સર્વદુર્ગતિપરિશોધનતન્ત્ર · ભાગ 120

ઇ
ઓં નમઃ શ્રીવજ્રસત્ત્વાય ।
એવં મયા શ્રુતમ્ એકસ્મિન્ સમયે ભગવાન્ સર્વદેવોત્તમનન્દવને વિહરતિ સ્મ । મણિસુવર્ણશાખાલતાબદ્ધવનસ્પતિગુલ્મૌષધિકમલોત્પલકર્ણિકારબકુલતિલકાશોકમાન્દારવમહામાન્દારવાદિભિર્ નાનાવિધૈઃ પુષ્પૈર્ ઉપશોભિતે । કલ્પવૃક્ષસમલંકૃતે । નાનાલંકારવિભૂષિતે । નાનાપક્ષિગણકૂજિતે । તૂર્યમુકુન્દવેણુભેરીપ્રભૃતિપ્રણદિતે । શક્રબ્રહ્માદિદેવાપ્સરોભિર્ નાનાવિધાભિર્ વિક્રીડિતે । સર્વબુદ્ધબોધિસત્ત્વાધિષ્ઠિતે । સર્વશક્રબ્રહ્માદિદેવવિદ્યાધરદેવાપ્સરઃપર્ષત્કોટીનિયુતશતસહસ્રૈર્ અનેકયક્ષરાક્ષસાસુરગરુડગન્ધર્વકિન્નરમહોરગનાગાદિપર્ષદ્ભિર્ નાનાવિધાભિર્ મહાબોધિસત્ત્વકોટીશતસહસ્રૈર્ અષ્ટાભિઃ ।
તદ્યથા ।
પ્રતિભાનમતિના ચ બોધિસત્ત્વેન મહાસત્ત્વેન । અચલમતિના ચ । વિપુલમતિના ચ । સમન્તમતિના ચ । અનન્તમતિના ચ । અસમન્તમતિના ચ । કમલમતિના ચ । મહામતિના ચ । દિવામતિના ચ । વિવિધમતિના ચ । અશેષમતિના ચ । સમન્તભદ્રેણ ચ । એવં પ્રમુખૈર્ અવૈવર્તિકબોધિસત્ત્વમહાસત્ત્વસંઘૈર્ અનન્તાપર્યન્તૈઃ સત્કૃતઃ ।
ગુરુકૃતો ઽર્ચિતઃ પૂજિતઃ સુપ્રકૃષ્ટો મહાપર્ષદ્ગણમધ્યે મહાબ્રહ્મા પદ્માસને નિષણ્ણઃ સર્વદુર્ગતિપરિશોધનનામસમાધિં સમાપન્નઃ સમનન્તરમ્ એવાપાયત્રયસન્તતિવિમોક્ષકનામમહાબોધિસત્ત્વરશ્મિસ્ફરણસંહરણાનેકમાલા સ્વોર્ણાકોશાન્નિશ્ચચાર । તેન ત્રિસહસ્રમહાસહસ્રલોકધાતુર્ અવભાસિતઃ । તેનાવભાસેન સર્વસત્ત્વાશ્ ચિત્તક્લેશબન્ધનાન્ મોચયિત્વા પૃથક્ પૃથક્ સંપ્રાપિતો નન્દવનં ચ સમન્તાદવભાસયિત્વા । ( સ્દ્પ્ 122 ) નાનાપૂજામેઘૈઃ પૂજયિત્વા શતસહસ્રં પ્રદક્ષિણીકૃત્ય શિરસા વન્દિત્વા ભગવતઃ પુરસ્તાદ્ વિમલાસનેર્ ઉપરિ નિષદ્યૈવમ્ આહુઃ અહો બુદ્ધ અહો બુદ્ધસ્ય ધર્મશોભનમ્ ॥
તત્ કસ્ય હેતોઃ ॥
અસ્માકં દુર્ગતિપરિશોધનમ્ ॥
બોધિસત્ત્વચર્યાપ્રતિષ્ઠાપનઞ્ ચ ॥
અથ દેવેન્દ્રો ભગવન્તં શતસહસ્રં પ્રદક્ષિણીકૃત્ય વન્દિત્વા ભગવન્તમ્ એતદ્ અવોચત્ । ભગવન્ કેન કારણેન બુદ્ધરશ્મિસમન્તાવભાસેન દુર્ગતિસમન્તાન્ મોચયિત્વા વિમુક્તિમાર્ગે પ્રતિષ્ઠાપિતા આશ્ચર્યં સુગત । ભગવાન્ આહ । નેદં દેવેન્દ્રાશ્ચર્યં બુદ્ધાનાં ભગવતાં સૂપચિતાપ્રમાણપુણ્યસંભારાણામ્ ।
દેવેન્દ્ર સમ્યક્સંબુદ્ધા અપરિમિતગુણરત્નાકરભૂતાઃ । દેવેન્દ્ર સમ્યક્સંબુદ્ધાનામ્ અપ્રમાણોપાયાઃ પર્મિષ્પન્નાઃ । દેવેન્દ્ર બુદ્ધાનાં ભગવતામ્ અપરિમિતા પ્રજ્ઞોપચિતા । દેવેન્દ્ર બુદ્ધાનામ્ અપ્રમાણા વીર્યા । બુદ્ધેન ભગવતાપ્રમાના વિનેયજના ભાજનીભૂતાઃ કૃતાઃ । અસમસમજ્ઞાનાભિ બુદ્ધા ભગવન્તો ઽસમસમર્દ્ધિસમન્વાગતાઃ । ભગવન્તો ઽસમસમપ્રણિધાનસમન્વાગતાઃ । તસ્માદ્ દેવેન્દ્ર બુદ્ધાનાં ભગવતાં યથા ભાજનં તથા સત્ત્વાર્થકરણઞ્ ચ । યથા વિનેયં તથા સત્ત્વાનામ્ અર્થકરણઞ્ ચ । યથાભિપ્રાયં તથા સત્ત્વાર્થકરણં ભવતીતિ । જ્ઞાતવ્યમ્ ઇત્ય્ અત્ર સંશયશઙ્કાવિમતિર્ ન કર્તવ્યા । તથાગતવૈનેયં ન ભવતીતિ નેદં સ્થાનં વિદ્યતે ।
અથ દેવેન્દ્રઃ સ્વકીયાદ્ આસનાદ્ ઉત્થાય પુનર્ અપિ ભગવતો વિપુલાં મહતીં પૂજાં કૃત્વા ભગવન્તમ્ એતદ્ અવોચત્ । સર્વસત્ત્વાનાં હિતકરણાયાનુકમ્પાકરણાય શરણકરણાય સમહાકૃપાકરણાય સર્વાશાપરિપૂરણકરણાય ભગવન્ મમ પ્રતિભાનમ્ ઉત્પાદય સુગત મમ પ્રતિભાનમ્ ઉત્પાદય । ભગવન્ ( સ્દ્પ્ 124 ) ઇતસ્ ત્રયસ્ત્રિંશદ્દેવનિકાયાદ્ વિમલમણિપ્રભનામ્નો દેવપુત્રસ્ય ચ્યુતસ્ય કાલગતસ્ય સપ્તદિવસા અભૂવન્ । ભગવન્ સ કુત્રોપપન્નઃ સુખં દુઃખં વાનુભવતિ । ઇદં ભગવન્ વ્યાકુરુ સુગત વ્યાકુરુ । ભગવાન્ આહ । દેવેન્દ્ર પ્રાપ્તકાલસમયં જ્ઞાત્વા શ્રોષ્યસિ । દેવેન્દ્ર આહ । ભગવન્ અયં કાલઃ । અયં સમયઃ સુગત । ભગવાન્ આહ । દેવેન્દ્ર વિમલમણિપ્રભનામદેવપુત્ર ઇતશ્ ચ્યુત્વાવીચૌ મહાનરક ઉત્પન્નસ્ તત્ર દ્વાદશવર્ષસહસ્રાણિ તીવ્રં કટુકં દુઃખમ્ અનુભવતિ । પુનર્ અલ્પનરકે દશવર્ષસહસ્રાણિ દુઃખમ્ અનુભવતિ । પુનર્ અપિ તિર્યક્પ્રેતેષૂત્પન્નો દશવર્ષસહસ્રાણિ દુઃખમ્ અનુભવતિ । પુનર્ અપિ પ્રત્યન્તજનપદેષૂત્પન્નો બધિરમૂકાવ્યક્તસ્વભાવતામ્ અનુભવતિ ષષ્ટિવર્ષસહસ્રાણિ । પુનર્ અપિ ચતુરશીતિવર્ષસહસ્રાણિ વ્યાધિરક્તાતિસારકુષ્ઠવિઘાતપીડિતશ્ ચ બહુજનનિન્દિતો ઽશેષપરિત્યક્તો હીનકુલો ભવતિ । દુઃખદુઃખપરંપરાં ન વિચ્છેદયતિ । અન્યેષામ્ અપ્ય્ અહિતં કરોતિ । નાનાકર્માવરણાનિ ચાવિચ્છેદેન કરોતિ । પુનર્ અપ્ય્ અન્યોન્યદુઃખપરંપરામ્ અનુભવતિ ।
અથ ખલુ શક્રાદયઃ સર્વદેવપુત્રાઃ શ્રુત્વા ભ્રાન્તાસ્ ત્રસ્તાઃ ખિન્ના અધોમુખં પતિતાઃ । પુનર્ ઉત્થાયૈવમ્ આહુઃ । કથં ભગવન્ તસ્માદ્ દુઃખપરંપરાતો મુચ્યતે । કથં સુગત મુચ્યતે । કેનોપાયેન ભગવન્ દુઃખરાશેઃ તસ્માન્ મુચ્યત ઇતિ । પરિત્રાનં કુરુ ભગવન્ । પરિત્રાણં કુરુ સુગત । ભગવાન્ આહ । દેવેન્દ્ર ચતુરશીતિબુદ્ધકોટિભિર્ ભાષિતમ્ ઇદમ્ અહમ્ અપિ ભાષે શૃણુ । અથ ખલુ દેવેન્દ્રઃ પુનર્ અપિ ભગવન્તં માન્દારવમહામાન્દારવપુષ્પૈર્ નાનાવિધૈર્ રત્નમુકુટકેયૂરકર્ણાલંકારહારાર્ધહારાદ્યનેકાલંકારવિશેષૈર્ અભ્યર્ચ્યાનેકશતસહસ્રવારં પ્રદક્ષિણીકૃત્ય પ્રણમ્ય સાધુ ભગવન્ સાધુ સુગતેતિ । સાધુકારેણ હર્ષયિત્વા સદેવકસ્ય લોકસ્ય હિતસુખકરણાયાનાગતાનાં સત્ત્વાનામ્ અપાયસન્તતિવિમોક્ષણાય સુભાષિતાર્થં વિજ્ઞાપયામિ । અથ પુનર્ અપિ બ્રહ્માદયો દેવગણા
( સ્દ્પ્ 126 ) એવમ્ આહુઃ । સાધુ ભગવન્ સાધુ સુગત યેનાનાગતાનાં સત્ત્વાનાં નામમાત્રમ્ અપિ શ્રુતવતામ્ અપાયત્રયમાર્ગવિમોક્ષો ભવતિ । સ્વર્ગદેવલોકે વા મનુષ્યલોકે ચોત્પન્નાનામ્ અનુત્તરસમ્યક્સંબોધિપ્રાપ્ત્યર્થં ભાષતુ ।
અથ ખલુ ભગવાન્ શક્રબ્રહ્માદિદેવપુત્રાણાં સર્વતથાગતહૃદયેનાધિષ્ઠાનાર્થમ્ અમોઘવજ્રાધિષ્ઠાનનામસમાધિં સમાપન્નઃ ।
ઓં વજ્રાધિષ્ઠાનસમયે હું ।
એવઞ્ ચ સમાધિં સમાપન્નો ઽનભિભવનીયવજ્રાધિષ્ઠાનેનાધિષ્ઠાયેદં સર્વદુર્ગતિપરિશોધનરાજનામતથાગતહૃદયં નિશ્ચારયામ્ આસ ।
ઓં શોધને શોધને સર્વપાપવિશોધનિ શુદ્ધે વિશુદ્ધે સર્વકર્માવરણવિશુદ્ધે સ્વાહા ।
અસ્યા વિદ્યાયા ભાષણાનન્તરમ્ એવ સર્વસત્ત્વાનાં દુર્ગતિર્ વિનિપાતિતા સર્વનરકતિર્યક્પ્રેતગતિઃ શોધિતા ।
તીવ્રદુઃખાનિ પ્રશાન્તાનિ બહવશ્ ચ જાતાઃ સુખીમુખીભૂતાઃ । પુનર્ અપરં ગુહ્યહૃદયમ્ અભાષત ।
ઓં શોધને શોધને શોધય સર્વાપાયાન્ સર્વસત્ત્વેભ્યો હું પુનર્ અપરં દેવેન્દ્રેદં સર્વતથાગતહૃદયં ।
ઓં સર્વાપાયવિશોધનિ હું ફટ્ ।
પુનર્ અપરં દેવેન્દ્રેદં સર્વતથાગતહૃદયોપહૃદયમ્ ।
ઓં ત્રાટ્ ।
પુનર્ અપરં દેવેન્દ્ર સર્વદુર્ગતિપરિશોધનહૃદયમ્ । હું । પુનર્ અપરં દેવેન્દ્ર સંક્ષેપતઃ સ્મરણમાત્રેણાપ્ય્ અલ્પપુણ્યસત્ત્વાનાં સર્વદુર્ગતિશાન્તિકરણાયાનાયાસતો વિમોક્ષણકરમ્ ઇદં ભવતિ ।

ઓં નમો ભગવતે સર્વદુર્ગતિપરિશોધનરાજાય તથાગતાયાર્હતે સમ્યક્સંબુદ્ધાય । તદ્યથા ।
ઓં શોધને શોધને સર્વપાપવિશોધનિ શુદ્ધે વિશુદ્ધે સર્વકર્માવરણવિશોધનિ સ્વાહા । મૂલવિદ્યા ।
( સ્દ્પ્ 128 ) ઓં સર્વવિત્ સર્વાવરણાનિ વિશોધય હન હું ફટ્ ।
ઓં સર્વવિદ્ હું ।
ઓં સર્વવિદ્ હ્રીઃ ફટ્ ।
ઓં સર્વવિદ્ અઃ । ઓં સર્વવિત્ ત્રાં ત્રાટ્ । ઓં સર્વવિદ્ ઓં ।
ઓં સર્વવિદ્ ધીમ્ । ઓં સર્વવિદ્ હું । ઓં સર્વવિત્ ક્રીં ત્રટ્ ।
ઓં સર્વવિદ્ મહાવજ્રોદ્ભવદાનપારમિતાપૂજે હું । લાસ્યાયા મન્ત્રઃ ।
ઓં સર્વવિદ્ મહાવજ્રોદ્ભવશીલપારમિતાપૂજે ત્રાં । માલાયા મન્ત્રઃ ।
ઓં સર્વવિદ્ મહાવજ્રોદ્ભવક્ષાન્તિપારમિતાપૂજે હ્રીઃ । ગીતાયા મન્ત્રઃ ।
ઓં સર્વવિદ્ મહાવજ્રોદ્ભવવીર્યપારમિતાપૂજે અઃ । નૃત્યાયા મન્ત્રઃ ।
ઓં સર્વવિત્ સર્વાપાયવિશોધનિ ધમ ધમ ધ્યાનપારમિતાપૂજે હું હું ફટ્ । ધૂપાયા મન્ત્રઃ ।
ઓં સર્વવિત્ સર્વ દુર્ગતિપરિશોધને ક્લેશોપક્લેશચ્છેદનિ પુષ્પાલોકિનિ પ્રજ્ઞાપારમિતાપૂજે ત્રાં હું ફટ્ । પુષ્પાયા મન્ત્રઃ ।
ઓં સર્વવિત્ સર્વાપાયવિશોધનિ જ્ઞાનાલોકકરિ પ્રણિધિપારમિતાપૂજે હ્રીઃ હું ફટ્ । દીપાયા મન્ત્રઃ ।
ઓં સર્વવિત્ સર્વાપાયગન્ધનાશનિ વજ્રગન્ધોપાયપારમિતાપૂજે અઃ હું ફટ્ । ગન્ધાયા મન્ત્રઃ ।

ઓં સર્વવિદ્ નરકગત્યાકર્ષણિ હું જઃ ફટ્ । વજ્રાઙ્કુશસ્ય મન્ત્રઃ ।
ઓં સર્વવિદ્ નરકોદ્ધરણિ હું હું ફટ્ । વજ્રપાશસ્ય મન્ત્રઃ ।
ઓં સર્વવિત્ સર્વાપાયબન્ધનમોચનિ હું વં ફટ્ । વજ્રસ્ફોટસ્ય મન્ત્રઃ ।
ઓં સર્વવિત્ સર્વાપાયગતિગહનવિશોધનિ હું હોઃ ફત્ । વજ્રાવેશસ્ય મન્ત્રઃ ।
ઓં મૈત્રીયહરણાય સ્વાહા । મૈત્રેયસ્ય મન્ત્રઃ ।
ઓં અમોઘે અમોઘદર્શિનિ હું । અમોઘદર્શિનઃ ।
ઓં સર્વાપાયજહે સર્વાપાયવિશોધનિ હું । સર્વાપાયજહસ્ય।
ઓં સર્વશોકતમોનિર્ઘાતનમતિ હું । સર્વશોકતમોનિર્ઘાતનમતેઃ ।
ઓં ગન્ધહસ્તિનિ હું । ગન્ધહસ્તિનઃ ।
ઓં શૂરંગમે હું । શૂરંગમસ્ય ।
ઓં ગગને ગગનલોચને હું । ગગનગઞ્જસ્ય ।
ઓં જ્ઞાનકેતો જ્ઞાનવતિ હું । જ્ઞાનકેતોઃ ।
ઓમ્ અમૃતપ્રભે અમૃતવતિ હું । અમૃતપ્રભસ્ય ।
ઓં ચન્દ્રસ્થે ચન્દ્રવ્યવલોકિનિ સ્વાહા । ચન્દ્રપ્રભસ્ય ।
ઓં ભદ્રવતિ ભદ્રપાલે । ભદ્રપાલસ્ય ।
ઓં જાલિનિ મહાજાલિનિ હું । જાલિનીપ્રભસ્ય ।
ઓં વજ્રગર્ભે હું । વજ્રગર્ભસ્ય ।
ઓમ્ અક્ષયે હું હું અક્ષયકર્માવરણવિશોધનિ સ્વાહા । અક્ષયમતેઃ ।
ઓં પ્રતિભાને પ્રતિભાનકૂટે સ્વાહા । પ્રતિભાનકૂટસ્ય ।
ઓં સમન્તભદ્રે હું । સમન્તભદ્રસ્ય ।
એતે ભદ્રકલ્પિકસ્ય બોધિસત્ત્વસ્ય મન્ત્રાન્ યથાક્રમમ્ ઉચ્ચારયેત્ ।
અનેન યથોક્તતન્ત્રાનુસારાનુક્રમેણ વિધાનેન પ્રત્યહં પ્રભાતકાલ ઉત્પત્તિક્રમેણ ભાવયમાનો ભાવયેત્ । દેવતાયોગં સમાધિત્રયમ્ ઉત્તમં યત્નતો દુર્ગતિપરિશોધનસિદ્ધિર્ ભવતિ । પુનર્ અપરં દેવેન્દ્ર સર્વદુર્ગતિપરિશોધનતેજોરાજસ્ય તથાગતસ્ય ગુહ્યહૃદયમ્ ઇદમ્ । કુલપુત્રો વા કુલદુહિતા વા યઃ કશ્ચિદ્ નામમાત્રં શૃણોતિ ધારયતિ વાચયતિ લિખિત્વા ચ શિરસિ શિખાયાં વા બાહૌ ગ્રીવાયાં વા બદ્ધ્વા ધારયતિ તસ્યેહૈવ જન્મન્ય્ અષ્ટાવ્ અકાલમરણાનિ ન્મરણસંબન્ધસ્વપ્નપ્રકારા ( સ્દ્પ્ 132 ) વા દુર્ગતિનિમિત્તાનિ વા તાનિ સર્વાણિ સ્વપ્નમાત્રતો નોપસર્પન્તિ । મણ્ડલઞ્ ચ યથાવત્ પ્રવેશ્યાભિષિક્તો હૃદયઞ્ ચ જપ્ત્વા મન્ત્રાર્થં યે કેચિદ્ ભાવયન્તિ કઃ પુનર્ વાદસ્ તેસાં યાનિ કાનિચિત્ પાપાનિ ન નિકટીભવન્તીતિ ન દુર્ગતિં ગચ્છન્તીતિ ।
પુરુષસ્ત્રીદેવનાગયક્ષરાક્ષસપ્રેતતિર્યગ્નરકાદીનાં યેષાં કેષાઞ્ચિત્ મૃતકાયેષુ મણ્ડલં પ્રવેશ્યાભિશિક્તેષુ તે નરકેષૂત્પન્નાઃ સમનન્તરમ્ એવં વિમુચ્યન્તે દેવનિકાયેષૂત્પદ્યન્તે । તત્રોત્પન્નાઃ સન્તઃ સર્વતથાગતાનાં ધર્મતામ્ અભિમુખીકુર્વન્ત્ય્ અવૈવર્તિકાશ્ ચ ભવન્તિ । સન્તતિશ્ ચ નિયતા ભવતિ । સર્વતથાગતકુલે પ્રજાતાશ્ ચ ભવન્તિ । પ્રહીણાવરણાશ્ ચ । સર્વતથાગતકુલેષુ દેવકુલેષુ વાન્યસ્મિન્ વા સુખમ્ અનુભવન્તિ । દેવેન્દ્ર સંક્ષેપતો લૌકિકલોકોત્તરસર્વહિતસુખમ્ અનુભવન્તિ ।
અથ દેવેન્દ્રો ભગવન્તં પૂર્વવત્ પ્રદક્ષિણીકૃત્ય વન્દિત્વૈવમ્ આહ । ભગવન્ સર્વદુર્ગતિવશીભૂતાનાં હિતસુખકરણાય યથાસત્ત્વૈઃ સર્વદુર્ગતિપૃષ્ઠીકરણાયાનાયાસતો ઽનુત્તરસમ્યક્સંબોધ્યધિગમાર્થં ધર્મં દેશયતુ ।
અથ ખલુ ભગવાન્ શાક્યમુનિઃ સર્વદુર્ગતિપરિશોધનજ્ઞાનવજ્રનામસમાધિં સમાપદ્ય સર્વતથાગતસર્વદુર્ગતિપરિશોધનતેજોરાજનામમણ્ડલમ્ અભાષત ।
તત્સાધનં શાક્યનાથેન ભાષિતમ્ ।
પ્રથમં તાવદ્ યોગી વિજને મનો ઽનુકૂલપ્રદેશે મૃદુસુકુમારાસને નિષણ્ણઃ સુગન્ધેન મણ્ડલં કૃત્વા પઞ્ચોપહારપૂજા કરણીયા । તતઃ સર્વધર્મનૈરાત્મ્યં ભાવયિત્વા । આત્માનં હુંકારેણ વજ્રજ્વાલાનલાર્કં ભાવયેત્ । તસ્ય કણ્ઠે હ્રીઃકારેણ પદ્મં તસ્યોપરિ દલાગ્ર આકારેણ ચન્દ્રમણ્ડલં તસ્યોપરિ હુંકારેણ પઞ્ચસૂચિકવજ્રમ્ । તદ્ વજ્રં જિહ્વાયાં રીણં ભવતિ । વજ્રજિહ્વેતિ । તેન વજ્રજિહ્વા ભવતિ । મન્ત્રજાપક્ષમો ભવેત્ । હસ્તદ્વયસ્ય મધ્યે સિતાકારેણ ચન્દ્રમણ્ડલં તસ્યોપરિ હુંકારેણ પઞ્ચસૂચિકવજ્રમ્ । તદ્ વજ્રં કરમધ્યે નિલીયતે વજ્રહસ્તો ભવતિ ।
સર્વમુદ્રાબન્ધક્ષમો ભવેત્ ।
તતો રક્ષાચક્રભાવના કર્તવ્યા ।
ઓં ગૃહ્ણ વજ્રસમયે હું વમ્ । ઇતિ બ્રુવન્ ક્રોધતેરિન્તિરીં બધ્નીયાત્ ।
વજ્રબન્ધં તલે કૃત્વા ચ્છાદયેત્ ક્રુદ્ધમાનસઃ ॥ ગાઢમ્ અઙ્ગુષ્ઠવજ્રેણ ક્રોધતેરિન્તિર્ સ્મૃતા ॥
તતો વજ્રાર્ધાસનનિષણ્ણો વજ્રતેરિન્તિરીં બદ્ધ્વા વજ્રમાલાભિષેકં ગૃહ્ણીયાત્ ।
ઓં વજ્રજ્વાલાનલાર્ક હું અભિષિઞ્ચ મામ્ ઇતિ ।
વજ્રબન્ધે ઽઙ્ગુષ્ઠદ્વયં સહિતોત્થિતં વજ્રબન્ધસ્યોપરિ શ્લિષ્ઠં ધારયેત્ । વજ્રતેરિન્તિરી ।
ઓં ટું ઇતિ । અનેન દ્વ્યક્ષરકવચેન કવચયિત્વા ।
ઓં વજ્રજ્વાલાનલાર્ક હું ઇત્ય્ ઉદીરયેત્ ।
વામવજ્રમુષ્ટિં હૃદયે કૃત્વા દક્ષિણવજ્રમુષ્ટિમ્ ઉલ્લાલયન્ સર્વવિઘ્નાન્ હન્યાત્ ।
તતો વજ્રાનલેન મુદ્રાસહિતેન વિઘ્નદહનાદિકં કુર્યાત્ ।
ઓં વજ્રાનલ હન દહ પચ મથ ભઞ્જ રન હું ફટ્
ઇત્ય્ ઉદીરયેત્ । અભ્યન્તરવજ્રબન્ધે ઽઙ્ગુલિજ્વાલાગર્ભે ઽઙ્ગુષ્ઠવજ્રમ્ ઉત્થિતમ્ ઇયં વજ્રાનલમુદ્રા ।

તદ્ અનુ । વજ્રનેત્રિ બન્ધ સર્વવિઘ્નાન્ ઇતિ । મુદ્રાયુક્ત્યા સર્વવિઘ્નબન્ધં કુર્યાત્ । વજ્રબન્ધં બદ્ધ્વાઙ્ગુષ્ઠદ્વયં પ્રસાર્ય સમં ધારયેત્ । વજ્રનેત્રિમુદ્રા ।
પ્રસારિતવજ્રબન્ધં ભૂમ્યાં પ્રતિષ્ઠાપ્યાધોબન્ધં કુર્યાત્ ।
ઓં વજ્ર દૃઢો મે ભવ રક્ષ સર્વાન્ સ્વાહા ।
વજ્રભૈરવનેત્રેણ મુદ્રાસહિતેનોર્ધ્વબન્ધં કુર્યાત્ ।
ઓં હુલુ હુલુ હું ફત્ । ઇતિ ।
વજ્રમુષ્ટિદ્વયં બદ્ધ્વાલાતચક્રં ભ્રામયિત્વા શિરસોપરિ તર્જન્યઙ્કુશાકારેણ ધારયેત્ । વજ્રભૈરવનેત્રમુદ્રા । તસ્યાધસ્તાદ્ વજ્રયક્ષેણ મુદ્રાસહિતેન પુનર્ બન્ધં કુર્યાત્ ।
ઓં વજ્રયક્ષ હું ઇતિ । વજ્રાઞ્જલેર્ અઙ્ગુષ્ઠદ્વયં પ્રસારિતં તર્જનીદ્વયં દમ્ષ્ટ્રા । વજ્રયક્ષમુદ્રા ।
વજ્રોષ્ણીષેણ મુદ્રાયુક્તેન પૂર્વાં દિશં બન્ધયેત્ ।
ઓં દ્રું બન્ધ હં ઇતિ । દ્રું ઽઇતિ વા ।
વજ્રમુષ્ટિદ્વયં કન્યસાશ્ર્ઙ્ખલાબન્ધેન તર્જનીદ્વયસૂચીમુખં પરિવર્તોષ્ણીષે સ્થાપયેત્ । વજ્રોષ્ણીષમુદ્રા ।
પુનર્ વજ્રપાશેન તામ્ એવ બન્ધયેત્ ।
હું વજ્રપાશે હ્રીઃ ઇતિ । વજ્રમુષ્ટિદ્વયેન બાહુગ્રન્થિં કુર્યાત્ । વજ્રપાશમુદ્રા ।
વજ્રપતાકયા પશ્ચિમાં દિશં બન્ધેત્ ।
ઓં વજ્રપતાકે પતંગિનિ રટેતિ । વજ્રબન્ધે ઽઙ્ગુષ્ઠસત્ત્વપર્યઙ્કસૂચીં કૃત્વાગ્રાસમાનામાવિદારિતાન્ત્યપટાગ્રી । વજ્રપતાકાયાઃ ।
દિગ્વિદિક્ષ્વ્ અધ ઊર્ધ્વઞ્ ચ વિઘ્નનિકૃન્તનં કુર્યાત્ । વજ્રકાલ્યોત્તરાં દિશં બન્ધેત્ ।
હ્રીઃ વજ્રકાલિ રુટ્ મટ્ । ઇતિ । વજ્રયક્ષમુદ્રામ્ એવ મુખે દૃઢીકૃત્ય વજ્રકાલ્યાઃ । વજ્રશિખરયા દક્ષિણાં દિશં બન્ધેત્ ।
ઓં વજ્રશિખરે રુટ્ મટ્ । ઇતિ । વજ્રમુષ્ટિદ્વયેન પર્વતોત્કર્ષણાભિનયાકારં વજ્રશિખરાયાઃ ।
વજ્રકર્મના મણ્ડલબન્ધં કૃત્વા પ્રાકારં દદ્યાત્ ।
હું વજ્રકર્મેતિ । પુનર્ અભ્યન્તરપ્રાકારં વજ્રહુંકારેણ હું ઇતિ । વજ્રમુષ્ટિદ્વયં બદ્ધ્વા બાહુવજ્રં સમાધાય કનિષ્ઠાઙ્કુશબન્ધિતા ત્રિલોકવિજયનામતર્જનીદ્વયં તર્જની । વજ્રહુંકારસ્ય । ઇયમ્ એવ મધ્યાગ્રદ્વયં વજ્રં વજ્રકર્મણઃ ।
તતો વજ્રચક્રમુદ્રયા સર્વદુર્ગતિપરિશોધનમન્ણ્ડલં પુરતો નિષ્પાદયેત્ ।
ઓં વજ્રચક્ર હું । ઇતિ ।
વજ્રમુષ્ટિદ્વયં બદ્ધ્વા દ્વ્યગ્રાન્ત્યાવજ્રબન્ધનાત્ ॥
વજ્રચક્રેતિ વિખ્યાતા સર્વમણ્ડલસાધિકા ॥
અનયા સર્વદિક્ષુ પ્રદક્ષિણતયા ભ્રામયિત્વા સર્વમણ્ડલનિર્માણં ભવતિ । ઇમામ્ એવ મુખે ન્યસ્ય નિરીક્ષમાણો ઽષ્ટૌ વારાન્ વજ્રચક્રં જપેત્ ।
તતઃ પ્રત્યક્ષમ્ ઇવ મણ્ડલં બુદ્ધ્યાલગ્યપુષ્પાદિભિઃ સંપૂજ્ય સર્વદિક્ષુ પઞ્ચમણ્ડલકેન પ્રણમેદ્ અનેન ।
ઓં સર્વવિત્ કાયવાક્ચિત્તપ્રણામેન વજ્રબન્ધનં કરોમીતિ । તતશ્ ચતુઃપ્રણામં કુર્યાત્ । તદ્યથા ।
સર્વશરીરેણ વજ્રાઞ્જલિપ્રસારિતેન પૂર્વસ્યાં દિશિ પ્રણમેદ્ અનેન ।
ઓં સર્વવિત્ પૂજોપસ્થાનાયાત્માનં નિર્યાતયામિ । સર્વતથાગતવજ્રસત્ત્વાધિતિષ્ઠસ્વ મામ્ । ઇતિ ।
તતસ્ તથૈવોત્થાય વજ્રાઞ્જલિં હૃદિ કૃત્વા દક્ષિણસ્યાં દિશિ લલાટેણ ભૂમિં સ્પૃશન્ પ્રણમેદ્ અનેન ।
ઓં સર્વવિત્ પૂજાભિષેકાયાત્માનં નિર્યાતયામિ । સર્વતથાગતવજ્રરત્નાભિષિઞ્ચ મામ્ । ઇતિ ।
તતસ્ તથૈવોત્થાય વજ્રાઞ્જલિબન્ધેન શિરસા પશ્ચિમાયાં દિશિ મુખેન ભૂમિં સ્પૃશન્ પ્રણમેદ્ અનેન ।
ઓં સર્વવિત્ પૂજાપ્રવર્તનાયાત્માનં નિર્યાતયામિ । સર્વતથાગતવજ્રધર્મ પ્રવર્તય મામ્ । ઇતિ ।
તતસ્ તથૈવોત્થિતો વજ્રાઞ્જલિં શિરસો ઽવતાર્ય હૃદિ કૃત્વોત્તરસ્યાં દિશિ મૂર્ધ્ના ભૂમિં સ્પૃશન્ પ્રણમેદ્ અનેન ।
ઓં સર્વવિત્ પૂજાકર્મણા આત્માનં નિર્યાતયામિ । સર્વતથાગતવજ્રકર્મ કુરુષ્વ મામ્ । ઇતિ ।
જાનુમણ્ડલદ્વયં પૃથિવ્યાં પ્રતિષ્ઠાપ્ય વજ્રાઞ્જલિં હૃદિ કૃત્વા સર્વપાપં પ્રતિદેશયેત્ ।
સમન્વાહરન્તુ માં દશસુ દિક્ષુ સર્વબુદ્ધબોધિસત્ત્વાઃ સર્વતથાગતવજ્રમણિપદ્મકર્મકુલાવસ્થિતાશ્ ચ સર્વમુદ્રામન્ત્રવિદ્યાદેવતા અહમ્ અમુકવજ્રો દશસુ દિક્ષુ સર્વબુદ્ધબોધિસત્ત્વાનાં પુરતઃ સર્વતથાગતવજ્રમણિપદ્મકર્મકુલાવસ્થિતાનાં સર્વમુદ્રામન્ત્રવિદ્યાદેવતાનાં ચ પુરતઃ સર્વપાપં પ્રતિદેશયામિ ।
વિસ્તરેણ દશસુ દિક્ષ્વ્ અતીતાનાગતપ્રત્યુત્પન્નાનાં સર્વબુદ્ધબોધિસત્ત્વપ્રત્યેકબુદ્ધાર્યશ્રાવકસમ્યગ્ગતસમ્યક્પ્રતિપન્નાનાં સર્વસત્ત્વનિકાયાનાં ચ સર્વપુણ્યમ્ અનુમોદયામિ । દશસુ દિક્ષુ સર્વબુદ્ધાન્ ભગવતઃ । અપ્રવર્તિતધર્મચક્રાન્ અધ્યેષે ધર્મચક્રપ્રવર્તનાય । દશસુ દિક્ષુ સર્વબુદ્ધાન્ ભગવતઃ પરિનિર્વાતુકામાન્ યાચે ઽપરિનિર્વાણાય ।
તતઃ પુષ્પમુદ્રાં બદ્ધ્વૈવં વદેત્ ।
ઓં સર્વવિત્ પુષ્પપૂજામેઘસમુદ્રસ્ફરણસમયે હું । ઇતિ ।
ધૂપમુદ્રાં બદ્ધ્વૈવં વદેત્ ।

ઓં સર્વવિદ્ ધૂપપૂજામેઘસમુદ્રસ્ફરણસમયે હું ।
દીપમુદ્રાં બદ્ધ્વૈવં વદેત્ ।
ઓં સર્વવિદ્ આલોકપૂજામેઘસમુદ્રસ્ફરણસમયે હું ।
ગન્ધમુદ્રાં બદ્ધ્વૈવં વદેત્ ।
ઓં સર્વવિદ્ ગન્ધપૂજામેઘસમુદ્રસ્ફરણસમયે હું ।
સંપુટાન્જલિં બદ્ધ્વૈવં વદેત્ ।
ઓં સર્વવિદ્ બોધ્યઙ્ગરત્નાલંકારપૂજામેઘસમુદ્રસ્ફરણસમયે હું । ઇતિ ।
ઓં સર્વવિદ્ હાસ્યલાસ્યરતિક્રીડાસૌખ્યાનુત્તરપૂજામેઘસમુદ્રસ્ફરણસમયે હું । ઇતિ ।
ઓં સર્વવિદ્ અનુત્તરવસ્ત્રપૂજામેઘસમુદ્રસ્ફરણસમયે હું । ઇતિ ।
તતઃ સર્વસત્ત્વસંસારદુઃખમ્ અનુસ્મૃત્ય ભગવતો વજ્રસત્ત્વસ્ય કર્મમુદ્રાં બદ્ધ્વા કરુણાવશેન સર્વસત્ત્વોત્તારણાય બોધિચિત્તમ્ ઉત્પાદયેત્ । અતીર્ણતારણાયામુક્તમોચનાયાનાશ્વસ્તાશ્વાસનાયાપરિનિર્વૃતપરિનિર્વાતનાય સકલસત્ત્વધાતોઃ સંસારસમુદ્રાદ્ ઉત્તારણાય ચ ।
ઓં સર્વવિદ્ વજ્રપૂજામેઘસમુદ્રસ્ફરણસમયે હું । ઇતિ ।
તતો લાસ્યામુદ્રાં બદ્ધ્વૈવં વદેત્ ।
સર્વસત્ત્વાઃ સર્વોપકરણસમન્વાગતા ભવન્તુ । ઇચ્છામાત્રપ્રતિબદ્ધસર્વસંપત્તયઃ ।
ઓં સર્વવિદ્ મહાવજ્રોદ્ભવદાનપારમિતાપૂજામેઘસમુદ્રસ્ફરણસમયે હું । ઇતિ ।
વજ્રમાલામુદ્રાં બદ્ધ્વૈવં વદેત્ ।
સર્વસત્ત્વાઃ સર્વાકુશલકાયવાગ્મનસ્કર્માન્તવિગતા ભવન્તુ । સર્વકુશલકાયવાગ્મનસ્કર્માન્તસમન્વાગતા ભવન્તુ ।
ઓં સર્વવિદ્ અનુત્તરમહાબોધ્યાહારશીલપારમિતાપૂજામેઘસમુદ્રસ્ફરણસમયે હું । ઇતિ ।
ગીતામુદ્રાં બદ્ધ્વૈવં વદેત્ ।
સર્વસત્ત્વાઃ સર્વલક્ષણાનુવ્યઞ્જનેન સમલંકૃતગાત્રા ભવન્તુ । પરસ્પરતો નિત્યમ્ અભયાવૈરપ્રતિપન્ના હૃદયનયનાભિરામા ગમ્ભીરધર્મક્ષાન્તિકાશ્ ચ ।
ઓં સર્વવિદ્ અનુત્તરમહાધર્માવબોધક્ષાન્તિપારમિતાપૂજામેઘસમુદ્રસ્ફરણસમયે હું । ઇતિ ।
નૃત્યામુદ્રાં બદ્ધ્વૈવં વદેત્ ।
સર્વસત્ત્વા બોધિસત્ત્વચર્યાભિયુક્તા ભવન્તુ । બુદ્ધતત્ત્વપરાયણાઃ સંસારાપરિત્યાગવીર્યયુક્તાઃ ।
ઓં સર્વવિત્ સંસારાપરિત્યાગવીર્યપારમિતાપૂજામેઘસમુદ્રસ્ફરણસમયે હું । ઇતિ ।
પુષ્પામુદ્રાં બદ્ધ્વૈવં વદેત્ ।
સર્વસત્ત્વાઃ સર્વક્લેશોપક્લેશવિગતા ભવન્તુ । સર્વધ્યાનવિમોક્ષસમાધિસમાપત્ત્યભિજ્ઞાવિદ્યાવશિતાસંપન્નાઃ ।
ઓં સર્વવિદ્ અનુત્તરસૌખ્યવિહારધ્યાનપારમિતાપૂજામેઘસમુદ્રસ્ફરણસમયે હું । ઇતિ ।
ધૂપામુદ્રાં બદ્ધ્વૈવં વદેત્ ।
સર્વસત્ત્વાઃ સર્વલૌકિકલોકોત્તરપ્રજ્ઞાજ્ઞાનસમન્વિતા ભવન્તુ । ચતુઃપ્રતિસંવિત્પ્રાપ્તાઃ સર્વશાસ્ત્રશિલ્પજ્ઞાનકલાયોગગુણગુહ્યવિધિજ્ઞાસ્ તત્ત્વદર્શિનઃ સર્વક્લેશજ્ઞેયાવરણસમુછેદજ્ઞાનપ્રાપ્તાઃ ।
ઓં સર્વવિદ્ અનુત્તરક્લેશછેદમહાપ્રજ્ઞાપારમિતાપૂજામેઘસમુદ્રસ્ફરણસમયે હું । ઇતિ ।
દીપામુદ્રાં બદ્ધ્વૈવં વદેત્ ।
સર્વસત્ત્વાઃ સર્વાપાયવિગતા ભવન્તુ ।
ઓં સર્વવિત્ સર્વાપાયવિશોધનિ જ્ઞાનાલોકપ્રણિધાનપારમિતાપૂજામેઘસમુદ્રસ્ફરણસમયે હું । ઇતિ ।
ગન્ધામુદ્રાં બદ્ધ્વૈવં વદેત્ ।
સર્વસત્ત્વાઃ સર્વાજ્ઞાનવિગતા ભવન્તુ ।
ઓં સર્વવિત્ સર્વાપાયગન્ધનાશનિ વજ્રગન્ધોપાયપારમિતાપૂજામેઘસમુદ્રસ્ફરણસમયે હું । ઇતિ ।
દશસુ દિક્ષ્વ્ અશેષસર્વતથાગતપાદમૂલગતમ્ આત્માનમ્ અધિમુચ્ય કાયપરિચર્યાર્થં ।
ઓં સર્વવિત્ કાયનિર્યાતનપૂજામેઘસમુદ્રસ્ફરણસમયે હું । ઇતિ ।
અસમાચલેત્યાદિ । સર્વત્ર જિહ્વાશતમુખેન સ્તોત્રોપહારમ્ અધિમુચ્ય ।
ઓં સર્વવિદ્ વાગ્નિર્યાતનપૂજામેઘસમુદ્રસ્ફરણસમયે હું । ઇતિ ।
સર્વબોધિસત્ત્વૈકાશયપ્રયોગતયા ધર્મસમતામ્ અધિમુચ્ય ।

ઓં સર્વવિત્ ચિત્તનિર્યાતનપૂજામેઘસમુદ્રસ્ફરણસમયે હું । ઇતિ ।
અભાવસ્વભાવાઃ સર્વધર્માઃ શૂન્યતાનિમિત્તાપ્રણિહિતાકારા ઇત્ય્ અધિમુચ્ય ।
ઓં સર્વવિદ્ ગુહ્યનિર્યાતનપૂજામેઘસમુદ્રસ્ફરણસમયે હું । ઇતિ ।
એવં વિંશતિપ્રકારપૂજયા સર્વતથાગતાન્ સંપૂજ્યાત્માનં નિર્યાતયેત્ ।
આત્માનં સર્વબુદ્ધબોધિસત્ત્વેભ્યો નિર્યાતયામિ । સર્વદા સર્વકાલં પ્રતિગૃહ્ણન્તુ માં મહાકારુણિકા નાથા મહાસમયસિદ્ધિઞ્ ચ પ્રયચ્છન્તુ । તચ્ ચ કુશલમૂલં સર્વસત્ત્વસાધારણં કર્તવ્યં । અનેન કુશલમૂલેન સર્વસત્ત્વાઃ સર્વલૌકિકલોકોત્તરવિપત્તિવિગતા ભવન્તુ ।
સર્વલૌકિકલોકોત્તરસંપત્તિસમન્વાગતાશ્ ચ ભવન્તુ ।
સહૈવ સુખેન સહૈવ સૌમનસ્યેન બુદ્ધા ભવન્તુ નરોત્તમા ઇતિ ।
અનેન ચાહં કુશલકર્મણા ભવેય બુદ્ધો ॥
ન ચિરેણ લોકે દેશયે ધર્મં જગતો હિતાય ॥
મોચયે સત્ત્વાન્ બહુદુઃખપીડિતાન્ ઇતિ ॥
અનુત્તરાયાં સમ્યક્સંબોધૌ પરિણામાય સંવરં ગૃહ્ણીયાત્ ।
ઉત્પાદયામિ પરમં બોધિચિત્તમ્ અનુત્તરમ્ ॥
યથા ત્રૈયધ્વિકનાથાઃ સંબોધૌ કૃતનિશ્ચયાઃ ॥
ત્રિવિધાં શીલશિક્ષાં ચ કુશલધર્મસંગ્રહમ્ ॥
સત્ત્વાર્થક્રિયાશીલં ચ પ્રતિગૃહ્ણામ્ય્ અહં દૃઢમ્ ॥
બુદ્ધં ધર્મં ચ સઙ્ઘં ચ ત્રિરત્નાગ્રમ્ અનુત્તરમ્ ॥
અદ્યાગ્રેણ ગ્રહીષ્યામિ સંવરં બુદ્ધયોગજમ્ ॥
વજ્રઘણ્ટાં ચ મુદ્રાં ચ પ્રતિગૃહ્ણામિ તત્ત્વતઃ ॥
આચાર્યં ચ ગ્રહીષ્યામિ મહાવજ્રકુલોચ્ચયે ॥
ચતુર્દાનં પ્રદાસ્યામિ ષટ્કૃત્વા તુ દિને દિને ॥
મહારત્નકુલે યોગે સમયે ચ મનોરમે ॥
સદ્ધર્મં પ્રતિગૃહ્ણામિ બાહ્યં ગુહ્યં ત્રિયાનિકમ્ ॥
મહાપદ્મકુલે શુદ્ધે મહાબોધિસમુદ્ભવે ॥
સંવરં સર્વસંયુક્તં પ્રતિગૃહ્ણામિ તત્ત્વતઃ ॥
પૂજાકર્મ યથાશક્ત્યા મહાકર્મકુલોચ્ચયે ॥
ઉત્પાદયિત્વા પરમં બોધિચિત્તમ્ અનુત્તરમ્ ॥
ગૃહીતં સંવરં કૃત્સ્નં સર્વસત્ત્વાર્થકારણાત્ ॥
અતીર્ણાન્ તારયિષ્યામ્ય્ અમુક્તાન્ મોચયિષ્યામ્ય્ અહમ્ ॥
અનાશ્વસ્તાન્ આશ્વાસયિષ્યામિ સત્ત્વાન્ સ્થાપયામિ નિર્વૃત્તાવ્ ઇતિ ॥
તત આકાશસ્થં મણ્ડલં દેવાદિભિઃ પૂજ્યનાનં વિચિન્તયેત્ । પઞ્ચોપહારાદિના પૂજયેત્ । સમ્યક્ પ્રપૂજ્ય બુદ્ધાનાં ગુણવર્ણાનાં સ્તુતિં કુર્યાત્ ।
અહો બુદ્ધ અહો બુદ્ધ સાધુ બુદ્ધ કૃતોત્તમ ॥
સર્વદુર્ગતિં સંશોધ્ય સત્ત્વાનાં બોધિઃ પ્રાપ્યતે ॥
તત ઓં વજ્રાઞ્જલીતિ । વજ્રબન્ધનં હૃદયે સ્ફોટયેત્ ।
ઓં સર્વવિદ્ વજ્રબન્ધ ત્રાટ્ બ્રુવન્ । વજ્રાવેશમુદ્રાં બદ્ધ્વા ।
ઓં તિષ્ઠ વજ્ર દૃઢો મે ભવ શાશ્વતો મે ભવ હૃદયં મે ઽધિતિષ્ઠ સર્વસિદ્ધિં ચ મે પ્રયચ્છ હું હ હ હ હ હોઃ । ઇતિ ।
ઓં વજ્રમુષ્ટિ વં ।
સત્ત્વવજ્રીં બદ્ધ્વા ।
ઓં સર્વવિત્ શોધને શોધને સર્વપાપાન્ અપનય હું । પાપાકર્ષણમન્ત્રઃ ।
વજ્રબન્ધં દૃઢં બદ્ધ્વા વજ્રમુદ્રાધિષ્ઠાન્તરાત્ ॥
સમુત્ક્ષિપેત્ ક્ષણાદ્ ઊર્ધ્વં પતિતોત્ક્ષેપણં પરમ્ ॥ ઇતિ ।

ઓં સર્વવિત્ સર્વાપાયવિશોધનિ હું ફટ્ । પાપવિશોધનમન્ત્રઃ ।
વજ્રબન્ધં દૃઢીકૃત્ય મધ્યમા મુખસહિતા ॥
ચતુરન્ત્યમુખાસક્તા પાપં સ્ફોટયતિ ક્ષણાત્ ॥
ઓં સર્વવિત્ ત્રાટ્ હું । સત્ત્વવજ્રીં બદ્ધ્વા ।
ઓં સર્વવિત્ સર્વાવરણવિશોધને મુઃ હું ફટ્ । ઉદ્ધરણલક્ષણમ્ ।
તતઃ પશ્ચાદ્ યોગિનો હૃદયમધ્યે ઽકારેણ ચન્દ્રમણ્ડલં તસ્યોપરિ ।
ઓં મુને મુને મહામુનયે સ્વાહા ।
ઓં નમઃ સર્વદુર્ગતિપરિશોધનરાજાય તથાગતાયાર્હતે સમ્યક્સંબુદ્ધાય । તદ્યથા ।
ઓં શોધને શોધને સર્વપાપવિશોધં શુદ્ધે વિશુદ્ધે સર્વકર્માવરણવિશુદ્ધે સ્વાહા ।
એતેન મન્ત્રેણ દુર્ગતિપરિશોધનમણ્ડલં પરિનિષ્પન્નં ભવતિ । તતો વજ્રાઙ્કુશાદ્યૈર્ આકૃષ્ય પ્રવેશ્ય બદ્ધ્વા વશીકૃત્યાકાશમણ્ડલપૂજાં કૃત્વા હૃદયમણ્ડલે નિવેશયેત્ । દ્વયમણ્ડલેનૈકમણ્ડલં ભવતીતિ । નિષ્પન્નયોગો ભૂત્વા સમયમણ્ડલં દેવતાપરિપૂર્ણં ભવતિ । તત્ર મણ્ડલમધ્યે ચક્રવર્તિરૂપમ્ આત્મભાવં શાક્યસિંહં વિભાવયેત્ । તતઃ શાક્યમુનેર્ હૃદ્યકારેણ ચન્દ્રમણ્ડલં ભાવયેત્ । ચન્દ્રમણ્ડલમધ્યે ।
ઓં મુને મુને મહામુનયે સ્વાહા ।
તતો વજ્રહેતુકર્મમુદ્રયા મણ્ડલં નિર્માય ।
ઓં સર્વવિદ્ વજ્રચક્ર હું । ઇતિ ।
સત્ત્વવજ્રીં બદ્ધ્વૈવ મધ્યાઙ્ગુલિદ્વયેન માલામ્ આદાય મનસા પ્રવિશેત્ । સમયે હું ઇત્ય્ અનેન તાં ચ માલાં સ્વશિરસિ ક્ષિપેત્ । અનેન પ્રતિચ્છ વજ્ર હોઃ । ઇતિ । તતઃ સ્વશિરસિ બન્ધેદ્ અનેન ।
ઓં પ્રતિગૃહ્ણ ત્વમ્ ઇમાં સત્ત્વ મહાબલેતિ ॥
મુખબન્ધં ચાનેન મુઞ્ચેત્ ।
ઓં વજ્રસત્ત્વઃ સ્વયં તે ઽદ્ય ચક્ષૂદ્ઘાટનતત્પરઃ ॥
ઉદ્ઘાટયતિ સર્વાક્ષો વજ્રચક્ષુર્ અનુત્તરમ્ ॥ ઇતિ ।
હે વજ્ર પશ્ય । ઇતિ ।
તતો મહામણ્ડલે તાવત્ પશ્યેદ્ યાવદ્ ભગવન્તં શાક્યમુનિં । પુનઃ સત્ત્વવજ્રીં બદ્ધ્વા હૃદયે મુઞ્ચેત્ । વજ્રાધિષ્ટિતકલશાદ્ ઉદકાભિષેકં વજ્રમુષ્ટ્યા દદ્યાત્ ।
ઓં સર્વવિદ્ વજ્રાભિષિઞ્ચ મામ્ । ઇતિ ।
પુનર્ વજ્રધાત્વીશ્વર્યાદિમુદ્રયાભિમુ દ્રયેત્ ।
ઓં સર્વવિદ્ વજ્રધાત્વીશ્વરિ હું અભિષિઞ્ચ મામ્ ।
ઓં સર્વવિદ્ વજ્રવજ્રિણિ હું અભિષિઞ્ચ મામ્ ।
ઓં સર્વવિદ્ રત્નવજ્રિણિ હું અભિષિઞ્ચ મામ્ ।
ઓં સર્વવિદ્ ધર્મવજ્રિણિ હું અભિષિઞ્ચ મામ્ ।
ઓં સર્વવિત્ કર્મવજ્રિણિ હું અભિષિઞ્ચ મામ્ ।
ઓં ટૂં ટૂં ટૂં વજ્ર તુષ્ય હોઃ ।
દ્વ્યક્ષરકવચેન કવચયિત્વા । તતઃ સ્વવજ્રાભિષેકં ગૃહ્ણીયાત્ । અદ્યાભિષિક્તસ્ ત્વમ્ અસિ બુદ્ધૈર્ વજ્રાભિષેકતઃ ॥
ઇદં તત્ સર્વબુદ્ધત્વં ગૃહ્ણ વજ્રસુસિદ્ધયે ॥
ઓં વજ્રાધિપતિ ત્વામ્ અભિષિઞ્ચામિ તિષ્ઠ વજ્રસમયસ્ ત્વં વજ્રનામાભિષેકતઃ ।
ઓં વજ્રસત્ત્વ ત્વામ્ અભિષિઞ્ચામિ ।
ઇદં તત્ સર્વબુદ્ધત્વં વજ્રસત્ત્વકરે સ્થિતમ્ ॥
ત્વયાપિ હિ સદા ધાર્યં વજ્રપાણિદૃઢવ્રતમ્ ॥
ઓં સર્વતથાગતસિદ્ધિવજ્રસમય તિષ્ઠૈષ ત્વાં ધારયામિ વજ્રસત્ત્વ હિ હિ હિ હિ હું । ઇતિ ।
ઓં સર્વવિદ્ વજ્રાધિષ્ઠાનસમયે હું । આત્માધિષ્ઠાનમન્ત્રઃ ।
વજ્રમુષ્ટિદ્વયં બદ્ધ્વાઙ્ગુષ્ઠમધ્યમાકનિષ્ઠોર્ધ્વં સ્થિત્વા મુખે શ્લિષ્યેત્ તર્જન્યનામિકાસત્ત્વપર્યઙ્કં કૃત્વા । વજ્રમુદ્રા । હૃત્કણ્ઠલલાટ ઊર્ણાભ્રૂમધ્યે નાસિકાકર્ણકટિજાનુપાદદ્વયે જંઘાયાં ચક્ષુર્દ્વયે ગુહ્યે ઽધિષ્ઠાણં તુ કારયેત્ ।
તતઃ સ્વકાયસમય અકારેણ ચન્દ્રમણ્ડલમ્ । સર્વબીજસમુત્પન્નચિહ્નાહંકારં મન્ત્રમ્ ઉદ્વહન્ ।
ઓં સર્વવિદ્ જઃ હું વં હોઃ સમયસ્ ત્વં સમય હોઃ ।
ઓં મુને મુને મહામુનયે સ્વાહા । ત્રિર્ ઉચ્ચારયેત્ સામાન્યમ્ અપિ ।

તતઃ સ્વકાયે વજ્રસમાજમુદ્રાં બદ્ધ્વા ।
જઃ હું વં હોઃ પ્રવર્તયેત્ ।
યથાસ્થાનેષ્વ્ આકૃષ્ય પ્રવેશ્ય બદ્ધ્વા વશીકુર્યાત્ ।
સ્વહૃદિ હુંકારયોગેન પઞ્ચસૂચિકવજ્રમ્ ॥
સમયં તુ પ્રવક્ષ્યામિ શાક્યસિંહસ્ય મુદ્રયા ॥
સમાધ્યગ્રસ્થિતો મધ્યે મુદ્રાસમય ઉચ્યતે ॥
વજ્રબન્ધં દૃઢીકૃત્ય મધ્યમા મુખસંહિતા ॥
વજ્રોષ્ણીષમુદ્રા ।
સૈવ મધ્યમા રત્નં તુ પદ્માકારં તુ મધ્યમા ॥
સૈવ મધ્યમા વજ્રં તુ શેષા જ્વાલાંગુલીકૃતા ॥
સૈવાંગુલી જ્વાલાકૃતા તેજ ઉષ્ણીષમુદ્રયા ॥
સૈવ તુ સમાનામિકા કનિષ્ઠાદ્વયમ્ ઉત્સૃજેત્ ॥
તર્જની પદ્મપત્ત્રં તુ મધ્યમા વજ્રં ઉત્થિતા ॥
સૈવ પુરતઃ સ્થિત્વા વજ્રપઞ્જરકારકા ॥
હૃદયે તુ સમાંગુષ્ઠા સુપ્રસારિતમાલિની ॥
અઞ્જલ્યગ્રમુખોદ્ધાન્તા નૃત્યતો મૂર્ધ્નિ સંપુટા ॥
વજ્રબન્ધં ત્વ્ અધોદાનાત્ સ્વાઞ્જલિસ્થોર્ધ્વદાયિકા ॥
સમાંગુષ્ઠનિપીડા ચ સુપ્રસારિતલેપના ॥
વજ્રમુષ્ટિદ્વયં બદ્ધ્વા તર્જન્યંગુષ્ઠમધ્યમાઃ ॥
પ્રત્યેકમ્ અપ્ય્ અન્યોન્યમ્ અભિમુખં ધારયેત્ ॥
એકતર્જનીં સંકુચ્ય દ્વ્યંગુષ્ઠૌ ગ્રન્થિં બન્ધિતૌ ॥
અંગુષ્ઠાગ્રકટિબન્ધા વજ્રમુષ્ટ્યગ્રસંહિતા ॥ ઇતિ ।
ધર્મમુદ્રાં ભાવયેત્ કણ્ઠે પદ્મેન્દુમણ્ડલે ॥
પૂર્વમ્ ઉત્સર્ગમન્ત્રેણ ધર્મમુદ્રા વિધીયતે ॥
કર્મમુદ્રા હૃદયે વિશ્વવજ્રમ્ ॥
ધર્મચક્રં યથોક્તસ્ય શાક્યરાજસ્ય મુદ્રયા ॥
ભૂસ્પર્શવરદધ્યાનમ્ અભયાદ્યા યથાક્રમમ્ ॥
તેજોષ્ણીષસ્ય મુદ્રયા સમાધ્યગ્રાવસ્થિતા ॥
દક્ષિણબાહુદણ્ડા ચ હૃદ્વામખડ્ગધારિણી ॥
વામતર્જનીમ્ ઉત્સૃજ્ય દક્ષિણેન પ્રસારયેત્ ॥
દ્વયહસ્તેન સંમીલ્ય છત્રાકારેણ ધારયેત્ ॥
કર્મમુદ્રાવિધિર્ યેન નવસંબુદ્ધતાયિનામ્ ॥
વજ્રગર્વપ્રયોગેણ નમેદ્ આશયકમ્પિતૈઃ ॥
માલાબન્ધા મુખોદ્ધાન્તા નૃત્યતઃ પરિવર્તિતા ॥
વજ્રમુષ્ટિપ્રયોગેણ દદ્યાદ્ ધૂપાદયસ્ તથા ॥
તર્જન્યંકુશબન્ધેન કનિષ્ઠાયાં મહાંકુશી ॥
બાહુગ્રન્થિકટાગ્રાભ્યાં પૃષ્ઠયોશ્ ચ નિપીડયેત્ ॥
અથાતઃ સંપ્રવક્ષામિ બોધિસત્ત્વમહાત્મનામ્ ॥
કર્મમુદ્રાપ્રબન્ધેન યથાનુક્રમલક્ષણમ્ ॥
વજ્રમુષ્ટિદ્વયં બદ્ધ્વાન્યોન્યં સહનિ મીલયેત્ ॥

તર્જનીમધ્યમાકુઞ્ચ્ય પુષ્પાકારેણ ધારયેત્ ॥
મૈત્રેયસ્ય મુદ્રા ।
વામમુષ્ટિં કટૌ ન્યસ્ય દક્ષિણં બાહુપાર્શ્વતઃ ॥
તર્જનીમધ્યમોત્સૃજ્ય નેત્રાકારેણ ધારયેત્ ॥
અમોઘદર્શિનઃ ।
વજ્રમુષ્ટિદ્વયં બદ્ધ્વા તર્જનીસ્ સંપ્રસારયેત્ ॥
સવ્યેનાંકુશં સંધાર્ય સર્વાપાયજહસ્ય ચ ॥
વામમુષ્ટિં કટિં ન્યસ્ય દક્ષિણદણ્ડમ્ આકૃતિઃ ॥
ધારયેદ્ ઊર્ધ્વતશ્ ચૈવ સર્વશોકતમસ્ય ચ ॥
વામે નાભસ્થિતા મુષ્ટિર્ ગજપુષ્કરમ્ આકૃતિઃ ॥
ધારયેદ્ દક્ષિણે હસ્તે ગન્ધહસ્તિનો મુદ્રયા ॥
વામમુષ્ટિં કટિં ન્યસ્ય દક્ષિણે ખડ્ગકારતઃ ॥
શૂરંગમસ્ય ।
વામમુષ્ટિં હૃદિ ધાર્ય દક્ષિણં ઊર્ધ્વં ભ્રામયેત્ ॥
ગગનગઞ્જસ્ય ।
વજ્રમુષ્ટિદ્વયં બદ્ધ્વા દક્ષિણેન તુ ધારયેત્ ॥
ધ્વજગૃહિતાકારેણ જ્ઞાનકેતોશ્ ચ મુદ્રયા ॥
દ્વયહસ્તેન સંધાર્ય કલશાકારેણ ધારયેત્ ॥
અમૃતપ્રભસ્ય ।
વામમુષ્ટિમ્ ઉરૌ સ્થિત્વા દક્ષિણમુષ્ટિં પાર્શ્વતઃ ॥
પ્રસાર્ય કનિષ્ઠાંગુષ્ઠૌ ચન્દ્રરેખા તુ આકૃતિઃ ॥
ચન્દ્રપ્રભસ્ય ।
દ્વયહસ્તં હૃદિ દેશે પદ્માકારં વિકાસયેત્ ॥
અન્યોન્યં મુખમ્ આસજ્ય ભદ્રપાલસ્ય મુદ્રયા ॥
વજ્રમુષ્ટિદ્વયં બદ્ધ્વા કવચાકારેણ ધારયેત્ ॥
સ્તનદ્વયે ચ સંધાર્ય જાલિનીપ્રભમુદ્રયા ॥
વામમુષ્ટિઃ કટિં ન્યસ્તો દક્ષિણહૃદયસ્થિતઃ ॥
મધ્યમાંગુલિમ્ ઉત્સૃજ્ય વજ્રગર્ભસ્ય મુદ્રયા ॥
વામમુષ્ટિર્ હૃદિ ન્યસ્તો વરદાકારં દક્ષિણે ॥
અક્ષયમતેર્ મુદ્રા ।
વામે નાભસ્થિતા મુષ્ટિર્ દક્ષિણે છોટિકાં દદન્ ॥
પ્રતિભાનકૂટસ્ય ।
વામમુષ્ટિં કટિં ધાર્ય દક્ષિણરત્નમુષ્ટિકા ॥
સમન્તભદ્રસ્ય ।
ચિહ્નરહિતેન વિધિના કર્મમુદ્રા ચોક્તિતા ॥
હૃદયે વજ્રં સંધાર્ય પઞ્ચસૂચિકરૂપિણમ્ ॥
ઉત્સર્ગેષુ યથાધાર્ય મુદ્રાસાયુધધારિણાં ॥
વજ્રઘણ્ટાધરો ભૂત્વા હૃદયે વજ્રં ધારયેત્ ॥
મહામુદ્રેતિ બોદ્ધવ્યા બોધિસત્ત્વમહાત્મનામ્ ॥
ઉત્સર્ગેષુ યથાગૃહ્ય મુદ્રાપ્રહરણધારિણામ્ ॥

યાં યાં મુદ્રાં તુ બધ્નીયાદ્ યસ્ય યસ્ય મહાત્મનઃ ॥
જપન્ તુ હૃદયાર્થેન ભાવયેત્ તુ સ્વમ્ આત્માનમ્ ॥
ચતુર્મુદ્રા વિધાતવ્યા દેવતાસર્વમુદ્રિતુમ્ ॥
સર્વજ્ઞગુણસંપન્નાઃ સર્વસત્ત્વાર્થકારણાત્ ॥
સર્વદુર્ગતિં સંશોધ્ય સત્ત્વાનાં બોધિઃ પ્રાપ્યતે ॥
અથ મન્ત્રં પ્રવક્ષામિ સર્વદુર્ગતિમણ્ડલે ॥
મુદ્રામન્ત્રપ્રયોગેણ સર્વકાર્યક્ષમો ભવેત્ ॥
પ્રતિપ્રતિવજ્રનૃત્યં કૃત્વા મન્ત્રૈશ્ ચોદાહૃતમ્ ॥
ઓં નમઃ સર્વદુર્ગતિપરિશોધનરાજાય ॥
તથાગતાયાર્હતે સમ્યક્સંબુદ્ધાય તદ્યથા ॥
ઓં શોધને શોધને સર્વપાપવિશોધને શુદ્ધે ॥
વિશુદ્ધે સર્વકર્માવરણવિશુદ્ધે સ્વાહા ॥
વામવજ્રમુષ્ટ્યા વજ્રઘણ્ટામ્ આદાય દક્ષિણહસ્તેન વજ્રંસગર્વમ્ ઉલ્લલયન્ એવં વદેત્ । વજ્રવાચાટક્કિ હું જઃ જઃ જઃ । સ્વહૃદ્ય્ ઉત્કર્ષણયોગેન ધારયેત્ । ટક્કિ જઃ હોઃ ઇતિ વદેત્ ।
તદનુશતાક્ષરેણદૃઢીકૃત્ય । એતેન દશભૂમીશ્વરબોધિસત્ત્વસદૃશો ભવતિ । તાન્ દૃષ્ટ્વા સર્વપૂજાં પ્રપૂજયેત્ ।
તતઃ તાભિઃ સર્વાભિઃ સ્તુતિભિઃ સંપૂજયેત્ ।
નમસ્ તે શાક્યસિંહાય ધર્મચક્રપ્રવર્તકઃ ॥
ત્રૈધાતુકં જગત્સર્વં શોધયેત્ સર્વદુર્ગતિમ્ ॥
નમસ્ તે વજ્રોષ્ણીષાય ધર્મધાતુસ્વભાવતઃ ॥
સર્વસત્ત્વહિતાર્થાય આત્મતત્ત્વપ્રદર્શકઃ ॥
નમસ્ તે રત્નોષ્ણીષાય સમતાતત્ત્વભાવનૈઃ ॥
ત્રૈધાતુકં સ્થિતં સર્વમ્ અભિષેકપ્રદાયકઃ ॥
નમસ્ તે પદ્મોષ્ણીષાય સ્વભાવપ્રત્યવેક્ષકઃ ॥
આશ્વાસયતિ સત્ત્વેષુ ધર્મામૃતપ્રવર્ષણૈઃ ॥
નમસ્ તે વિશ્વોષ્ણીષાય સ્વભાવકૃત્યાનુષ્ઠિતઃ ॥
વિશ્વકર્મકરો હ્ય્ એષાં સત્ત્વાનાં દુઃખશાન્તયે ॥
નમસ્ તે તેજોષ્ણીષાય ત્રૈધાતુકમ્ અવભાસયેત્ ॥
સર્વસત્ત્વેષ્વ્ અપાયેષુ સત્યદૃષ્ટ્વા કરિષ્યતિ ॥
નમસ્ તે ધ્વજોષ્ણીષાય ચિન્તામણિધ્વજધરઃ ॥
દાનેન સર્વસત્ત્વાનાં સર્વાશા પરિપૂરયેત્ ॥
નમસ્ તે તીક્ષ્ણોષ્ણીષાય ક્લેશોપક્લેશછેદકઃ ॥
ચતુર્મારબલભગ્નં સત્ત્વાનાં બોધિઃ પ્રાપ્યતે ॥
નમસ્ તે છત્રોષ્ણીષાય સિતાતપત્રશોભનમ્ ॥
ત્રૈધાતુકં જગત્સર્વં ધર્મરાજત્વં પ્રાપ્યતે ॥
લાસ્યા માલા તથા ગીતા નૃત્યા દેવ્યશ્ ચતુષ્ટયાઃ ॥
પુષ્પા ધૂપા ચ દીપા ચ ગન્ધા દેવી નમો ઽસ્તુ તે ॥
દ્વારમધ્યે સ્થિતા આવેશો ઽંકુશઃ પાશસ્ સ્ફોટકઃ ॥
શ્રદ્ધાદ્યભાવનિર્જાતા દ્વારપાલા નમોઽસ્તુ તે ॥
વેદિકાદૌ સ્થિતા યે ચ ચત્વરદ્વારપાર્શ્વતઃ ॥
મુદિતાદૌ દશે સ્થિત્વા બોધિસત્ત્વા નમો ઽસ્તુ તે ॥
બ્રહ્મેન્દ્રૌ રુદ્રચન્દ્રાદ્યૈર્ લોકપાલચતુર્દિશમ્ ॥

અગ્નિરાક્ષસવાયુશ્ ચ ભૂતાધિપ નમો ઽસ્તુ તે ॥
અનેન સ્તોત્રરાજેન સંસ્તુત્ય મણ્ડલાગ્રતઃ ॥
વજ્રઘણ્ટાધરો મન્ત્રી ઇદં સ્તોત્રમ્ ઉદાહરેત્ ॥
પશ્ચાદ્ આત્મદેહેષુ આત્મમણ્ડલં કલ્પયેત્ ॥
એવં ભાવયમાનાં વૈ મણ્ડલમ્ આદિયોગતઃ ॥
આદિયોગનામસમાધિઃ ।
તતો મણ્ડલરાજાગ્રીનામ પ્રવક્ષ્યામિ ।
ઓં અકારો મુખં સર્વધર્માણામ્ આદ્યનુત્પન્નત્વાત્ । તદર્થાધિમોક્ષતો દશદિક્ષર્વલોકધાતુષોડશશૂન્યતામ્ અધિમુચ્ય શૂન્યતાહંકારમ્ આત્માનં પશ્યેત્ ।
તતો હુંકારેણ નિષ્પન્નવજ્રેણ વાયુમણ્ડલં તસ્યોપરિ રંકારેણાગ્નિમણ્ડલં તસ્યોપરિ વંકારેણ મહોદધિં તસ્યોપરિ કંકારેણ કાઞ્ચનમણ્ડલં તદ્મધ્યે હું સું હું ઇતિ । તેન સુમેરું ચતુરસ્રં રત્નમયં સર્વરત્નવિભૂષિતં નિષ્પાદ્ય । ઓં વજ્ર દૃઢેત્યાદિના વજ્રબન્ધેનાધિતિષ્ઠેત્ । તસ્યોપરિ વજ્રહેતુકર્મમુદ્રયા ભૂંકારસિતનિષ્પન્નવજ્રમણિરત્નશિખરકૂટાગારમ્ ।
ચતુરસ્રં ચતુર્દ્વારં ચતુસ્તોરણભૂસિતમ્ ॥
ચતુષ્કોણેષુ સર્વેષુ દ્વારનિર્યૂહસંધિષુ ॥
ચન્દ્રાર્કવજ્રચિહ્નિતં હારાર્ધહારરચિતમ્ ॥
ચતુસ્સૂત્રસમાયુક્તં પટસ્રગ્દામભૂષિતમ્ ॥
અભ્યન્તરમણ્ડલમ્ અષ્ટારચક્રં વજ્રાવલીપરિવૃતમ્ । તસ્ય નાભોપરિ સિંહાસનં તસ્યોપરિ ચન્દ્રમણ્ડલં । ચક્રાષ્ટારમધ્યેષુ ચન્દ્રમણ્ડલં દેવતાસ્થાનમ્ । ( સ્દ્પ્ 162 )
બાહ્યમણ્ડલસ્ય દેવતાસ્થાનં પટિકાયામ્ અષ્ટાવિંશતિચન્દ્રમણ્ડલં પશ્યેત્ । સિંહાસનોપરિ ચન્દ્રમણ્ડલે । અકારાદિકકારાદ્યક્ષરપ્રજ્ઞોપાયસ્વરૂપં દ્રવીભૂતમ્ આકાશસ્ફરણક સમાધિસમાપન્નં બોધિચિત્તસ્વરૂપેણ સત્ત્વાર્થહેતુસંપન્નમન્ત્રરૂપં ભવતિ ।
ઓં મુને મુને મહામુનયે સ્વાહા ।
અનેન મન્ત્રેણ શ્રીશાક્યસિંહરાજનિષ્પન્નો ભવતિ । સર્વનીવારણં નામ સમાધિસમાપન્નઃ ।
તતસ્ સમાધિસમાપન્નો બુદ્ધો ભગવાન્ તસ્ય મુદ્રામન્ત્રં ઉદાહરેત્ ।
વજ્રમુષ્ટિદ્વયં બદ્ધ્વા પરિપાટ્યા વિકાસયેત્ ॥
મુદ્રેયં ધર્મચક્રસ્ય સર્વસંસારછેદની ॥
તદ્યથેતિ દૃષ્ટાન્તઃ ।
યથા પદ્મેષુ આસક્તા ભ્રમરાદ્યા વિબન્ધિતાઃ ॥
તથા પદ્મવિકાસેન વિબન્ધા દુઃખમોચિતાઃ ॥
તથૈવ દુઃખસંસારે વિબન્ધાસ્ ત્ન્ભવે ગતૌ ॥
એવં વિબન્ધા મુચ્યન્તે શાક્યસિંહકૃપાત્મનઃ ॥
તતશ્ શાક્યમુનેર્ હૃદયે ઽકારેણ ચન્દ્રમણ્ડલમ્ । તતશ્ ચન્દ્રમણ્ડલે સર્વાસાં મન્ત્રાણિ નિષ્પાદ્યન્તે । વજ્રોષ્ણીષમ્ આરભ્ય યાવદ્ વજ્રાવેશપર્યન્તં ભાવયેત્ । તતો મન્ત્રાણિ ભવન્તિ ।
ઓં નમસ્ સર્વદુર્ગતિપરિશોધનરાજાય તથાગતાયાર્હતે સમ્યક્સંબુદ્ધાય । તદ્યથા ।
ઓં શોધને શોધને સર્વપાપવિશોધને શુદ્ધે વિશુદ્ધે સર્વકર્માવરણવિશુદ્ધે સ્વાહા । ઇદં મન્ત્રમ્ ઉદાહરેત્ ।
અથાતઃ સંપ્રવક્ષામિ પરિપાટ્યા યથાક્રમમ્ ।
ઓં વજ્ર હું ફટ્ ।
નિશ્ચાર્ય મુખદ્વારેણ નિર્ગત્ય પઞ્ચરશ્મિકં ॥
સમન્તતો દશસુ દિક્ષ્વ્ અવભાસ્ય સર્વસત્ત્વાનામ્ ॥
દુઃખસ્યાન્તં કરિષ્યતિ પુનર્ આગત્ય રશ્મીનામ્ ॥
પ્રવિશ્ય હૃદયે તતઃ ॥
મન્ત્રરશ્મિદ્વયં મીલ્ય નિષ્પન્નરૂપસંભવમ્ ॥
અભ્યન્તરમણ્ડલસ્ય ચક્રારે પૂર્વદિશિ પદ્મચન્દ્રસ્થઃ ॥
વજ્રોષ્ણીષસ્ તથાગતો હૃદયાદ્ અવતીર્ય નિષીદેત ॥
હિતાર્થતઃ ।
શુક્લવર્ણપ્રભાદિવ્યો મુદ્રાભૂસ્પર્શસંસ્થિતઃ ॥
એવં રશ્મિસ્ફરણસંહારપૂર્વોક્તેન સર્વશઃ ॥

સ્ફરણસંહારયોગેન મન્ત્રરશ્મિનિમિલનમ્ ॥
બિમ્બનિષ્પત્તિસંપૂર્ણહૃદયાદ્ અવતીર્ય ચ ॥
નિષીદેત યથાસ્થાને દક્ષિણારેષુ સુસ્થિતઃ ॥
ઓં રત્નોત્તમ ત્રં ઉત્સૃજેત્ ।
પદ્મસ્થચન્દ્રમધ્યેષુ રત્નોષ્ણીષસ્ તથાગતઃ ॥
અવતીર્ય હૃદયાદ્ બુદ્ધલક્ષણૈઃ સમલંકૃતઃ ॥
નીલવર્ણસ્વભાવં તુ મુદ્રેયં વરદસ્ય તુ ॥
ત્રૈધાતુકમ્ અશેષં તુ સર્વસત્ત્વાભિષેકદઃ ॥
પૂર્વવત્ સ્ફરણસંહારં બિમ્બોત્પત્તિક્રમેણ ચ ॥
ઓં પદ્મોત્તમ હ્રીઃ ઉત્સૃજેત્ ।
તતઃ પશ્ચિમારસ્થપદ્મોપરિ ચન્દ્રમણ્ડલે ॥
રશ્મિબીજેન નિષ્પન્નઃ પદ્મોષ્ણીષસ્ તથાગતઃ ॥
હૃદયાદ્ નિર્ગતો ભૂત્વા નિષીદેદ્ અનુશાસકઃ ॥
પદ્મરાગપ્રભાદિવ્યો ધ્યાનમુદ્રાવ્યવસ્થિતઃ ॥
ઓં વિશ્વોત્તમ અઃ ઉત્સૃજેત્ ।
ઉત્તરે ચક્ર આરસ્થપદ્મોપરીન્દુમણ્ડલે ॥
અવતીર્ય હૃદયાદ્ બુદ્ધો વિશ્વોષ્ણીષસ્ તથાગતઃ ॥
હરિતવર્ણપ્રભાજ્વાલ્યો મુદ્રા ચાસ્યાભયપ્રદઃ ॥
વિશ્વકર્મકરો બુદ્ધઃ સત્ત્વાન્ સંસારાદ્ ઉત્તરેત્ ॥
ઓંકારેનોત્સૃજેદ્ બુદ્ધસ્ તેજોષ્ણીષસ્ તથાગતઃ ॥
આગ્નેયારે સ્થિતઃ સમ્યક્ પદ્મસ્થચન્દ્રમણ્ડલે ॥
સવ્યેન સૂર્યં સંગૃહ્ય વામહસ્તે કટિસ્થિતઃ ॥
શિતરક્તકવર્ણાભસ્ ત્રૈધાતુકમ્ આભાસયેત્ ॥
હુંકારબીજસંજાતો ધ્વજોષ્ણીષસ્ તથાગતઃ ॥
ઉત્સૃજેદ્ હૃદયાતીર્ણો નૈરૃત્યારે નિષણ્ણકઃ ॥
પદ્મસ્થચન્દ્રબિમ્બે ચ રક્તકૃષ્ણકવર્ણિકઃ ॥
ચિન્તામણિધ્વજં ધાર્ય સત્ત્વમાત્સર્યશોધકઃ ॥
ધીઃકારબીજનિષ્પન્નસ્ તીક્ષ્ણોષ્ણીષસ્ તથાગતઃ ॥
ક્લેશોપક્લેશાન્ સંછેદ્ય વાયવ્યારે ચ ઉત્સૃજેત્ ॥
પદ્મચન્દ્રે નિષીદેશ્ ચ મુદ્રાસ્ય ખડ્ગદક્ષિણઃ ॥
ગગનવર્ણનિભકાયો વામે પુસ્તકધારિણઃ ॥
ક્રીંકારબીજનિર્જાતશ્ છત્રોષ્ણીષસ્ તથાગતઃ ॥
ધર્મસ્વામી ચ સત્ત્વાનામ્ ઈશાનારે ચ ઉત્સૃજેત્ ॥
કુન્દેન્દુવર્ણસન્નિભો મુદ્રેયં છત્રધારિણઃ ॥
સર્વે તે વિશ્વપદ્મસ્થા નિષન્ણાશ્ ચન્દ્રમણ્ડલે ॥
હું ત્રાં હ્રીઃ અઃ ।
તેન મન્ત્રેણ ઉચ્ચાર્ય હૃદયાદ્ ઉત્સૃજન્તિ ચ ॥
ચતુર્ષુ કોણસ્થાનેષુ પદ્મસ્થચન્દ્રમણ્ડલે ॥
લાસ્યાદિદેવ્યશ્ ચતસ્રઃ કુલવર્ણકધારિણ્યઃ ॥
સિતં પીતં રક્તં વિશ્વવર્ણકમ્ ॥

તેષાં મુદ્રા વિધીયતે યથોક્તિતમ્ ॥
તેનૈવ મન્ત્રમ્ ઉચ્ચાર્ય ઉત્સૃજેદ્ હૃદયાદ્ અપિ ॥
ધૂપાદિદેવ્યશ્ ચતસ્રઃ પદ્મસ્થચન્દ્રમણ્ડલે ॥
ચતુર્ષુ કોણસર્વેષુ વર્ણકુલક્રમેણ તુ ॥
ઓં સર્વસંસ્કારપરિશુદ્ધે ધર્મતે ગગનસમુદ્ગતે સ્વભાવવિશુદ્ધે મહાનયપરિવારે સ્વાહા ।
મન્ત્રેણ ઉત્સૃજેત્ પૂર્વદ્વારપાર્શ્વદ્વયે સ્થિતાઃ ॥
મૈત્રેયાદિચતુષ્કસ્ય પદ્મસ્થચન્દ્રમણ્ડલે ॥
સત્ત્વપર્યંકિનઃ સર્વે મુદ્રાવર્ણક્રમેન તુ ॥
પીતવર્ણપ્રભાદિવ્યો નાગપુષ્પકદક્ષિણે ॥
વામેન કુણ્ડિકાં ગૃહ્ય મૈત્રીચિત્તવિશુદ્ધિતઃ ॥
દ્વિતીયો ઽમોઘદર્શી તુ પીતવર્ણપ્રભોજ્વલઃ ॥
વામહસ્તકટિન્યસ્તો દક્ષિણપદ્મનેત્રકઃ ॥
તૃતીયો બોધિસત્ત્વશ્ ચ નામ્નાપાયજહસ્ય ચ ॥
શ્વેતવર્ણપ્રભાજ્વાલો મુદ્રા અંકુશધારિણઃ ॥
ચતુર્થઃ સર્વશોકતમનિર્ઘાતનમતિસ્ તથા ॥
સિતપીતમિશ્રવર્ણાભો મુદ્રા દણ્ડધારિણઃ ॥
વામમુષ્ટિકટિન્યસ્તઃ સત્ત્વપર્યંકિના સ્થિતઃ ॥
ચત્વારો બોધિસત્ત્વાશ્ ચ દક્ષિણદ્વારે પ્રતિષ્ઠિતાઃ ॥
પ્રથમો ગન્ધહસ્તી ચ સિતશ્યામશ્ ચ વર્ણકઃ ॥
મુદ્રેયં દક્ષિણહસ્તે ગન્ધશંખં પ્રપૂરિતમ્ ॥
વામહસ્તકટિન્યસ્તઃ સર્વાવરણશોધનઃ ॥
દ્વિતીયો શૂરંગમો નામ સર્વક્લેશપ્રમોચકઃ ॥
સ્ફટિકવર્ણપ્રભાદિવ્યો મુદ્રેયં ખડ્ગધારિણઃ ॥
વામહસ્તકટિન્યસ્તઃ સત્ત્વાનાં દુઃખશન્તકઃ ॥
તૃતીયઃ ગગનગઞ્જઃ સર્વાભરણભૂષિતઃ ॥
સિતપીતમિશ્રવર્ણાભઃ સર્વાવરણવર્જિતઃ ॥
મુદ્રેયં દક્ષિણહસ્તે પદ્મસ્થધર્મગઞ્જતઃ ॥
વામહસ્તકટિન્યસ્તઃ સર્વાકાશધનધરઃ ॥
ચતુર્થો જ્ઞાનકેતુશ્ ચ સર્વાશાપરિપૂરકઃ ॥
નીલવર્ણકસંકાશશ્ ચિન્તામણિધ્વજધરઃ ॥
વામમુષ્ટિકટિન્યસ્તઃ દારિદ્રદુઃખમોચકઃ ॥
પશ્ચિમદ્વાર આસીનઃ પદ્મસ્થચન્દ્રમણ્ડલે ॥
પ્રથમમ્ અમૃતપ્રભશ્ ચન્દ્રવર્ણવિરાજિતઃ ॥
અમૃતકલશં સંધાર્ય મુકુટં રત્નપાણિના ॥
વામમુષ્ટિકટિન્યસ્તો વિસ્તીર્ણમ્ આયુર્દાયકઃ ॥
દ્વિતીયશ્ ચન્દ્રપ્રભો નામાજ્ઞાનતમધ્વંસકઃ ॥
શુક્લવર્ણતનુદિવ્યો મુદ્રા દક્ષિણપાણિના ॥
પદ્મસ્થચન્દ્રબિમ્બં તુ વામમુષ્ટિકટિસ્થિતઃ ॥
તૃતીયો ભદ્રપાલેતિ સિતરક્તં તુ વર્ણિકઃ ॥
સર્વધર્મપ્રકાશકો મુદ્રા દક્ષિણપાણિના ॥

જ્વલિતરત્નં સંધાર્ય વામમુષ્ટિકટિસ્થિતઃ ॥
ચતુર્થો બોધિસત્ત્વશ્ ચ જાલિનીપ્રભસંજ્ઞિતઃ ॥
રક્તવર્ણપ્રભાદિવ્યો વજ્રપઞ્જરધારિણઃ ॥
પ્રથમબુદ્ધપુત્રસ્ તુ વજ્રગર્ભેતિનામતઃ ॥
સિતનીલવર્ણસંયુક્તો મુદ્રા દક્ષિણપાણિના ॥
ઉત્પલં વજ્રસંયુક્તં વામમુષ્ટિકટિસ્થિતઃ ॥
દ્વિતીયો અક્ષયો નામ મતિર્ અન્તેષુ સંસ્થિતઃ ॥
કુન્દેન્દુવર્ણસંકાશો મુદ્રાહસ્તદ્વયેન તુ ॥
જ્ઞાનકલશં સંધાર્ય સર્વસત્ત્વાન્ પ્રપીનયેત્ ॥
તૃતીયો બુદ્ધપુત્રશ્ ચ પ્રતિભાકૂટસંજ્ઞિતઃ ॥
રક્તવર્ણપ્રભાજ્વાલો મુદ્રા દક્ષિણપાણિના ॥
પદ્મસ્થરત્નકૂટં તુ વામમુષ્ટિકટિસ્થિતઃ ॥
ચતુર્થો બોધિસત્ત્વશ્ ચ સમન્તભદ્રનામતઃ ॥
સુવર્ણવર્ણસંકાશો મુદ્રા દક્ષિણપાણિના ॥
રત્નમઞ્જરિકાદિવ્યં વામમુષ્ટિકટિસ્થિતઃ ॥
એવં રૂપેણ સંયુક્તા બોધિસત્ત્વકૃપાત્મનઃ ॥
મણ્ડલરાજાગ્રી નામસમાધિઃ ।
ઓં મુને મુને મહામુનયે સ્વાહા ।
ઓં નમસ્ સર્વદુર્ગતિપરિશોધનરાજાય તથાગતાયાર્હતે સમ્યક્સંબુદ્ધાય લ્ તદ્યથા ।
ઓં શોધને શોધને સર્વપાપવિશોધને શુદ્ધે વિશુદ્ધે સર્વકર્માવરણવિશુદ્ધે સ્વાહા ।
અનેન મન્ત્રેણ શ્રીશાક્યસિંહરાજપ્રમુખસપ્તત્રિંશદ્દેવતાપરિપૂર્ણં ભાવયેત્ । તતઃ પશ્ચાદ્ જ્ઞાનમણ્ડલમ્ આકર્ષયેત્ ।
દ્વારોદ્ઘાટનં કૃત્વા મન્ત્રમુદ્રાસમાયુતઃ ॥
વજ્રમુષ્ટિદ્વયં બદ્ધ્વા તર્જની દ્વે પ્રસારયેત્ ॥
કનિષ્ઠાં શૃંખલીકૃત્ય દ્વારોદ્ઘાટનમુદ્રયા ॥
ઓં સર્વવિદ્ દ્વારમ્ ઉદ્ઘાટય હું ।
દ્વારોદ્ઘાટનમન્ત્રમુદ્રયા દ્વારમ્ ઉદ્ઘાટયેત્ ।
વજ્રચક્રમુદ્રયા મણ્ડલં પરિકલ્પયેત્ ।
ઓં સર્વવિદ્ વજ્રચક્રે હું ।
બાહુભ્યાં વજ્રબન્ધેન વજ્રછટકવિમોક્ષણે ॥
શ્રીશાક્યરાજયોગાત્મા સર્વબુદ્ધાન્ સમાજયેત્ ॥
વામે છટકતાલેન સમતાલેન સિદ્ધ્યતિ ॥
દક્ષિણેન તુ તાલોક્તં સંનિપાતાવ્ ઉભાવ્ અપિ ॥
ઓં વજ્રસમાજ જઃ હું વં હોઃ ।
અસ્યા આજ્ઞાયા માત્રેણ સપર્ષચ્ચક્રસંચયઃ ॥
સર્વબુદ્ધાઃ સમાયાન્તિ કા કથાન્યેષુ વર્ત્તતે ॥
તતો ઽગ્રત આકાશદેશે મણ્ડલચક્રં દૃષ્ટ્વા વજ્રયક્ષમન્ત્રેણ । જપ્તાર્ઘભાજને સ્થિતગન્ધવારિણા સંપ્રોક્ષ્યાચમનં દદ્યાત્ । તતો ઽર્ઘમુદ્રયાર્ઘં દદ્યાત્ । તતઃ પાદ્યમુદ્રયા પાદ્યં દદ્યાત્ । તતઃ ।
વજ્રપુષ્પે હું । વજ્રધૂપે હું । વજ્રદીપે હું । વજ્રગન્ધે હું ।
વજ્રયક્ષમન્ત્રેણ વિઘ્નાન્ ઉત્સાર્ય મણ્ડલેષુ પ્રવેશયેત્ ।
તતશ્ ચતુર્મુદ્રાઃ ।
પ્રથમં પૂર્વોક્તવિધિમુદ્રયા સમયમુદ્રા નિબન્ધયેત્ । તતઃ પૂર્વોક્તમન્ત્રેણ ધર્મમુદ્રા વિધીયતે । તતઃ કર્મમુદ્રામન્ત્રેણ કર્મમુદ્રાં બધ્મ્યાત્ । તતો મહામુદ્રામન્ત્રેણ મહામુદ્રાં બધ્નીયાત્ ।

તતો વજ્રોષ્ણીષાદિતથાગતૈઃ સત્ત્વવજ્રીરત્નવજ્રીધર્મવજ્રીકર્મવજ્રીં સ્ફારયિત્વા સમાણ્ડલેયદેવતાશ્રીશાક્યરાજપ્રમુખવજ્રાવેશપર્યન્તમ્ અભિષેકં દદ્યાત્ । પઞ્ચાભિષેકાધિપત્મશપર્યન્તં દદ્યાત્ । અભિષેકાનન્તરમ્ ।
ઓં સર્વતથાગતધૂપપૂજામેઘસમુદ્રસ્ફરણસમયે હું ।
ઓં સર્વતથાગતપુષ્પપૂજામેઘસમુદ્રસ્ફરણસમયે હું ।
ઓં સર્વતથાગતદીપપૂજામેઘસમુદ્રસ્ફરણસમયે હું ।
ઓં સર્વતથાગતગન્ધપૂજામેઘસમુદ્રસ્ફરણસમયે હું ।
તતો લાસ્યાદિચતુષ્ટયેન પૂજયેત્ ।
વજ્રમ્ ઉલ્લાલયન્ વજ્રવાચાશતાક્ષરપૂર્વવત્ સ્તુતિં કુર્યાત્ । તતઃ ।
અસમાચલાસમિતસારધર્મિણઃ ।
કરુણાત્મકા જગતિ દુઃખહારિણઃ ।
અસમન્તસર્વગુણસિદ્ધિદાયિનઃ ॥
અસમાચલાસમવરાગ્રધર્મિણઃ ॥
ગગને સમોપમગતા ન વિધ્યતે ॥
ગુણરેણુરેણુકણિકાપ્ય્ અસીમિકે ॥
સ્ફુટસત્ત્વધાતુવરસિદ્ધિદાયિષુ ॥
વિગતોપમેષુ અસમન્તસિદ્ધિષુ ॥
સતતામલા કરુણવેગતોત્થિતા ॥
પ્રણિધાનસિદ્ધિર્ અનિરોધધર્મતા ॥
જગતો ઽર્થસાધનપરાસમન્તિની ॥
સતતં વિરોચતિ મહાકૃપાત્મનામ્ ॥
ન નિરોધતાં કરુણચારિકાચરા ॥
વ્રજતે ત્રિલોકવરસિદ્ધિદાયિકા ॥
અમિતામિતેષુ સુસમાપ્તિતાં ગતા ॥
સુગતિં ગતેષ્વ્ અપિ અહો સુધર્મતા ॥
સમયાગ્રસિદ્ધિવરદા દદન્તુ મે ॥
વરદાનતા સુગતિતાં ગતા સદા ॥
સકલત્રિલોકવરસિદ્ધિદાયિકા ॥
સુગતત્રિયાધ્વગતિતા અનાવૃતા ॥
સર્વત્ર જિહ્વાશતમુખેન સ્તોત્રોપહારમ્ અધિમુચ્ય વજ્રઘણ્ટાધરઃ સ્તુતિં કર્યાત્ ।
તતો દશસુ દિક્ષુ સર્વતથાગતબોધિસત્ત્વેભ્યો લૌકિકલોકોત્તરબાહ્યદેવતાભ્યશ્ ચ સર્વપૂજાભિર્ બલિવિધિમ્ ઉપકરણેન સહિતં બલિં દદ્યાત્ ।
સુબહુપાઠાં પઠેત્ ।
આદૌ છટાદિશબ્દેનાકર્ષયેત્ પાપરાશયઃ ॥
ત્રિલોકવિજયમુદ્રેણ ત્ર્યક્ષરાદિસમન્વિતં ॥
સર્વાપાયસમાપત્તિલોકધાતુમ્ અશેષતઃ ॥
આકર્ષણમ્ ઉદ્ધરણબન્ધવિનાશનાનિ ॥
ચત્વારિ મન્ત્રાણી સુયોજનાનિ ।
તાડ્યાદિમન્ત્રૈઃ સિતસર્ષપતાડમાનૈઃ ।
પ્રક્ષાલ્યમ્ અસ્થિ સિતવસ્ત્રસહિતમ્ ॥
ઓં શોધન ઇત્યાદિમન્ત્રેણ ઉદકેન ક્ષાલયેત્ ત્રયભવનમલં ।
ઓં કંકણીત્યાદિમન્ત્રેણ ક્ષલયેત્ પઞ્ચગવ્યેન ।
ઓં રત્ને રત્ન ઇત્યાદિમન્ત્રેણ ક્ષાલયેત્ સર્વગન્ધતઃ ।

ઓં અમોઘાવરણેત્યાદિમન્ત્રેણ ક્ષાલયેત્ ક્ષીરગાવિતઃ ।
ઓં અમૃતે અમૃત ઇત્યાદિમન્ત્રેણ ક્ષાલયેત્ મદ્યમ્ ઉત્તમમ્ ।
ઓં પુણ્યે પુણ્ય ઇત્યાદિમન્ત્રેણોદકેન ક્ષાલયેત્ અન્તરાન્તતઃ ।
પુનર્ મંગલગાથાં પાઠયેદ્ અભિષિઞ્ચેત્ । માર્ગશોધનં કર્તવ્યં । ધૂપાદિદેયાશ્ ચતુર્વિધમન્ત્રાઃ ।
હસ્તમાત્રમ્ ઇદં કુણ્ડં કર્તવ્યં હોમયેત્ તતઃ ॥
અનુસ્મૃત્ય ચ તં સત્ત્વમ્ અપાયગતિસંસ્થિતમ્ ॥
હોમયેત્ શુભસંતાનઃ પાપાવરણશાન્તયે ॥
ઘૃતક્ષીરસમાક્ષિકૈર્ લાજાસર્ષપમિશ્રિતૈઃ ॥
તિલતણ્ડુલવ્રીહ્યાદિ સમિધાસુ કરદ્વયમ્ ॥
અન્યાન્ય્ અપિ તુ કર્માણિ યથા પૂર્વં તથા કુર્યાત્ ॥
તેન સંપદ્યતે ક્ષિપ્રં સત્ત્વાનાં ચ સુખાવહમ્ ॥ ઇતિ ।
કર્મરાજાગ્રીનામસમાધિઃ ।
તસ્મિંશ્ ચ સત્ત્વે કૃતે સતિ । તતસ્ તે નારકદુઃખાદ્ વિમુક્તાઃ સન્તસ્ તુષિતેષુ સર્વસત્ત્વહિતકારિણઃ । સુગતવદ્ ઉત્પન્નાઃ । તત ઇન્દ્રેણ સહિતમહાયશસો દેવા નૃત્યન્તો ઽનન્તૈઃ પૂજામેઘૈર્ ઇહ જન્મનિ તથાગતપૂજાર્થં પુરસ્કૃત્ય દેવગણા ઉત્પાતિતબોધિચિત્તા દિવ્યનાનાવિધપુષ્પધૂપદીપગન્ધછત્રધ્વજપતાકાદિભિર્ અનેકાકારાભિશ્ ચ શોભિતમ્ । વસ્ત્રરત્નવર્ષાદિભિશ્ ચ પરિપૂરિતં કુર્વન્તિ સ્મ નન્દનવનમ્ । તતો મહાશ્ચર્યં ભૂતમ્ ।
ઇઇ
અથ ભગવાન્ વજ્રપાણિર્ બોધિસત્ત્વો ભગવતો ઽધિષ્ઠાનેન મન્ત્રકલ્પરાજોત્તરકલ્પમ્ અભાષત । વીરાસનાદ્ ઉત્થાય પ્રહર્ષન્ વજ્રમ્ ઉલ્લલયન્ શાક્યાધિપં નન્દન્ મુનીશ્વરં પ્રણમ્ય સર્વાવરણવિશોધનવજ્રં નામ સમાધિં સમાપદ્યેદં દુર્ગતિપરિશોધનં નામ હૃદયં સ્વહૃદયાદ્ નિશ્ચચાર ।
ઓં સર્વપાપદહનવજ્ર હું ફટ્ ।
ઓં સર્વાપાયવિશોધનવજ્ર હું ફટ્ ।
ઓં સર્વકર્માવરણાનિ ભસ્મીકુરુ હું ફટ્ ।
ઓં ભ્રું વિનાશયાવરણાનિ હું ફટ્ ।
ઓં દ્રું વિશોધયાવરણાનિ હું ફટ્ ।
ઓં જ્વલ જ્વલ ધક ધક હન હનાવરણાનિ હું ફટ્ ।
ઓં સ્રું સર સર પ્રસર પ્રસરાવરણાનિ હું ફટ્ ।
ઓં હું હર હર સર્વાવરણાનિ હું ફટ્ ।
ઓં હું ફટ્ સર્વાવરણાનિ સ્ફોટય હું ફટ્ ।
ઓં ભૃત ભૃત સર્વાવરણાનિ હું ફટ્ ।
ઓં ત્રટ ત્રટ સર્વાવરણાનિ હું ફટ્ ।
ઓં છિન્દ છિન્દ વિદ્રવ વિદ્રવ સર્વાવરણાનિ હું ફટ્ ।
ઓં દહ દહ સર્વનરકગતિહેતું હું ફટ્ ।
ઓં પચ પચ સર્વપ્રેતગતિહેતું હું ફટ્ ।
ઓં મથ મથ સર્વતિર્યગ્ગતિહેતું હું ફટ્ ।
તતસ્ તેષામ્ ઉપકરણાન્ય્ અભાષત ।
ઓં સર્વપાપવિશોધનિ ધમ ધમ ધૂપય હું ફટ્ ।
ઓં સર્વદુર્ગતિવિશોધનિ પુષ્પવિલોકિનિ હું ફટ્ ।
ઓં સર્વાપાયવિશોધનિ જ્ઞાનાલોકકરિ હું ફટ્ ।
ઓં સર્વાપાયગતિનાશનિ ગન્ધ હું ફટ્ ।
ઓં નરકગત્યાકર્ષણિ હું ફટ્ ।
ઓં સર્વનરકગત્યુદ્ધરણિ હું ફટ્ ।
ઓં સર્વાપાયબન્ધનવિમોચનિ હું ફટ્ ।
ઓં સર્વાપાયગતિગહનવિનાશનિ હું ફટ્ ।
તતો મણ્ડલમ્ અભાષત ।

ચક્રાન્તરં તુ મણ્ડલમ્ અષ્ટારૈશ્ ચ સુભૂષિતમ્ ॥
નાભિનેમિકસંયુક્તમ્ અભ્યન્તરાવરણિકમ્ ॥
સંલિખ્ય નાભૌ શાક્યાધિપેન્દ્રમુનિં સંલિખેત્ ॥
તતો વીરાગ્રતો લિખેદ્ વજ્રપાણિં મહાબલમ્ ॥
પૃષ્ઠતો ઽભિસંલિખેચ્ ચક્રવર્તિનં ચ ॥
દક્ષિણે જયોષ્ણીષં ચ વામતો વિજયં લિખેત્ ॥
તેજોરાશિમ્ અપ્ય્ આગ્નેયાં સિતાતપત્રમ્ ઐશાન્યામ્ ॥
વિકિરિણંશ્ ચૈવ વાયવ્યાં નૈરૃત્યાં વિધ્વંસકં લિખેત્॥
તતો બાહ્યં સંલિખેત્ ।
ચતુરશ્રં ચતુર્દ્વારં ચતુસ્તોરણશોભિતમ્ ॥
વીરેણાંકુશપાશસ્ફોટઘણ્ટાઃ સ્થાપનીયાઃ ॥
સર્વકોનેષુ પુષ્પાદયો લેખ્યાઃ ॥
તતઃ સ્રગ્ગન્ધગન્ધાદિના સ્વકાયમ્ અનુલેપયેત્ ॥
તથૈવ વજ્રાચાર્યઃ પ્રવિશેત્ । જઃ હું વં હોઃ । ભગવન્ એહિ મહાકરુણિક દૃશ્ય હોઃ । ઇતિ । સર્વદેવાન્ આકર્ષયેત્ । તથૈવ પ્રવેશ્યાભિષિક્તાઃ સર્વદુર્ગતિભ્યો વિમુક્તાઃ સ્વર્ગલોકોત્તરભૂમિષૂદ્પદ્યન્તે । સર્વસિદ્ધયો ઽપિ સિદ્ધ્યન્તિ । સમ્યક્સંબોધિશ્ ચાવશ્યં પ્રાપ્યતે । પૂર્વવત્ સર્વકર્માં કુર્વન્તિ । સર્વત્રાપ્રતિહતા ભવન્તિ । ઉન્માર્જનેન સર્વજ્વરગ્રહાદીન્ મોક્ષયન્તિ । વજ્રપાણિર્ હુંકારેણ સર્વકર્માણિ કરોતિ । અન્યકલ્પવિધિનાપિ સર્વસાધકો ભવતિ । દેવનાગયક્ષગન્ધર્વાસુરરાક્ષસાદીનાં દુર્ગતિવશીભૂતાનાં સર્વપ્રતિબિમ્બાદિકમ્ અભિલિખ્ય જપહોમાભિષેકૈઃ સર્વદુર્ગતિભ્યો મુક્તિર્ ભવતિ । અથ ભગવાન્ વજ્રધરઃ સિંહાવલોકિતેન ભગવતો મુખમ્ અવલોક્ય પ્રણમ્યૈતદ્ અવોચત્ । ભગવન્ પરમમુદ્રાલક્ષણમ્ ઉત્તમમ્ આભાષે કરુણાવેદનાવશગચિત્તેન સર્વજિના અધિષ્ઠાનં કુર્વન્તિ ।
સમાધિસ્થો લલા@ટે ઽઞ્જલિં કૃત્વા પ્રણમેત્ । બુદ્ધાનાં પ્રણામમુદ્રા । યોગવિત્ કણ્ઠપ્રદેશે ઽઞ્જલિં મુકુલિતપદ્માકૃતિં કુર્યાત્ । પદ્મકુલે પદ્મમુદ્રા । હૃદિ વજ્રાઞ્જલિં કૃત્વા મધ્યમાંગુલીસૂચીયોજયતિ । વજ્રકુલે સમયમુદ્રા । વામહસ્તમ્ ઉત્તાનમ્ ઉત્સંગે સ્થાપયિત્વા તસ્યોપરિ દક્ષિણં વ્યવસ્થાપ્યાંગુષ્ઠદ્વયં યોજયિત્વા શાન્તં દૃષ્ટ્વા નિરીક્ષયેત્ । ઇયં તથાગતકુલે સમાધિમુદ્રા સમયઃ ।
તામ્ એવ પરિવર્ત્યાન્યોન્યં યોજયિત્વા કનિષ્ઠાંગુષ્ઠકાનિ શૃંખલાકારાણિ બદ્ધ્વા હૃદિ સ્થાપયેત્ । ઇયં વજ્રકુલે સમયમુદ્રા । પૂર્ણાઞ્જલિં કૃત્વા કન્યસાંગુષ્ઠૌ સૂચિં ધારયેચ્ છેષાન્ પ્રસારયેત્ । ઇયં પદ્મકુલે પદ્મમુદ્રા ।
વજ્રબન્ધં દૃઢીકૃત્ય મધ્યમાંગુલિં વજ્રસૂચીકૃત્ય કન્યસાંગુષ્ઠૌ પ્રસારયેત્ । ઇયં વજ્રપાણેર્ વજ્રમુદ્રા । તસ્યા એવ કનિષ્ઠાંગુષ્ઠદ્વયં તથૈવ કૃત્વા તર્જન્યનામિકે પદ્મપત્રાકારૈઃ કુર્યાત્ । ઇયં સર્વદુર્ગતિપરિશોધનરાજસ્ય સર્વશોધનમુદ્રા । તસ્યા એવ તર્જન્યનામિકે રત્નાકારં કુર્યાત્ । ઇયમ્ અભિષેકમુદ્રા । કન્યસાંગુષ્ઠૌ પૃથક્ પૃથગ્ યોજયિત્વા શેષાઃ પ્રસારિતાઃ । સર્વપ્રસહનમુદ્રા ।
વામહસ્તસ્ તથૈવ પરિવર્તિતઃ સર્વકર્મિકમુદ્રા ।
અઞ્જલેર્ ઊર્ધ્વક્ષેપાદ્ ધૂપમુદ્રા ।
તસ્યા એવાધઃક્ષેપાત્ પુષ્પમુદ્રા ।
સૈવ શંખાકારો ગન્ધમુદ્રા ।
એતામ્ એવ પ્રસારિતાં ધારયેદ્ બલિમુદ્રા ।
તસ્યા એવ મધ્યમાદ્વયાદ્ અન્તરમ્ અર્પણમુદ્રા ।
વજ્રબન્ધમધ્યમાદ્વયં મધ્યે પર્વભંગં કૃત્વા સર્વાંગુલીઃ પ્રસારયેદ્ વિકીરિણમુદ્રા ।
તસ્યા એવ કન્યસાદ્વયાંગુષ્ઠદ્વયમ્ આકૃષ્ટં વિધ્વંસનમુદ્રા ।
સૈવાઞ્જલિઃ પ્રભાકારસ્ તેજોરાશિમુદ્રા ।
તામ્ એવોષ્ણીષસ્થાને ભ્રામયેત્ સિતાતપત્રમુદ્રા ।
વજ્રબન્ધે કન્યસાંગુષ્ઠદ્વયં શૃંખલાકારેણ બદ્ધ્વોર્ધ્વં ભ્રામયેત્ । ચક્રમુદ્રા ।
વજ્રબન્ધે મધ્યમે વજ્રાકારેણ તર્જન્યો રત્નાકારૌ કૃત્વા શેષાઃ પ્રભાકારા જયોષ્ણીષમુદ્રા ।
તથૈવ તર્જનીદ્વયં વજ્રીકૃત્ય શેષાંગુલ્યો બદ્ધ્વા વજ્રાકારાહ્ કુર્યાદ્ વિજયાસ્ય ।
દક્ષિણેન વરદા વામેનાભયદા તથાગતી ।
વજ્રબન્ધે તર્જનીદ્વયં વજ્રાકારં કુર્યાદ્ વજ્રમુદ્રા ।
એતસ્યા એવાંગુલદક્ષિણતર્જન્યાકૃષ્ટાંકુશી ।
સૈવ રોપાકારા શરઃ । સૈવાગ્રાંગુષ્ઠા સ્થાપિતા સાધુમતેઃ ।
સૈવ મધ્યે ભગ્ના રત્નમ્ ।
તસ્યા એવાંગુલયઃ પ્રભાકારાસ્ તેજઃ ।
તામ્ એવોષ્ણીષે સ્થાપયેત્ કેતુમુદ્રા ।
તામ્ એવાગ્રતઃ સ્થાપયેદ્ વાશમુદ્રા ।
સૈવ પદ્માકારા પદ્મા ।
સૈવાગ્રાકૃષ્ટા ખડ્ગઃ ।

તામ્ એવ વલયાકારાં કુર્યાચ્ ચક્રમ્ ।
તામ્ એવ પદ્મપત્રાકારાં જિહ્વા ।
સૈવાગ્રપ્રસારિતા વિશ્વા ।
સૈવ સુપ્રસારિતા રક્ષા ।
સૈવાગ્રતઃ કુંચિતા યક્ષા ।
સૈવાકુંચિતા બન્ધમ્ ।
તસ્યા એવ તર્જનીદ્વયં કુંચિતમ્ અંકુશમ્ ।
સૈવાગ્રગ્રસ્તા પાશઃ ।
સૈવાન્યોન્યં ગ્રન્થિતા સ્ફોટઃ ।
તામ્ એવ ચાલયેદ્ તોષા ।
અથ ખલુ ભગવાન્ વજ્રપાણિસ્ તં શક્રબ્રહ્માપ્રમુખં મહાપર્ષદ્મણ્ડલમ્ અવલોક્ય સાધુકારૈઃ સંતોષ્ય સાધુ સાધુ શક્રપ્રમુખા દેવપુત્રા યદ્ યુષ્માકમ્ ઈદૃશં પ્રતિભાનં સજાતં તત્ સાધુ પ્રતિપદ્યધ્વં દેશયામિ ।
અથ ખલુ ભગવાન્ વજ્રપાણિઃ સર્વામિતાયુસ્સ્ફરણસંભવવજ્રં નામ સમાધિં સમાપદ્યાપરિમિતાયુઃપુણ્યજ્ઞાનસંભારવર્ધનં નામ સર્વતથાગતહૃદયં સ્વહૃદયાદ્ નિશ્ચચાર ।
ઓં પુણ્યે પુણ્યે મહાપુણ્યે ઽપરિમિતપુણ્યે ઽપરિમિતાયુઃપુણ્યજ્ઞાનસંભારોપચયકારિણિ સ્વાહા ।
અસ્યાં સર્વતથાગતહૃદયધારણ્યાં ભાષિતમાત્રાયાં સર્વાપાયાઃ પ્રશાન્તા મોચિતશ્ ચાત્મા સર્વે નરકપ્રેતતિર્યગ્ગતિપન્નાઃ સત્ત્વાઃ પ્રજાનન્તિ ।
સર્વે ચ લોકધાતવો ઽવભાસિતા અવભાસ્ય ચ દ્વાદશકારં બુદ્ધકૃત્યં કૃત્વા તસ્મિન્ એવ સર્વતથાગતહૃદયધર્માક્ષરે પ્રવિષ્ટાન્ય્ અભૂવન્ ।
અથ ખલુ ભગવાન્ પુનર્ અપ્ય્ અમિતાયુર્વજ્રપ્રભાકરીં નામ સમાધિં સમાપદ્યેમં સર્વતથાગતાયુર્વજ્રં નામ હૃદયધારણીમ્ અભાષત ।
ઓં અમૃતે ઽમૃતે ઽમૃતોદ્ભવે ઽમૃતસંભવે ઽમૃતવિક્રાન્તગામિનિ સર્વક્લેશક્ષયંકરિ સ્વાહા ।
અથાસ્યાં ભાષિતમાત્રાયાં તથૈવ સર્વસત્ત્વાનાં સર્વદુઃખાનિ પ્રશાન્તાનિ ।
અથ ભગવાન્ પુનર્ અપ્ય્ અમોઘાવરણવિનાશનીં નામ સમાધિં સમાપદ્યેમં સર્વતથાગતાવરણત્રોટનં નામ હૃદયધારણીં સ્વહૃદયાદ્ નિશ્ચચાર ।
ઓં કંકણિ કંકણિ રોચનિ રોચનિ ત્રોટનિ ત્રોટનિ પ્રતિહન પ્રતિહન સર્વકર્મપરંપરાણિ સર્વસત્ત્વાનાં સ્વાહા ।
અસ્યાં ભાષિતમાત્રાયાં તથૈવ સર્વમ્ અભૂત્ ।
અથ ખલુ ભગવાન્ પુનર્ અપિ સર્વાવરણવિમલવિશુદ્ધિવજ્રં નામ સમાધિં સમાપદ્યેમાં સર્વતથાગતાશેષાવરણવિનાશનીં નામ હૃદયધારણીં સ્વહૃદયાદ્ નિશ્ચચાર ।
ઓં રત્ને રત્ને મહારત્ને રત્નસંભવે રત્નકિરણે રત્નમાલાવિશુદ્ધે શોધય સર્વપાપં હું ફટ્ ।
અસ્યાં ભાષિતમાત્રાયાં સર્વમારભવનાનિ ધ્વસ્તાનિ વિધ્વંસિતાન્ય્ અભૂવન્ ।
અથ ખલુ ભગવાન્ પુનર્ અપ્ય્ અમોઘાપ્રતિહતસર્વાવરણવિધ્વંસનિનામસમાધિં સમાપદ્યેમાં સર્વતથાગતહૃદયધારણીં સ્વહૃદયાદ્ નિશ્ચચાર ।
ઓમ્ અમોઘાપ્રતિહતસર્વાવરણવિનાશનિ હર હર હું ફટ્ ।
અસ્યાં ભાષિતમાત્રાયાં સર્વોપમલોકધાતુઃ કમ્પિતઃ પ્રકમ્પિતઃ સંપ્રકમ્પિતશ્ ચલિતઃ પ્રચલિતઃ સંપ્રચલિતઃ ક્ષુભિતઃ પ્રક્ષુભિતઃ સંપ્રક્ષુભિતઃ ।
અનેકાન્ય્ આશ્ચર્યાદ્ભુતાનિ લોકે સંદૃશ્યન્તે સ્મ ।
તથૈષાં મણ્ડલં ભવતિ ।
ચતુરસ્રં ચતુર્દ્વારં ચતુઃપાર્શ્વે સમન્વિતમ્ ॥
ચતુસ્તોરણસંયુક્તં નેમિનિર્યૂહસંયુતમ્ ॥
તસ્યાભ્યન્તરતો લેખ્યં ચક્રમણ્ડલમ્ ઉત્તમમ્ ॥
ચતુરારસમાયુક્તં નાભિમણ્ડલમ્ ઉત્તમમ્ ॥
તસ્ય મધ્યે લિખેદ્ નાથં વજ્રપાણિં મહાબલમ્ ॥
વજ્રઘણ્ટાકરં સૌમ્યં પૂર્ણેન્દુહસિતાનનમ્ ॥
પૂર્વારમધ્યભાગેષુ લિખેદ્ અક્ષોભ્યનાયકમ્ ॥
દક્ષિણેન લિખેદ્ રત્નં પશ્ચિમેનામ્બુજોત્તમમ્ ॥
ઉત્તરેણામોઘાખ્યાતં લિખેદ્ વીરં મહાબલમ્ ॥
ચક્રવર્તિકૃતાટોપાન્ લિખેત્ સર્વતથાગતાન્ ॥
ચન્દ્રમણ્ડલસંકાશાન્ સર્વાભરણભૂષિતાન્ ॥

વરદાભયહસ્તાન્ તુ વજ્રપર્યંકસુસ્થિતાન્ ॥
કોણભાગેષુ સર્વેષુ લેખ્યા ધૂપાદયસ્ તથા ॥
દ્વારપાલાશ્ ચ તે લેખ્યાઃ ક્રુદ્ધાઃ ક્રોધપરાયણાઃ ॥
તતઃ પ્રવિશ્ય સ્વયં યોગી આકર્ષયેદ્ મન્ત્રદેવતાઃ ॥
જઃ હું વં હોઃ ભગવન્ વજ્ર એહ્ય્ એહિ સમયસ્ ત્વમ્ ॥
તતશ્ ચાગતં નાથં પૂજયિત્વા સમાસતઃ ॥
પ્રવેશયેદ્ મૃત્યુહાનાય મૃત્યૂરગભયાનિ ચ ॥
ઓં વજ્રસમયે હું ।
વજ્રતેરિન્તિરીં બદ્ધ્વા પ્રવેશયેદ્ રત્નકરાન્વિતમ્ ॥
પુષ્પમાલાન્વિતો વાપિ ક્ષેપયેદ્ મણ્ડલે તુ તમ્ ॥
ઓં પ્રતીચ્છ વજ્ર હું ।
તતઃ સમયં દેયં । ઓં વજ્રસમયે હું ।
તતો ઽનેનોદ્ઘાટયેદ્ વજ્રમ્ । ઓં વજ્રહાસોદ્ઘાટય હું ।
તતો ઽનેન દર્શયેત્ । ઓં વજ્ર દૃશ્ય હોઃ ।
તતો ઽભિષેકમ્ અનેન દદ્યાત્ ।
ઓં વજ્રાભિષિઞ્ચ હું । ઓં બુદ્ધાભિષિઞ્ચ ઓં । ઓં રત્નાભિષિઞ્ચ ત્રાં ।
ઓં પદ્માભિષિઞ્ચ હ્રીઃ । ઓં કર્માભિષિઞ્ચ અઃ ।
તતઃ કલશાભિષેકં દદ્યાત્ ।
ઓં વજ્રકલશાભિષિઞ્ચ હું । ઓં બુદ્ધકલશાભિષિઞ્ચ ઓં ।
ઓં રત્નકલશાભિષ્ઃઇઞ્ચ ત્રાં । ઓં પદ્મકલશાભિષિઞ્ચ હ્રીઃ ।
ઓં કર્મકલશાભિષિઞ્ચ અઃ ।
ઓં માલાભિષિઞ્ચ ત્રાં । ઓં વજ્રપટાવલમ્બનાભિષિઞ્ચ ત્રીં ।
ઓં બુદ્ધમુદ્રાભિષિઞ્ચ ઓમ્ । ઓં વજ્રમુદ્રાભિષિઞ્ચ હું ।
ઓં રત્નમુદ્રાભિષિઞ્ચ ત્રાં । ઓં પદ્મમુદ્રાભિષિઞ્ચ હ્રીઃ ।
ઓં કર્મમુદ્રાભિષિઞ્ચ અઃ ।
ઓં વજ્રનામાભિષિઞ્ચ ઓં હું ત્રાં હ્રીઃ અઃ । ઓં કર્માભિષિઞ્ચ હું અઃ ।
ઓં વજ્રચક્રાભિષિઞ્ચ હું ભ્રૂમ્ ।
ઓં વજ્રચક્રાધિપતિસ્ ત્વામ્ અભિષિઞ્ચ (યેત્) ઓં ઓં ઓં । હું હું હું । ત્રાં ત્રાં ત્રાં । હ્રીઃ હ્રીઃ હ્રીઃ । અઃ અઃ અઃ ।
ઓં વજ્રધારિણ્ય્ અભિષિઞ્ચ હું । ઓં તથાગતધારિણ્ય્ અભિષિઞ્ચ ઓં ।
ઓં રત્નધારિણ્ય્ અભિષિઞ્ચ ત્રાં । ઓં પદ્મધારિણ્ય્ અભિષિઞ્ચ હ્રીઃ ।
ઓં કર્મધારિણ્ય્ અભિષિઞ્ચ અઃ ।
ઓં સર્વતથાગતગુહ્યાભિષિઞ્ચ ઓમ્ । ઓં વજ્રગુહ્યાભિષિઞ્ચ હું ।
ઓં રત્નગુહ્યાભિષિઞ્ચ ત્રાં । ઓં પદ્મગુહ્યભિષિઞ્ચ હ્રીઃ ।
ઓં કર્મગુહ્યાભિષિઞ્ચ અઃ ।
ઓં પ્રજ્ઞોપાયસમાયોગાભિષિઞ્ચ હું અઃ ।
એવમ્ અભિષિઞ્ચ્યાયુર્વર્ધનીં વિદ્યાં દદ્યાત્ । ઓં વજ્રાયુષિ હું અઃ ।
અસ્યઃ સાધનં ભવતિ ।
વજ્રાયુર્ ભગવાઞ્ ચન્દ્રમણ્ડલારૂઢશ્ ચન્દ્રાભઃ સર્વાભરણમણ્ડિતઃ । અભયહસ્તો વરદશ્ ચ । અમૃતં ક્ષરન્તં । તસ્યાધસ્તાત્ સાધકં પ્રસારિતાંજલિહસ્તં ઊર્ધ્વમુખં ભગવન્તં નિરીક્ષયન્તં લિખેત્ । પઞ્ચોપચારેણ પૂજાં કૃત્વા તસ્યાગ્રતઃ શતસહસ્રં જપેત્ ।
તતઃ પૂર્ણમાસ્યાં મહતીં પૂજાં કૃત્વા કપિલાગોઘૃતં નવે ભાણ્ડે સ્થાપ્ય વામવજ્રેણાક્રમ્ય ભગવન્તં પ્રધ્યાયન્ સકલાં રાત્રીં જપેત્ । તતો ગન્ધં વિનસ્યતિ । અપૂર્વં વા ગન્ધમ્ ઉદ્વહતિ । ઊષ્મા ધૂમઃ શિખા વા નિશ્ચરતિ । રશ્મ્યુલ્કા પ્રમુઞ્ચતિ । એવમ્ આદિભિર્ નિમિત્તૈસ્ તદ્ ઘૃતં નવનીતં તૈલં વા । ઉદકં દધિ ક્ષીરં મદ્યં રુધિરં વસામ્ અસ્થિકાં વા । માંસં વાન્યતમં વા સંપ્રસાધ્ય પ્રત્યૂષે રક્ષાદિકં ચ કૃત્વા । આત્માનંશ્ ચ સંશોધ્ય પિબેદ્ ભક્ષયેત્ । યથા નિમિત્તેન યાવદા ચન્દ્રાર્કાયુર્ ભવતિ । વજ્રસત્ત્વશ્ ચેતિ । અધમેનાધમા સિદ્ધિર્ ભવેત્ । નાત્ર સંશયઃ । નિર્મિત્તેન ભવેલ્ લોકે નિર્વ્યાધિર્ મેધાન્વિતઃ । વલિપલિતસુખાત્મા દૃઢકાયઃ શતાયુઃ । અન્યાન્ય્ અપિ કર્માણિ શાન્તિપુષ્ટિવશાદિકં કરોત્ય્ અવિચારેણ જાપમાત્રાત્ । ન સંશયઃ ।
અથ ચત્વારો મહારાજાનો ભગવન્તં વજ્રપાણિં પ્રણિપત્યૈવમ્ આહુઃ । વયમ્ અપિ ભગવન્ સર્વસત્ત્વાનામ્ અર્થાય હિતાય સુખાય સ્વકસ્વકાનિ હૃદયાનિ ભાષયામઃ । આજ્ઞાપયતુ ભગવાન્ આજ્ઞાપયતુ વજ્રધૃક્ । સાધુ સાધુ મહારાજાનો દેશયધ્વમ્ અહમ્ અનુમોદે । અધિતિષ્ઠામિ સ્વસમયમ્ ।

અથ વૈશ્રવણો મહાયક્ષરાજા ભગવદનુજ્ઞાતો ઽનુમોદિતો ઽધિષ્ઠિતસ્ સ્વહૃદયં સ્વહૃદયાદ્ નિશ્ચચાર । ઓં વૈઃ । અથ ધૃતરાષ્ટ્રસ્ તથૈવ સ્વહૃદયમ્ અભાષત । ઓં ધૃઃ । અથ વિરૂઢકઃ કુમ્ભાણ્ડમહારાજા સ્વહૃદયમ્ અભાષત । ઓં વિઃ । અથ વિરૂપાક્ષો નાગમહારાજા તથૈવ સ્વહૃદયમ્ અભાષત । ઓં ક્ષઃ ।
અથ તેષાં મણ્ડલં ભવતિ ।
ચતુરસ્રં ચતુર્દ્વારં પઞ્ચમણ્ડલમણ્ડિતમ્ ॥
તસ્ય મધ્યે લિખેદ્ નાથં વજ્રપાણિં સગર્વિતમ્ ॥
તસ્ય વામે પાર્શ્વે તુ લિખેદ્ વૈશ્રવણં શુભમ્ ॥
ગદાનકુલિકાહસ્તં રત્નાભરણમણ્ડિતમ્ ॥
સ્થૂલં સિંહાસનારૂઢં હેમવર્ણં મહાદ્યુતિમ્ ॥
ભદ્રકુમ્ભાદિરત્નૌઘવર્ષયન્તં લિખેદ્ બુધઃ ॥
પુરતો ધૃતરાષ્ટ્રં તુ વીણાવાદનતત્પરમ્ ॥
લલિતં શ્યામવર્ણં તુ સર્વાભરણભૂષિતમ્ ॥
દક્ષિણેન લિખેદ્ વીરં ખડ્ગહસ્તં વિરૂઢકમ્ ॥
પશ્ચિમેન વિરૂપાક્ષં વજ્રપાશધરં પરં ॥
ફણૈઃ સપ્તભિઃ સંપૂર્ણં લોહિતાક્ષિભિર્ નિર્ગતમ્ ॥
દ્વારદેશેષુ સર્વેષુ દ્વારપાલાસ્ તથૈવ ચ ॥
તતઃ પ્રવિશેત્ સ્વયં મન્ત્રી મુદ્રયા ચક્રસંજ્ઞયા ॥
આકર્ષયેદ્ ભગવન્તં તતો રાજ્ઞઃ સમાહરેત્ ॥
આકૃષ્ય પૂજયેદ્ વિદ્વાન્ અર્ઘપાત્રૈર્ યથાવિધિ ॥
તતઃ પ્રવેશયેચ્ છિષ્યાન્ પુષ્પમાલાવિભૂષિતાન્ ॥
રાજાનં ક્ષત્રિયં વાપિ બ્રાહ્મણાદિકમ્ એવ વા ॥
મન્ત્રેણાનેન મન્ત્રજ્ઞો મુદ્રયા વજ્રધારયા ॥
ઓં વજ્રસમયે હું ।
તતઃ પુષ્પં રત્નં વા ક્ષેપયેદ્ અનેન ચ ।
ઓં વઃ પ્રતીચ્છધ્વં મહોત્તમાઃ ।
પતતિ યસ્ય રાજસ્ય સો ઽસ્ય સિધ્યતિ નાન્યથા ॥
તતો ઽભિષિઞ્ચેત્ કલશૈશ્ ચતુર્ભિઃ કોણસંસ્થિતૈઃ ॥
પઞ્ચમં વજ્રપાણેસ્ તુ મુદ્રયૈવાભિષિઞ્ચયેત્ ॥
એવમ્ આદિક્રમેણૈવ મણ્ડલાખ્યાભિષિઞ્ચનાત્ ॥
અથ રાજાભવતે રાજા રાજા ભવતે મહાન્ ॥
જમ્બુદ્વીપપતિશ્ શ્રીમાઞ્ ચતુર્દ્વીપપતિર્ વરઃ ॥
ચતુરભિષેકાચ્ ચ ચતુર્દ્વારપ્રવેશનાત્ ॥
તસ્યાહં વજ્રધરો રાજા પાલયામિ સ્વપુત્રવત્ ॥
વયં ચતુર્મહારાજાઃ પાલયામઃ સતતં નૃપમ્ ॥
સભૃત્યપરિજનન્ તુ સરાષ્ટ્રપુરમણ્ડલમ્ ॥
દુષ્ટાન્ તસ્ય હનિષ્યામઃ પરરાષ્ટ્રં ચ તસ્ય ચ ॥
વ્યાધિમૃત્યુભયં ચાપિ દુર્ભિક્ષમ્ ઈત્યુપદ્રવમ્ ॥
વૈશ્રવણઃ કુરુતે પુષ્ટિં ધૃતરાષ્ટ્રસ્ તુ શાન્તિકં ॥
વિરૂઢકો ઽકાલમૃત્યું હન્યાત્ સપશુબાન્ધવાન્ ॥
વિરૂપાક્ષઃ કુરુતે ક્ષેમં દુર્ભિક્ષાદિવિનાશનમ્ ॥
સંક્ષેપતો વયં તસ્ય સર્વાશાં સર્વચિન્તિતં ॥
કરોમ વજ્રપાણિસ્ તુ દ્રોહં યદિ ન નિશ્ચયાત્ ॥

અથ દશદિગ્લોકપાલા ભગવન્તં પ્રણિપત્યૈવમ્ આહુઃ ॥
વયમ્ અપિ ભગવન્ સર્વસત્ત્વહિતસુખાય ॥
સ્વકસ્વકાનિ હૃદયાનિ પ્રદદામઃ ॥
સાધુ સાધુ લોકપાલાઃ સાધુ સાધુ વદતેતિ ॥
અથેશાનો ભૂતાધિપતિર્ હૃદયં દદાતિ ।
ઓં ઇ । ઓમ્ ઈ । ઓં અઃ । ઓં યઃ । ઓં ઋઃ । ઓં વઃ । ઓં યઃ । ઓં કુઃ । ઓં આઃ । ઓં વ્રઃ ।
અથૈષાં મણ્ડલં ભવતિ ।
મણ્ડલં પૂર્વવદ્ લિખેદ્ મધ્યે નાથં તથૈવ ચ ॥
દિક્પાલાસ્ તુ સ્વદિગ્ભાગે સ્થાપયેત્ પુરતો દ્વયમ્ ॥
આદિત્યં વરાહરૂપન્ તુ દ્વારપાલાસ્ તથૈવ ચ ॥
તતશ્ ચાકૃષ્ય તાન્ સર્વાન્ પૂજયેત્ સર્વપૂજયા ॥
તતઃ પ્રવેશયેત્ શિષ્યાન્ પ્રવિશ્ય સ્વયમ્ એવ તુ ॥
અભિષિઞ્ચયેત્ કલશૈશ્ ચ દિક્પાલાદિમન્ત્રિતૈઃ ॥
તતો દદ્યાદ્ ધૃદયં સાધનાય હિતૈષણતઃ ॥
સિધ્યન્તે ઽવિચારાશ્ ચ દિક્પાલાસ્ સ્વદિક્સ્થિતાઃ ॥
અથ તે તુષ્ટા એવમ્ આહુઃ । યઃ કશ્ચિદ્ ભગવન્ રાજા ક્ષત્રિયો વા મૂર્ધ્ન્ય્ અભિષિક્તઃ । એતદ્ મણ્ડલં પ્રવિશ્યાભિષેકં ગૃહ્ણેત્ । અન્યો વા શ્રાદ્ધઃ કુલપુત્રો વા કુલદુહિતા વા । તસ્ય વયં ભગવન્ સર્વદા સર્વત્ર રક્ષાવરણગુપ્તિં સંવિધાસ્યામઃ । પરરાષ્ટ્રાણિ ચ વર્ધયિષ્યામઃ । કાલેન કાલં વર્ષિષ્યામઃ । સસ્યપુષ્પફલાનિ ચ નિષ્પાદયિષ્યામઃ ।
અથ યમો મહાધર્મરાજા ભગવન્તં પ્રણમ્યૈવમ્ આહ ।
અહં ભગવન્ તસ્ય મહારાજ્ઞ આયુર્ દદામિ । અષ્ટકાલમરણાનિ પ્રતિબાધયામિ ।
નૈરૃતો મહારાક્ષસાધિપતિર્ એવમ્ આહ । અહં ભગવન્ તસ્ય રાજ્ઞો રાજપુત્રસ્ય બ્રાહ્મણસ્ય ક્ષત્રિયસ્ય વાન્યતરેષુ વા મનુષ્યેષુ ન વ્યાધિપ્રેતપિશાચભયં ન રાક્ષસભયાદિકં નાકાલમૃત્યુભયં કરિષ્યામિ । સર્વદા રક્ષાવરણગુપ્તિં કરિષ્યામિ ।
અથ વરુણો મહારાજૈવમ્ આહ । અહં ભગવન્ તસ્ય મહારાજ્ઞઃ સર્વદા સર્વત્ર સર્વવિષયં પ્રતિપાલયિષ્યામિ । આરક્ષાં ચ કરિષ્યામિ । સસ્યાનિ ચ નિષ્પાદયિષ્યામિ । નાગદોષાનિ ચ ન પ્રયચ્છામિ । વિષાશનીઞ્ ચ નોત્સૃજામિ । સર્વાકાલમરણાનિ ચ પ્રતિબાધયામિ ।
અથ વાયવ્યાધિપતિર્ એવમ્ આહ ।
અહમ્ અપિ ભગવન્ તસ્ય મહાસત્ત્વસ્ય સર્વદા વાયુભયં નોત્સૃજામિ । નાકાલવાતં ચોત્સૃજામિ । સર્વસસ્યપુષ્પફલાનિ ચ પરિનિષ્પાદયિષ્યામિ । સર્વભયઞ્ ચ પ્રતિબાધયામિ ।
અથ કુવેરો મહાયક્ષરાજા ભગવન્તં નમસ્યૈવમ્ આહ । અહં ભગવન્ તસ્ય મહાસત્ત્વસ્યાષ્ટાશીતિભિર્ મહાયક્ષસેનાપતિભિઃ સહાગત્ય સર્વકાલોદ્યોગેન સર્વદા સર્વભયં પ્રતિબાધયામિ । સર્વધનધાન્યસમૃદ્ધિઞ્ ચ કરોમિ । સ્વજનપરિજનદેશવિષયભૃત્યબન્ધુબાન્ધવમિત્રપુત્રદુહિતૃભાર્યાદિરક્ષાં ચ કરોમિ । ગોગવ્યખરોષ્ટ્રમેષગજવાજિચ્છાગલાદિરક્ષં કરોમિ ।
અથેશાનઃ સર્વભૂતાધિપતિર્ ભગવન્તં પ્રણિપત્યૈવમ્ આહ । અહં ભગવન્ તસ્ય રાજ્ઞો રાજપુત્રસ્ય ક્ષત્રિયસ્ય બ્રાહ્મણસ્ય વા । ઇહામુત્ર પરિત્રાણં પરિગ્રહં પરિપાલનં શાન્તિં સ્વસ્ત્યયનં દણ્ડપરિહારં શસ્ત્રપરિહારં વિષદૂષણં વિષનાશનં સીમાબન્ધં ધરણીબન્ધં દિગ્બન્ધં વજ્રપ્રાકારં વજ્રકીલનં વજ્રપઞ્જરં ચ કરોમિ । સર્વકાર્યેષુ પ્રત્યુપસ્થાપયામિ । કાર્યેષ્વ્ અકાર્યેસુ નિમિત્તં ચ દર્શયામિ । સ્વપ્ને ચ સર્વં શુભં કથયામિ । સાધયતો ઽવિઘ્નેન સર્વસિદ્ધિં ચ દાસ્યામિ ।
અથાકાશચારી ખગપતિર્ ભગવન્તં પ્રણિપત્યૈવમ્ આહ । અહં ભગવન્ સર્વદા સર્વં ચ પથિગતસ્ય રાજ્ઞો રાજપુત્રસ્ય રાજામાત્યસ્ય બ્રાહ્મણસ્ય ક્ષત્રિયસ્ય વા સ્વયમ્ આગત્ય સર્વપરિવારેણ રક્ષાવરણગુપ્તિં સંવિધાસ્યામિ । સર્વાવરણં પ્રતિવારયામિ । સર્વવ્યાધિમ્ અપનયામિ । સર્વદા ચાનુબદ્ધો ભવતિ । અથ પાતાલાધિપતિર્ મહાવરાહો ભગવન્તં નમસ્યૈવમ્ આહ । અહં ભગવન્તસ્ય નરાધિપતેશ્ ચ નૃપસુતસ્ય વા દ્વિજાતેર્ દ્વિજસુતસ્ય વા ક્ષત્રિયવૈશ્યશૂદ્રસ્ય વાન્યતરસ્ય શ્રાદ્ધસ્ય કુલપુત્રસ્ય કુલદુહિતુર્ વા સર્વદા સર્વાર્થં નિષ્પાદયિષ્યામિ । સર્વભયેષુ ચ રક્ષાં કરિષ્યામિ । અનેનાપિ પરિત્રાયિષ્યામિ ।
અથાષ્ટૌ મહાગ્રહાઃ સનક્ષત્રપરિવારા એવમ્ આહુહ્ । વયં ભગવન્ સપરિવારાઃ સ્વકસ્વકાનિ હૃદયાનિ દદામઃ । તદ્ ભગવાન્ અધિતિષ્ઠતુ । સાધુ સાધ્વ્ અધિતિષ્ઠંતુ મયા ભાષધ્વં મહાગ્રહાઃ । અથાદિત્યાદયો મહાગ્રહા ભગવન્તં નમસ્યાભાષન્ત ।
ઓમ્ આઃ । ઓં સોઃ । ઓં અઃ । ઓં બુઃ ।
ઓં બ્ર્ઃ । ઓં શુઃ । ઓં સાઃ । ઓં રાઃ ।
અથૈષાં મણ્ડલં ભવતિ ।
મધ્યે ભગવન્તં વજ્રપાણિં ત્રૈલોકવિજયરૂપં સંલિખ્ય ।
સમન્તાચ્ ચત્વારો મહાસમુદ્રાન્ લિખેત્ ॥
શુક્રન્તુ તસ્ય પુરતઃ સોમં પૃષ્ઠતો લિખેત્ ॥
દક્ષિણે બૃહસ્પતિં લિખેદ્ વામતશ્ ચ બુધં લિખેત્ ॥
અગ્નિસ્થાને તુ ચાંગારમ્ આદિત્યં વાયવ્યાં દિશિ ॥
શનિશ્ચરં તુ ઐશાન્યાં રાહું રાક્ષસસન્નિધૌ ॥
નક્ષત્રં સર્વત્ર લેખ્યં સમન્તાદ્ બાહ્યમણ્ડલે ॥
દ્વારે દ્વારે તથા દ્વારીં લિખેચ્ ચ ક્રોધમાનસમ્ ॥
વજ્રધાર્યા પ્રવિશ્ય સર્વાન્ આવાહયેત્ ॥
વજ્રાંકુશાદિભિર્ ઇતિ તતશ્ શિષ્યાન્ પ્રવેશયેત્ ॥
ઓં વજ્ર હન હું ફટ્ ।