ફટ્ ।
ઓં વજ્રદૃષ્ટિક્રોધ દુષ્ટાન્ મારય હું ફટ્ ।
ઓં વજ્રવિશ્વક્રોધ કુરુ સર્વવિશ્વરૂપયા સાધય હું ફટ્ ।
અન્યમુદ્રાઃ સત્ત્વવજ્રીમ્ આરભ્ય દ્રષ્ટવ્યાઃ । તથા હિ સર્વવિદ્યોત્તમાનાં વિજયમન્ત્રેત્યુક્તમ્ । સવજ્રહુંકારમુદ્રાસંગ્રહશ્ ચ ભગવાન્ વજ્રહુંકારો પઠ્યતે । ન ચાન્યા વજ્રહુંકારા ભવતુમ્ અર્હન્તિ । સર્વતન્ત્રેષુ વજ્રહુંકારા નિર્દિષ્ટેતિ ॥ તદ્ અનુ તથૈવ જિહ્વાયાં વજ્રં ન્યસ્ય યથાક્રમેણ બુદ્ધવજ્રધરાદીનાં ધર્માક્ષરાણિ ન્યસ્યેત્ । એતાનિ ચ તાનિ ।
હુંકારો બુદ્ધવજ્રિભ્યાં ત્રઃકારો વજ્રગર્ભતઃ ।
હ્રીઃકારો વજ્રસેનસ્ય અઃકારો વજ્રવિશ્વતઃ ।
હું સત્ત્વવજ્ર્યાઃ । ત્રઃ રત્નવજ્ર્યાઃ । હ્રીઃ ધર્મવજ્ર્યાઃ ।
અઃ કર્મવજ્ર્યાઃ ।
હું હે ત્રાં ત્રં હિ હ્રીઃ દેઃ હઃ । ઇતિ વજ્રસત્ત્વાદીનામ્ ।
મહારતે હું । રૂપશોભે હું । શ્રોત્રસૌખ્યે હું । સર્વપૂજ્યે હું ।
પ્રહ્લાદિનિ હું । ફલાગમે હું । સુતેજાગ્રિ હું । સુગન્ધાગ્રિ હું ।
આપાહી જઃ હું । આહિ હું હું હું । હે સ્ફોટ વં હું । ઘણ્ટ અઃ અઃ હું ।
ઇતિ । વજ્રલાસ્યાદીનાં વજ્રાવેશપર્યન્તાનામ્ ઇતિ ।
તદનન્તરમ્ અઃકારાણિ હૃદિ વિશ્વવજ્રાન્ નિષ્પાદ્ય કર્મમુદ્રામ્ બધ્નીયાત્ । તત્રેમાઃ ક્રોધમુષ્ટિદ્વિધાકૃત્ય । વામવજ્રાંગુલી ગ્રાહ્યા દક્ષિણેન સમુત્થિતા ॥
બોધ્યગ્રિ નામ મુદ્રેયં બુદ્ધબોધિપ્રદાયિકા ॥ સગર્વોત્કર્ષનં દ્વાભ્યાં વજ્રહુંકારવજ્રસત્ત્વસત્ત્વવજ્રીણામ્ ।
અંકુશગ્રહનસંસ્થિતા વાણઘટનયોગા ચ ॥
સાધુકારં હૃદિ સ્થિતા અભિષેકં દ્વિવજ્રં તુ ॥
રત્નહુંકારવજ્રભૃકુટિક્રોધરત્નવજ્રીણામ્ ।

હૃદિ સૂર્યપ્રદર્શનં વામસ્થબાહુદણ્ડા ચ ॥
તથાસ્ય પરિવર્તિતા સવ્યાપસવ્યવિકોચ ॥
ધર્મહુંકારવજ્રધર્મધર્મવજ્રીણામ્ ।
હૃદ્વામા ખડ્ગધારિણી અલાતચક્રભ્રમિતા ॥
વજ્રદ્વયમુખોત્થિતા વજ્રનૃત્યભ્રમોન્મુક્તા ॥
કપોતોષ્ણીષસંસ્થિતા ॥ કર્મહુંકારવજ્રકર્મકર્મવજ્રીણાં, ।
કવચકનિષ્ઠાદમ્ષ્ટ્રાગ્રા મુષ્ટિદ્વયનિપીડિતા ॥
વજ્રગર્વપ્રયોગેણ નમેદ્ આશયકમ્પિતૈઃ ॥
માલબન્ધા મુખોદ્ધાન્તા નૃત્યતો મૂર્ધનિ સંસ્થિતા ॥
અધઃક્ષેપોર્દ્ધ્વપ્રક્ષેપા સમાંગુષ્ઠનિપીડિતા ॥
ગન્ધલેપનયોગાચ્ ચ પૂજામુદ્રા પ્રકીર્તિતા ॥
તર્જન્યંકુશબન્ધેન કનિષ્ઠાયા મહાંકુશી ॥
બાહુગ્રન્થિકટાગ્રાભ્યાં પૃષ્ઠયોશ્ ચ નિપીડિતા ॥ ઇતિ ।
દ્વારપાલમુદ્રાઃ ।
સર્વાશ્ ચ કર્મમુદ્રા નૃત્યોદ્ભવાઃ ।
તતો યથાલેખાનુસારતો વૈરોચનાદીનાં મહામુદ્રાબન્ધં કુર્યાત્ । વજ્રસત્ત્વરત્નધર્મકર્મક્રોધાનાં યા મહામુદ્રાસ્ તાઃ સત્ત્વરત્નધર્મકર્મવજ્રિણામ્ અપિ વજ્રાદ્યન્તર્ગતાઃ સ્ત્રીરૂપધારિણ્યશ્ ચ તાઃ । યાં યાં મુદ્રાં તુ બધ્નીયાદ્ યસ્ય યસ્ય મહાત્મનઃ ।
સર્વમુદ્રાસમયઃ ।
વામતથાગતમુષ્ટિમ્ ઉત્તાનં કૃત્વા દક્ષિણહસ્તતર્જન્યંગુષ્ઠાભ્યાં કન્યસામ્ આરભ્ય વિકાસ્ય સંપુટાઞ્જલિં કુર્યાત્ । ઇયં મૈત્રેયાદીનાં સમયમુદ્રા । વિદ્યા ચૈષાં પૂર્વોક્તા । તામ્ એવ વિદ્યાં તેષાં જિહ્વાસુ ન્યસેદ્ ઇયં તેષાં ધર્મમુદ્રાઃ । અકારેણ સ્વહૃદિ વિશ્વવજ્રં નિષ્પાદ્ય તેષાં લેખ્યાનુસારતો મહામુદ્રા બદ્ધ્વા કર્મમુદ્રા ભવન્તિ ।
સ્વહૃદિ પઞ્ચસૂચિકં વજ્રં વિચિન્ત્ય લેખ્યાનુસારત એવ તેષાં મહામુદ્રા બધ્નીયાઃ । સૈવ વિદ્યા સામાન્યૈવેતિ । કનિષ્ઠાંગુષ્ઠબન્ધે તુ વામમધ્યાંગુલિત્રિકે ત્રિશૂકે મધ્યશૂલં તુ વજ્રમુદ્રાપરિગ્રહં વજ્રવિદ્યોત્તમેયં વજ્રશૂલેતિ કીર્તિતા ।
અતઃ પરં પ્રવક્ષામિ માયાવજ્રાદિસંજ્ઞિનામ્ ॥
વજ્રબન્ધં દૃઢીકૃત્ય વામવજ્રં તુ બન્ધયેત્ ॥
વજ્રમુષ્ટિર્ ઇતિ ખ્યાતા સર્વવજ્રકુલેષ્વ્ ઇયમ્ ॥
દ્વિધીકૃત્ય તુ તદ્ વજ્રં સર્વચિહ્નનિવેશિતમ્ ॥
સર્વવજ્રકુલાનાં તુ મુદ્રાસુ ચ નિવેશયેત્ ॥
પ્રસારિતાગ્રપૃષ્ઠસ્થા જ્યેષ્ઠાંગુષ્ઠગ્રહાધકા ॥
ઓંકારમૂર્ધ્નિ સંસ્થા તુ વજ્રત્વરાપ્રતિષ્ઠિતા ॥
વિદ્યારાજમહામુદ્રાગણઃ ।
પ્રસારિતાગ્રીતાપાણિર્ હસ્તપૃષ્ઠે તથૈવ ચ ॥
મુષ્ટિસંસ્થા ભુજદ્વા ચ મુખતઃ પરિવર્તિતા ॥
વજ્રક્રોધમહામુદ્રાગણઃ ।
વામાંગુષ્ઠસુસંસ્થા તુ માલાબન્ધનિયોજિતા ॥
દક્ષિણેનાર્થદાયી ચ ખડ્ગમુદ્રાગ્રમુષ્ટિગા ॥
મહાગનપતિમુદ્રાગણઃ ।
દક્ષિણગ્રસ્તમુસલા પ્રસારિતભુજસ્ તથા ॥
દક્ષિણજ્વાલે સંદર્શ્ય વજ્રમુષ્ટિપ્રકમ્પિતા ॥
દૂતમહામુદ્રાગણઃ ।
સગર્વમુખડમ્ષ્ટ્રાગ્રા દણ્ડઘાતપ્રયોજિતા ॥
બાહુસંકોચલગ્ના ચ વજ્રદક્ષિણહારિણી ॥
ચેટમહામુદ્રા ।
અથોમાદિમાતૃગણમુદ્રા ભવતિ ।

વામવજ્રબન્ધેન ત્રિશૂલાંજં તુ પીડયેત્ ॥
અનયા બદ્ધયા સમ્યક્ સિદ્ધ્યેદ્ વિદ્યોત્તમઃ સ્વયમ્ ॥
સર્વવજ્રકુલાનાં તુ વામવજ્રાગ્રસંગ્રહમ્ ॥
મુદ્રાબન્ધં પ્રવક્ષામિ સમયાનાં યથાવિધિ ॥
ચક્રસર્વાગ્રસંપીડા ઘણ્ટામુદ્રા તથૈવ ચ ॥
તથૈવૌંકારમુદ્રા તુ સિંહકર્ણિપરિગ્રહા ॥
મુદ્રા રાજનિકા જ્વાલાપરિગ્રહા ચૈવ ॥
પ્રભાસંગ્રહમ્ એવ ચ ॥
દણ્ડમુષ્ટિગ્રહા ચૈવ મુખતઃ પરિવર્તિતા ॥
ક્રોધસમયઃ ।
ફણામુદ્રા ચ માલા ચ વજ્રાવસ્તભ્યનામિકા ॥
મૂર્ધ્નિ સ્થા ચૈવ ગણિકા મણ્ડલવદ્વારફણિકા ॥
ગણિકાસમયાઃ ।
બાહુસંકોચવક્ત્રા ચ પૃષ્ઠતઃ પરિવર્તિતા ॥
જ્વાલાસ્ફુલિંગમોક્ષા ચ વિદારિતમુખસ્થિતા ॥
દૂતસમયાઃ ।
દ્વ્યન્તપ્રવેશિતમુખી પીડ્ય ચૈવ પ્રપાતિની ॥
બાહુવેષ્ટનવેષ્ટા ચ સહસાહારિણી તથેતિ ॥
ચેટાસમયા ઇતિ ॥
તતો મહાદેવાદિજિહ્વાસુ તદ્મન્ત્રં ન્યસ્ય । અકારેણ સ્વહૃદિ તથૈવ વજ્રં નિષ્પાદ્ય । તેષાં મુદ્રા બદ્ધાઃ કર્મમુદ્રા ભવન્તિ । સ્વહૃદિ પઞ્ચસૂચિકવજ્રં વિભાવ્ય । મહામુદ્રા લેખ્યાનુસારતો બન્ધનીય ઇતિ ।
તતો ભગવન્તં વૈરોચનં ભદ્રકલ્પિકં બાહ્યવજ્રકુલાનિ ચ વજ્રરત્નાભિષેકેનાભિષિઞ્ચ્ય । શ્રીવજ્રહુંકારાદીન્ પઞ્ચબુદ્ધમુકુટવજ્રમાલાપટાભિઃષેકૈર્ અભિષિઞ્ચેત્ । તતો ઽર્ઘં દત્વા પૂજાં કુર્યાત્ । તત્ર તાવદ્ રત્નાદિમયાન્ કલશાન્ પૂર્વોક્તલક્ષણાન્ વજ્રાદિસ્વચિહ્નકાન્ વૈરોચનાદિમન્ત્રૈર્ અષ્ટોત્તરશતજપ્તાન્ બાહ્યમણ્ડલં બાહ્યતો નિવેશયેત્ । પૂર્ણકુમ્ભાશ્ ચ વસ્ત્રયુગલક્ષં દશસહસ્રકં શતં પ્રત્યેકમ્ એકં વા સર્વસામાન્યમ્ । નાનાપ્રકારાણિ વિતાનાનિ ચતુઃકોણે વિચિત્રપતાકાવસક્તાનિ છત્રધ્વજપતાકાશ્ ચ । ઓંકારેણ શ્રીવજ્રહુંકારેણ ચ પરિજપ્ય । વજ્રસ્ફરણમ્ ઇત્ય્ અનેન સર્વદેવતાન્ નિર્યાતયેત્ । પુષ્પવૃક્ષશતં ચતુરો વા વૃક્ષાન્ સર્વપુષ્પાણિ ચ । વજ્રાનલેન મુદ્રાયુક્તેન ।
ઓં વજ્રપુષ્પે હું ઇતિ ચ પુષ્પમુદ્રયાભિમન્ત્ર્ય । સર્વગન્ધાન્ સુવાસાંશ્ ચ વિલેપનસુગન્ધકાન્ તથૈવ વજ્રાનલેન । ઓં વજ્રગન્ધે હું ઇત્ય્ અનયા ચ ગન્ધમુદ્રાયુક્તયા કર્પૂરાગુરુતુરુસ્કાનિ ચન્દનાદિસંમિશ્રાણિ । તથૈવ વજ્રાનલેન ઓં વજ્રધૂપે હું ઇત્ય્ અનયા ધૂપમુદ્રાસહિતયા ધૂપઘટિકાલક્ષં દશસહસ્રં શતં યથાલાભં વા પ્રદીપલક્ષં દશસહસ્રં શતં સર્વપ્રદીપાન્ પ્રદીપવર્તિજ્વલિતયુક્તં કુણ્ડં સહસ્રં ચ દશૈકં વા । તથૈવ વજ્રાનલેન ઓં વજ્રાલોકે ઇત્ય્ અનયા પ્રદીપમુદ્રાયુક્તયા પરિજપ્ય । ઓં વજ્રસ્ફરણમ્ ઇત્ય્ ઉદીરયન્ નિર્યાતયેત્ । બલ્યુપહારં ચ લક્ષં દશસહસ્રં શતં દશસંખ્યાં વા સ્વસ્તિકમ્ આદિતઃ કૃત્વા નાનાપ્રકારાણિ ચ ભક્ષાણિ । તથૈવ વજ્રાનલેન પરિજપ્ય ।
અકારો મુખં સર્વધર્માણામ્ આદ્યનુત્પન્નત્વાદ્ ઇત્ય્ ઉદીરયન્ નિર્યાતયેત્ । દશવાદ્યસહસ્રાણિ સહસ્રશતં વાદ્યાનિ દશવાદ્યાનિ વા હુંકારેણ વાદ્યમુદ્રાભિર્ વજ્રમુષ્ટિભ્યાં કરાંગુલિભિર્ વાદ્યાભિનયદશપ્રકારાઃ । તદ્યથા વીણાવંશામુરજામુકુન્દાકાંસાભેરીમૃદંગપટહગુંજાતિમિલાભિનયશ્ ચેતિ । વાદ્યનટનર્તકકુણ્ડલમુકુટાદિપાજાશ્ ચ । ઓંકારેણાભિમન્ત્ર્ય । તથા પટાવલમ્બના કાર્યા સ્રક્ ચામરવિભૂષિતા । હારાર્ધહારરચિતારચિતાર્ધચન્દ્રોપશોભિતા । તુરંગહસ્તિગોયૂથા દાતવ્યાશ્ ચ સુકલ્પિતાઃ ।
તોરણાનિ ચ રમ્યાણિ ઘણ્ટાદિસહિતાનિ ચ । વજ્રસ્ફરણમ્ ઇત્ય્ અનેન ।
ઓં વજ્રસત્ત્વસંગ્રહાદ્ વજ્રરત્નમ્ અનુત્તરં વજ્રધર્મ ગાયનૈર્ વજ્રકર્મકરો ભવેદ્ ઇત્ય્ ઉદીરયન્ । નૃત્યં કૃત્વા વજ્રલાસ્યાદ્યષ્ટવિધપૂજાભિઃ ક્રોધમુષ્ટિદ્વયયુક્તકર્મમુદ્રાભિઃ સર્વમણ્ડલં પૂજયેત્ । વજ્રમુષ્ટિદ્વયં બદ્ધ્વા તર્જનીદ્વયં પ્રસાર્ય ક્રોધમુષ્ટિદ્વયં ભવતિ । પુનર્ વજ્રકુલમણ્ડલોક્તષોડશકર્મમુદ્રાભિર્ અપિ સંપૂજ્ય સર્વક્રોધકુલવિજ્ઞપ્તિં કુર્યાત્ । સર્વસત્ત્વાર્થં કુરુધ્વં સર્વસિદ્ધય ઇતિ । તતો બાહ્યબલિં દદ્યાદ્ ઉત્તરસાધકં મણ્ડલે પ્રતિષ્ઠાપ્ય । સલાજં સતિલં સામ્ભઃ સભક્તં કુસુમૈહ્ સહ સતિલકાદિભક્તૈશ્ ચાકારાદિના પરિજપ્ય । પૂર્વદિગ્ભાગમ્ આરભ્ય ત્રિક્ષેપાં ગન્ધપુષ્પધૂપદીપાર્ઘં ચાદાવ્ અન્તે દદ્યાત્ । તત્ર પૂર્વં તાવન્ મણ્ડલાનિ કારયેત્ । તત આવાહયેત્ । તતઃ સમયં દર્શયેત્ । અર્ઘં ચ દત્વા ગન્ધાદિભિઃ સંપૂજ્ય બલિં દદ્યાત્ । તતો વિસર્જયેદ્ ઇતિ ।
તત્રેમે મુદ્રામન્ત્રા ભવન્તિ ।
આલીઢપદેન સ્થિતઃ । પ્રાઙ્મુખો વામવજ્રં દર્શયેત્ । દક્ષિણં કટિદેશે સંધાર્ય તર્જન્યંકુશ્યાવાહયેત્ । તર્જન્ય્ અંકુશરહિતા । શક્રસ્ય સમયમુદ્રા ।
પ્રત્યાલીઢપદેન સ્થિત્વાવાહનમુદ્રાયસ્ તર્જનીં પ્રસાર્ય વિસર્જનમુદ્રા । અથાસ્ય મન્ત્રઃ । નમો વજ્રસ્ય દિશિ વજ્રપાણે રક્ષ સ્વાહા । દક્ષિણકરતર્જની કુણ્ડલાકારેણ કુંચયિત્વા મધ્યમાસૂચ્યાસ્ તૃતીયપર્વે ધારયેદ્ અંગુષ્ઠકં ચ કરમધ્યે । અગ્નેર્ આવાહનમુદ્રા ।
આવાહનમુદ્રાયા અંગુષ્ઠં તર્જનીપાર્શ્વશ્રિતમ્ । અગ્નેઃ સમયમુદ્રા । અસ્યા એવ મુદ્રાયાઃ કરમધ્યે ઽભિમુખાવ્ અંગુષ્ઠતર્જનીનખાવ્ એકતો યોજ્યૌ વિસર્જનમુદ્રા ।
મન્ત્રઃ ।
અગ્ને એહિ એહિ કપિલ જ્વલ જ્વલ દહ શિખિતો લોલ વિરૂપાક્ષ સ્વાહા ।
યામ્યામ્ અભિમુખો યોગી । અભિમુખકરૌ કૃત્વાભ્યન્તરવજ્રબન્ધે મધ્યે ઽંગુષ્ઠયુગલં બહિર્ અનામિકાદ્વયાસક્તસૂચી પુનર્ અભ્યન્તરે ધારયેત્ । યમસ્યાવાહનમુદ્રા । અનામિકામ્ પુનર્ બાહ્યતઃ સૂચીં તથૈવ કૃત્વા । હૃદયે ધારયેત્ । સમયમુદ્રા । અનયૈવાનામિકાસૂચ્યા વિસર્જનં ભવતિ ।
અસ્ય । મન્ત્રઃ । યમાય સ્વાહા ।
નૈરૃત્યામ્ અભિમુખઃ સમપદસ્થિતો દક્ષિણકરમુષ્ટિમ્ કૃત્વા । મધ્યમાતર્જન્યાવ્ એવમ્ આકુંચ્ય ધારયેત્ ખડ્ગાકારેણ સંસ્થાપ્ય વામકરં કટિદેશે ધારયેત્ । વામતર્જનીં કુંચયિત્વા । નૈરૃત્યેર્ આવાહનમુદ્રા ।
અસ્યા એવ મુદ્રાયા વામકરં કટિદેશે ઽવસ્થિતં ખડ્ગમુદ્રા । નૈરૃતેઃ સમયમુદ્રા । આવાહનમુદ્રાયાસ્ તર્જનીમ્ પ્રસાર્ય વિસર્જનમુદ્રા । મન્ત્રો ઽસ્ય । સર્વભૂતભયંકરમ્ કુરુ કુરુ સ્વાહા ।
વારુણ્યાં દિશિ સમપદસ્થિતો દક્ષિણકરતર્જન્યંગુષ્ઠાવ્ એકતો યોજયેદ્ વામમુષ્ટિં હૃદિ સંધાર્ય વામતર્જન્યંકુશેનાવાહયેત્ । વરુણસ્યાવાહનમુદ્રા । અસ્યા એવ વામતર્જનીમુષ્ટિયોગતો ધારયેત્ પાશમુદ્રા । આવાહનમુદ્રાયાસ્ તર્જનીં પ્રસાર્ય વિસર્જનમુદ્રા । મન્ત્રો ઽસ્ય । તૃતૃપુટ તૃતૃશિખિતોલિ વિરૂપાક્ષ સ્વાહા ।
વાયવ્યાં દિશ્ય્ અભિમુખં સ્થિત્વા વામકરમધ્યમા સૂચીમુક્તા તર્જની કુણ્ડલાકારેણ તૃતીયપર્વે સંદધ્યાભિમુખં પ્રસારયેદ્ દક્ષિણકરં કટિદેશે સંસ્થાપ્ય । કુંચિતાંગુષ્ઠેન વાયોર્ આવાહનમુદ્રા । અસ્યા ચ્વાંગુષ્ઠં પૂર્વવત્ સંધાર્ય વાયોર્ સમયમુદ્રા । આવાહનમુદ્રાયા અંગુષ્ઠં પ્રસાર્ય વિસર્જનમુદ્રા । મન્ત્રઃ । ઓં શ્વસ ખાખે ખુખઃ સ્વાહા ।

કૌબેર્યભિમુખં સ્થિતઃ કરદ્વયમ્ અભિમુખં કૃત્વાભ્યન્તરવજ્રબન્ધં કનિષ્ઠાદ્વયસૂચીં તસ્યાઃ પૃષ્ઠતો ઽનામિકાયુગલં પૃથક્ સંધાર્ય મધ્યમાસૂચીં વજ્રાકારેણ નામયેત્ કુબેરાવાહનમુદ્રા । અસ્યા એવ મુદ્રાયા મધ્યમાદ્વયમ્ અભ્યન્તરવજ્રબન્ધયોગતો ન્યસ્ય કુબેરસ્ય સમયમુદ્રા । આવાહનમુદ્રાયા મધ્યમાદ્વયં પ્રસાર્ય વિસર્જનમુદ્રા । મન્ત્રો ઽસ્ય । ઓં કુબેરાય સ્વાહા ।
ઐશાન્યાં દિશ્ય્ અભિમુખં સ્થિત્વા કરાવ્ એકતો યોજ્યાંજલિં કૃત્વા કન્યસાનામિકાતલવજ્રબન્ધં કૃત્વાંગુષ્ઠયુગલં મધ્યમાશ્રિતં મધ્યમાસૂચ્યો બહિર્ વજ્રાકારેણ તર્જનીદ્વયં ન્યસ્ય તદ્ એવાકુંચ્યોપરિ પરસ્પરનખાસક્તં કુર્યાદ્ ઈશાનાવાહનમુદ્રા । અસ્યા એવ તર્જન્યૌ પૂર્વવદ્ વજ્રાકારેણ ધારયેદ્ ઈશાનસમયમુદ્રા । આવાહનમુદ્રાયાસ્ તર્જન્યૌ પ્રસાર્ય વિસર્જનમુદ્રા ।
મન્ત્રઃ । ઓં જું જું શિવ સ્વાહા ।

પ્રત્યાલીઢસ્થાનસ્થો ઽંજલ્યાકારેણ હસ્તૌ સંધાર્ય । ઊર્ધ્વં દૃષ્ટ્વા તર્જનીદ્વયાંકુશ્યા બ્રહ્માદીનાં આવાહનમુદ્રા । અસ્યા એવ તર્જનીદ્વયં પૂર્વવત્ સંસ્થાપ્ય સમયમુદ્રા । આવાહનમુદ્રાયાસ્ તર્જનીદ્વયં પ્રસાર્ય વિસર્જનમુદ્રા । મન્ત્રાસ્ તેષામ્ । ઓં ઊર્ધ્વં બ્રહ્મણે સ્વાહા । ઓં સૂર્યાય ગ્રહાધિપતયે સ્વાહા । ઓં ચન્દ્રાય નક્ષત્રાધિપતયે સ્વાહા ।
સમપદં સ્થાનમ્ આસ્થાય હસ્તદ્વયમ્ એકતો યોજ્યાવિચલાન્યોન્ય્ આંગુલ્યગ્રા સમ્યોજ્યાંગુષ્ઠૌ વર્તુલાકારેણાધોદૃષ્ટિં કૃત્વા પૃથિવ્યાદીનાં તર્જન્યંકુશાભ્યામ્ આવાહનમ્ । તર્જન્યૌ પૂર્વવદ્ વ્યવસ્થાપ્ય સમયમુદ્રા । આવાહનમુદ્રાયાઃ પ્રસારિતતર્જનીભ્યાં વિસર્જનમુદ્રા । મન્ત્રઃ । ઓમ્ અધઃ પૃથિવ્યૈ સ્વાહા । ઓં અસુરેભ્યઃ સ્વાહા । ઓં નાગેભ્યઃ સ્વાહા ।
તત આચમનં સ્વમન્ત્રૈર્ એવ સર્વેષાં દત્વા । સશિષ્યગણસ્ય મમાવિઘ્નં કુરુત કર્મસિદ્ધિં ચ મે પ્રયચ્છ । ઇત્ય્ ઉક્ત્વા સર્વાન્ વિસર્જયેદ્ ઇતિ ।
અથ સુબાહુપરિપઠિતગાથાભિર્ બલિં દદ્યાત્ ।
દેવાસુરાઃ સર્વભુજંગસિદ્ધાઃ ॥
તાર્ક્ષાઃ સુપર્ણાઃ કટપૂતનાશ્ ચ ॥
ગન્ધર્વયક્ષા ગ્રહજાતયશ્ ચ ॥
યે કેચિદ્ ભૂમૌ નિવસન્તિ દિવ્યાઃ ॥
ન્યસ્તૈકજાનુઃ પૃથિવીતલે ઽસ્મિન્ ॥
કૃતાંજલિર્ વિજ્ઞાપયામિ તાંસ્ તુ ॥
સપુત્રદારૈઃ સહ ભૃત્યસંઘૈઃ ॥
શ્રુત્વા ઇહાયાન્તુ અનુગ્રહાર્થમ્ ॥
યે મેરુપૃષ્ઠે નિવસન્તિ ભૂતાઃ ॥
યે નન્દને યે ચ સુરાલયેષુ ॥
યે ચોદયાસ્તે રવિમણ્ડલે ચ ॥
નગરેષુ સર્વેષુ ચ યે વસન્તિ ॥
સરિત્સુ સર્વાસુ ચ સંગમેષુ ॥
રત્નાલયે ચાપિ કૃતાધિવાસાઃ ॥
વાપીતટાગેષુ ચ પલ્વલેષુ ॥
કૂપેષુ વપ્રેષુ ચ નિર્ઝરેષુ ॥
ગ્રામઘોષેષુ સુરકાનને વા ॥
શૂન્યાલયે દેવગૃહેષુ યે ચ ॥
વિહારચૈત્યાવસથાશ્રમેષુ ॥
મઠેષુ શાલાસુ ચ કુઞ્જરાણામ્ ॥
યે ભૂભૃતાં ચિત્રગૃહે વસન્તિ ॥
રથ્યાસુ વીથીષુ ચ ચત્વરેષુ ॥
યે ચૈકવૃક્ષેષુ મહાપથેષુ ॥
મહાશ્મશાનેષુ મહાવનેષુ ॥
સિંહેભ ઋક્ષાધ્યુષિતેષુ યે ચ ॥
વદન્તિ ઘોરાસ્ મહાટવીષુ ॥
દ્વીપેષુ દિવ્યેષુ કૃતાલયાશ્ ચ ॥
મેરૌ શ્મશાને નિવસન્તિ યે ચ ॥
હૃષ્ટાઃ પ્રસન્નાઃ સ્રજગન્ધમાલ્યમ્ ॥
ધૂપં બલિં દ્xપં વિધિં ચ ભક્ત્યા ॥
ગૃહ્ણન્તુ ભુંજન્તુ પિબન્તુ ચેદમ્ ॥
ઇદં ચ કર્મં સફલં જુષન્તુ ॥
એવં તુ કૃત્વા ગ્રહપૂજનં તુ ॥
દિગર્ચનં ત્વ્ એકમના પ્રકુર્યા ॥
ઇન્દ્રા તુ વજ્રી સહ દેવસંઘૈઃ ॥
ઇમાં ચ ગૃહ્ણન્તુ બલિં વિશિષ્ટમ્ ॥

અગ્નિર્ યમો નૈરૃતિર્ ભૂપતિશ્ ચ ॥
અપાં પતિર્ વાયુધનાધિપતિઃ ॥
ઈશાનભૂતાધિપતિશ્ ચ દેવાઃ ॥
ઊર્ધ્વં તુ ચન્દ્રો ઽર્કઃ પિતા મહાંશ્ ચ [।
દેવાઃ સમસ્તા ભુવિ યે ચ નાગાઃ ॥
ધરાધરા ગુહ્યગણૈઃ સમેતાઃ ॥
પ્રતિપ્રતિત્વેકનિવેદનં તુ ॥
સ્વકસ્વકાશ્ ચૈવ દિશાસુ ભૂતાઃ ॥
ગૃહ્ણન્તુ તુષ્ટાઃ સબલાઃ સસૈન્યાઃ ॥
સપુત્રમિત્રસ્વજનૈઃ સમેતાઃ ॥
ધૂપં બલિં દીપં પુષ્પવિલેપનં ચ ॥
ભુંજન્તુ જિઘ્રન્તુ પિબન્તુ ચેદમ્ ॥
ઇદં ચ કર્મં સફલં જુષન્તુ ॥ ઇતિ ।
તત્રાયં સબાહ્યાભ્યન્તરે બલિપ્રદાનમન્ત્રઃ । અકારો મુખં સર્વધર્માણામ્ આદ્યનુત્પન્નત્વાદ્ ઇતિ ।
તતો પસ્પૃશ્ય પૂર્વદ્વારાભિમુખાવસ્થિતઃ સર્વકર્મિકકુણ્ડમધ્યે શ્રીત્રૈલોક્યવિજયમણ્ડલસર્વદેવતામન્ત્રાન્ ઉદાહરન્ કુસુમૈર્ નિવેશ્ય । હોમવિધિના શ્રીવજ્રહુંકારમન્ત્રેણાષ્ટોત્તરશતં ગોઘૃતેનાહુતિં દદ્યાત્ । શ્રીવૈરોચનાદિમન્ત્રૈર્ અપિ વજ્રાવેશક્રોધપર્યન્તૈઃ સપ્તસપ્તાહુતિઃ પુનઃ ।
તતો યથાવદ્ અગ્નિકુણ્ડે વૈરોચનાદીન્ પુષ્પૈર્ અવાકૃષ્ય વૈરોચનાદિમન્ત્રૈર્ આલિખિતે મણ્ડલે સ્વસ્થાનેષુ નિવેશયેત્ ।
તતઃ સર્વતથાગતાન્ પ્રણમ્ય ।
અહમ્ અમુકનામ્ના ચ વજ્રાચાર્યો મહાતપાઃ ॥
શિષ્યાન્ પ્રવેશયિષ્યામિ સર્વસત્ત્વહિતાર્થતઃ ॥
અત્ર ચ મણ્ડલપ્રવેશે પાત્રાપાત્રપરીક્ષા ન કાર્યા । તત્ કસ્ય હેતોઃ । સન્તિ ભદન્તસ્ તથાગતાઃ કેચિત્ સત્ત્વા મહાપાપકારિણસ્ ત ઇદં વજ્રહુંકારમણ્ડલં દૃષ્ટ્વા પ્રવિષ્ટ્વા ચ સર્વાપાયવિગતા ભવિષ્યન્તિ ।
સન્તિ ભગવન્તઃ સત્ત્વાઃ સર્વાર્થભોજનકામગુણગૃદ્ધાઃ સમયદ્વિષ્ટાઃ પુરશ્ચરણાદીષ્ટાશક્તાસ્ તેષામ્ અપ્ય્ અત્ર યથાકામકરણીયા પ્રવિષ્ટાનાં સર્વાશાપરિપૂર્તિર્ ભવિષ્યતિ ।
સન્તિ ચ ભગવન્તઃ સત્ત્વા નૃત્યગીતહાસ્યલાસ્યાહારવિહારપ્રિયતયા સર્વતથાગતમહાયાનધર્મતાનવબોધાદ્ અન્યદેવકુલમણ્ડલાનિ પ્રવિશન્તિ । સર્વાશાપરિપૂર્તીસંગ્રહભૂતેષુ નિરુત્તરરતિપ્રીતિહર્ષસંભવકરેષુ સર્વતથાગતકુલમણ્ડલેષુ શિક્ષાભયભીતાન્ ન પ્રવિશન્તિ । તેષામ્ અપાયમણ્ડલપ્રવેષે યથાવસ્થિતસુખાત્મસમયમ્ એવ વજ્રહુંકારમણ્ડલપ્રવેશો યુજ્યતે । સર્વરતિપ્રીત્યુત્તમસુખસૌમનસ્યાભિવર્દ્ધનાર્થં સર્વાપાયગતિપ્રવેશાભિમુખપથવિનિવર્તનાય ચ । સન્તિ ચ પુનર્ ભગવન્તો ધાર્મિકાઃ સત્ત્વાઃ સર્વતથાગતશીલસમાધિપ્રજ્ઞોત્તમસિદ્ધ્યુપાયૈર્ બુદ્ધબોધિં પ્રાર્થયન્તો ધ્યાનવિમોક્ષાદિભિર્ ભૂમિભિર્ યત્નતઃ ક્લિષ્યન્તે । તેષામ્ અત્રૈવ વજ્રહુંકારમણ્ડલેપ્રવેશમાત્રેણૈવ સર્વતથાગતત્વમ્ અપિ ન દુર્લભમ્ । કિમ્ અંગ પુનર્ અન્યસિદ્ધિર્ ઇતિ વિજ્ઞાપયેત્ । તતઃ શિષ્યાન્ પ્રવેશયેત્ । તત્ર પઞ્ચશિક્ષાપદપરિગૃહીતેન શ્રામણેરકભિક્ષુસંવરગૃહીતેન વા । આચાર્યાભિષેકાર્હે નાચાર્યપાદયોઃ પ્રણિપત્યૈવં વક્તવ્યમ્ । ત્વં મે શાસ્તા મહારતઃ ॥
ઇચ્છામ્ય્ અહં મહાનાથ મહાબોધિનયં દૃઢમ્ ॥
દેહિ મે સમયતત્ત્વં સંવરં ચ દદસ્વ મે ॥ ઇતિ ।
તતો વજ્રયક્ષપરિજપ્તં નીલવસ્ત્રનિવસનોત્તરીયં વજ્રાંકુશાદિદ્વારપાલચતુષ્ટયપરિજપ્તં મુખવેષ્ટનં શિષ્યં કૃત્વા ચતુઃપ્રણામં કારયેત્ ।
પુનઃ પુષ્પકરેણ શિષ્યેણાચાર્યં પુષ્પકરેણૈવ દેશનાનુમોદનાધ્યેષણાયાચનાં ચ કૃત્વા વક્તવ્યમ્ ।
દેહિ મે સંવરં વિભો ॥
સમન્વાહરન્તુ માં બુદ્ધા અશેષા મુનિભાસ્કરાઃ ॥
અહમ્ અમુકનામ્ના વઈ આચાર્યસમક્ષં સ્થિતઃ ॥
પ્રવિશામિ મહાગુહ્યં બુદ્ધનાટકસંભવમ્ ॥
અવૈવર્તિકચક્રાદ્યં મહામોક્ષપુરં વરં ॥
પ્રવેશ માં મહાચાર્ય સર્વગુહ્યકુલોચ્ચયમ્ ॥
દદસ્વ મે મહાભાગં અવૈવર્ત્યભિષેચનં ॥
દદસ્વ મે મહાચાર્ય લક્ષણસ્યાનુમોદનં ॥
અનુવ્યઞ્જનસંયુક્તં બુદ્ધકાયં મનોરમમ્ ॥
દદસ્વ મે મહાચાર્ય અભિષેકં મહાદ્ભુતમ્ ॥
આચાર્યો ઽહં ભવેન્ નિત્યં સર્વસત્ત્વાર્થકારણાત્ ॥
તત આચાર્યેણ સર્વકુલવિજ્ઞપ્તિઃ કાર્યા ।
અયં એવામુકનામ્ના બોધિચિત્તપરિગ્રહઃ ॥
ઇચ્છતે ગુહ્યચક્રે ઽસ્મિન્ પ્રવેષ્ટાં સમયસંવરમ્ ॥

તત આચાર્યેણ વક્તવ્યમ્ ।
ઇચ્છસે ત્વં મહાત્મન્ મહાગુહ્યકુલં શુદ્ધં રહસ્યં પરિગ્ર્હ્ણિતુમ્ ।
બુદ્ધં ધર્મં ચ સઙ્ઘં ચ ત્રિરત્નશરણં વ્રજ ॥
એતદ્ બુદ્ધકુલે રમ્યે સંવરં ભવતે દૃઢમ્ ॥
વજ્રં ઘણ્ટા ચ મુદ્રા ચ ત્વયા ગ્રાહ્યા મહામતે ॥
યદ્ બોધિચિત્તં તદ્ વજ્રં પ્રજ્ઞા ઘણ્ટા ઇતિ સ્મૃતા ॥
આચાર્યશ્ ચ ગૃહીતવ્યઃ સર્વબુદ્ધસમો ગુરુઃ ॥
એતદ્ વજ્રકુલે શુદ્ધે સંવરં સમયોચ્યતે ॥
ચતુર્દાનં પ્રદાતવ્યં ત્રિદિવે ચ ત્રિરાત્રિકે ॥
આમીષાભયધર્માખ્યા મૈત્રી રત્નકુલોચ્ચયે ॥
સદ્ધર્મં ચ ત્વયા ગ્રાહ્યં ગુહ્યં ત્રિયાનિકમ્ ॥
એતત્ પદ્મકુલે શુદ્ધે સંવરં સમયોચ્યતે ॥
સંવરં સર્વસંયુક્તં પરિગૃહ્ણીષ્વ તત્ત્વતઃ ॥
પૂજાકર્મ યથાશક્ત્યા મહાકર્મકુલોચ્ચયે ॥
એતત્ પારાજિકાખ્યાતાશ્ ચતુર્દશમ્ અતઃ પરમ્ ॥
ન ત્યાજ્યં ન ચ ક્ષેપ્તવ્યં મૂલાપત્તિર્ ઇતિ સ્મૃતમ્ ॥
ત્રિદિવે ચ ત્રિરાત્રૌ ચ વર્તિતવ્યં દિને દિને ॥
યદા હાનિર્ ભવેદ્ યોગી સ્થૂલાપત્ત્યો ભવિષ્યતિ ॥
પ્રાણિનશ્ ચ ન તે ઘાત્યા અદત્તં નૈવ ચાહરેત્ ॥
નાચરેત્ કામમિથ્યાયાં મૃષા નૈવ ચ ભાષયેત્ ॥
મૂલં સર્વસ્યાનર્થસ્ય મદ્યપાનં વિવર્જયેત્ ॥
અક્રિયાં વર્જયેત્ સર્વાં સત્ત્વાર્થં વિનયેન ચ ॥
સાધૂનામ્ ઉપતિષ્ઠેત યોગિનાં પર્યુપાસનમ્ ॥
ત્રિવિધં કાયિકં કર્મ વચસા ચ ચતુર્વિધમ્ ॥
મનસા ત્રિપ્રકારં ચ યથાશક્ત્યાનુપાલયેત્ ॥
મનસા ત્રિપ્રકારં ચ યથાશક્ત્યાનુપાલયેત્ ॥
હીનયાનસ્પૃહા નૈવ સત્ત્વાર્થં વિમુખં ન ચ ॥
ન સંસારપરિત્યાગી ન નિર્વાણરતિઃ સદા ॥
અપમાનં ન તે કાર્યં દેવતા ન ચ ગુહ્યકે ॥
ન ચ ચિહ્નં સમાક્રમ્યં મુદ્રા વાહનમ્ આયુધમ્ ॥
એતત્ સમયમ્ ઇત્ય્ ઉક્તં રક્ષિતવ્યં ત્વયા મતે ॥
તસ્યૈવ ચાપિ વક્તવ્યં આચાર્ય તુ શૃણુષ્વ મે ॥
એવમ્ અસ્તુ કરિષ્યામિ યથા જ્ઞાપયસે વિભો ॥
ઉત્પાદયામિ પરમમ્ ઇત્યાદિ યાવત્ સર્વાન્ સ્થાપયિષ્યામિ નિર્વૃતાવ્ ઇતિ ।
યસ્ તુ સંવરં ન ગૃહ્ણાતિ તસ્ય પ્રવેશમાત્રમ્ એવ દાતવ્યમ્ ।
અદ્ય ત્વમ્ ઇત્યાદિ ન બ્રૂયાદ્ આચાર્યાભિષેકં ચ ન કુર્યાત્ ।
તતઃ । ઓં સર્વયોગચિત્તમ્ ઉત્પાદયામીત્ય્ અનેન ।
ઉત્પાદયિત્વા પરમં બોધિચિત્તમ્ અનુત્તરમ્ ॥
વજ્રમ્ અસ્ય પ્રતિષ્ઠાપ્ય હૃદયે હૃદયેન તુ ॥
સુરતે સમયસ્ ત્વં હોઃ વજ્રસિદ્ધિ યથાસુખમ્ ॥ ઇત્ય્ અનેન ।

તતસ્ તં વજ્રહુંકારમ્ અધિષ્ઠાય ગન્ધપુષ્પાદિભિર્ અભ્યર્ચ્ય સ્રગ્વિનં સુરભિતાનનં ચ કૃત્વોત્તમાં દક્ષિણામ્ આદાય બહિઃ સ્થિતકલશોદકેનાભિષિઞ્ચ્ય । ઓં ગૃહ્ણ વજ્રસમય હું વં ઇત્ય્ અનેન ક્રોધતેરિન્તિરીં સ્વયં બદ્ધ્વા શિષ્યેન બન્ધયેત્ ।
વજ્રબન્ધં તલે કૃત્વા છાદયેત્ ક્રુદ્ધમાનસઃ ॥
ગાઢમ્ અંગુષ્ઠવજ્રેણ ક્રોધતેરિન્તિરી સ્મૃતા ॥
તતસ્ તયૈવાંગુસ્થાભ્યાં પુષ્પમાલાં ગ્રાહયિત્વા પ્રવેશયેદ્ અનેન હૃદયેન । ઓં વજ્રસમયં પ્રવિશામીતિ । પૂર્વદ્વારે ચ વજ્રાંકુશેન તમ્ આકર્ષયેત્ । દક્ષિણેન પાશેન પ્રવેશયેત્ । પશ્ચિમેન સ્ફોટેન બધ્નીયાત્ । ઉત્તરે વજ્રાવેશેન વેશયેત્ । પુનઃ પૂર્વદ્વારેણ પ્રવેશ્યૈવં વદેત્ । અભ્યર્ચ્ય સર્વતથાગતકુલે પ્રવિષ્ટસ્ તદ્ અહં તુ વજ્રજ્ઞાનમ્ ઉત્પાદયિષ્યામિ । યેન જ્ઞાનેન સર્વતથાગતસિદ્ધિર્ અપિ પ્રાપ્સ્યસે । કિમ્ અન્યા સિદ્ધિઃ । ન ચ ત્વયાદૃષ્ટમણ્ડલસ્ય પુરતો વક્તવ્યમ્ । મા તે સમયો વ્યથેદ્ ઇતિ ।
તતઃ સ્વયં વજ્રાચાર્યઃ ક્રોધતેરિન્તિરીમ્ એવં ઊર્ધ્વમુખીં બદ્ધ્વા વજ્રં શિષ્યસ્ય મૂર્ધ્નિ સ્થાપ્યૈવં વદેત્ । અયં તે સમયવજ્રો મૂર્ધ્નિં તે સ્ફારયેદ્ યદિ ત્વં કસ્યચિદ્ બ્રૂયાઃ । તતસ્ તયૈવ સમયમુદ્રયોદકં શયથા હૃદયેન સત્કૃત્ય પરિજપ્ય તસ્મૈ વજ્રશિષ્યાય પાયયેદ્ ઇતિ । તત્રેદં શયથા હૃદયમ્ ।
વજ્રસત્ત્વઃ સ્વયં તે ઽદ્ય હૃદયે સમવસ્થિતઃ ॥
નિર્ભિદ્ય તત્ ક્ષણં યાયાદ્ યદિ બ્રૂયા ઇમં નયમ્ ॥
વજ્રોદક । ઇતિ । તતઃ શિષ્યાય બ્રૂયાદ્ અદ્ય પ્રભ્ત્તિ તે ઽહં વજ્રપાણિર્ યદ્ અહં બ્રૂયામ્ ઇદં કુરુ તત્ કર્તવ્યં ન ચ ત્વયાહમ્ અવમન્તવ્યો મા તે વિષમાપરિહારેણ કાલક્રિયાં કૃત્વા નરકે પતનં સ્યાદ્ ઇતિ ।
તદ્ અનુ અકારં વજ્રરશ્મિમાલાયુક્તં સ્વહૃદિ ચિન્તયેત્ । તતઃ શિષ્યહૃદૂર્ણાકણ્ઠમૂર્ધ્નિષુ ચન્દ્રમણ્ડલસ્થપઞ્ચસૂચિકં જ્વાલાવજ્રં રત્નં પદ્મં વિશ્વવજ્રં ચ ચિન્તયેત્ । એભિર્ યથાક્રમેણ હું ત્રં હ્રીઃ અઃ ઇતિ ।
કપાટોદ્ઘાટનમુદ્રયા સ્વકીયં શિષ્યહૃદયં ચોદ્ઘાટ્ય સ્વહૃદયાદ્ અકારં નિશ્ચાર્ય શિષ્યહૃદ્ગતવજ્રમધ્યે બુદ્ધ્યા પ્રવેશ્ય સર્વકાયમ્ આપૂર્યમાણં ચિન્તયેત્ । એવં વદેત્ । બ્રૂહિ સરતથાગતાશ્ ચાધિષ્ઠન્તાં વજ્રસત્ત્વો મે આવિશતુ । તતસ્ વર્તમાનેન બ્ વજ્રાચાર્યેણ ક્રોધતેરિન્તિરીં બદ્ધ્વેદમ્ ઉચ્ચારયિતવ્યમ્ । અયન્ તત્ સમયવજ્રં વજ્રસત્ત્વ ઇતિ સ્મૃતમ્ ॥
આવેશયતુ તે ઽદ્યૈવ વજ્રજ્ઞાનમ્ અનુત્તરમ્ ॥
વજ્રાવેશ અઃ ઇતિ । 10 । 20 । 30 । 40 । 50 । 60 । 70 । 80 । 90 । 100 વારાનુચ્ચાર્ય નિયતમ્ આવિશતિ ।
તતઃ ક્રોધમુષ્ટિં બદ્ધ્વા સત્ત્વવજ્રીમુદ્રાં સ્ફોટયેદ્ ઇદમ્ ઉદીરયેત્ ।
ઓં સુમ્ભનિ સુમ્ભનિ હું । ઓં ગૃહ્ણ ગૃહ્ણ હું । ઓં ગૃહ્ણાપય ગૃહ્ણાપય હું ।
ઓં આનય હોઃ ભગવન્ વજ્રરાજ હું ફટ્ । અઃ અઃ અઃ અઃ । 10 । 20 । 30 । 40 । 50 । 60 । 70 । 80 । 90 । શતવારાન્ ઉચ્ચારયેત્ । ભગવતા ચ વજ્રવાતમણ્ડલ્યા ચ વજ્રહુંકારેણ રક્તવર્ણજ્વાલાપ્રભેણાપાર્યમાણં ચિન્તયેત્ । પુનર્ અપિ યદ્ય્ આવેશો ન ભવતિ । તતો ઘણ્ટાસહિતાં વજ્રાવેશસમયમુદ્રાં બદ્ધ્વા વામપાદેન તસ્ય દક્ષિણપાદમ્ આક્રંયોપર્ય્ આકાશદેશે વૈરોચનં શ્રીવજ્રહુંકારસ્યોપરિ તસ્યૈવાવેશનાય ક્રુદ્ધહુંકારરશ્મિસમૂહેનાક્રમ્યમાણમ્ અધસ્તાચ્ ચ વજ્રવાતમન્દલ્યા હુંકારેણોત્થાપ્યમાનમ્ એવં પૂર્વાદિદિક્ષ્થિતૈર્ અક્ષોભ્યાદિભિઃ । હું ત્રાં હ્રીઃ ઇતિ સ્વબીજરશ્મિવ્યૂહૈઃ સંપાત્યમાનં ચિન્તયંસ્ તમ્ આવેશયેત્ । હું વજ્રાવેશ અઃ શતધો ચ્ચારયેત્ ।
અથ પાપબહુત્વાદ્ આવેશો ન ભવતિ । તદા પાપસ્ફોટનમુદ્રયા ( સ્દ્પ્ 294 ) તસ્ય પાપાનિ સ્ફોટયેત્ । તતઃ ।
સમિદ્ભિર્ મધુરૈર્ અગ્નિં પ્રજ્વાલ્ય સુસમાહિતઃ ॥
નિર્દહેત્ સર્વપાપાનિ તિલહોમેન તસ્ય તુ ॥
ઓં સર્વપાપદહનવજ્રાય સ્વાહા । ઇતિ દક્ષિણહસ્તતલે કૃષ્ણતિલૈઃ પાપપ્રતિકૃતિં કૃત્વા હુંકારં મધ્યે વિચિન્ત્ય । તર્જન્યંગુષ્ઠાભ્યાં હોમયેત્ । તતો હોમકુણ્ડાન્ નિર્ગત્ય જ્વાલાકુલૈર્ વજ્રૈસ્ તસ્ય શરીરે પાપં દહ્યમાનં ચિન્તયેત્ । તતઃ પુનર્ વજ્રાવેશં તથૈવં બદ્ધ્વાવેશયેત્ । નિયતમ્ આવિશતિ । એવમ્ અપિ યસ્યાવેશો ન ભવતિ તસ્યાભિષેકં ન કુર્યાદ્ ઇતિ । આવિષ્ટસ્ય ચ પઞ્ચાભિજ્ઞાદિનિષ્પત્તિસ્ તત્ ક્ષણાદ્ એવ ભવતિ । તતઃ સમાવિષ્ટં જ્ઞાત્વા પુનઃ । ઓં વજ્રસત્ત્વસત્ત્વસંગ્રહાદિગીતિમ્ ઉચ્ચાર્ય । ક્રોધમુષ્ટ્યા તથૈવ સત્ત્વવજ્રીમુદ્રાં સ્ફોટયેત્ । સ ચેદ્ આવિષ્ટો વજ્રસત્ત્વક્રોધમુદ્રાં બધ્નીયાત્ । તદાચાર્યેણ વજ્રમુષ્ટિં ક્રોધમુદ્રાં બધ્નિયાત્ । એવં યાવત્ સ ચેત્ વજ્રહાસમુદ્રાં બધ્નીયાત્ । તદા વજ્રધર્મક્રોધમુદ્રાં બન્ધયેદ્ ઇત્ય્ એવં સાંનિધ્યં કલ્પયન્તિ । તતસ્ તસ્ય જિહ્વાયાં વજ્રં વિચિન્ત્ય । બ્રૂહિ વજ્ર । ઇતિ વક્તવ્યમ્ । તતઃ સર્વં કથયતિ । તતસ્ તાં માલાં મહામણ્ડલે ક્ષેપયેત્ । પ્રતિચ્છ વજ્ર હોઃ । ઇતિ । તતો યત્ર પતતિ સો ઽસ્ય સિદ્ધ્યતિ । તતસ્ તાં માલાં તસ્યૈવ શિરસિ બન્ધયેત્ । ઓં પ્રતિગૃહ્ણ ત્વમ્ ઇમાં વજ્રસત્ત્વ મહાબલ । ઇતિ । તતો મુખબન્ધં મુઞ્ચેદ્ અનેન ।
ઓં વજ્રસત્ત્વઃ સ્વયં તે ઽદ્ય ચક્ષૂદ્ઘાટનતત્પરઃ ॥
ઉદ્ઘાટયતિ સર્વાક્ષો વજ્રચક્ષુર્ અનુત્તરમ્ ॥ ઇતિ । હે વજ્ર પશ્ય । ઇતિ । તતો મહામણ્ડલવજ્રાંકુશાદ્ આરભ્ય યાવદ્ વૈરોચનપર્યન્તં દર્શયેત્ । તતસ્ તિષ્ઠ વજ્રેત્યાદિના શિષ્યપ્રવેશમુદ્રાં મોક્ષયેત્ ।
તતો બાહ્યમણ્ડલાભ્યન્તરે ચન્દ્રમણ્ડલં પૂર્વદ્વારાભિમુખં સંલિખ્ય બાહ્યતો વા શિષ્યં શ્રીવજ્રહુંકારમુદ્રયા સત્ત્વવજ્રાદિભિશ્ ચાધિષ્ઠાય મહામુદ્રયા તતઃ પ્રતિષ્ઠાપ્યાભિષિઞ્ચેત્ ।
ગન્ધપુષ્પાદિભિર્ અભ્યર્ચ્યાર્ઘં દત્વા । છત્રધ્વજપતાકાદિભિસ્ તુર્યશંખનિનાદિતૈશ્ ચ ।
તતો મઅલગાથાભિર્ અભિનન્દ્યાદૌ તાવદ્ ઉદકાભિષેકેન તતો મુદ્રાભિષેકેન મુકુટપત્ટવજ્રાધિપતિનામાભિષેકૈશ્ ચાભિષિઞ્ચેત્ । પુનઃ પુષ્પાદિભિર્ લાસ્યાદ્યષ્ટવિધપૂજયા ચ પૂજયેત્ । શિષ્યેનાચાર્યં વલિતવજ્રાંજલિના પ્રણમ્યોત્તમાં દક્ષિણાં દત્વા પુષ્પાદ્યભિષેકાશ્ ચ ગ્રાહ્યા ઇતિ । આચાર્યાભિષેકં તુ શ્રીવજ્રહુંકારમુદ્રયા તથૈવ પ્રતિષ્ઠાપ્ય યથા નિર્દિષ્ટેષુ સ્થાનેષુ સમયમુદ્રાભિસ્ તસ્ય કાયે શ્રીવજ્રહુંકારાદીન્ ન્યસ્ય । પુનર્ અપિ અનેનાષ્ટોત્તરશતસહસ્રપરિજપ્તં વિજયકલશં કૃત્વા ।
ઓં વજ્રાધિપતિ ત્વામ્ અભિષિઞ્ચામિ દૃઢો મે ભવ જઃ હું વં હોઃ હું ફટ્ ઇતિ । તત ઇમં ચોદીરયન્ । ઓં વજ્રાભિષિઞ્ચ । ઇતિ ચોદકાભિષેકં વજ્રમુષ્ટિનોદકં વિજયકલશાદ્ ગિહીત્વા દદ્યાદ્ ઇદં ચ બ્રૂયાત્ ॥
ઇદં તે નારકં વારિ સમયાતિક્રમાદ્ દહેત્ ॥
સમયાભિરક્ષાત્ સિદ્ધિઃ સિદ્ધં વજ્રામૃતોદકમ્ ॥
વજ્રઘણ્ટાં ચ મુદ્રાં ચ યદ્ય્ અમણ્ડલિનો વદેત્ ॥
હસેદ્ વાશ્રદ્ધદાનેન જનસંગણિકાસ્થિતઃ ॥ ઇતિ ।
તતઃ સર્વવિધિમ્ અનુષ્ઠાય નામાષ્ટશતેન સંસ્તુત્ય ગાથાપઞ્ચકેનાનુજ્ઞાં દત્વોદ્ગતન્વ્યાકરણેન સર્વશિષ્યાન્ સર્વશિષ્યાન્ વ્યાકુર્યાદ્ ઇતિ ।
અથ ગુહ્યાભિષેકો ભવતિ । આચાર્યાભિષેકાર્હં પ્રવેશ્ય સર્વમણ્ડલં તુ તત્ કુરુસ્વ । ઇતિ ।
અનેકકર્મસંસિદ્ધિં સિદ્ધિમ્. ચાપિ યથેપ્સિતામ્ ॥

પ્રાપ્નોતિ નિયતં કૃત્સ્નામ્ અધમોત્તમમધ્યમામ્ ॥
નિર્વિઘ્નેન પરાં ભૂમિં કિં પુનઃ ક્ષુદ્રસિદ્ધયઃ ॥
બુદ્ધત્વં બોધિસત્ત્વત્વં વજ્રસત્ત્વત્વમ્ અદુર્લભમ્ ॥ ઇતિ ।
યસ્ય સિદ્ધિર્ નિર્જાયતે યસ્ય પાપા મહાગ્રહાઃ ॥
વિઘ્ના વિનાયકાશ્ ચાપિ મૃત્યવો મારકાયિકાઃ ॥
નાનાભયશસ્ત્રૈસ્ તીવ્રાઃ સિદ્ધિકર્મવિધારિણઃ ॥
તે તસ્ય નશ્યન્તિ નાપિ જાયન્તે ચ મહોત્તમા ॥
હોમકર્મવિધાનેન ધ્રુવમ્ આશુ પ્રસિદ્ધયઃ ॥