સર્વદુર્ગતિપરિશોધનતન્ત્ર · ભાગ 4142

દેવતાશ્ ચ મહાતુષ્ટીં પ્રલભન્તિ ક્ષણેન ચ ॥
ઈત્યુપદ્રવદોષાદિ દૂરં ગુરુતરં ભૃશમ્ ॥
નશ્યન્તિ તત્ર દેશે ઽસ્મિન્ વ્યાધિજ્વરગ્રહાદિકમ્ ॥
પરચક્રા વિનશ્યન્તિ દુર્ભિક્ષાશ્ ચ સરૌરવાઃ ॥
દેવા નાગા મહોત્સાહાઃ પાલયન્તી સુખેન તુ ॥
ચતુરશ્ ચ મહારાજાઃ પાલયન્તિ મહર્દ્ધિકાઃ ॥
લોકપાલાઃ સનક્ષત્રા યક્ષાશ્ ચાપિ ગ્રહાદિકાઃ ॥
અથ શક્રબ્રહ્માદયો દેવાઃ પ્રણિપત્ય મુહુઃ ॥
પૂજાં નાનાવિધાં કૃત્વા રત્નછત્રાદિભિર્ વરામ્ ॥
વજ્રપાણિં જિનાધૃષ્ટં સંસ્તુવુર્ મુદિતાશ્રયાઃ ॥
સર્વબુદ્ધાદિસંબુદ્ધં સર્વાજ્ઞાનમલાપહમ્ ॥
વજ્રવજ્રધરો રાજા વજ્રવજ્રસવજ્રધૃક્ ॥
વજ્રકાયો મહાકાયો વજ્રપાણિર્ નમો નમઃ ॥
વજ્રવજ્રાગ્રવજ્રાગ્રો વજ્રજ્વાલો મહાજ્વલઃ ॥
વજ્રાવેશો મહાવેશો વજ્રાયુધો મહાયુધઃ ॥
વજ્રપાણિર્ મહાપાણિર્ વજ્રવાણઃ સુવેધકઃ ॥
વજ્રતીક્ષ્ણો મહાતીક્ષ્ણો મહામહાન્ મહોદધિઃ ॥
વજ્રપદ્મો મહાબોધો બૌધિબુદ્ધઃ સ્વયં ભુવઃ ॥
વજ્રોદારો મહોદારો વજ્રમાયાવિશોધકઃ ॥
વજ્રહેતુર્ મહાયક્ષો વજ્રપદ્મવિશોધકઃ ॥
વજ્રક્રોધો મહાચણ્ડો વજ્રારિદુષ્ટહા વિભુઃ ॥
વજ્રભીમો મહારક્ષો વજ્રાંકુશશ્ ચામોઘકૃત્ ॥
વજ્રવેતાલો વેતાલો વજ્રરાક્ષસભક્ષકઃ ॥
વજ્રયક્ષો મહાયક્ષો વજ્રગ્રહો ગ્રહોત્તમઃ ॥
ભીષણો રૌદ્રો રુદ્રો ભૈરવભીકરઃ ॥
અસાધ્યઃ સાધકઃ સાધુઃ વજ્રસાધુપ્રહર્ષકઃ ॥
વજ્રપ્રીતિર્ મહાપ્રીતિર્ વજ્રાયુધવશં કરઃ ॥
વજ્રતેજો મહાતેજો જ્વાલાપ્રભયમાન્તકૃત્ ॥
વજ્રઘોરો મહાઘોરો ઘનપ્રભો મહાઘનઃ ॥
આકાશસમસર્વાશઃ સર્વાશાપરિપૂરકઃ ॥
વજ્રાભિષેકતત્ત્વાગ્રો વજ્રધ્વજો ગુણોદધિઃ ॥
વજ્રજ્ઞાનં મહાજ્ઞાનં વિદ્યાકોટિગણાર્ચિતઃ ॥
હાલાહલમહાકાલઃ કોલાહલવિલાસકઃ ॥
વજ્રકામો મહાકામઃ કષાયકરિનાશકઃ ॥
વેલાચપલદોલાગ્રો વિદ્યુજ્જિહ્વાસ્ફુરદ્મુખઃ ॥
વજ્રાનલો પ્રચણ્ડાસ્યશ્ ચન્દપ્રદ્યોતદ્યોતકઃ ॥
સહસ્રસૂર્યપ્રભાસ્યો લોહિતાક્ષો ભયાનકઃ ॥
ક્રોધાનેકસ્ફરદ્રશ્મિર્ ભુજાનેકશતાયુધઃ ॥
મુખાનેકસહસ્રાંગઃ કુટિલઃ કુટિલાંગકઃ ॥
અનંગશ્ ચિત્તધર્માત્મા વિકલ્પાશેષવર્જિતઃ ॥

અવિદ્યાઘાતકો બ્રહ્મા રાગદ્વેષમલાન્તકઃ ॥
રાગો દ્વેષો મહામોહો ભવાભવવિશોધકઃ ॥
શાન્તો દાન્તો મહાશુદ્ધો બુદ્ધો બુદ્ધપ્રબોધકઃ ॥
બુદ્ધાત્મા બુદ્ધરૂપી ચ વજ્રસત્ત્વઃ સુવજ્રજઃ ॥
સમન્તભદ્રો મહાભદ્રઃ સર્વલક્ષણલક્ષિતઃ ॥
સર્વધાતુમયો વ્યાપી સર્વવજ્રમયઃ શુચિઃ ॥ ઇતિ ।
યેન લિખેત્ પઠેદ્ વાપિ ધારયેદ્ અર્થતઃ સદા ॥
સ્મરેત્ શૃણુયાદ્ વાપિ વજ્રપાણિસમો ભવેત્ ॥ ઇતિ ।
ઇદમ્ અવોચદ્ ભગવાન્ આત્તમનઃ । શક્રબ્રહ્માદિદેવપર્ષત્ સદેવમાનુષાસુરગન્ધર્વયક્ષસાદિભિર્ હિતસુખપ્રાપ્તયે ભગવતો ભાષિતમ્ અભ્યનન્દન્ ઇતિ ॥
આર્યસર્વદુર્ગતિપરિશોધનતેજોરાજસ્ય તથાગતસ્યાર્હતઃ સમ્યક્સંબુદ્ધસ્ય કલ્પૈકદેશઃ સમાપ્તઃ ॥