સાર્ધત્રિશતિકાલોત્તરાગમ · અધ્યાય 5

યજનં સંપ્રવક્ષ્યામિ યથાવિધ્યનુપૂર્વશઃ
બીજાઙ્કુરં પુરા શક્ત્યા પશ્ચાદાનન્તમાસનમ્ ॥

અનન્તં ચાન્તગં કુર્યાત્ ક્રમેણૈવ ષડાનન
હૃદયં કર્ણિકા પદ્મં ધર્મં જ્ઞાનાદિમેવ ચ ॥

વૈરાગ્યં ચ તથૈશ્વર્યમ્ ઈશાન્તં વહ્નિતો ન્યસેત્
શક્તિભિઃ કેસરવ્યૂહં હૃદયેન ચ કલ્પયેત્ ॥

આવાહયેત્તતો દેવં હૃદયેન તુ ષણ્મુખ
સ્થાપનં પાદ્યમર્ઘ્યં ચ તથાચમનમેવ ચ ॥

સ્નપનં પૂજનં ચૈવ હૃદયેન તુ કારયેત્
ઉક્તાનુક્તં ચ યત્કિઞ્ચિત્ તત્સર્વં હૃદયેન તુ ॥

એકાવરણમેતત્તુ સર્વકામાર્થસાધનમ્
સર્વતન્ત્રેષુ સામાન્યં સર્વજ્ઞાનેષુ ચોત્તમમ્ ॥